豆豆餅店

营业中

休息中

每日返工都會經過呢間麵包店其實初初都幾好味！特別係佢嘅嘅杏仁酥整整下塊酥變得越來越細，感覺有啲搵笨🤣希望佢地 可以整多啲唔同嘅款式麵包出嚟，等我哋啲上班仲可以有多啲選擇！

10個月前 見你新店 又平又衞生麵包西餅 高質好食 經常幫襯投你一票 仲寫食評支持你地新張後 開始加價 質素好 俾多少少 無問題之後出啲空氣麻糬波 唔掂唔緊要 仲有其它包點菠蘿包 蒜蓉多士 依然脆皮酥皮蛋撻新張時 酥皮應該係廚房自己做依家係交嚟鍚紙兜酥皮又濕又淋 酥唔起 仲要貴過曲奇皮做壞自己招牌好在曲奇皮應該仲係自己做皮都仲有選擇蛋糕早幾日買咗兩個蛋糕慶生壽星想食Tiramisu 三點到店 訂Tiramisu 6點取店員問廚房 師傅話做唔到失望芒果蛋糕 高分 抵讚栗子蛋糕 冇栗子香味 偏甜 只可評合格希望餅店可以改善下 招牌蛋撻 栗子蛋糕 唔再有伏製作優質包點 造福一眾支持者再係咁差落去 只可用腳投票另選優質餅店

有時lunch間中都會買麵包食下減一減肥，今次見到公司附近新開了一間麵包舖所以打算買黎試下。對於鍾意食咸包或者芝士包，呢間麵包店唔算多選擇，所以其求揀了個芝士火腿漢堡，同兩個睇落等如兩個山崎麵包麻薯波波大細的麻薯當lunch，買了一個朱古力味的，一個睇落似芝士味的。三樣野around 20蚊，咁又一餐平價lunch，芝士火腿包，無特別，普通包加現成芝士現成火腿，份量偏細。而朱古力麻薯波波，雖然外觀睇落好黑但係食落朱古力味唔濃，外皮幾硬下，但係最弊一咬落去只有一層皮，內裏完全空心，一大啖空氣，另一個看似芝士味，實質完全無芝士味，成個咸朱包咁only，同樣中間都幾多空氣，三個包主要食空氣，今餐真係減肥。

位於煥然懿居樓下嘅麵包鋪，外表看似同一般傳統麵包舖冇分別，但每次入去都會驚喜發現新款麵包。師傅非常有心 勇於創新，好值得讚！蒜蓉包 $8必買之選，番到屋企用焗爐/氣炸鍋 180 度翻熱 3 分鐘味道更加會提升！蒜蓉牛油味香濃，麵包外脆內軟，又平又正！牛角包🥐 $5今日發現師傅又有新作品，就係牛角包！雖然佢個賣相有代改進，但味道都唔錯！酥皮層都算多，加上輕輕嘅牛油香，如果用再香濃啲嘅牛油去做必會大賣🤭之前買過佢嘅冬甩，又係新品，不過上次食冇影相，下次有機會食再補返！如果師傅見到呢個食評，希望你可以繼續鑽研更多topping 嘅新款冬甩🍩 加油！

🍞紅莓芝士吐司$15買完拎上手feel到都有啲重量👀一切開見到入面既紅莓同芝士粒比例上紅莓會較多😇芝士粒係中間個part先有 頭尾冇乜 不過以哩個價錢黎講咁大舊包cp值已經好高😎重點係包體算鬆軟 唔會話好乾👍🏻👍🏻所以就算頭尾段冇乜芝士我都會照食😂👍🏻推薦指數3.5/5🍴麻糬QQ波 $6@1 $11@2哩兩粒麻糬波波都係勁大粒🤩有成個拳頭咁大見佢咁抵就即刻去左買🥳🧀芝士味一咬開發現佢入面勁多空氣😂所以唔算係超級煙韌咬落去有少少芝士味既🤏🏻不過比起平時既麻糬黎講覺得哩款比較硬身👍🏻推薦指數3/5🍫朱古力味哩個同芝士味一樣入面係勁多空氣既😂朱古力味都算出既不過哩款比起芝士個款會硬啲令我覺得唔似食緊麻糟而係包咁款😂👍🏻推薦指數2.8/5

去崇志街食街食完午飯，路經煥然壹居，被牛油香味吸引，見到蛋撻$3.5一隻又好靚仔，未試過嘅新包店，買定半打3.3都唔錯，試大掂唔掂。入到店内，仲有 $3.5 一隻細 size老婆餅同合桃酥 ，8隻有盒裝，又買8隻，買多兩隻义燒餐包($7/隻) 同加麥方包做明天兩公婆同細路嘅早餐，唔覺唔覺，買咗好多，店員態度好，收銀亦快手。到三點三，沖定咖啡嘆下先，老婆餅用平底鑊白鑊加熱三分鐘，一流，兩下就畀人清哂，所有包點都好得，性價比高，家人都讚蛋撻同老婆餅好食，連义燒餐包都畀人食咗個，唔係空氣包，質感好。第二朝食加麥方包做日本蛋治，依然鬆軟清香，配日本蛋，唔錯唔錯。街坊價錢，高質素包點，新店衛生唔錯，店員有禮，會繼續幫襯。