豐盛牛肉麵

营业中

休息中

跟同事食晚餐選擇位於土瓜灣北帝街的「豐盛牛肉麵」，小店提供湯麵、拌麵、飯類、台灣小食及飲品等，定價相宜，下午茶餐更優惠-蕃茄牛腩牛筋麵 $58+$3配熱檸檬水，水溫夠高，檸檬新鮮不帶苦澀番茄牛腩麵加入胡蘿蔔、蘿蔔及小棠菜；牛腩厚切大件，牛筋表面亮滑可愛牛腩煮得軟腍，肉質緊緻又富牛香，出色！牛筋煮得軟硬適中，口感細滑富骨膠原，欣賞！麵條選用幼身的，食落軟滑Q彈，口感極佳；配料朝蘿蔔、蘿蔔及小棠菜發揮正常；湯底帶淡淡茄香，未算濃郁而且感覺添加了非天然的番茄調味，味道尚可接受美味指數：8/10

屋企人食過覺得好食 今次帶埋我去試一試，止一止台灣癮先😆因為好夜先去所以冇乜人，坐低就即刻落單~🍴紅燒牛腩牛筋麵◽️牛筋好軟淋 夠入味，牛腩帶肥膏 唔會鞋◽️湯底對我黎講啱啱好 咸淡適中◽️麵質正常 有小小咬口唔會過淋🍴木魚炸豆腐◽️豆腐好滑，外層有小小脆皮，加埋面頭醬汁酸酸甜甜，呢個必叫‼️🍴酥脆鹽酥雞(大)◽️唔會炸到太乾身，雞肉keep到嫩滑，調味正常唔會過咸，份量都幾多◾️絕對係會回頭嘅平價台灣菜，每樣都有水準唔差，睇到啲相已經想再去食喇🤤

走到呢間小店，環境雖然唔豪華，但係啱晒平民百姓嚟開開心心搣一頓。🍜 最先點了碗翠綠色澤嘅時蔬湯麵，湯底鮮甜得嚟唔膩口，蔬菜咬落去仲爽彈啱晒口感。跟住又試咗半隻炸雞，外皮金黄脆口得嚟唔會太油膩，肉質鬆嫩又多汁，簡直係滿足晒啲鹹脆愛好者。😋 魚香茄子煲用嘅茄子又腍又滑，佢嗰種濃厚嘅家常味，真係喺街市食到少。最後推介個糖醋排骨，外皮炸得啱啱好，唔算太甜唔算太酸，箇中嘅平衡真係做得好哂。總體黎講，呢間小店嘅菜色賣相普通，但係食落去嘅每一啖都令人會心微笑，真係食貨嘅福音！🍖 就算唔係食評家，我都要大讚店家嘅厚道同埋手藝，下次仲要搵多幾個鄉親仔一齊黎大快朵頤。

忽然很想喝台式飲品。平時不太喜歡吃珍珠，剛好想吃的時候卻沒有。用外賣平台下單的，HK$60一份台式便當 + 台灣奶茶，性價比高。可是，餐廳沒有讓人加珍珠的選擇，儘管我在備註寫了要珍珠。即使要額外加錢，也可以讓客人選擇加珍珠呢。沒有珍珠的台灣奶茶，味道還算不錯。不會太甜，喝了一整杯也不內疚。外賣還保留到溫度，送到吃完冰塊還在；肉燥略嫌不夠，珍珠米口感很好；雞排很香脆，內裡滑嫩的。包裝也十分精美，加分！雖然寫上「隔餐吃不健康」，但份量多，我還是有留了部分隔餐吃呢

平常在午餐時段路經這店時都非常爆場+多人等位（學生為主），今早放飯時竟然見到店裡沒有太多客人，那當然入去試試啦。一取起桌上面的menu就知這店有相當的歷史，用電話落單，點了炸排骨肉燥麵+珍珠奶茶。我其中一個入來吃的原因就是可以飲一杯珍珠奶茶。出面賣單點都要$25，現在連一個台灣麵不用$60，很抵食啦。炸排骨即是炸豬排，很厚身，都鬆軟，但味道偏咸，因為炸完後他們會再了些調味鼓油，但真的咸了些。台灣麵份量就少了些，湯底很淡，麵的形狀的細細扁身，似上海麵多些，所以口感都是一般，味道都淡。最後的珍珠奶茶都大杯，味道可以。這餐最可惜是主角台灣麵質素較差，湯底亦沒有台灣麵的味道。其他都可以，如果你是學生，這裡的價錢更加是你的最愛。

用OpenRice外賣自取啱啱好喺預定時間準備好食物， 佢哋個紅燒牛腩牛筋麵有分湯，仲係熱辣辣好好食!另外個鹽酥雞滷肉飯都做得好好，我攞外賣嗰陣，鹽酥雞嘅香味都係咁散發出嚟，流曬口水!

繼續尋找理想的牛肉麵…牛肉湯麵類是我平常最喜愛的一類，但再找到一家好吃的都不太容易，本人是重口味的，湯不夠濃基本上都不合我心意，今次食的同樣是跟市面9成一樣的淡湯，香味牛味層次基本上都沒有，就是一碗很普通的牛肉麵😮‍💨 唯獨是比較大碗，至少吃得飽🙈 沒什麼要求就可以吃～有沒有人能夠推介好吃的牛肉湯麵類呢？ 不論日韓台泰東南亞的都可以，最緊要夠濃！牛味、香料味都可以🤤🤤🤤 希望可以吃到好吃的～～

謝謝好友ivy so 教我開OpenRice，今日是小妹正日生日，明天又是母親節，book酒店自助餐和餐廳又貴到飛起，周圍都好多人，未疫前老早就飛咗去台灣旅行，心血來潮好想食台灣菜，其實我也食過好多間台灣菜，一係就好貴，一係就份量好少，好似比小人國食，行行下見到「豐盛」兩個字走入去間小店，索性就入去食生日飯，真心好味，老公也說好味價錢合理👏🏻👍🏻叫咗個紅燒牛肉麵、鹽酥雞滷肉飯、兩杯珍珠奶茶🧋都係百幾蚊，抵玩😃

雖說是遠近馳名的牛肉麵，還要是台式牛肉麵，原來這間豐盛牛肉麵價錢相當廉宜，大概50多元，已經可以有一大碗牛肉麵加飲珍珠奶茶。牛肉麵的湯底第一口有些酸味，不過只是微酸，除此之外，肉味香濃，看一看牛肉，有幾大塊，當中的牛肉有筋有肉，大大塊半筋半肉，相當可口，帶點彈性的。不過以紅燒牛肉麵來說，因為一般都會帶點辣，但它的湯底卻沒有辣味，使用桌上的辣椒加少少在湯內，更加可口。珍珠奶茶味道也不錯，茶味雖然不算極龍，不過至少冰粒不太多，不至於令到茶味變得很淡。珍珠夠彈性，份量亦都不算太多。吃過一些車仔麵或是茶餐廳，這間豐盛牛肉麵都算是在土瓜灣區吃過比較值得再吃的食肆。

本身諗住食隔離街嘅 禦麵坊點知唔記得咗佢星期一唔開所以就食呢一間牛肉麵我就叫咗香酥排骨肉燥拌麵加咗$5轉左麻辣再加多$6叫咗一杯凍蜂蜜柚子茶佢個香酥排骨係即炸嘅都幾脆不過佢揀嗰個位就唔係太好有幾舊我食落去有半塊都係肥膏佢個拌麵有生菜韭菜芽菜同埋青瓜雖然我叫咗中辣但係其實都唔係特別辣啲面煮得啱啱好唔會過淋都唔會好硬佢啲肉燥都幾有誠意 你會見到有一啲係有皮嘅豬肉不過最困擾嘅就係啲樓面大大聲喺度鬧交😅😅😅😅😅😅😅😅😅😅😅

今日心血來潮好想食佢嘅麻辣牛🐮肉麵，專登揸車🚘去搵食，台灣腸仔真係好食！有啲台灣感覺！牛🐮肉麵嘅味道無變，但牛🐮肉唔淋，應該係炆得時間唔夠，d牛🐮根勁硬🙈，硬到咬唔開😣😣再叫左個炸雞粒，肉質好硬，應該炸干左，但皮係唔脆嘅！加上等咗差唔多半個鐘才可以攞到外賣

咁啱過海去開土瓜灣，路過這間小店，見到台灣牛肉麵，所以又試試，真係好掛住台灣，店內鋪面唔大，簡單樸素的裝修📍紅燒牛筋牛腩麵$50食牛腩麵一定要飲咗湯底先，牛骨湯底，湯底沒有用味精👍🏻面質煙銀蛋牙，紅燒牛腩炆得好林好入味，肉質又滑，牛筋爽滑好好味😋，📍紅燒牛肉乾拌麵$50以為牛肉乾會好乾身，一點都唔乾身肉質又滑彈牙📍皮蛋魚酥豆腐$27店員推介這份皮蛋魚酥豆腐，佢個醬汁跟豆腐好夾，皮蛋好味，豆腐好滑溜，肉鬆加木耳絲，口感好有驚喜👍🏻😋

放假喺屋企煲劇耍廢左全日，發現肚餓嘅時候已經到咗夜晚～於是又慣常咁打開OpenRice睇吓土記有咩好西食，發現呢間豐盛牛肉麵未食過，於是就喳喳臨換衫落去試下佢～呢間小店除咗有牛肉湯麵之外仲有其他唔同嘅台式料理，包括滷肉飯、乾拌麵，仲有好多唔同嘅台式風味小食，選擇花多眼亂！最後我都係揀咗個紅燒牛腩牛筋面，加多杯珍珠奶茶試吓先，好食嘅先下次再嚟試其他～呢碗牛腩牛筋面好大碗嘅，上面有兩三舊好大舊嘅牛腩+加兩三舊牛筋～ 首先試一試一個湯底先！第一啖飲落去覺得佢偏淡，心諗湯底嘅顏色咁濃烈，但係點解咁淡呢？之後再飲多啖就發覺個湯底係有啲菜甜味再加少少牛肉味，好好飲！飲完個咀仲會有啲漿住嘅感覺，但係絕對唔會覺得口渴，我敢寫包單一定冇落味精！你見我差唔多飲晒成碗就知！我睇返個Menu先知原來佢哋嘅湯頭係以新鮮牛大骨加入炒過嘅牛肉再加大量蔬菜慢火細熬而成，唔怪得個湯咁甜咁漿口！至於個牛腩，就相對冇個湯咁出色，食落係鬆化嘅，不過有啲瘦，所以食完會勁攝牙罅！至於個牛筋都炆得好林好入味嘅！至於個面就正正常常啦，不過就唔係好掛湯！整體來講成碗牛肉麵嘅份量真係好大碗，質素亦都唔錯嘅，個湯底就真係個人覺得做得好出色

平時喺屋企叫deliveroo其他台灣餐廳 要兩人份量起碼都要$200+ $300埋單呢間都好抵食午餐110幾蚊就有晚餐都係$130倒有埋兩杯嘢飲嘢食送到嚟包裝得好好嘢飲冇話倒瀉食物方面都係普遍台式包裝紙盒感覺環保一些而分開一格格幾好鍾意佢啲菜莆小食配飯配菜蔬菜清清淡淡幾好食兩次都叫酥炸排骨滷肉飯味道唔錯炸物嚟到都仲脆口覺得佢哋嘅食物絕對唔錯睇返食評普遍唔高分個人認為係主要因為擺盤同埋環境相對其他商業啲嘅餐廳呢度似茶餐廳格局如果換一個好啲嘅裝修同靚嘅擺盤絕對可以賣到80幾蚊一個餐但係都感謝呢啲良心食店比到大家多一個選擇價錢反映喺食物上面而唔係包裝同埋裝修我叫外賣嘅餐廳環境同埋食物擺盤就影響唔到嘅所以相對春水堂 嗌百幾蚊一份餐嗰d我覺得呢度絕對係CP值較高平靚正之選

土瓜灣台式野真係絕無僅有...有時想食下就去呢間啦！食左佢嘅午餐，見佢餐牌寫鹽酥雞肉操飯係讚所以試左。跟餐飲叫左台式咖啡。建議大家都係乖乖地飲番珍珠奶茶個啲算，咖啡真係唔好。鹽酥雞還好啦，夠味都夠脆，比較乾身，可能本人較喜歡連皮，肥美少少會好啲。但可能會適合愛瘦啲但又想食炸野嘅朋友。但呢飯就真係嘛嘛哋。我會推薦食麻辣新竹米粉個啲系列。因為啲肉燥感覺有點乾。但我見都幾多人幫襯呢間食個快餐咁。唔知其他飯友又試過邊啲會推薦一下呢。