豬仔糖水 (已結業)

椰皇芋圓蕃薯圓湯丸只能説十分失望，價錢同味道係不成正比，只能怪自己選擇錯左😭無乜椰味，水汪汪 芋圓蕃薯圓無乜芋頭同蕃薯味，好似食緊擦子膠一樣 唯有好味的是芝麻湯圓，

昨晚20:00我和老公係屋企食完飯後，20:30他突然話想食糖水，所以我們係附近找糖水食，發現有一店招牌係心太軟及椰皇燉奶🤗，環境好有韓國度假feel😁，所以我們就決定食這間，我們諗住share食，他叫左椰皇燉奶，用鮮甜椰皇水+日本3.6特濃牛奶去燉，椰味重又不太甜😘😘😘😘。我就叫左皇牌比利時朱古力心太軟配oreo曲奇雪糕，朱古力極濃，曲奇雪糕超凍，有脆脆及心心草莓伴碟，我們一啖熱一啖凍放晒入口食，冰火交融，我們都食左心心草莓及心心朱古力，好sweet😍😍😍~

豬仔糖水係其中一間經常幫襯既甜品，特別係佢地既窩夫，水準唔錯。今日早食飽晚飯，所以特登番屋企前去食埋糖水，唔係因間夜媽媽肚餓。豬仔都算好多選擇，有中式糖水、綠茶類、涼粉西米露、綿花冰都有，一家大細都可以啱口味。今次叫左我既至愛椰汁紫米露食過好多間既椰汁紫米露，豬仔依個椰汁比較多，紫米硬度適中，唔會太甜，食起唔會好漏，讚另外叫左個朱古力窩夫配香焦同朱古力雪糕窩夫唔會太硬都幾脆，都重朱古力味，另外配埋香焦同雪糕一齊食，凍熱夾埋一齊食好正。

估唔到喺土瓜灣發現到一間好有特色嘅糖水店.....裏面環境優雅....而且有好多唔同款式選擇嘅甜品....感覺好特別有凍有熱👻👻👻而且又有舊式湯水.....而且也有新潮甜品呢間豬仔糖水真係幾特別呢啲綠茶涼粉軟林林滑脫脫加埋冰凍豆腐花...仲要有個綠茶雪糕球加多8元食多個印尼撈麵又睇唔出佢嘅印尼撈麵都幾彈牙

男友次次都係叫Rainbow +小丸子即係大雜燴芒果預通常都舌，小丸子係幾有味的今次我叫西瓜涼粉，有啲失望喔，西瓜唔夠甜。涼粉都幾彈牙的。不過豬仔真係好多款式，價錢親民嘅。

吃完晚飯當然要和寶寶去吃糖水滋潤一下。上網找到豬仔糖水，因為我也常常被取笑是豬仔，所以對其名感覺親切。寶寶要了桂花芋圓，裡面有蕃薯圓，芋圓，愛玉凍和桂花糖水。把愛玉凍倒進熱的桂花糖水裡，愛玉凍便慢慢溶化，很有趣。蕃薯圓和芋圓也十分煙韌，口感一流。可惜糖水的桂花味不太濃烈，所以並不特岀。我的蛋白杏仁茶很失望，杏仁茶很甜，甜到連杏仁味也掩蓋了，而蛋白的份量小得可憐。雖然不喜歡大型連鎖店，但滿記的杏仁茶比這裡好更多。

突然間好想食糖水， 又好想吃小丸子 ，竟然行經豬仔糖水店，仲比我見到有個下午茶優惠到8點， 二話不說便衝了入去。好抵，20元就吃到一碗含有雪糕、綠茶 冰凍、小丸子、豆腐花及雪糕。 加8元仲有小吃。由於只是20蚊，我覺得要求不應太高。 豆腐花比較稀，像水一般。 綠茶冰凍都有綠茶味。 小丸子稍淡但都好煙韌， 同綠茶雪糕一起吃，甜度就剛剛好。由於有少少肚餓所以加了一個小吃(8元)，老闆好好人，肯比我兩溝，一半魚蛋一半燒賣， 兩樣都熱辣辣好好味。

一行六人打完邊爐食糖水，見門口都有人等，點知一埋去竟然一去到有位。地方唔大叫有啲裝修樓底高仲有電視睇。糖水到快上，中式糖水代表熱腐竹蛋煲熔晒啲腐竹得返蛋絲甜左啲。凍中式椰汁黑糯米，好大球黑糯米，煮得好夠軟足料，椰汁有啲浠但混埋好杰既黑糯米剛剛好。西式糖水楊枝甘露芒果有啲酸唔多肉，芒汁落多左啲糖影響左原味，西米係腍身既，柚子肉唔多，普通。店舖自創甜品黃金海岸，芒汁同楊枝甘露一樣，西瓜粒無味，蘆薈又酸左🙄大粒西米好軟好味。綿綿冰代表慕黑冰山，好濃朱古力味，奶多唔似刨冰質感，溶左啲似雪糕。棉花糖夾，士多啤梨白朱古力刨碎因爲凍所以有點硬，反而咖啡啫喱粒粒就咁多配料中最好，淡淡的咖啡味中和左朱古力嘅甜味。中西甜品都唔算突出，冰同糯米叫比較好。

食完一餐不滿意嘅晚飯，走過對面甜品店希望取回味學的享受， order 左兩碗甜品一個是腐竹雞蛋加芝麻湯圓另一個是椰皇燉奶外賣，腐竹雞蛋芝麻湯圓d腐竹有口感芝麻湯圓皮薄﹐糖水除雞蛋外也有蛋花， 唔似一般甜品店所買的腐竹雞蛋糖水只有腐竹蓉，而椰林燉奶不太甜又香又好滑口﹐價錢只是＄39超值﹐值得再食。

之前食過一次，印象中豬仔糖水係ok 好食，但尋日去左次，唔知係唔係轉左手定換左人，水準插水式下降，由以往ok, 去到永久blacklist, never again.我叫左個熱芝麻糊湯丸，我都唔expect 佢係即磨芝麻糊，但係都唔好離譜離到咁，佢真係可以同水一樣咁稀，而且食落口係淡而無味，連一點點嘅芝麻味都欠奉，超級難食，我係第二到食，就算係一般用粉開，都唔會難食到呢個地步，但佢真係非一般難食，非文字所能描述。

一天在土瓜灣吃過晚飯後，家人建議到附近的糖水鋪吃甜點，草根對此提議當然十分歡迎由於不太清楚附近有哪間出名的甜品鋪，所以隨意看到間名為豬仔糖水的店鋪就決定排隊內進餐牌的選擇頗多，令有選擇困難症的草根十分頭痛，苦思一輪後最終選了.......椰皇芋圓蕃薯圓湯丸（$37） 最近愛上吃芋圓，於是點了個熱甜品為假期劃上個完美句號。此甜品可能需要弄熱的關係等了大約15分鐘才上桌，但溫暖只是微暖，椰皇體積比預期小，以椰汁 作底，內藏2粒湯圓 ，數粒芋圓及蕃薯圓。椰汁好像是普通罐裝椰汁加水開稀而成，芋圓及蕃薯圓均各自帶有食材原味，可惜口感不夠煙韌，當中最可取的是僅有的兩顆湯丸，味道不錯，但數量上也未免小氣了點。整個甜品好像即食味很濃，沒有太多誠意，有點失望呢家人點的芝麻糊湯圓($25)，同樣最大敗筆是溫度不足，不太熱，味道正常，一般般吧。

晚上跟太太去吃宵夜，就想到再去已半年無試過的🐽。一坐下來，過來的年輕妹妹仔樣子已是不友善，語氣和回應完全不像歡迎客人的。真的大不如前。好好一家甜品店，叫曾有小小名堂，為什麼會敗在一班完全不同的員工身上？連收銀的女人態度也一般，但也比送餐和落單的妹妹仔要好。是有咩問題嗎？現在改變還來得切嗎？我們點了兩份甜點，一份小食。甜點味道也不如往年好，賣相明顯比前馬虎了。但小食 （九香魚丸）味道還可以其實附近有很多更好的選擇，不過可能其它店太多客人才仍過來這已慢慢退步了的豬店子

因為係附近住，所以都經常係呢間糖水鋪堂食同買外賣甜品，本來已經覺得佢既食物質數越來越差，點之連服務態度都差左好多，今次係買外賣，買兩碗糖水，佢比外賣我既時候兩碗糖水都係斜同已經漏左係個膠袋度，佢完全沒有理過我就走開左，返到屋企重要發覺有一碗比錯左，打電話比佢，佢非常晦氣咁問：「你咩號碼架，如果唔啱就攞返黎換，我地好忙呀，你鐘意而家就而家聽日就聽日後日就後日」希望大家明白佢講既聽日同後日係非常晦氣，真係好難有下次

食完火鍋，當然要去食甜品，這間甜品款式很多價錢不貴，等了十至十五分鐘後有位，六個人就入去試一下。Menu有好多選擇，樣樣都想試，最後我選了抹茶棉棉冰。抹茶棉棉冰，抹茶味濃

入去坐低叫個糖水叫「佐治糰子」，點知讀錯個糖水名，個店員即黑面話聽唔明我噏乜，勁串兼無禮貌。簡單講，此店價錢合理，食物水平尙可。但此店生意繁忙，人來人往，店員好似唔憂無得做，服務態度極差。總括而言，不會再幫親。