譚仔雲南米線 (觀塘廣場)

营业中

休息中

今日lunch去左譚仔食米線，譚仔一向都多人，都等左10幾分鐘先有得入坐，好快點左墨魚春卷米線10小辣同小食生腸，墨魚春卷得三條，好似少咗啲啲，但生腸好入味同爽口非常美味，Lunch唔想食太貴又好好味嘅嘢，呢間簡直係首選。

有種味道耐無食係會心絲絲掛念同想食，講嘅就是譚仔味道👅。是日平日經過觀塘廣場，午餐時間於是去醫醫肚，食我鍾意食嘅米線🍜。🌶️魚腐米線+重慶酸辣湯底（3小辣）重慶酸辣湯底看似非常辣嘅賣相即時令味蕾躍動起來，辣度係有但酸味被蓋過，整體湯底酸辣唔夠均勻。配料如芽菜同腐皮就好好味。米線偏硬。🌶️凍檸茶少甜少冰有一定辣度嘅湯底配返杯凍飲，實在好過癮同爽！本身鍾意食辣，但食辣程度唔算勁，不過係可以訓練出嚟。

譚仔新出火鍋米線一定要試下，佢哋嘅火鍋底料真係唔差，有好多款選擇，啲湯底又鮮又香。你可以揀辣底、麻辣底，甚至清湯底，啲口味應有盡有。米線方面，佢哋嘅米線幾彈牙，有咬口，細細嘅米線吸收咗啲湯底嘅味道，帶出嚟嘅味道濃郁。叫咗雞件，有意外驚喜，好食！重點係每人$5X嘅價錢，有小食有嘢飲仲打埋邊奴，真係超值，想過下口癮又唔可太貴可以試吓，食完好飽。總括嚟講，呢度嘅火鍋米線真係唔錯，湯底濃、米線彈牙、配料多樣化，重點係好平。

咁多間米線舖，最好食都係譚仔👍譚仔米線比較幼身，口感爽滑，湯底清甜😋我初初食就試咗10小辣，不過差啲，下次可以試下食5小辣🫢一碗米線搭配凍飲，再配一個小食，大滿足😋

大約十一點半入嚟餐廳，唔係好多人，可能未到其他人嘅放飯時間。裝修設計幾特別，有啲六角形點綴。餐廳周圍環境幾好，乾淨企理幾舒服。餐枱座位唔迫，幾闊落。午餐叫咗雞肉腩肉麻辣5小，湯夠熱，味道不過不失，冷檸茶用左紙吸管，唔記得叫小冰，飲幾啖就冇咗。11:40落單，大概11:55上餐，對香港大部份打工仔嘅一個鐘午餐時間嚟講，唔計等位時間，時間啱啱好。十分鐘行過嚟，點完餐等十五分鐘，食二十分鐘，再十分鐘行返去，仲有五分鐘可以走馬看花。

同事話lunch想食米線，見譚仔近期出左好多新款式就去左呢度食（冇三哥兩個字果間🙈）如果兩個人叫兩碗單餸米線都要over$30, 咁我地就選擇左過橋米線$57，貪佢夠大碗配料又多，想食咩配料都有齊晒，兩個人share都唔洗$30🤣不過叫左款小食-四川青椒皮蛋咁就over左米線湯底揀左泡椒酸菜魚湯大辣🌶️🌶️🌶️，飲落酸味好重，酸味蓋過辣味，食落完全唔辣，下次都係唔試新湯底🤣叫返麻辣算。總括：唔知係咪通漲關係，米線份量少左😅皮蛋嘅辣味仲勁過碗米線🤭

忙著工作難得抽空可以一起吃個飯當然要好好珍惜呀但想不到退步了🫠🫠🫠1️⃣過小橋米線(重慶酸辣)價格與份量不成對比建議還是加多五六塊吃個正常版吧2️⃣玉桂焦糖多士麵包烘脆可惜味道依舊是我不愛的3️⃣白灼生菜救星的存在點蠔油重手的時候也覺得伏了🤣4️⃣麻辣豬耳本餐最佳紅油滿滿裹著豬耳朵愛了5️⃣蒜椒雞腳筋很有咬口裏面還有木耳陪襯可惜味道有點蒜重缺辣

返工嘅時候放lunch一定要打電話落去叫定譚仔嘅腩肉麻辣米線🥰🥰🥰佢嘅湯底超級濃郁，有好香嘅奶味💜💜💜一個星期可以食三餐譚仔，不停encore再encore👍🏻👍🏻👍🏻

起痰聽得多🤭，咁起“譚”呢？就是因為美味素食而想“起”“譚”仔咁解囉🤣平日夜都要返半天，近3點先走，當然要對自己好些😎，一於來個豐盛午餐。之前甚少光顧譚仔，但它們最近推出了“So Green 素Tasty”餐單，令到我這星期內已光顧2次了。今次品嚐了植物豬肉炸醬米線和紅油新豬肉芹菜餃子。餃子先到，看着那4件浸在紅油中的餃子，已在吞着口水🤤，為了等待米線到來一起合照，只好先忍一下🙊。紅油餃子的新豬肉餡料充足，紅油亦很足夠，足以把每粒餃子在碟中“反轉再反轉”，讓餃子沾滿紅油，微微的辣🌶，十分不錯。我們常說“圖片和實物不符”，是指圖片很吸引，但實物就.......😕。今次的炸醬也是“圖片和實物不符”，但意思卻是炸醬比相片中的份量為多😆。炸醬不太鹹，即使有部分炸醬沒有倒進米線內，淨吃炸醬，粒粒口感，吃完又不會口乾，也值得試試。

譚仔雲南米線好多食物質素嘅水平其實一路都保持好平均，最鍾意食佢嘅生腸，不過唔係成日都有，因為鍾意食啲爽口嘅嘢，所以呢就試吓：川辣木耳黑柏葉麻辣得來非常之爽口。蒜泥白肉麻麻辣辣十分滋味。跟住再嗌一個重慶酸辣湯底三小辣加豆卜同埋鮮冬菇因為三小辣啱啱好，少少辣辣地開胃米線🍜米線都好軟林林新出嘅飲品草莓梳打都唔會太甜值得一試👍🏻

平時真係好少會去譚仔食野，咁岩係附近買野又肚餓就試下，發現原來譚仔嘅服務都唔錯架喎😆牛丸,魚腐泡椒酸菜魚湯,3小辣 $41湯底普普通通，冇乜酸菜魚味，不過清清地，少少酸都唔錯嘅！土匪雞翼（5隻）$33絕對係好多人嘅至愛，不過我未有上癮😆蒜泥白肉 $27呢個小食最好味！蒜味好香濃，豬肉唔會過鞋！不過食完帶番口罩回程果下真係會口臭😂墨魚春卷,魚片頭香茜皮蛋魚湯，3小辣 $43芫荽真係鋪滿成個碗，不過湯底真係一般,純粹普通清湯冇乜香茜味… 絕對得個樣…配料當中墨魚春卷係我嘅favorite 😬米線加$9有飲品

買左碗麻辣米線番去食，食到一半先發現入面有隻曱甴，仲要唔太細隻，好嘔心......打電話落去叫佢退錢比我，佢叫我換過一碗，但咁污糟嘅環境，我唔想再食嗰度啲嘢......睇圖啦....

夜晚9點幾係觀塘肚餓會揀啲咩？通常會諗起有得堂食嘅譚仔🤪！9點半先last order 如果9點半前入座都仲有得落單，快快手手食嘢添！一入座諗好食咩就叫個姐姐幫手落單，個姐姐態度又幾好，因為我地仲想叫個外賣拎走，佢就建議我地啲餸齊哂再幫我地落單！咁我地落齊單之後，嘢飲到先，落單個姐姐幫我地上嘢飲，佢仲記得我地每人叫咩嘢飲，分埋比我地，唔會好似平時咁放係張枱就算！當D麵到齊哂之後，個姐姐走嚟幫我地落埋外賣嘅單，超細心！值得讚！去到譚仔點少得叫蒜泥白肉🤪🤪！呢間D蒜泥白肉幾好味! 好嘢味!另外，叫咗碗酸辣雞肉＋凍嘅青檸綠豆薏米水兩碗過橋米線 （1碗蕃茄湯，1碗清湯)Ｄ麵同餸嘅份量都好夠！正常發揮！但今次個姐姐Ｄ服務態度又真係估唔到！讚！

今日夜晚去咗食譚仔 叫左個酸辣 酸菜雞肉加可樂 同埋一碟皮蛋同蒜泥白肉 上菜速度算幾快 亦都唔使排隊個湯底味道就ok嘅 少少酸 可以接受 但係個酸菜就成一大塊未切咁掉入去 咬落味道有啲奇怪 😓雞肉就同三哥質素一樣 不過不失 林林地咁個皮蛋就正常 不過蒜泥白肉麻麻地 唔太好食 整體來講 我覺得以呢個分店以呢個價錢黎講算可以接受嘅 但唔係好味道😂

譚仔最近新出左芫茜口味嘅米線，可惜只有部分分店係有早餐先可以嘗試到芫茜煎蛋🥺🥺但由於我係觀塘返工，所以聽到一出呢個新米線就決定lunch係觀塘去試下！🍡香茜皮蛋魚湯米線配脆肉鯇湯底好清甜好有魚味，皮蛋口感好似啫喱咁！脆肉鯇就唔使講啦，無骨加埋本身脆脆嘅口感簡直一流！芫茜我都係第一次食咁多😂😂加咗$3要個芫茜山後，真係一路食就一路feel到好強勁嘅芫茜味，充斥着我嘅口腔同鼻😂😂真係好鬼正😌