豪華餅店 (已結業)

在電視看到介紹香港好幾間賣酥皮蛋撻的餐廳，異常吸引，第2天朋友就帶我去九龍城一間好老字號的豪華餅店。傳統中式餅店已賣少見少，所象中我小時候也較少食到。巨型的瑞士旦卷我看到有點驚訝！一到達就看到好幾個人排隊，估計有新鮮蛋撻出爐，鬆化的酥皮配上微甜的蛋，酥皮不會太油太膩，真係幾好食，$8都有少少貴。因為賣相很有趣就買了花卷$10，即是各款旦卷拼湊成，蛋糕頗鬆軟，當中有合桃、朱古力，不過略嫌白色奶油太甜，不合我心水。當時也買了斑蘭蛋糕 $13作第2天早餐蛋糕也是鬆軟，斑蘭味足，不錯~~

星期日，來到九龍城這邊吃東西，順便支持這間頗有名氣的小店。排隊等了十五分鐘好鐘，好不容易終於到我們了。媽媽講完了一遍我們想要的4個蛋撻、2個花卷、2份中曲奇、2件蝴蝶酥；然後店方的老婆婆再問要什麼。此時，我媽媽又再辛苦地背出order。看到此處，我實在建議假日時段人多的時候店方應該準備order from 讓客人排隊時選好自己想要的飽點，不然就是要客人等呀等，效率欠奉。買完飽點的那個晚上，貪吃的的吃了曲奇和蝴蝶酥作宵夜。失望的是，兩款小食即日吃也是淋的....第二天早上，吃了花卷和蛋撻做早餐。花卷沒什麼特別，只是軟棉的雜綿蛋糕。至於蛋撻，可能是在家沒翻焗，所以吃到的撻酥皮也是淋的，縱使它的撻皮是帶有花生香和牛油香...這麼看來，這店似乎名過於實。

今日經過，見到很多人排隊，就忍不住湊熱鬧去排了，看到玻璃墻上貼的蛋撻廣告，應該不錯就買了一個蛋撻，一個芒果糯米糍，一個五仁酥，每個8元一共24元。坦白講蛋撻8元的確很貴，平時其他店4元就買到。買的時候蛋撻新鮮出爐，可惜我剛吃飽飯，沒胃口，之後就坐巴士翻屋企了，翻到屋企發覺蛋撻已經不熱只是溫溫地了，雖然仲係很飽但怕再凍落去就不好吃，就開吃啦~~點知，定了兩秒，真是好好味啊！！！那個蛋撻的涵同酥皮，做得真是好食，起碼是很岩我口味！今日買的糯米糍都試埋了，不錯，五仁酥未吃，不過打算過幾天再去豪華餅家買其他野吃了~~

住左係九龍城年幾，每次經過都見到有好多人排隊，今次就決定試下啦！估不到係我第一次幫襯亦都係最後一次幫襯！事源係我反正未試過任何包，就是但買左一個花生醬菠蘿包同一個吞拿魚包，每個HK$7蚊，價錢算合理，但當比錢時，老闆娘就說3個包賣HK$20,叫我多選一個，當然甘突然，我都唔知揀乜，就求其話要個燒餅，比完錢後我就諗，我買兩個包先HK$14蚊，加個塊燒餅要HK$20，好似唔係特別化算，之後返去店睇返，見燒餅只賣HK$10/2塊，即HK$5塊，咪變相冇So仲買貴左，之後問老闆娘，我是否買貴左呀？佢話你自己揀既，而且燒餅單買一個要HK$6,我說我唔知，大佬呀，我第一次買咋，鬼知遊戲玩法咩，你又唔話我知我傻仔左，錢就照收，大唔老實啦！之後老闆娘就話我計較，計黎計去，我係消費者黎ga，其實我一個人食兩個包就夠，幫你買三個包，唔係有So應該太部分人都唔會甘偉大比多錢你去買呀！之後佢話退返話比我，第一次放返HK$4比我，我問個兩個包不是HK$14咩？佢先退多HK$2比我！我返到屋企試下d包又幾巴閉啦！個花生醬菠蘿油皮又唔脆，又唔係特別好味過人，而呑拿魚包又硬又實，餡料又少，雖然包不是太貴，但經營不老實

這是本人首次寫食評,因為今天實在不吐不快! 今天路經此店,見有葡撻出售，便買了一個嚟試下。因為實在有一段時間冇去澳門品嚐當地出色的葡撻。豈料一看之下賣相已經全錯，放進口裏，難食不堪，根本做法完全錯曬，葡撻皮是要經多番對摺才可焗出層次感，而此店的葡撻根本是一個劣質的酥皮蛋撻，而表面亦沒有用糖放在蛋面烘焙出少許焦糖的味道。我真的很失望 - 基本上是一個低級難吃的酥皮蛋撻。我之後致電表達意見 但接聽的阿嬸態度惡劣，一副萬不在乎的感覺，更說我們多年來已是這樣做法，你不喜歡吃下次就唔好幫襯！你放心我，一定唔會再幫襯，多謝曬你！

細個生日時，爸爸曾經在裡，買個生日蛋糕給我的吃，每次經過，也會記得。有時候經過，會買個麵包，紙柸蛋糕吃。這種蛋糕店，在香港已經很小了，大部分也已經被大集團取代，已經沒有人情味了。

每次入九龍城，都會看到豪華餠店排著長長人龍。今天由九龍灣食到九龍城，決心把想吃的都要吃光光啦！九龍城衙前圍道136號花卷$8首次吃花卷的我們，感到非常新奇呢。賣相漂亮，色彩繽紛的花卷，吸晴力十足花卷由原味，班蘭，朱古力，咖啡瑞士卷堆切而成，口感軟綿綿，滿滿濃郁的花生醬和香滑忌廉，整件蛋糕濕潤不卡口，不用喝水可以一次過滿足你的所有瑞士卷口味願望，又達到不浪費瑞士卷頭頭尾尾的惜食精神，我又想吃啦！九龍城衙前圍道136號

好耐無去九龍城，行過豪華都想幫襯一下以是支持小店。這間店未有咁出名時，疍撻只是尚可，未至於嘩嘩聲。今次再試，望一望廚窗，價錢嚇一嚇。大的堤子麥一般最貴也只是$10，豪華賣$18！$7 疍撻反而同泰昌同價，尚可接受。兩個疍撻沒有放在咭紙上直接入袋，當然即時粉身碎骨。幾有heart 制作，就是欠缺小細節可以將心機全消滅。疍是滑，可以的。酥皮就不能評因為太碎。另買了餐飽及小堤子飽各$5。太乾又可能是隔夜非常難吃，以老店來講，麵包極失敗。看電視得知老板子女已出身，不如光榮退場總好過負評連連。店員服務正常

今日嚟到九龍城、經過豪華餅店。心癮起想食件蛋撻！不過、幾好食都係假、唔會有下次！👎🏻👎🏻😤事源：排隊輪候 - 輪到我時見店內有兩位亞嬸、前面有兩男女（企係我前面等待中）。其中一位阿嬸問：要乜？我答：四件蛋撻及二隻雞尾包！大約半分鐘左右、突然佢面對住啲餅問：蛋撻要乜嘢皮？ 我見前面兩男女冇答佢、我問：係咪問我？佢即刻好勞氣咁：我跟緊你、梗係問你啦！我答：要酥皮！我唔知你問邊個？但都唔使咁勞氣啫！點知佢繼續講：係你蠢！我又唔知點解今日咁好脾氣：係囉！係我蠢囉！😳😳😳😡

2月中第一次幫襯，照常排隊，一輪到我，咩都未叫，聲都未出，比舖頭個亞姐話我阻住晒個門口，黑晒面，第一次買，以為佢心情唔好。。。今日，2月26日，再次幫襯，今次無人排隊了，我叫完我想叫既野，亞姐又黑面鬧我，話我細聲，我真正覺得自己貼錢買難受。。野食係幾懷舊，味道係細個食開舊式麵包舖既味道，不過價錢略貴，唔會再幫襯，2次買完都唔開心

As you all may know, this very traditional bakery is a famous celebrity's favourite and you may even spot him if you are lucky enough. Though I have heard that this bakery is not doing as well, I just have to try it out myself hopefully to prove them wrong. Unfortunately, they are right, this bakery is not doing as well as before, we bought a few items as breakfast but we only ate this piece of mango mochi at the scene. Sorry for the non-comprehensive review, their mango mochi has a really thick

路過肚餓，係門口睇到流口水，衝左入呢間老店豪華餅家。好耐之前食過同事外賣返黎既蛋撻，同事話呢間餅店既曲奇同酥皮蛋撻都好出色，一定要試試!我今次經過忽然好想食咸既野，所以就揀左兩款咸味既包～（佢地都有好多甜點，下次經過可以再試～） 佢地既包係好實好足料，微甜，口感有少少粗糙吞拿魚包：第一啖食落去包多過吞拿魚，心裡即刻down左，不過再咬再咬，原來吞拿魚佔左個包既1/4。腿蛋包：火腿包住一條蛋，不過不失。總括黎講＄7一個包都唔平，不過佢唔係空氣包，都值既。

朋友老遠從九龍城帶着該區手信來探望，豪華餅店是他從小吃大的餅店，近來他愛吃餅店的糯米糍因此帶上一盒分甘同味。橙色糰子滿佈椰絲，拿上手是涼涼的，頗墜手。把糯米糍咬開，芒果汁隨即蹦出來，煙韌的糯米糍皮內包有數粒 全熟芒果粒，香甜的芒果肉伴着糯米糍皮那丁點的苦味，可能是色素的緣故吧！同時，他有説過豪華的鮮蘋果撻也很好吃，有 機會我也想嚐一嚐。

今日難得入到九龍城，漫無目的地遊遊蕩蕩，行到脚仔軟軟時，正好來到這家豪華餅店。見唔係咁多人，就入去買左四個蛋撻返家同家人分享。個餅盒上面印左Ｄ顏色同造型都好懷舊的花花。晚飯後把蛋撻番焗了數分鐘，頓時一室都溢滿酥皮同曲奇的香味。我先吃至愛的曲奇底蛋撻，蛋質和味道較稀薄，曲奇底就唔錯，少牛油又夠鬆，唔會覺得膩。家人話酥皮底就唔係好夠鬆脆，同樣蛋質和味道就略為遜色。以＄７／個的價錢，略為貴左少少。但這類懷舊餅店買少見少，也會繼續支持的。

今日屈小姐帶左賴生暢遊九龍城呀!一向好細心既佢，一早就預備左帶賴生食d乜! 辛苦晒妳啦!入九龍城既第一站呢，屈小姐帶左賴生黎豪華餅店，聽聞係專食蛋撻既，發哥都成日幫襯！正所謂聞名不如見面，見面不如一戰，我地就掉低減肥2個字，就一戰佢既酥皮蛋撻!一去到，間舖頭好懷舊呀，細細地，有好多種包同蛋糕，而且有人龍排隊，證明應該係好西黎! 不過一個蛋撻索價7蚊，好似有d貴呢…個店員好好呀，初初屈小姐影相果陣，屈小姐有d驚驚，但個店員笑笑口比佢影呀屈小姐即時放鬆晒!最後我地2個叫左1個酥皮蛋撻食，仲係熱熱地既!1) 酥皮好香，食到一層層，唔會好油!2) 蛋呢，就甜甜地，有蛋香，甜得黎唔會遮晒蛋味，入口都幾滑，唔錯!3) 如果再熱d就正啦！行開行埋九龍城可以食下4) 整體4星啦！ 係價錢略貴#Happyweekend