豐盛閣

营业中

休息中

趁哥哥去咗camp，我哋和細佬仔有一個單獨相處嘅假期，我哋就帶細佬去咗馬灣挪亞方舟行吓再食吓自助餐🥰，佢未去過，好開心😁！ 第一次嚟挪亞方舟度假酒店食自助餐，豐盛閣餐廳有靚景有美食，同埋因為憑挪亞方舟當日門票有折😆！餐廳有180度全海景，一邊食可一邊欣賞青馬大橋、汀九橋景致🌉，夜晚著咗燈仲好靚添！ 酒店旁仲有海灘🏖，下次可以帶埋哥哥👦🏻一齊嚟玩埋水！ .依家就做緊「味」遊東南亞海鮮及燒烤自助晚餐，廚師推出多款東南亞特色菜式，好似口感豐富嘅泰式鹵水豬手、惹味越式肉碎炒藍青口、 正宗新加坡喇沙煮蜆、 滋潤嘅椰子雞湯😋 場內仲有多款冰鎮海鮮、熱盤、湯品、壽司刺身、沙律、甜品，大人細路都啱食，大熱天時食冰鎮海鮮最適合不過！encore 咗好多次就係冰鎮波士頓龍蝦🦞、肥美嘅三文魚刺身、惹味嘅火山金沙骨😋 .職員提我記得到餐廳外面嘅特色燒烤區，廚師會為食客即場炮製美國安格斯牛肉眼、香烤羊架、燒扇貝及沙爹串燒等美食，肉眼和羊架都燒得皮脆肉嫩，燒得剛剛好！好惹味！難怪燒烤區一直排長龍！ .最得細佬喜愛🤩就係甜品區🤣，平時少食嘅細佬仔最鍾意芒果布甸、彩虹糕，另外仲有：泰式奶茶卷及榴槤布甸，大家可以一次過

馬灣挪亞方舟嘅餐廳⛴️，主打有超無敵嘅海景，望到晒成個海灣嘅景色，仲可以近距離望到青馬大橋。嚟呢度食下午茶，享受靚景、傾吓偈，真係好chill🥰！下午茶主題會不時更換，我哋今次係花語逸誌海景下午茶($468/二人用)👅。.🌸鹽漬櫻花迷你刺身丼刺身份量好多，食到唔同種類嘅魚生🎏，而且口感較鮮嫩。用滴管裝嘅豉油好可愛💕。.🦞芥末龍蝦玉子燒玉子燒超級鬆軟，甜甜香香😋。配埋紮實嘅龍蝦肉口感，好滿足。.🥪香煎帶子多士配洛神花果醬帶子口感好正，煎得好香。洛神花果醬嘅酸酸甜甜😝，更加帶出帶子嘅鮮味。.🦀胡麻醬蟹肉三文治蟹肉份量幾多，食落去一絲絲嘅口感好明顯🫦。.🌹紅菜頭三文魚玫瑰煙三文魚嘅鹹香味，加埋紅菜頭嘅染色🎨，拼成賣相好fancy嘅玫瑰形狀。.🫐藍莓薰衣草蜂蜜奶凍奶香味濃郁🥛，同藍莓薰衣草嘅甜香果味好夾。.🍓士多啤梨玫瑰慕絲配白酒啫喱白酒啫喱好滑，有淡淡酒香味🍾。配埋濃郁奶香嘅士多啤梨慕絲，好好食。.🍋紫羅蘭檸檬杯子蛋糕味道酸爽清新，中和咗牛油蛋糕嘅濃郁感覺🧁。.🧀櫻花意大利軟芝士凍餅櫻花糖漿嘅獨有甜香味好特別🤩，芝士凍餅嘅香口濃郁好正。.🥞蔓越莓鬆餅，配自家製雜莓果醬，凝脂奶油經典濃郁嘅英式鬆

一到假日最啱就係同摯愛一齊渡過悠閒又舒適既下午今個假日我就同家人黎到好有渡假feel既挪亞方舟度假酒店享受「夏逸菓韻海景下午茶」🏝$468兩位👥 🍰邊享用美食邊欣賞180度全海景，加埋青馬大橋、汀九橋、綿綿沙灘，心情完全放鬆曬😌成個tea set有齊十款富有熱帶風味既精緻茶點，醒胃清新最岩悶熱既夏天，有咸有甜🍰有泰式青木瓜柚子沙律、泰式蟹肉蛋批、泰式炸蝦餅配酸梅醬、泰式燒牛肉包、冬蔭醬帶子酥盒、焦糖香蕉拖肥金寶、泰式奶茶捲、荔枝芒果布甸、菠蘿椰子青檸條、蜜柑石榴白朱古力餅，泰式美點非常開胃美味，另外仲可加$30就可升級至餐酒或特飲，我地就升級咗去花生脆脆、青瓜泡泡兩杯鮮果特飲，飲落幾fresh幾解渴好chill！tea set入面我最鍾意就係泰式蟹肉蛋批同荔枝芒果布甸，同埋「冬蔭醬帶子酥盒」！泰式蟹肉蛋批既外層香脆，入面係新鮮香辣既蝦肉😍荔枝芒果布甸上面有香甜荔枝芒果肉，下面係香滑既布甸🤤而「冬蔭醬帶子酥盒」微辣帶子藏喺酥皮裡，好有驚喜😋享用完下午茶之後就係酒店門口側既沙灘漫步，望住沙灘既棕櫚樹，覺得自己好似去左旅行咁chill🥰

呢排聽朋友講豐盛閣嘅Set Dinner好出名，啱啱好週末想同朋友慶祝，咁就去試吓啦！😋🍤 海鮮拼盤海鮮嘅賣相好靚，蝦同青口都夠新鮮，唔使點太多調味料已經好有鮮味。生蠔都幾肥美，入口即溶，完全無腥味，值得一讚！🦪🍲 牛肝菌蟹肉忌廉湯呢個湯真係飲落去好creamy，牛肝菌同蟹肉嘅味道融合得好好，唔會搶味，又唔會過重，啱啱好balance。🥣蟹肉份量亦都唔少，飲落口感豐富。🍗 慢煮雞胸配松露忌廉雞胸真係嫩滑到不得了，唔會乾柴，食落去仲有陣陣雞味！🍴配埋松露忌廉，香味十足，完全提升咗成個菜式嘅層次，好正！🍄🥩 香煎美國肉眼配雜菌醬(五成熟)五成熟嘅肉眼真係煎得岩岩好，外面香脆，入面juicy多汁，牛味濃郁！🍖雜菌醬帶少少清香，同牛扒嘅油香味互相平衡，食落唔會膩。真係牛扒控嘅首選！🤤🍰 紅桑子朱古力慕絲蛋糕呢個甜品真係冇得輸，朱古力慕絲入口即溶，綿密香滑。🍫配埋少少紅桑子嘅酸味，完全唔會覺得太甜，啱啱好平衡，甜品控一定會鍾意！🍇🍦 Movenpick Ice-cream(朱古力)最後當然唔少得雪糕啦！Movenpick出品，朱古力味道香濃，唔會過甜，質感順滑，係一個完美嘅end note。🍨

#挪亞方舟度假酒店的設計行低調奢華✨餐廳落地玻璃 180度全海景 能一次望到青馬大橋、汀九橋海景🥹真係非常寫意啊 打卡度一百分哦📸📸一邊享受無盡嘅海景 一邊𝐀𝐟𝐭𝐞𝐫𝐧𝐨𝐨𝐧 𝐓𝐞𝐚～ CHILL 〰️𝐀𝐟𝐭𝐞𝐫𝐧𝐨𝐨𝐧 𝐓𝐞𝐚 🫖$468份量都多ahh 成十款鹹點及甜點～鹹點有泰式青木瓜柚子沙律、泰式炸蝦餅配酸梅醬、泰式燒牛肉包及冬陰醬帶子酥盒 👅當中我比較喜歡脆卜卜泰式炸蝦餅配酸梅醬、超鬆軟美味的泰式燒牛肉包 鹹點整體質素有驚喜 🤩甜點則有焦糖香蕉拖肥金寶、泰式奶茶卷、荔枝芒果布甸、菠蘿椰子青檸條及蜜柑石榴白朱古力餅🍪好多款式賣相極精緻的甜點 好適合打卡ahhhh🤤 蜜柑石榴白朱古力餅造型可愛、荔枝芒果布甸不會過甜口感清新 🍃下午茶已包括標準飲品如奶茶、檸茶及咖啡等☕客人惠顧時可加HK$30升級至餐酒或特飲一杯 🍷🫖 「夏逸菓韻海景下午茶」🥄🍾 即日至2024年9月30日🚂 挪亞方舟度假酒店豐盛閣餐廳💵 港幣：$468 /兩位💌 查詢及電話預訂：3411 8836或WhatsApp 9664 1021💡挪亞方舟門票持有人及馬灣住客仲可享75折優惠㖭#馬灣#挪亞方舟度假酒店#挪亞方舟

豐盛閣，創意與美味的盛宴🍗 水牛城炸雞鎚配藍芝士汁這道水牛城炸雞鎚真係掂，外皮炸得香脆，內裡仍保持嫩滑多汁。淋上藍芝士汁後，帶有濃郁的芝士香氣，為整體味道增添層次感。藍芝士嘅鹹香同雞肉嘅鮮味完美結合，令人一試難忘。🍄 松露醬牛肝菌蟹肉酥盒松露醬牛肝菌蟹肉酥盒係一道高級嘅小食。酥皮鬆脆而不油膩，內餡充滿蟹肉鮮味，牛肝菌嘅獨特香氣亦非常突出。松露醬嘅加入提升咗整體層次，每一口都係奢華嘅享受。🍝 燒什菌帶子椒麻拌麵燒什菌帶子椒麻拌麵以多種菌菇搭配，新鮮多汁嘅帶子加上微辣嘅椒麻醬汁，讓人食指大動。麵條彈牙，吸夠咗醬汁嘅精華，口感豐富。這道菜既有辣勁，又不失鮮甜，令人胃口大開。🦞 扒芝士龍蝦肉三文治這款扒芝士龍蝦肉三文治係海鮮愛好者嘅福音。龍蝦肉鮮甜多汁，配上溶化嘅芝士，味道濃郁又不失細膩。麵包烘得香脆，夾住豐富嘅內餡，每一口都係享受。🍅 迷你水牛芝士車厘茄迷你水牛芝士車厘茄係一道清新嘅前菜。水牛芝士嫩滑，車厘茄甜中帶酸，兩者相得益彰。這道菜色彩繽紛，味道清爽，係一個非常好嘅開胃選擇。🍓 意大利芝士紅莓閃電泡芙意大利芝士紅莓閃電泡芙外皮酥脆，內餡係甜美嘅紅莓醬同香濃嘅芝士忌廉。紅莓嘅酸甜同芝士嘅

炎炎夏日去邊呢？來一趟小島渡假美食之旅就最好不過，上星期我哋一家人入左馬灣，先去沙灘玩水，晚餐就去左隔鄰挪亞方舟度假酒店豐盛閣食Dinner Buffet, 過了充實又開心的一天。豐盛閣餐廳面向青馬大橋和汀九橋，無遮擋無敵大海景，可以盡覽黃昏的醉人美景，視覺和味覺雙重享受。今期自助晚餐以東南亞海鮮及燒烤自助為主題，採用各種地道香料，例如：香茅、喇沙、金不換、魚露、咖喱醬、青檸和辣椒等，炮製多款酸甜、香辣的東南亞菜式，充滿夏日感覺。泰式鹵水豬手口感豐富，充滿骨膠原。越式肉碎炒藍青口香辣惹味；香蕉葉焗鱸魚柳清新鮮嫩；火山金沙骨加入檸檬、辣椒，酸辣開胃，口感稔滑。自助餐當然唔少得海鮮，我哋最推介開邊波士頓龍蝦，啖啖肉無限食，鮮甜彈牙。其他仲有麵包蟹、紐西蘭青口、翡翠螺、大海蝦、多款新鮮刺身，冰鎮保持鮮味，refill都好快，刺身師傅每次會切好多片俾客人，唔會慳住俾，咁先食得過癮。值得一提係戶外燒烤區，正宗炭火燒烤，專人烹調食物，有安格斯牛肉眼、香烤羊架、燒扇貝、大虎蝦、牛仔骨、豬頸肉等，風味十足，聞到炭火焦薰既氣味，特別有渡假感覺。最後梗係要留肚食甜品，長長的甜品枱琳琅滿目，特意加入富有泰式

天氣悶熱最好品嚐一些醒胃食物，到遠離市區走走最近就去咗馬灣挪亞方舟度假酒店試試「夏逸菓韻海景下午茶」 餐廳環境好舒服，可以邊吃邊望住沙灘、青馬大橋及汀九橋海景。下午茶都幾有夏日氣息，10款茶點帶有熱帶風味仲結合咗時令水果。鹹點有泰式蟹肉蛋批、泰式青木瓜柚子沙律、冬蔭醬帶子酥盒、泰式燒牛肉包、泰式炸蝦餅配酸梅醬；甜點有泰式奶茶卷、荔枝芒果布甸及焦糖香蕉拖肥金寶等。 鹹點方面，我就最愛「泰式燒牛肉包」，香脆麵包夾入微酸醬汁混和嘅牛肉，酸酸甜甜夠醒胃！「泰式青木瓜柚子沙律」以脆爽青木瓜結合柚子，再配埋酸甜泰式醬汁，味道清新爽口，仲有微辣的「冬蔭醬帶子酥盒」食落都好惹味！ 甜品亦幾精緻，「泰式奶茶卷」充滿著茶香，「荔枝芒果布甸」清甜軟滑，「焦糖香蕉拖肥金寶」面層脆脆的口感好豐富！我更升級叫了冰涼青果特飲及紅莓水果特飲，飲完暑氣全消！

平日星期一想試下午茶，入到去企門口果個呀姨極度趕客，4點去到話下午茶要一早book 定，宜家要打電話問廚房，問左幾分鐘都問唔到。期間唔可以安排坐位，因為要食下午茶先可以入座窗口位。佢又不停叫我地食快餐，當當一間酒店餐廳，服務態度係快餐質素。佢嘅態度係好唔耐煩，覺得我地想食下午茶係我地找麻煩，之後問左話有，點知佢話要準時5點離座，問可唔可以坐多陣，佢竟然話到5點2都得嘅，最搞笑係成間餐廳冇人，完全冇彈性，位又規定坐邊，時間又要準時叫人離開，最搞笑係講講下，有另一個職員嚟話係未必有下午茶，因為已經4點。明明下午茶你寫3點至5點，佢跟住又走去問廚師，話可以做，但係要耐啲，但都係要5號還枱，咁請問半個鐘頭，喺一間酒店high tea, 係咩玩法。講左咁耐，佢地嘅態度都係覺得你想食，我咪幫你整囉，每句都拖長個尾音，一啲禮貌都冇，呢間野又靜到冇人有，原來係有原因。建議大家幫襯返沙灘廣場啲餐廳，同樣係望海景，價錢又平一半，服務又真心對待街坊，

上星期帶埋阿女一齊去馬灣挪亞方舟酒店食dinner buffer，坐喺餐廳就可睇到青馬大橋海景，去食嘢前我地去沙灘行下玩下🌬 呢個buffet以東南亞海鮮及燒烤做主題，好多款熱菜都有東南亞風味，有泰式豬手、香蕉葉焗鱸魚柳都整得幾嫩幾清香😉 海鮮🦞種類有波士頓龍蝦、麵包蟹、大蝦及魚生等等，都幾新鮮唔會有雪味。 餐廳仲有個戶外燒烤區，大廚師即場燒製扇貝、安格斯牛肉眼、羊架、及沙爹串燒等，有陣陣炭香味，yummy🤤當中碳燒豬頸肉我特別鍾意食🤤，不過嗰日天氣好熱，喺等候嘢食時就熱咗啲。 甜品更加係好多種類😍😍😍楊枝甘露布甸有口感層次🥭又有泰式奶茶蛋糕等特色嘢，仲可以任食Movenpick 雪糕等🍨

最近同埋屋企人一齊去左係馬灣嘅挪亞方舟度假酒店💕 餐廳睇到青馬大橋、汀九橋日夜靚景，好有feel❣ 酒店既豐盛閣餐廳最近推出咗🍽🫶🏻「味」遊東南亞海鮮及燒烤自助晚餐，廚師配搭多種香料如香茅、喇沙，烹調出一系列酸甜香辣具異國風味嘅美食🤤😍進入餐廳前第一件引起我注意嘅就係佢哋戶外特色嘅燒烤區🍖燒烤香味撲鼻而來，令人食慾大增😋即場有廚師為客人燒製美食，有美國安格斯牛肉眼、香烤羊架、煙燻扇貝、串燒等等，即燒即食，新鮮熱辣嘅燒烤真係特別好食😋 自助餐仲有唔同種類嘅海鮮，包括波士頓龍蝦、麵包蟹、紐西蘭青口同新鮮刺身壽司，海鮮同刺身都好鮮甜😋 熱葷方面，我特別鍾意佢哋嘅越式肉碎炒藍青口👍鹹鮮香口嘅味道令人一試難忘😋另一道菜 - 泰式滷水豬手，肉質軟嫩入味，入口即化，非常好食😋仲有香蕉葉焗鱸魚柳，配搭惹味獨家醬汁烹調，肉質鮮嫩滑溜，正💕 食完鹹嘢梗係要食甜品😍佢哋嘅甜品區，甜品選擇都唔少，有Tiramisu，芝士餅等等嘅經典甜品，有任食嘅瑞士Movenpick 雪糕😍仲有東南亞特色甜品，泰式奶茶卷、菠蘿椰子青檸條同班蘭椰子布甸等等，味道濃郁甜潤，非常滿足嘅自助晚餐🙌🏻

早排去咗馬灣嘅挪亞方舟酒店嘆下午茶餐廳望到沙灘同青馬大橋海景，感覺都幾chill~ 🌞✌🏻下午茶最近做緊泰式主題，每件甜點同鹹點都幾醒胃清新鹹點有泰式蟹肉蛋批，批底酥脆，包住香辣蝦肉，好開胃~✌🏻泰式青木瓜柚子沙律酸酸甜甜，清新爽口夠哂Fresh！泰式燒牛肉包大滿足，香脆麵包夾住惹味牛肉，口感十足🙏🏻仲有冬蔭醬帶子酥盒辣辣地，好惹味啊甜點各有特色，焦糖香蕉拖肥金寶帶有少少肉桂味，香蕉拖肥令整個甜品更香甜😜泰式奶茶卷茶味突出，蛋糕幼滑綿密，唔錯!荔枝芒果布甸，芒果味較為突出，配搭荔枝亦有清新感覺菠蘿椰子青檸條好fresh! 先食到菠蘿甜味，再食到青檸嘅清新香味，多重層次口感😜我加咗30蚊升級特飲粉紅水果，帶有橙汁酸酸甜甜，清新又解渴!✌

自助晚餐由6點食到9點。當晚被安排坐喺窗邊，可以望到青馬大橋（慢慢睇到大橋開有燈係加分位），但唔知點解日落之後窗邊啲燈光變咗藍色（影響到食物好唔吸引，食到好唔舒服）。現場冷氣唔夠，好熱。全晚大概兩成坐滿，除左6點正嗰輪，之後拎食物都好少遇到其他客人。食物質素方面，可以食得飽囉。冷盤有波士頓龍蝦、翡翠螺、小龍蝦、青口、凍蝦，正正常常啦。沙律方面都正常嘅，有火腿、莎樂美腸。刺生方面有五款（三文魚、吞拿魚、希靈魚、八爪魚、鯛魚），其中有三款來自中國，質素同爭X差唔多，屬於中下質素，拎完第一次冇下次。熱葷區最好食應該係炒雜菜，同埋泰式肉碎青口啲肉碎。台灣腸仔就一般正常。炸魚柳個炸皮超級厚，塊魚柳超級薄。炒金邊粉好硬，而且得金邊粉、芽菜同好少量豆腐。泰式船麵唔知點解係用刀削麵，個湯底都幾重味精，豬肉丸口感奇怪到唔識形容。特別在於餐廳有燒烤區，有少量海鮮（帶子、魚、蝦）、沙嗲串燒（豬牛雞）、羊架、豬頸肉、豬鞍（算係全場最驚喜嘅食物）、牛扒、牛仔骨。啲牛好韌，但雞同豬就OK嘅。個沙嗲汁都OK。雪糕有Movepick（三種口味 - 雲呢拿、士多啤梨、朱古力）。甜品個即整班戟整到好厚好甜。個榴槤布甸同葡

環宇海鮮珍饈自助晚餐,  海鮮只得有龍蝦，琵琶蝦，麵包蟹，小龍蝦，翡翠螺，生蝦同埋兩款青口，( 竟然沒有長腳蟹! 但不知為何 2024年4月27號那篇食評裏會有長腳蟹??? )龍蝦琵琶蝦冇乜鮮味，麵包蟹殼冇乜膏，肉質也沒鮮甜味。剌身大概有七至八種，其中幾種來自中國！熱盤9款，都係一啲大路嘢.其中蒸多寶魚不好吃。Grill有羊架，牛柳同雞。我只吃了羊及牛，好一般。還有出面街邊買緊18蚊兩條的台灣腸！粉麵檔有豬骨湯拉麵同蜆喇沙。都係一般正常大路嘢。甜品幾款蛋糕楊枝甘露燉蛋白葡撻，朱古力噴泉等等。楊枝甘露好重奶味，勁甜，但沒有材料的(例如應該有柚子吧，但撈不到)。生果得三款，菠蘿哈密瓜西瓜，但質素不好，唔甜的。飲品有咖啡，檸茶，紅茶，橙汁同可樂，但可樂不是正常那種味道，不知是什麼牌子。裝在玻璃瓶裏面斟出來，所以沒什麼氣。movenpick雪糕有三種味道。目測，入場大概頂盡五至六成。成晚坐唔滿，六點開始，八點零鐘大部分人已經走曬。可能冇嘢好食。因為酒店餐廳比較遠，如果從市區入去每人大概來回車費要50元。(進出馬灣兩程車已經要30元）380元的自助餐叫做食得你飽，但請不要期望過高。嚟呢度食嘢，預

前幾今日去左挪亞方舟度假酒店食海鮮自助晚餐，餐廳有180度全海景，黃昏至夜景都睇到可一次過品嚐多款環球海鮮佳餚海鮮波士頓龍蝦、紐西蘭青口、格陵蘭小白蝦、蘇格蘭麵包蟹、越南琵琶蝦、加拿大翡翠螺全部都好好好新鮮，口感結實彈牙 👅刺身/壽司 ，即切魚生 刺身新鮮甜又鮮味美🤭 熱食主打美食有原條清蒸石斑、烤羊架、澳洲和牛面頰肉、挪威麵包蟹肉釀蟹蓋、日式西京燒比目魚柳及新加坡叻沙煮蜆每款都有驚喜～ 最重要係餐廳嘅refill速度好快！甜品蛋糕和雪糕的款式多不勝數 ，有芝士蛋糕、士多啤梨奶凍、迷你冬甩🍩、芒果布甸仲有小朋友最愛既朱古力噴泉ahhh 自己DIY甜品真係又好玩又好味 食飽飽後仲喺沙灘漫步打吓卡