豚丼のぶたはげ (德福廣場1期)

营业中

休息中

好耐冇去過九龍灣食嘢，德福廣場呢度都開咗唔少新餐廳，見到呢間評價唔錯，又好似幾多嘢食，就嚟試吓。夜晚7:00嚟到，都唔使排隊，不過就已經話要限時75分鐘。雖然個舖頭名主要係賣豚肉飯，但係都有唔少魚生丼同埋天婦羅食，我哋就叫咗一個天婦羅鍋燒烏冬，一個海鮮丼，加定食係要加錢，定食就包括茶碗蒸、湯、甜品、前菜，甜品係寒天，湯可以揀豚肉湯或者海老湯。特上天婦羅鍋燒烏冬定食 $125真係有個鍋即刻燒住食，好快已經可以熄爐，否則啲烏冬會痴晒底。鍋入面除咗烏冬，仲有油揚、金菇、菜、冬菇、魚片、雞蛋(只有蛋黃沒有蛋白？)。湯底冇乜特別味，烏冬好快已經腍晒。天婦羅全部都冇乜味，魚都冇乜鮮味，不過天婦羅粉唔算厚，幾脆。估唔到海老湯係櫻花蝦，以為都會有隻蝦。帆立貝大赤蝦丼定食 $151帆立貝竟然有6塊，但完全沒有味，沒有腥味也沒有鮮味，赤蝦肉也是完全沒有味，蝦頭的膏就有少少鮮味。另外加$5果茶好甜，藥水味甜品黑糖寒天，寒天本身冇味，全靠黑糖汁。仲有一個問題，就係餐廳非常熱，食到出晒汗，好似冇開冷氣淨係靠商場啲冷氣咁，就算未食烏冬之前已經好熱，食食吓更加係出晒汗。

松葉蟹係日本三大名蟹之一，特色在於細長嘅蟹腳同豐滿嘅蟹肉，肉質緊實且充滿甜味，秋冬正正係松葉蟹當造嘅季節。最近得知豚丼のぶたはげ BUTAHAGE推出松葉蟹menu，一於前往品嚐。佢地嚴選優質松葉蟹折肉起膏，製作成物超所值嘅「松葉蟹丼」同「松葉蟹土鍋飯」。$98起嘅價錢食到新鮮的松葉蟹，真係物超所值。另外亦新出咗秋冬限定嘅一人前鍋物，兩款鍋物選擇，仲可以自選湯底、主食同醬汁，自由度高，想點配搭都得。我地最後叫咗以下食物。1.松葉蟹丼松葉蟹丼用料十分豐富，份量足，當中包括蟹鉗、蟹肉、蟹腳同蟹膏。蟹鉗同蟹腳肉質緊實細膩，蟹膏香濃甘甜，一次過全方位品嚐松葉蟹嘅鮮味，非常滿足！2.松葉蟹士鍋飯熱食版松葉蟹，新鮮嘅松葉蟹搭配高湯同香濃日本米，用土鍋慢煮，每啖都食到濃郁嘅海鮮風味，蟹肉鮮甜嫩滑，正正正。3.陸空三拼鍋物每鍋附有豐富配料，包括野菜、菇菌、炙燒豆腐等。湯底可選鰹魚湯/壽喜燒湯/胡麻擔擔湯；主食可選白飯/烏冬；醬料可選醬胡麻醬/柚子醋，拼出自己最愛嘅滋味。

晚飯見唔使排隊，好肚餓，就行咗入去啦上菜速度快，初時諗住快餐都係咁㗎啦，估唔到質素唔錯海鮮當新鮮，份量都幾滿足，麵豉湯熬製得好鮮味，唔係普通沖粉。甜品唔Hea，有黑糖冰粉。初時太肚餓，仲叫多個小食（豬扒天婦羅包），最後飽到呢。。。想讚嗰個包都好好味，唔單止天婦羅啱啱炸，連塊菜都好新鮮好脆嫩，飽都想食呢間好似出名食天婦羅，食咗今次，對下次有啲期待。是次晚餐百幾蚊連埋+1。食完之後先知道點解唔使排隊啦，因為返台速度都幾快，一枱接一枱

餐廳好好卡位同隔離枱有距離適合2-4人約會傾計日式餐廳餐單選擇不算太多主要配搭：豚肉，天婦羅，鰻魚，刺身選擇了雜錦刺身丼食材非常新鮮份量十足珍珠米好易飽肚大大碗好有誠意炙燒左口魚三文籽丼期間限定都係大大碗飯又多材料又多好滿足不過少少偏咸+33轉定食加配飲品+茶碗蒸+副菜+甜品茶碗蒸蛋好滑有少少菇菇味好香蛋味唔重調味剛剛好黃豆副菜配紫菜絲拌飯一齊食香口幾夾甜品日式甜品不會太甜一切剛剛好價錢大約80-180食物質素及環境職員態度和價格符合

因為好掛住日本嘅天吉丼，於是搵咗間天婦羅店。我覺得味道唔錯，炸得剛剛好，唔油膩，但係佢default嘅醬汁比較少，有啲太乾，可以叫店員攞extra醬汁比你加落去。舊年試過佢魚生丼，唔係好掂，魚生好薄，都係建議叫天婦羅。

平時係太古見到呢間都無試過，今日係呢頭行開竟然見到有，就入去試下。叫咗個豚肉眼丼，就算叫regular都好多塊，有成5-6塊，如果叫特盛唔知會有幾多🤣可能係肉眼位，食落好腍，唔會乾同咬唔開，配埋啲肥膏食落好香口，加上佢似炙燒，又多咗個燒嘅香味，本身少咗食肥嘢都忍唔住食哂。另外個set仲有茶碗蒸、前菜、同甜品，性價比都幾高，唔駛$100有齊咗多嘢。茶碗蒸都幾滑，甜品亦都幾好食，唔會太甜，下次可以係太古再試。

九龍灣商場新開左一間食丼飯嘅餐廳 作為丼飯愛好者一定要試下😍今次lunch time 時間去 🍚🍴人流唔多 一坐低就已經決定咗要叫招牌「迷你四重海鮮丼」和式擺盤好靚好精緻 ✨打卡一流 📸四款刺生非常新鮮肥美 😏仲有味噌湯 沙律同茶碗蒸 好滿足😌😋: ⭐️⭐️⭐️⭐️💰:⭐️⭐️⭐️如果想知道更多好美食就要記得follow 我哋啦(豚丼のぶたはげ 德福廣場1期) (九龍灣)九龍灣偉業街33號德福廣場1期地下G54A2號舖

27/7/2024📍Butahage呢間係喺北海道起家嘅豚丼專門店 早幾年嚟咗香港開分店 之前去北海道旅行食過豚丼 覺得好好食 所以對呢間餐廳都有啲期待😆⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨帶廣名物稀有豚丼並盛定食（$128）總共有4片燒豚肉 肥瘦均勻 有輕微焦香 食落唔會覺得油膩 燒汁嘅份量唔多 可以額外再落汁 用嚟撈飯會更加夠味 😋飯量可以揀並盛/大盛 女仔要並盛都好夠食定食仲包括麵豉湯、前菜、茶碗蒸、甜品麵豉湯可以揀蝦味或者豚骨味 實際兩個味冇太大分別 入面都有啲肉同埋蒟蒻 唔係淨係得湯咁寡 無乜蝦同豚骨味茶碗蒸幾滑 入面冇乜配料 甜品係好似啫喱嘅物體 撈咗啲黑糖漿 啫喱完全無味 要細細舊咁撈黑糖食唔算好食 都唔難食😌 ✨特上天丼定食（$151）天婦羅嘅外皮唔會好厚 咬落唔會好油膩海鮮方面有三文魚、魷魚、蝦、帶子蔬菜方面有淮山、紫菜、南瓜呢啲天丼嘅天婦羅都幾特別不過食落又唔會覺得奇怪 不過主要都係食炸粉嘅味道 食材原本個果味就唔係好出點咗天婦羅汁嘅味道都唔錯👌🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$312 （連加一）整體嘅嘢食質素都唔差 但又未到好值得推薦😌推薦指數

呢日午餐嚟咗呢間源自日本北海道嘅豚丼專門店-豚丼のぶたはげBUTAHAGE 😙 不過今次就唔係食佢哋最有名嘅豚丼 而係試佢哋期間限定嘅海鮮丼😋特上海鮮•鯛魚湯茶漬飯呢個飯有成七款海鮮 除咗有主角鯛魚片之外 仲有油甘魚粒 吞拿魚蓉 三文魚 三文魚籽 小貝柱同甜蝦仁 真係非常豐富☺️ 個刺身丼食到一半 就可以試吓另一款食法 就係加入清甜嘅鯛魚高湯 變成鯛魚湯茶漬飯 又係另一種嘅滋味🍲什錦海鮮天丼配溫泉玉子呢個天丼都有好多款食材㗎🤣 包括帆立貝 小貝柱 甜蝦 露筍 南瓜 本菇同茄子全部都角切成一粒粒 食落脆卜卜 粒粒口感又一致😮 飯面仲有溫泉玉子 有埋蛋汁撈飯更加正😎升級定食我仲將飯升級做定食定食包咗豚肉味噌湯 副菜 茶碗蒸同甜品 味噌湯真係好足料 值得一叫🤩 有另一款係配果茶 副菜 茶碗蒸同甜品 想食得豐富啲就可以加埋🧃呢一餐食咗多款海鮮好滿足 不過聽講呢啲海鮮丼係夏季限定 有興趣嘅有快啲嚟食啦😬

今晚去到九龍灣突擊我親大哥下班🤭他對我反了一個大白眼🙈然後帶我去附近商場揾食的～他說這間豚丼のぶたはげ BUTAHAGE是他某次午飯時和同事吃過，覺得不錯的日本餐廳🌟所以就帶我來吃看看囉～這是新品推薦🌟什錦海鮮包括帆立貝、小貝柱、甜蝦、蘆筍、茄子、本菇、南瓜等等的配料，全都以角切的形態炸成了香脆金黃的天婦羅，滿滿的鋪在丼飯上🌟中間還有一顆脹卜卜的蛋～雖然沒有想像中般的流心，但溏心口感拌飯也很香♥️我哥對於天丼中的天婦羅醬汁很滿意，份量適中👍🏻太多會很膩，太少沒味道，今晚的天丼兩種情況都沒遇上🌟升級成定食🌟多了一碗豚肉味噌湯、茶碗蒸和甜品♥️還有季節限定的茶漬飯🌟這是海鮮丼和茶漬飯的結合～一飯兩吃🌟刺身海鮮有鯛魚片、三文魚籽 、吞拿魚蓉、三文魚、甜蝦、小貝柱和油甘魚粒🌟茶漬湯是清甜的鯛魚湯♥️上菜時店員會提供食用方法的指引，跟着指引上的第一步先加上少許日式醬油在刺身上，再吃幾口原汁原味的鮮美刺身海鮮丼飯🌟然後再把加熱後的鯛魚湯倒在剩餘的丼飯上🌟並配上紫菜絲、芝麻及適量芥末一起食用♥️味道清香鮮甜🌟天婦羅值得一讚♥️炸粉不厚，火喉剛好👍🏻炸物不會太乾，特別是蔬菜類的天婦羅外層，乾爽不油膩♥️內裡濕潤多

好掛住日本嘅海鮮丼飯🐟🦐🦑喺香港竟然俾小妹揾到日本味道嚟自北海道人氣豚丼專門店—豚丼のぶたはげ BUTAHAGE 主打高質日式丼飯季節限定兩款海鮮丼物🥢特上海鮮•鯛魚湯茶漬飯🫖稱得上特上海鮮，刺身種類當然好豐富，包括鯛魚片、吞拿魚蓉、三文魚、油甘魚、甜蝦、貝柱、大大粒三文魚籽等，丼飯外觀已經相當驚艷，第一啖食落去刺身鮮味肥美，餐廳好貼心附上鯛魚湯茶漬飯教學，令小妹我急不及待食淨三份之一嘅份量，加返少少紫菜、芝麻、芥末係飯面，倒入熱辣辣鮮甜鯛魚湯，同刺身飯融為一體，人間美味🥹🥢什錦海鮮天丼配溫泉玉子🥚出色嘅天婦羅一定要皮薄香脆，喺日本以外嘅地方唔係咁容易食到，今日試到貝類海鮮加野菜嘅組合，淨係溫泉玉子已經夠搶Fo，仲好仔細咁將我最鍾意食嘅野菜(南瓜、本菇、蘆筍、茄子等)切成粒狀，非常容易入口，一啖食到多種層次😋

午市都真係幾多人等位，就試吓～Menu以散嗌形式，額外跟飲品要加錢什錦刺身丼$78要等嘅時間較長，飯比例多過魚生，相比其料理店既魚生粒有所不同，其中有鰻魚烘到微乾身及一些甜蝦等都幾特別澳洲和牛鍋燒烏冬$98+18果茶定食 （茶蛋蒸、沙拉、冰粉及果茶）爐上整鍋嫩滑烏冬蓋上食材，幼嫩和牛及豐富野菜，湯底仲好好飲，食完熱嘢嚐冰粉注：餐廳只收電子貨幣

天氣咁熱，清爽鮮味嘅美食最能喚醒味覺細胞！茶漬湯飯同埋海鮮丼呢個時候食就最開胃～
呢間喺北海道十勝帶廣嚟嘅豚丼專門店「 豚丼のぶたはげ BUTAHAGE」，去到門口已經大排長龍，睇嚟真係好受歡迎！♡佢哋全線分店推出全新季節限定—「特上海鮮•鯛魚湯茶漬飯」₊˚⊹

海鮮丼包含 7 款特上海鮮：有鯛魚片，油甘魚粒、吞拿魚蓉、三文魚、三文魚籽、小貝柱同甜蝦！多重口感，非常豐富！仲有茶壺盛住嘅鯛魚湯以小火爐烘住保持溫度，加入海鮮丼後搖身一變成為鯛魚湯茶漬飯！仲可以加啲紫菜絲、白芝麻同wasabi，日本產米飯吸收咗湯汁嘅精華，清新滋味幫助去油解滯～店舖仲好細心，附上一張食法嘅說明，確保食客可以享受雙重味道～
另外，佢哋嘅鎮店名物丼「帶廣名物稀有豚肉丼」原來曾經喺日本嘅丼物比賽榮獲金賞！用秘製祖傳醬汁製作最正宗嘅日式丼飯滋味。下次一定要再嚟試埋其他！

@butahagehk
𓆝𓆟𓆜𓆞𓆝𓆟𓆜
🍴豚丼のぶたはげ BUTAHAGE📍 九龍灣德福廣場一期G54A2號舖——————————————————


呢間日本餐廳．除咗主打豚丼不定期仲會推出季節限定菜式👇🏻即日起至9月3 日喺全線分店推出👇🏻✨特上海鮮．鯛魚湯茶漬飯面層舖上厚切嘅鯛魚片油甘魚粒．吞拿魚蓉．三文魚．三文魚籽．小貝柱同甜蝦仁7款特上海鮮食材．帶來豐富口感店員貼心提示進餐次序先享受海鮮丼嘅鮮味再加入以小火爐煮熱嘅清甜鯛魚湯增添鮮味灑上紫菜絲、白芝麻按喜好加入少許芥末品嚐到茶漬飯嘅清爽味道日本米飯徹底吸收湯汁嘅精華一飯兩吃．令胃口大開✨天婦羅鍋燒烏冬定食外層香脆嘅天婦羅配上明火熱辣辣嘅鍋物滑溜溜嘅烏冬加入湯底．份外滋味定食包括茶碗蒸．果茶．甜品份量充足又豐富．一定有下次

今日收工去左朋友屋企玩貓🤤周不時都係要玩下貓治癒下心靈❤️‍🩹🥰之後就去左佢附近食dinner，呢間butahage嘅日式丼飯又方便又有儀式感🥰我同朋友都食得好開心！＊＊＊＊＊🐟🫖特上海鮮・鯛魚湯茶漬飯 $148果茶🍹、茶碗蒸🍳、甜品🍮 +$18茄子天婦羅🍆 +$9呢個海鮮飯入面除左有大大片嘅鯛魚片🐟，仲有🐠角切油甘魚粒、🍣吞拿魚蓉 、🍣三文魚、⭕️三文魚籽、🦪小貝柱同🦐甜蝦，勁足料🥰仲可以點豉油食同埋加茶變成茶漬飯咁食，真係一個餐滿足多個願望呀😍🍣🍚炙燒海鮮丼 $98朋友揀嘅炙燒海鮮丼都好豐富，有大大粒🦪帆立貝、🦐大蝦、同埋🍣三文魚😍＊＊＊＊＊更多食評資訊：IG🔎litcloud_