貓之眼

营业中

休息中

Lunchtime大概12點幾嚟到呢度，好多人排緊隊，所以最後排咗45分鐘左右先食到。如果唔想排嘅朋友，可能要早啲或者tea time先嚟！入店後落單，嘢食好快就送到。100%橙汁🍊橙汁甜中帶小小酸，味道自然嘅，唔會有啲化學成份嘅味道或者好重嘅糖漿，消暑一流～招牌三色蛋包飯 🍛 份量好大！！🤪濃茄牛肉嘅牛粒軟腍，汁就有蕃茄酸味，個人覺得可以鹹多少少。咖哩豬肉就係甜甜地嘅日式咖喱，唔辣，而紅蘿蔔煮到好腍，豬肉片就正常～蛋包飯嘅蛋好滑有蛋香，飯粒就偏向乾身，加埋啲汁食就變得啱啱好！😋呢間小店嘅蛋包飯真係好特別，味道都好出色，以後一定會繼續支持！🔥🔥

鰹魚汁茄子呢一個係見無咩人會叫，但其實係超級好食嘅蒼海遺珠。呢個係一個凍食的茄子，茄子吸滿哂好好味的鰹魚汁，但又唔會浸到淋哂，無哂口感。夏天食係非常非常之消暑。我每次黎無論一個人定同一班朋友，都會叫一碟。濃茄牛肉+燴牛肉汁蛋包飯可能第一之黎嘅朋友都會俾個手打漢堡扒吸引到，但真正識食的朋友一定係叫濃茄牛肉+燴牛肉汁蛋包飯。因為咖哩黎講，自己屋企都可以煮到，唔洗特別出街食。但日式茄牛汁同燴牛汁就比較少機會煮到。首先茄牛係非常開胃，佢同港式的茄牛唔同，唔會有一粒蕃茄俾你見到，但酸酸甜甜配上牛肉又夾又好味！超級好送飯。食完開胃的茄牛汁，就可以食燴牛汁，燴牛汁比茄牛汁更香濃，次次食完都好想問下啲店完點整！ 總括黎講，貓眼係每一次去灣仔都會想去食的飯堂。

朋友推薦呢間蛋包飯鋪仔細細 位置不多👯‍♀️幸好有早少少到 唔洗排隊就入到去/蛋包飯嘅配汁有幾款選擇咖哩🥘 濃汁 忌廉🫕蕃茄🍅而配菜就有 漢堡 雞肉 牛肉 豬肉/最後揀左濃汁漢堡同忌廉雞肉/一嚟到個賣相好吸引 好似係日本咁漢堡好厚身 個蛋睇落都好滑估唔到最好食竟然係忌廉雞肉 😍啲雞肉非常滑襯埋個忌廉同蛋一齊食 非常之夾🤤我諗下次會叫淨忌廉雞/相比之下 漢堡賣相吸引 但食落冇咩好驚艷嘅感覺（雖然都係好食的）見到另外有張poster話有得食自家製布甸🍮但原來仲準備中希望下次去個陣有得食啦😆

呢間位於灣仔嘅小店，傳聞經常大排長龍，好食程度係排長龍都要食咁話…呢日大概中午時間嚟到，離遠已經見到有條人龍，既然老遠嚟到，排隊都要食啦…正當跟隊尾排隊之際，有位鬍鬚佬唔知店員定老闆，以接近’指令式’ 口吻管控食客點樣排隊，係絕不友善！排咗大概半個鐘倒就有位，都唔算耐，可以接受，我一行3 人，入到去先知要分開坐，因為佢係得2 人枱而無4人枱，再加3 個bar 枱位，其實一啲都唔friendly，變成我自己個飯自己食，友人們互相分少少試吓都做唔到！最終各自點了3個唔同嘅蛋包飯…▶️咖哩豬肉+濃茄牛肉蛋包飯 ($82) - 蛋包飯確實做得出色，薄薄嘅蛋包住啲飯係唔容易，咖哩汁就略嫌欠缺濃味，唔太食得出咖哩味，至於配餸就正正常常▶️手打和牛漢堡扒蛋包飯 ($89) - 朋友話個燉牛肉汁有少少苦澀味，至於和牛漢堡扒應該唔會唔好食，反正都係來貨，唔會店家自製▶️ 忌廉雞肉+濃茄牛肉蛋包飯 ($82) - 朋友話忌廉汁同濃茄汁都好，配餸就同我睇法一樣，正常而已餐後感：1.) 食物質素ok，蛋包飯確實做得出色，只用薄薄嘅蛋就能包住堆飯，廚師有功架！2.) 鬍鬚佬打從排隊嗰刻就好唔友善，到奉上飯餐到我面前，

知道呢一間午市好多人等位，今次就揀左夜晚黎食，平日6點半左右一入就有得坐，不過店內坐位唔多，再夜d就開始多人需要等位忌廉雞肉+和牛漢堡蛋包飯睇落以為好細碟，不過份量幾足，大食的可以免費加飯，和牛漢堡好大個，充滿肉汁，好食，忌廉雞肉都好好食，中間的蛋好滑，佢係用日本雞蛋黎整的，整體黎講好滿意

見餐廳6點開門，星期五晚6點3就去到排隊，竟然已經有10幾個人排緊 :0 最尾等左半個鐘多少少終於入到座同朋友兩個人都叫左三色蛋包飯，我係圖中既咖喱豬+忌廉雞，朋友叫左蕃茄牛+忌廉雞😋個咖喱果然好好食！係我鐘意既濃味日式咖喱，不過如果有返少少辣就更好，蛋好嫩滑，忌廉一啲都唔漏，一啖咖喱汁一啖忌廉汁咁間住食就唔會啖啖都好濃味☺️ 相比之下朋友叫既蕃茄牛就有啲一般，推介大家都係試咖喱豬先！本身仲想叫多個限定小食，點知7點未夠就賣晒有啲可惜😮‍💨Btw見有啲食評話服務態度差，我就完全唔覺，首先排隊果時都keep住有人理我地，入座我地坐門口bar枱位，職員聽到我地講野仲搭嗲一齊講左幾句🤣

因為要去會展睇exhibition, 所以就早少少到灣仔揾食.諗起當年童軍成日都去貓之眼,所以今日都再去一去.menu manual方面冇好大改變,主要分三種醬汁-白汁,咖哩同茄汁,另外仲有燉牛肉同漢堡扒選擇. 今次就叫左叻咖哩同白汁配,蛋包飯依然出色，有光澤同滑身，諗左好多次想黎part time偷師,三扒兩撥已經食晒了

呢間好多年前同朋友食過，已經唔記得咩味，琴日突然想食返，嚟灣仔食完再去美食展🤣·✨咖喱豬肉·忌廉雞肉·和牛漢堡蛋包飯 $109🍛緊係試下個咖喱啦，係正常嘅味道，唔會辣，豬肉都普普通通啦忌廉雞肉被👦🏻話姐係kfx雞皇飯，但呢個好味啲我覺得，濃郁但相對會漏啲😅係雞肉份量唔算多，得四五粒個蛋係幾滑嘅，整得唔錯👍🏻飯嘅份量都大汁偏多，和牛漢堡少許偏鹹，可能都關個汁事·✨燴牛肉汁·和牛漢堡蛋包飯 $99牛肉唔算大塊，但好薄身，撈飯食一流，個汁都係偏鹹😌·✨凍檸茶 $28可添飲一次·🌟整體都有8分啦，因為都係算好食的😚係啲汁太多啦🙃

Bookmark咗好耐嘅貓之眼終於去咗食🥺平日6點15分開始排 排咗差唔多半個鐘就入到去了 入到去嗌完隔咗5分鐘倒就出餐 都幾快下🤣排前面聽到個男仔想嗌甜品但原來早晚各20個 所以想食就一定要早排了～黎到個賣相好吸引！冇照騙🤣！蛋幾滑但蛋味唔重咖啡汁同茄汁都幾好食🤤不過冇乜驚喜 係想像得到嘅味道但黑椒汁冇咁推薦 漢堡扒都普普通通 唔太推薦😖整體ok好食嘅👍🏻但冇網上吹捧到咁好食🙈經過可以去食 但特登去食就應該不了🤭

𝑪𝒂𝒕𝒔’ 𝑬𝒚𝒆 貓の眼-🍽 咖喱豬肉 燴牛肉汁蛋包飯見到咁長既介紹不用多說！好幸運地當日唔使排好耐隊，但係最想試嘅漢堡扒已經賣晒( ･᷄ὢ･᷅ )如果想試既朋友一定要早去！但只係試左佢既「咖喱豬肉 燴牛肉汁蛋包飯」已經是到佢嘅真功夫(⁎⁍̴̛ᴗ⁍̴̛⁎)首先蛋好滑，半熟，一啲都唔老！贊！佢既咖哩遍甜，不算太辣！肉質唔老！牛肉汁帶有少少酸味，有啲人未必習慣，但我反而覺得夠濃，吊返牛肉既味出來（≧∇≦）唔知有冇人同我一樣最中意食硬飯，飯同汁一定要分開？貓之眼既咖喱汁唔會太多，剛剛好可以送晒啲飯，唔會好似湯飯咁！個人幾like(๑･̑◡･̑๑) 📍 24 Swatow St, Wan Chai

今日同朋友到灣仔吃東西，最後選擇了這一間。由於我地五人行，於是在疫情下要分為3，2兩張台。另外亦都要等齊人才能進入，職員好好先比三個入座，再安排二人台。最後我點了咖喱豬肉+繪牛肉汁蛋包飯（ $89）（少飯）咖喱豬肉是由35種香料，天然蜜糖及大量甜蔥慢火烹煮而成的咖喱汁，味道與日本食的咖喱類似，都是較甜的咖喱，非常香濃。豬肉唔會韌。繪牛肉汁經自家製的牛肉汁慢火煮成的牛肉，柔軟美味。但個人麻麻地呢個牛肉汁，較喜歡咖喱汁。蛋白飯的蛋滑和味道唔錯，配飯好食。

咖喱豬肉忌廉雞肉蛋包飯 $82好有日本風味嘅一餐，唔好睇個飯好似好多汁咁，飯同汁同肉嘅比例完全係啱啱好，真係可以做到淡淡飯都有汁撈，但係又唔會多到變咗湯飯咁！而且滑蛋加咖喱係絕配，個忌廉雞肉又可以中和下咖喱嘅鹹，可以揀自己想配嘅組合，偷偷聽到隔離枱話個漢堡都好好食！雖然食午餐嚟講，價錢算係少少貴，但係物有所值，而且店員超級好禮貌服務100分！

每次經過呢間餐廳都見到超多人排隊，所以一直未有機會嘗試，今日難得門口相對地少人，所以就加入左排隊行列了~由12:55等到1:30先入到餐廳，喺烈日之下都幾難頂，不過店員大叔十分之有禮貌，佢時不時都會走出嚟同大家講唔好意思、要大家久候等等，友善服務態度減輕左大家排太耐隊嘅鬱悶感覺，呢一點值得讚賞！由於喺排隊嘅時候已經寫好哂想食啲咩，所以一入到去只須填返座號就可以了~送餐十分迅速，一嚟到當然要打張卡先啦，因為我實在俾佢個三色蛋包飯賣相吸引左，我嗌左忌廉雞肉(白色)、蛋包飯(黃色)同埋咖哩豬肉(卡其色)，呢3隻顏色夾得好靚！！非常吸晴~~味道方面十分高質，飯粒係採用日本嘅珍珠米，忌廉汁同咖哩汁味道同份量都啱啱好，唔會太濃或太淡。整體而言，呢餐蛋包飯色香味俱全，值得推介！

Bland taste, fast food meat, rude service, and why pretend to have a counter when no fish or bbq is made inside? Please copy in a decent way like Japanese do, rather than just look like a Japanese restaurant. What a waste of time. Important things must be repeated: bland taste, fast food meat, rude service, and why pretend to have a counter when no fish or bbq is made inside? Please copy in a decent way like Japanese do, rather than just look like a Japanese restaurant. What a waste of time.

［灣仔蛋白飯］Cats’Bristro 日式醬汁飯專門店行完書展 要出番灣仔食飯 之前揀左呢間近利東街嘅日式醬汁飯專門店 而我8:00pm去到都要等大約30min先有位 而且晏左去係會order 唔到佢signature 和牛漢堡扒飯🍅 #濃茄牛肉+燴牛肉汁蛋包飯 （$89）我自己覺得牛肉汁味道比較突出 而濃茄牛肉就無咁出 我自己覺得mix埋一齊食可能味道會更加好 而蛋方面生熟程度控制都叫還算可以 但係飯就少咗啲 希望下次嗌到漢堡扒飯 不過整體就不過不失 外型係幾有創意 想營造一個貓眼嘅形狀Rating5👍🏻為滿）味道：👍🏻👍🏻👍🏻環境：👍🏻👍🏻👍🏻抵食：👍🏻👍🏻👍🏻📍：貓之眼 (灣仔)灣仔汕頭街24號地舖