譚仔雲南米線 (頌安商場)

营业中

休息中

個個都講米線，我就講下個早餐啦～朝頭早除咗有米線食，都仲有西式早餐。無論係三文治餐定茶記ABC餐都有，最令我覺得正就係佢個米通粉嘞！價錢夠街坊真係值得一試！杯熱鴛鴦都唔錯架！！咪走寶！(不過今次就叫咗杯凍飲)新裝修後會見到牆壁多咗好多圖畫以及......譚仔最出名嘅譚仔阿姐話，真係同土匪雞翼有得 fright！確係一大特色！

唔知係咪好多人同我一樣，好鐘意食譚仔，要係呢間黃色招牌嘅譚仔雲南米線，每星期都要食一次。最近下載左佢哋個app 真係超級方便好用，介面設計直接易用，可以自己落單唔駛等姐姐。豬膶墨丸番茄3小辣鐘意食譚仔原因之一就係豬膶，佢哋煮到岩岩好，唔會全熟咁上碗，熱湯會慢慢將豬膶再整到熟，咁客人食既時間就岩哂。土匪雞翼雞翼肉汁仲保留到，好味到5隻都唔太夠四川青椒皮蛋呢個小食最正係加埋芫荽一齊食。譚仔有咁多分店，總有一間係附近真係方便！

今天收工時間有點晚，決定去譚仔買晚餐回家吃，之前已經看見譚仔出了新口味-豬軟骨寬麵，另外再點些小食回家。我選擇的是花椒重慶湯底（中辣），豬軟骨一共有三件，我個人比較喜歡豬軟骨咬落有口感，但這個豬軟骨已經快要化開了，豬軟骨沒有什麼味道。寬麵口感不錯，新的這個重慶湯底愛辣的人一定很喜歡，這個湯底我覺得不錯，不過還是酸辣湯在我心目中是第一名，這個湯底像傳統重慶口味比較多紅油在表面。另外點了土匪雞翼，譚仔的土匪雞翼一定很好吃，不用多說。另外還點了雞腳筋，爽口入味，下次會再點這個小食還叫了新出的荔枝青檸梳打，不太有荔枝味青檸味亦比較淡裏面有一些粉紅色珠珠挺有咬口。

星期日lunch係指定外賣，個個都叮想出街食，又唔想自己煮，今日就買左總有一間係左近嘅譚仔～啊媽想食清啲，叫左碗香茜皮蛋脆魚鯇比佢，佢話估唔到咁正，個湯都飲左一大半。老豆就揀左兩餸，分別係墨丸同埋滷水豬大腸10小辣，佢話個大腸好正，但墨丸就一般般，我自己就叫左個新promo嘅蕃茄湯滷水牛肚蜂巢豆腐米線10小辣，Ok喎又不過蜂巢豆腐得兩粒，好似有啲少另外叫左四個小食，分別係手拍青瓜，皮蛋同豬豬耳同埋三隻土匪，滿足滿足～

尖椒皮蛋發覺每間譚仔既擺法都有d唔同😂😂 呢間係蛋黃向上👌🏻 今次皮蛋蛋黃比較大，個人喜歡蛋黃細d，食落口感會好d同無咁滯🤭-冰檸茶(少冰少甜）少冰都好多冰🤨 要自己再夾走d冰🧊-過橋米線🍜 配蕃茄湯底🍅唔太肚餓時，都會選擇兩個人share一碗過橋米總，因為餸會比較多，自己想食咩就夾咩😉 自從出左蕃茄湯底之後，就少咗叫胡辣🤭 因為感覺上比較健康，食唔到辣嘅朋友多個選擇🤪 -不過注意返：三哥嘅蕃茄湯底，比起普通譚仔店鋪係好食啲，望落去係紅啲同埋真係有蕃茄🤔 有時唔係好明點解大家都係一樣菜式，但整出嚟係會唔同味道。如果唔同嘅點解唔改過個名🤔

母親節限定菜式原本店員說是當天限定然後改了至到16日16日店員說再延長多一星期😂還好延遲了 我可以一試蟲草花雞卷米線用花雕酒和蟲草花雞湯做湯底 不辣 不油膩 淡淡藥膳香味雞肉卷吃起來啖啖肉 挺滑溜還有蟲草花、雲耳、溏心蛋等但回家看到溏心蛋只有蛋白 溏心呢…

真係好奇怪， 每隔幾日總係會突然浮起癮譚仔癮好彩而家開到周圍都係 總有一間係左近， 最鍾意食佢個竹笙， 雞肉酸辣，酸酸辣辣好開胃 仲有個小食麻辣牛栢葉，本身出面都好少有黑牛栢葉……… 多數係漂過既白牛栢葉 ， 所以呢度有買柏葉 真係好開心果種又麻又香既汁撈埋落柏葉度 好索汁 成件事好惹味， 好開胃，好夾

馬鞍山食米線其實都無咩選擇，最後都係決定食譚仔雲南米線。-🍴豬肉酸辣米線(走韭菜)(少米線)($34) - 由於也米😍唔食韭菜，所以走咗。酸辣湯底，酸酸辣辣，令人上癮🤤。豬肉份量都唔少，配埋湯底一流！-🍴土匪雞翼(3隻)($24) - 雖然有啲貴💰，但係真係幾好食😋，香料孜然粉好香，加上烤到外脆內軟，入邊充滿肉汁。-🍴凍葡萄特飲配乳酸爆珠🍇(+$12) - 呢個係新出無耐嘅特飲，好大杯！同杯水嘅份量差唔多相差三倍😱。有一塊檸檬🍋係杯邊，幾靚！飲落好甜，唔止飲品甜，連爆珠都係甜，係甜上加甜🤭，最後忍唔住放塊檸檬落去，希望啲酸味可以平衡一吓甜味。葡萄味都幾出，不過爆珠就冇咩乳酸味。下次都係叫翻常飲好啲。

模仿譚仔呀姐們：佳肉懶肉麻辣十小，係我每次必叫既配搭。有時懶，貪一落街就有得食，食食下就上左癮！價錢ok，而且都幾好食。麵煙韌有口感 ，雞好滑 ，腩肉肥瘦適中！個湯底又麻又辣 ，不話要飲下野先食到，食到唔停口。

今晚本來有活動但臨時取消左，咁就同朋友是但食個晚餐，朋友話想食譚仔咁就入左去食。由於放工實左太肚餓，我地一見到野食就食左差啲冇影到相，呢碟細土匪原本有三隻😂佢真係做到好入味，可能因為係細細隻，啲肉都滑啲，好中意陣孜然粉味，真係好好食🤤因為想食下小食，我地兩個人淨係叫左一碗米線share,又係我最愛既蕃茄湯底😂出面食個啲成日都會怕伏，但譚仔既茄湯絕對唔會！配上少少辣味非常夾又野味左👍🏼而魚腐都係一向會叫開，中意佢夠淋而且魚味濃。最後仲叫左個麻辣豬耳，唔好見佢冇咩色好似乾爭爭咁，其實係因為朋友話怕肥想走紅油，但呀姐姐又話冇得走，最後幫我地小紅油小紅油小紅油，但佢個汁都係絕對足夠架。豬耳好爽脆，小左紅油仲冇咁辣，啱曬我食☺️比大家睇睇真係小紅油小紅油小紅油架🤨（重要既野要寫三次）

今日放工經過呢間譚仔諗住醫一醫肚惡夢就開始了⋯一如往常坐低就點咗個酸辣套餐 凍檸茶之後就碌手機一直等時間一分一秒咁過去 個餐已經過咗半個鐘仲未到之後問譚仔阿姐 阿姐話幫我追一追再過15分鐘 只來了一杯凍檸茶如是者又等咗15分鐘 杯凍檸茶都飲咗一半仲未到再問阿姐 阿姐話煮緊再等一等過咗一個鐘仍然未有 開始覺得有問題再問阿姐都係話煮緊 最後打算唔食之際過咗接近一個半鐘碗野終於到咗！不過我碗酸辣變咗麻味清湯米線感覺未煮夠熟就拎出黎 比平常好硬菜係完全無煮過！成碗係生滾米線因為我杯檸茶已經係等候期間飲完 所以我食到一半想問阿姐要杯水 但一杯水竟然係要落單！最後我食完個餐 杯水都未到但眼見其他顧客好似餓鬼咁不斷追單我杯水都只好作罷渴住離開由於等到變白骨嘅關係 我食完都可以直接返工了今餐譚仔我食咗有接近兩個幾鐘 同食法國菜差唔多 所以譚仔可以改名叫譚仔法國米線

對於雞翼控的我黎講，必定會點細土匪，其他款既雞翼我唔太好，唯獨至愛土匪，貪佢夠juice 。外賣黎講都幾好，米線用另外一個隔裝住，等米線唔會太林。酸辣湯底-我覺得辣多過酸。墨丸無乜特別，竹笙口感幾好。

D牙姐圍埋傾計，完全吾想理d客，態度極差，懶懶閒吾願做，真的好垃圾，想要兩杯水，即時可以黑曬面，叫套餐無左竹笙，吾會再係到食野，垃圾員工，應該趕走吾少客！！不知所謂！

夜晚晚游完水，諗唔到食咩緊係食返個譚仔先，好彩佢仲未截單，就拿拿林叫左2個米線廢事阻人收工，譚仔阿姐都用平時比唔到既速度出餐，但質素都係無下降到，都係一樣咁好味。叫左一個清湯腩肉，蕃茄湯乍醬，唔錯唔錯米線無太冧夠彈牙，而且腩肉好瘦好足料而且唔會太咸而豬耳，好爽口，仲好夠味，而且唔算勁辣，仲臨收工比左好多豬耳我地，蕃茄湯都好濃，每條米線都吸晒蕃茄湯既味，可見無偷工減料，而凍奶茶好重奶味，好飲！！！！

今日已經開咗學，因為附近食肆嘅數量唔多，為咗避過放學既學生人潮，或者出嚟食午飯嘅中學生，所以大約12點，就去到喇！完全唔使等位。位係唔駛等，不過等食物就差唔多等左15分鐘，等緊期間，越嚟越多人，坐滿哂，好嘈，好想快啲有食物，食完快啲走😔😣叫咗一碗重慶三小辣，加酸菜，加牛丸。三小辣已經好夠辣；不過有比較多油，如果怕油，要將啲油撇走。因為我好鍾意酸，所以加酸菜食落‘酸酸未未’好醒胃；牛丸冇咩特別，同其他地方差唔多。跟住加杯凍檸茶少冰少甜，食完立即走人。呢度唔係第一次俾人話等食物等咁耐，希望佢哋可以係呢方面改善啦！