豪隍點心工房 (已結業)

見佢新開張就去試吓。。用餐70分鐘填左點心紙俾個姐姐入單，疊埋心水抱住期待嘅心態等食。點知。。。。。20分鐘過去。。。。一樣都未到。。。再過10分鐘共30分鐘，我問其中一個姐姐，佢隔左一陣無回應比我，於是就問佢啦姐姐：落左單㗎喇我：咁唔該你幫我跟吓，因為等左好耐姐姐：要等一陣，出面好多人我：（我開始火火哋）出面多人關我咩事，我張單落左出唔倒野食，你可唔可以幫忙同廚房跟吓？姐姐繼續似機械人咁：出面好多人我：我而家話請你去廚房跟進吓的張單當然。。。都無野食到我再問另一個姐姐，佢去左收銀枱發現我張單未入！！頂！我即走！唔會再嚟！

朋友話呢間抵食，星期日聚會一於去試下😋 坐落於工廈一樓要行樓梯的一層，沒有圓桌，全部都係大方桌，六人以上會有點不便於夾點心😝蝦餃，燒賣真係超大粒😳可惜蝦餃皮偏厚😅 有2-3隻蝦係入面足料🤤 燒賣都係一樣好大粒，面層一隻蝦之外，內有豬肉同大蝦，啖啖肉材料超爆🤤 春卷好長好脆有蝦在內不過食唔到芝士味，最貼心是放底較剪方便大家剪開食物來分享👍紅棗糕好夠紅棗香，甜度不太甜😋 煎蘿蔔糕一夾就散無咩味😅 蒸茄子同尖椒都正常😊紅油抄手的餃子皮的好厚重，似煮耐咗嘅水餃一d都唔似平時的紅油抄手，不叫也可以， 總括而言，點心一般啦唔太特別好食😝

好差！好差！好差，絕對唔建議大家嚟食！員工態度極差，無心工作。我住附近，幫襯過好多次，愈來愈差。今日外賣自取，講講下，員工要對全部資料先拎得，但對對下又走咗去，態度奇差，毫無禮貌。問佢又唔解決問題，搵第二個員工過嚟嘈。淨係嘢食好有用咩？又keep唔到水準，我要受你氣先食到點心？難怪食評有人話叫佢等執，我覺得真係講得好好。依家上去都見佢愈來愈少客。如果你唔想做可以閂舖，唔洗咁對d客。d點心都唔係平。

超過4人就安排唔到仲要發脾氣入十張檯都砌唔到張大檯喺度趕人走鬧人 話搞亂佢廚房 少少事都安排唔到喺度潑婦罵街食餐飯都單單打打掉餸落檯面喺度大叫尖叫有病去睇醫生啦咁受氣唔好做生意快啲執笠啦

聽過個名好耐，終於黎食到六條友叫咗24樣嘢食飽到要打包- 燒賣 (9/10)係我人生食過最大粒嘅燒賣 $28/2粒足料，面頭粒蝦大大隻食完1粒已經即刻唔餓.- 蝦餃 (8/10)足料大粒，食完飽咗一半.- 鮮蝦菜苗餃 (9/10)必叫，菜苗有蒜蓉味有誠意可以encore.- 紅棗糕 (9.5/10)軟彈口感啱啱好一試難忘，係我鍾意食既紅棗味！下次會encore.- 墨西哥叉燒包（10/10)爆分必食！勁好食！！！下次黎必需要encore 既點心.- 金錢肚 (9.5/10)因為叫得太多嘢食，呢碟嘢要到凍咗先食到但都好好味，相信熱食更正下次要encore 食熱.- 酸菜魚米線 (5/10)只係價錢屈機因為$40就有勁大碗味道如果同正宗食酸菜魚嘅地方（eg 太x)就梗係無得比嫌佢唔夠酸菜味好彩魚片夠滑無骨加返d 分唔會encore la.流沙奶皇包，排骨，金菇肥牛米線。。。無特別overall, 絕對值得再度光顧

今日朋友介紹帶我一齊嚟到觀塘工廠區嘅一間餐廳，主要其實係中式嘅點心，每一件都大大件大大件，我覺得最好食嘅係蝦餃，每一粒入邊都好似有四五隻蝦咁，今次三個人總共叫咗15個點心食到非常之飽，下次會再去

燒賣皇🙅🏻‍♂️：不是切肉，是搞碎肉兼霉霉地，也沒有冬菇。幸好隻蝦不是泡漲蝦。蝦餃皇👌：可以。非常之大粒，有筍味，但蛟內欠缺些汁。蒜蓉蝦春卷👌：好食。夠熱，夠脆，餡料足，還有芝麻醬配。珍珠雞🙅🏻‍♂️: 劣。餡料只有肉碎，仲要是'鞋'口的，連蠔油芡汁都欠缺。叉燒腸👌：雖然沒有米味，但餡料足。腸粉皮本來應該是煙靭，但可能蒸過龍，有點糊。墨西哥叉燒包👌： 勝在夠熱。鬆軟度、餡料、味道都是普通的。

工廈內的點心專門店，所有點心都即叫即蒸🤓🦐豪瑝蝦餃皇蝦餃好足料，應該包左幾隻蝦，味道唔錯，幾彈牙同爽脆。個皮都唔會太厚，不過今次黎食，蝦餃外皮偏軟身🤔🐔豉汁蒸鳳爪醬汁微甜微鹹有豆豉香味，鳳爪煮得柔軟，入口即化。🐷五香金錢肚五香金錢肚夠入味，唔會太韌咬唔開。🍆醬汁釀茄子拼尖椒個豉油汁幾好食🤓魚肉彈牙，茄子夠腍，尖椒夠脆。🍳生煎蘿蔔糕略嫌煎得唔夠香脆，味道正常。🍞墨西哥叉燒包新鮮焗起熱辣辣，墨西哥包面層鬆脆，麵包偏軟身，餡料都多，唔錯。🍼流沙奶黃包是正常的流沙奶皇包。🪿鵝肝醬鹹水角鵝肝醬鹹水角冇乜鵝肝醬嘅味道，餡料係平時鹹水角嘅味，外皮脆入面煙韌，不過略嫌油膩咗啲，應該係因為油溫掌握得唔夠好。🥭芒果布甸布甸質感偏硬，應該係落太多魚膠粉🤔麻麻哋

觀塘發掘左間幾好食既飲茶😍😍墨西哥叉燒包 $29 ❤️❤️❤️❤️❤️呢個係我次次飲茶都必叫👍🏻👍🏻超出水準 佢呢個包勁足料 啖啖都食到叉燒粒🤩🤩外脆內軟勁鬆軟😚蒜蓉芝士鮮蝦長春卷 $39 ❤️❤️❤️❤️❤️因為我唔食春卷 但我男朋友咁嘴刁都食矖3條春卷😂佢話好食過平時出面果啲好多😆😆😆鳳爪排骨飯加蘿蔔糕同杯凍檸茶 $52 ❤️❤️❤️❤️❤️好抵食呀 係lunch set黎 岩曬有時一個人都可以去飲茶🤓👍🏻同埋個飯望落好似細細碗咁，其實份量十足👍🏻一個人食岩岩好 又好味 蘿蔔糕我最愛因為食到勁多一條條既蘿蔔 好足料 平時啲蘿蔔係基本上全部都係粉漿得勁小蘿蔔係入面 呢個真係平靚正！！ 檸檬茶就正常發揮🫱🏻‍🫲🏼沙律雜果鮮蝦炸雲吞$35 ❤️❤️❤️❤️❤️呢個係我家姐最愛😂😂我因為當日熱氣所以無食到。但佢呢個勁脆之餘仲好足料 味道沙律好爽 好少地方整到咁大個炸雲吞👍🏻燒賣$29 (2粒) ❤️❤️❤️❤️❤️以14.5一粒既質素黎講 佢真係對得住個價錢佢既質素👍🏻大大粒面頭同底各有粒大粒 入面勁足料一啲都唔厚粉👍🏻醬汁茄子拼尖椒 同 紅油抄手 ❤️❤️呢2個可以唔洗叫有點失望 雖然佢份量夠大，但啲鯪魚肉炸到勁乾☹️咬唔到 有啲失望 佢個紅

#20240420 💛📍 豪隍點心工房 觀塘敬業街65-67號敬運工業大廈1樓A室 🍽️觀塘鴻圖道83號東瀛遊廣場地下B號舖太古太古城道18號太古城中心2樓255號舖➖➖➖➖➖➖➖➖➖➖➖➖➖➖➖➖➖#竹笙上素餃 $32#羅漢齋素腸 $28💭 其實兩樣既餡係一樣，差左個皮唔同左，入面有滿滿既香菇粒🍄‍🟫紅蘿蔔粒🥕木耳絲等等正常素腸或者素餃有既料，除此之外佢仲有唔少新鮮既芫茜，每一啖都超重茜味，芫茜愛好者一定要試🌿.#高湯鮮竹卷 $26💭 望落漲卜卜好吸引🤩比起出面啲鮮竹卷呢個的確係實淨好多，而且無咁油膩，可能係因為入面有好多西芹粒，獨特既芹味幫手解咁啲肉既滯，不過怕芹味既朋友要小心喇😏.#流沙奶黃包 $28💭 個包好軟熟，入面啲餡真係做到流沙既感覺，佢個流沙係形態而唔係味道😅不過好睇鐘意甜既餡定咸既餡，呢個係偏甜，著重奶黃多啲，🐷比較鐘意咸蛋黃味重啲既流沙餡，所以覺得麻麻🫣.#蝦仁燒賣皇 $28💭 係呢度招牌菜，一籠得兩粒但係每粒都大大粒，以為得面頭一隻蝦就太天真喇，原來佢入面仲有幾隻，咬落啖啖都食到蝦肉，就算得兩粒都抵🦐.#五香金錢肚 $38💭 個醬既味道調教得好好，啲金錢肚份量都唔少

果日臨時想食點心，就走咗去豪隍排隊一如既往都要等咗啲時間，一班人就去食，都預咗要排一陣基本多人就咩都叫下，而長長嘅春卷同墨西哥叉燒包係必食嘅！每人一件係基本啦另外啲飯、腸粉都唔錯，對食物無失望～ keep到水準

❣️我曾多次光顧過豪隍點心，這是一家高質量且物超所值的酒樓。而且還不收加一服務費。如果要說缺點，就是要行幾級仔樓梯，對行動不便的人比較麻煩，但個人並不介意🤣❣️他們的蝦餃、燒賣超大粒，墨西哥叉燒包真的很出色，其他炸饅頭、牛肉球、紅油抄手、北菇滑雞飯、蓮藕煎鯪魚餅、生煎菜肉包、鼓汁蒸排骨和黑椒金錢肚等點心都很不錯，他們選擇非常豐富。❣️此外，他們提供客人自行炒製辣椒油，真係好香。我建議您一定要嘗試一下他們自家炒製的辣椒油，它肯定會為您的餐點增添獨特的風味。哈哈😂提外話😆為什麼我會發現他們的辣椒油？因為第一次到這間酒樓的時候，我是跟他們要辣椒醬的，但姐姐說：自此一試愛上❤️

下午茶入場勁抵食，四樣嘢加埋茶錢$100都唔洗呢間嘢仲要免加一可能下晝時間去冇咁忙，員工服務態度非常好 每樣嘢都係即叫即蒸好新鮮點心每一樣都好大粒又飽滿一粒蝦餃都有三個大蝦喺裏面好好味食到勁有滿足感😋就算唔係下午茶呢個咁抵價錢平時都好值得專登過嚟呢度食好過啲人專登返上大陸飲茶

今餐係下午茶（1人食）～特價時段真係好抵食😆點心大大隻，又便宜，又好食😋以下係特價時段餐點紙：1.茶位（$8）：香片，茶水夠熱，都幾香👍🏼2.蝦餃皇（$21）：兩隻超大隻，入面好足料😆表皮都ok，粉唔會太厚！3.燒賣皇（$21）：同上😆4.溫泉蛋牛肉飯（$27）：都幾大碟，唔貴，好抵食😆如果個牛肉唔係牛肉球嗰種牛肉（本人唔鍾意食牛肉球😜），應該會仲好味😋重口味既朋友可能要落醬油，個飯本身唔係好鹹😌5.杞子桂花糕（$13）：清甜，爽口，仲有啖啖桂花味😆6.今日冇食午餐，所以一個人食先嗌咁多碟嘢😂咁多嘢先$90，好抵！備註：1.建議特價時段去，點心價錢真係便宜好多 2.一個人食order一個飯加個點心，其實夠飽 3.平時都要排隊入座，一家大細去既話，要搵人預先拎飛

💛高質豪隍點心工房之前喺大西北叫Deliverxx外賣點心都指定會叫佢哋 不過而家無咗無得叫啦🥲難得今次出到觀塘 即刻要堂食回味一下點心即叫即蒸 全部上枱都熱辣辣堂食同之前外賣一樣咁高質🤤蝦仁燒賣皇（2 粒） $27一籠有兩粒 我哋叫咗兩籠有四粒粒粒都大到差唔多成個包咁大🤩除咗上面有蝦之餘 咬入口一樣食到彈牙既蝦肉入面既豬肉肥瘦均勻 真材實料 好好味😋豪隍蝦餃皇（2粒） $27同樣叫咗兩籠有四粒 大大粒 皮唔會太厚 入面嘅蝦好新鮮 仲好彈牙😋山竹牛肉球 $25牛肉球夠淋 加埋馬蹄夠爽口👍🏻流沙奶黃包 $27咬入口有流心效果 不過記得趁熱食因為放耐咗就會有少少凝固喇外層軟糯 流沙奶黃唔會太甜💛蒜蓉芝士長春卷 $37蒜蓉芝士味唔算突出 但勝在新鮮熱辣脆卜卜旁邊仲有青瓜可以解膩💚鵝肝醬鹹水角 $27平時酒樓食開嘅鹹水角通常都凍冰冰呢度嘅鹹水角竟然有驚喜 熱辣辣㗎入邊仲要有鵝肝醬 食出層次感 好好味🤤