豪隍點心工房

营业中

休息中

點心工房太古太古城道18號太古城中心2樓255號舖最愛食點心，一早起身去太古城食點心做早餐，我食左杞子濃湯鮮竹卷$24，香茜牛肉腸$30，茗茶$10。杞子濃湯鮮竹卷好味道，湯底濃郁；香茜牛肉腸牛肉香濃，腸粉幼滑。

今天我買了一個排骨鳳爪蒸飯（外賣），誰不知等了愈20分鐘都未到，女服務員最初答我「部機壞了！」那我要求退錢，女服務員於是幫我再追Order，終於3分鐘後收到。可憐有位印度籍送外賣的人不懂廣東話，心急追問食物情況，相信他都是等了很久，他說話很細聲，脾氣溫和。不幸那位男收銀員大發脾氣，勁大聲用英文：”I don’t know, GET OUT!”其實他之前仲說了幾句英文，但我忘記了。那聲浪大到整個Food Court 都聽到。最終那位送外賣員無奈地跑走了。我希望這餐廳的管理層能跟進此事，希望這位男收銀員能給任何人多一點尊重。

來了這店好幾次，試過堂食和外賣，都覺得他們的出品不錯，性價比高。職員有禮貎，會主動幫助顧客，超出預期的，現時還有這種服務態度真是難得也值得一贊地方乾淨企理，入座有限時的，限時合理👌🏻食物方面，全部都夠熱豪隍蝦餃皇︰好大件差不多乒乓波咁大，而且味道不錯蝦仁燒賣皇︰大件，有大隻的蝦蒸飯︰大致上都不錯點心拼盤︰有蝦餃兩件，菜苗餃兩件，流炒奶皇包一件，叉燒包一件，適合一至兩位的份量。鮮竹卷: 都很好👍🏻潮洲粉粿山竹牛肉

星期日大概下午2點到達，已經小量人在等位。我在門口等候取飛時，看見有一位男同事行過來，我便告知三位，見他沒有什麼反應，再次告知人數，怎料那位男同事便講些好奇怪的說話：我聽到 我跟你打聲招呼 下次你都可以同我地打聲招呼 不用那麼資本主義！我頓時感到十分無奈 他到底在說什麼？在我等候位子的時候，我看見有個男士同樣跟那位職員取飛，那位男職員又是同樣講些好奇怪的說話，而且再加點教訓的語氣，我真是不明白那職員是否工作太辛苦，而向我們發洩？重點是我們並不是沒禮貌，所以感到有點冤枉。所以員工服務真的有待改善。而食物方面中規中矩，墨西哥叉燒包和金錢肚味道是不錯，而流沙奶黃包是最失望的，完全沒有流沙的口感，而味道只有吉士的味道。所以這間我認為都應該不會再次光顧，因為無論服務上和食物上都會有更好的選擇。畢竟沒人會想受著氣去吃一餐飯

友人話個師傅喺觀糖果邊嘅時候食過, 啲蝦餃好好味.  今日專登蒞試下.第一次來唔知要等人帶位定點, 猶疑咗一陣致行入去, 個侍應好好笑容噉打招呼, 話可以隨便坐, 仲話下次見無人理直接行入去同佢哋打個招呼就得.今餐點左一籠温泉蛋牛肉飯及一籠豉汁蒸鳳爪:温泉蛋牛肉飯($44) - 我就好奇嘞, 蒸飯又點樣做到温泉蛋嘅效果呢, 除非係後加生蛋遮, 果然上菜嘅係一粒熟蛋. 牛肉好滑又美味, 就係山竹牛肉嘅質地與味道, 我鍾意呀. 致於飯係粒粒分明, 又唔會過硬, 可惜我本身喜歡食軟飯.豉汁蒸鳳爪($34) - 我最愛點心頭三名之一, 好味, 軟硬都正常, 不過我怕我太鍾意食唔夠中肯(哈哈).茶芥$10一位, 無加一

呢間食店 位置係太古城中心嘅food court入面Lunch好旺場 我通常下午茶時間黎 無咁迫人中意佢有點心拼盤兩個人黎食 就可以食多兩款野拼盤入面有一個叉燒飽 一個流沙奶皇包兩粒蝦餃 兩粒粉果蝦餃好大粒架 太粒過粉果入面啲蝦好爽口彈牙粉果都係好薄皮 流沙奶皇包好流心 食個時要小心辣親 中意佢唔太甜👍🏻腸粉都好軟滑上次食過佢個淨腸粉 都好ok牛肉球睇顏色都知新鮮 除左點心佢仲有湯粉麵 飯 同咖啡奶茶可以滿足哂所有願望😂

我今早去左太古城辦事，順道去位於太古城道18號太古城中心2樓255號的豪隍點心工房食點心，環境闊落，裝修清雅！我點左個沙律雜果鮮蝦炸雲吞$30，香茜牛肉腸$24，茗茶每位$10。點心好味又好食，美好一天的開始！

有事要去筲箕灣，找OpenRice睇下太古有嘜好地方食嘢，找到豪隍點心工房，食評唔錯。店內一般格局，但尚算乾淨企理，店員態度好好，讚！點了一客蝦餃加粉果、魚肉釀尖椒和茄子、一碟牛肉腸粉。蝦餃有小朋友拳頭咁大，外形可愛，皮造得很正宗，不會一夾就散那種，充塞著滿滿的鮮蝦，正呀！牛肉腸粉饀偏深色，代表不是豬肉充牛肉，腸粉合格，如果米多番少少更佳，味道70分。魚肉釀尖椒和茄子我至愛之一，魚肉食出係真鯪魚肉，味道88分。如果水準能保持下去，一定會再光顧。

週末晏就喺太古城Food court飲茶🫖等咗大概20分鐘入座，2個人坐4人枱，好鬆動可以嗌多幾籠點心🫰🏻✴️點心拼盤✴️抵食之選！有兩粒蝦餃、粉果、一個叉燒包同奶皇包🥢蝦餃真係好大粒，要分至少三啖先食得晒～粉果皮薄，餡料炒得香👍🏻✴️叉燒墨西哥包✴️墨西哥皮唔係好脆，勝在個包鬆軟，叉燒餡都多～✴️叉燒腸粉✴️腸粉皮較厚，個底會有一嚿皮😯啲豉油唔太夠味，可能因為啲皮厚，變相要用多啲豉油先夠味～✴️雞紥✴️雞肉好大件，肉感十足👍🏻略嫌芋頭唔多入味，但整體都不錯～✴️醬香金錢肚✴️個醬濃味，金錢肚軟腍厚身，底下墊咗啲花生，同樣入味😋✴️冬菇滑雞飯✴️份量多，雞柳鋪滿飯～不過啲飯唔太得，好腍好濕，如果可以收得再乾身啲會更好食🙌🏻

一個星期五嘅下晝大約2:45，我哋兩個人去到門口已經比門口嘅接待阿姐嚇親！喺門口望入去，我哋見到兩張冇人嘅枱，但接待嘅阿姐要求我哋搭一張好細嘅四人枱。我哋問吓姐可唔可以答一張大少少嘅枱，佢話唔得要留返俾員工食飯用。我哋再問可唔可以等一張二人枱，佢叫我哋慢慢等！接待阿姐個樣勁不屑。我哋最後入咗去搭一張好細嘅四人枱，用app落咗order。啲點心嘅樣係OK但係食落去冇乜味。下次一定唔會幫襯！

朋友話食過觀塘店非常好食，太古原來有分店，一於試一試～ 🍴蝦仁燒賣皇（2粒）$32 (8/10) 一上枱勁大粒 真係有大半個拳頭咁大，係平時size兩倍，食落口感鬆化，好多豬肉加冬菇幾鹹香，蝦仁爽口！ 🍴 豉汁蒸鳳爪 $32 (7/10) 炆到好腍，唔使點咬就化開左，都幾入味唔鹹！ 🍴 山竹牛肉球 $28 (7.5/10) 大粒彈牙，冇乜鹼水味，ok的～ 🍴 鮮蝦菜苗餃 $32 (8.5/10) 估唔到呢個最好食，蝦肉好爽口大隻，加埋菜苖同蒜茸幾香，個皮幾煙銀厚薄適中～ 🍴 點心拼盤 $56 (7/10) （蝦餃2粒，粉果2粒，流沙包1個，叉燒包1個） 蝦餃同個包差唔多大，皮幾煙銀厚薄適中，蝦肉好爽口～粉果細隻啲，幾爽口正常，流沙包一咬流心，甜甜哋奶黃，冇乜鹹蛋黃嘅多，比較多奶黃味～叉燒包正常，個皮甜甜哋，叉燒大粒甜甜哋。 🍴養顏紅棗糕 $28 (5/10) 淡淡紅棗果，帶少少薑味，幾煙銀唔痴牙，普通。 🍴 蜜汁叉燒腸 $36 (7/10) 個皮厚薄適中，叉燒大粒有口感，ok的～ 🍴 蓮藕煎鯪魚餅 $36 (9/10) 好好食，蓮藕粒爽口，鯪魚煎得好香口，鹹香～係傳統

☆拳頭咁大粒蝦餃燒賣！一次滿足飲茶+食米線+飲奶茶三個願望🥟🥢☆豪隍點心工房終於殺出觀塘進駐太古城中心𝘊𝘢𝘳𝘯𝘪𝘷𝘪𝘢𝘭 𝘧𝘰𝘰𝘥 𝘤𝘰𝘶𝘳𝘵!! 回想起昔日要係工廈排成個鐘排到上樓梯｡ﾟヽ(ﾟ´Д`)ﾉﾟ｡而家輕輕鬆鬆就食到😌雖然價錢比觀塘貴啲，但勝在唔使等坐得舒服～𝐒𝐚𝐭𝐢𝐬𝐟𝐲 𝐲𝐨𝐮𝐫 𝐜𝐫𝐚𝐯𝐢𝐧𝐠𝐬 𝐟𝐨𝐫 𝐃𝐈𝐌 𝐒𝐔𝐌 + 𝐌𝐈𝐗𝐈𝐀𝐍 + 𝐌𝐈𝐋𝐊 𝐓𝐄𝐀 𝐚𝐭 𝐨𝐧𝐜𝐞.ᐟ.ᐟ𝘊𝘢𝘵𝘦𝘳𝘬𝘪𝘯𝘨 𝘋𝘪𝘮 𝘚𝘶𝘮 𝘞𝘰𝘳𝘬𝘴𝘩𝘰𝘱, 𝘰𝘯𝘦 𝘰𝘧 𝘵𝘩𝘦 𝘮𝘰𝘴𝘵 𝘴𝘰𝘶𝘨𝘩𝘵-𝘢𝘧𝘵𝘦𝘳 𝘥𝘪𝘮 𝘴𝘶𝘮 𝘫𝘰𝘪𝘯𝘵𝘴 𝘪𝘯 𝘵𝘰𝘸𝘯, 𝘧𝘪𝘯𝘢𝘭𝘭𝘺 𝘷𝘦𝘯𝘵𝘶𝘳𝘦𝘥 𝘰𝘶𝘵 𝘪𝘯𝘵𝘰 𝘛𝘢𝘪 𝘒𝘰𝘰 𝘸𝘪𝘵𝘩 𝘪𝘵𝘴 𝘵𝘩𝘪𝘳𝘥 𝘣𝘳𝘢𝘯𝘤𝘩 𝘢𝘵 𝘊𝘢𝘳𝘯𝘪𝘷𝘢𝘭 𝘣𝘺 𝘍𝘰𝘰𝘥 𝘍𝘪𝘦𝘴𝘵𝘢, 𝘊𝘪𝘵𝘺𝘱𝘭𝘢𝘻𝘢. 𝘈𝘱𝘢𝘳𝘵 𝘧𝘳𝘰𝘮 𝘥𝘪𝘮 𝘴𝘶𝘮𝘴, 𝘊𝘢𝘵𝘦𝘳𝘬𝘪𝘯𝘨 𝘢𝘭𝘴𝘰 𝘴𝘦𝘳𝘷𝘦𝘴 𝘰𝘵𝘩𝘦𝘳 𝘤𝘰𝘮𝘧𝘰𝘳𝘵 𝘧𝘰𝘰𝘥 𝘴𝘶𝘤𝘩 𝘢𝘴 𝘮𝘪𝘹𝘪𝘢𝘯 𝘢𝘯𝘥 𝘏𝘒-𝘴𝘵𝘺𝘭𝘦 𝘮𝘪𝘭𝘬 𝘵𝘦𝘢 (๑´ㅂ`๑)✧𝑂𝑢𝑟 𝑟𝑒𝑐𝑜𝑚𝑚𝑒𝑛𝑑𝑎𝑡𝑖𝑜

一開始，豪隍隱匿工業區，以實力和口碑積攢知名度，乃至於薄有名氣。當中最受歡迎的點心，必然是蝦餃、燒賣，以及流沙奶皇包。特別是每款點心的比例比一般的大於1.5倍，蝦餃至少有4至5隻大蝦，口感豐富而滿足。(1) 牛肉腸外貌跟香港布拉腸粉無疑，但質感卻猶如皺皮腸粉。口感柔嫩而有彈性。 (2) 鮮蝦腐皮卷難得煎炸小食都有啖啖蝦肉，香脆可口。 (3) 豉汁蒸鳳爪沒有用醬料厚厚醃製，味道比坊間的更為原始。 (4) 時菜點心由香港工場製作，每日直送。全天候的點心供應，確保去貨迅速。 目前新選址在港島區商場，味道與總店如出一轍，而且價錢亦相當實惠。

門口寫明入座後限時70分鐘交枱，咁都算，居然連落單叫嘢食都有限時：入座頭40分鐘可以自助嘟二維碼落單，過咗40分鐘後就唔可以再落單/加單，想叫多啲嘢食都唔得⋯⋯😩

豪隍終於殺出觀塘老母，嚟到太古城開分店啦！港島人表示十分開心!!!次次嚟都要order 佢哋既大大粒蝦餃，菜苗餃同埋燒賣，記得呢幾樣既份量都係一般茶樓兩倍大，所以唔好覺得啲價錢好誇張。蒸點都靚靚仔仔，無穿窿無爛皮～皮唔厚得嚟蝦肉爽口彈牙，好食～個人最愛係菜苗餃🥬 加入菜苗口感更加豐富，而且自我感覺健康～🤭而佢哋既煎炸嘢都唔錯！鹹水角煙韌，餡料鹹香惹味仲有芝士鮮蝦長春卷，乾爽唔油膩夠晒香脆，最鍾意佢附上既芝麻醬，味道好夾！毒L最欣賞佢有點心拼盤, 可以自己嚟食，一份入面有有兩粒蝦餃，兩粒粉果，一隻叉燒包同埋一隻奶黃包，我覺得個 idea 幾好呀！平時毒L想食點心永遠好難叫餸，叫呢個拼盤唔貴得嚟一次過滿足鹹甜點各種願望。就算一個人都可以飲下茶，嘆下點心（如果改一粒蝦餃，一粒燒賣就完美！）奶黃包夠流心亦唔會太甜，唔膩💛坐得舒服，點心即叫即蒸，無加一而且茶錢唔貴，喺太古算係好抵食～ 👍