貓館 (已結業)

20050705 5.45pm跟朋友在花墟辦點事, 事後求其找間cafe "hea" 一陣. 揀呢間見招牌寫明有貓wor! 我最鐘意貓o架啦~ 就走上去試下.貓係真係有架wor! 3隻咁多, 不過唔太睬人, 同埋好大隻.2個人襯仲有時間(2pm-6pm 係下午茶時間), o拿o拿林叫兩個tea set-* 吞拿魚飛碟- 點解會連埋麵包皮o架呢塊方包?* 碎蛋沙律- 其實本身的菜都OK 新鮮, 但係隻碟太大, 感覺上的份量好少, 其實又OK 夠食, 仲有, 沙律醬唔洗落得咁重手wor.* 熱咖啡x 2 - 唔香, 又唔夠濃, 唔得.地方闊落, 但係o的位唔算舒服, 擺位有點古怪. service 一般. 最值得一讚係洗手間又大又乾淨. overall comment 係如果搬下的位就會好得多.全日不設加一, 埋單$60幾, 朋友請, 多謝晒.

因為鍾意貓,所以食飯時就搵o左呢間betweeb試下！食物：晚餐選擇唔多,只有四款,我跟朋友各自點了一個西蘭花意粉及咖哩雞扒飯,味道就冇乜特別,唔算係好味又唔係難食,但d飯就凍左d,而且要等好耐。但個美人茶就唔錯,好香紅棗味,佢仲會俾蜜糖你,鍾意甜就可以加。服務態度：只有一個待應,人多少少就唔係好照顧到,不過態度都好nice,廚房好細,竟然都可以容納3個人,但出菜都要等一段時間。環境：凳好舒服,但好奇怪係張凳同茶几一樣高,食野時候就好辛苦。全店只有2隻細貓仔,仲好鬼嗲添,叫MeMe,摩摩

同男朋友去呢間cafe食野~~主要都係想玩下貓貓~~兩點幾上到去~~睇下個餐牌~~真係無咩好食~~叫左一個火雞潛艇+牛肉天使麵+熱朱古力~~火雞潛艇真係麻麻~~普通一個法包+蕃茄+青瓜+火雞+沙津醬~~可以想像個味道~~而每樣配料都係得一塊~~$28呢個價真係好唔抵~~牛肉天使麵係一個雞粉湯+幾塊細過炸菜絲既牛肉+麵~~熱朱古力好甜~~個舖頭將D貓分開O係另外一間房度~~比較衛生~~但係就唔可以一度食一度同D貓玩~~不過服務都唔錯~~我地食完野埋左單~~都玩左成個鍾貓先走~~都無黑面~~態度都算唔錯~~

第二次去啦！今次叫左士多啤梨戈夫同熱朱古力，個戈夫好靚呀又好食，不過等左好耐，同埋杯朱古力太甜，之後又叩叫左件cheese cake，都幾好食。同埋都係覺得d食物款式太少，無d比較飽肚d 既野食，男仔就會唔飽lor！未夠兩點上到去，都差不多坐左兩個鐘，因為整係同貓貓玩都玩左個幾鐘！大家姐tiger同二弟mimi就成日打交，細妹momo就比較怕事，同埋之前去過好多間貓cafe d貓貓都唔同人玩，好cool咁，唯獨呢到d貓貓會同人玩lor！所以呢到都幾o岩D想同貓貓玩既人。

昨日下午相約幾個中學同學聚會, 原本前一天已經book定位, 想吃dinner, 但是下午的旺角人多車多, 於是一行人便決定先上去坐坐, 上到去是4:30pm, 客人只得一台, 問店員我們book了dinner time的, 可否坐坐, 玩下貓, 到晚上才order食物, 他給我的答案居然是: ! 而家先4:30咋喎, 你地要坐到6點幾晚餐時間, 差好耐喎...言下之意即是一係你地就order d野食住先, 一係就唔好坐,6點幾再上過黎, 當時我地見到個老板咁講, 只有order左少少野, 但我地就覺覺得佢唔係咁識做生意, 因為當時只有一台客人, 又唔係有很多客或者有人等位, 基本上你俾我地坐到6點幾先叫晚餐都唔係問題, 佢地d台都係吉係度冇人坐, 但佢地就夾硬要我地order野食, 我覺得樓上的cafe就係因為少人上去, 如果冇人等位, 可以任d客人坐幾耐, 傾幾耐都得, 但佢地就唔係咁, 驚死你唔叫野食咁, 到左6點幾, 因為我地要等多個朋友上黎, 諗住等埋先order晚餐, 店員已經好"主動"咁話俾個manu我地睇, 好驚我地坐左咁耐唔叫dinner咁...同埋佢地唔俾人影佢地擺

上星期五,與友人再去試試新開上樓咖啡屋,之前在去cafsense時,途經上址,見環境不錯,而今次有愛貓之人也想去,因此便成行了.來時,約下午四時許,想可能是平日吧,除了一男一女店員外,並沒其他客人,看看店的名字,已知亦是以貓做主題的咖啡屋,但其實全店只有兩隻很細小的貓,以及有兩個櫃,是擺放貓精品來售賣. 因店的面積不大,因此坐位也不算太多,擺放了四套梳化位,紫色心形坐椅兩套,另還有圓檯加四張藤製的椅,空間感算不上有,但也不會太狹窄~~店內播放爵士版的英文老歌,感覺悠閒,而牆上有很多照片,全都是貓的動,靜態…….坐下不久,便按不住,四處拍照,由室內環境,以致大門口也不放過,因此趣事發生了,正當我外出樓梯拍攝門口照時,女店員,竟詢問同行友人,我們是否記者,哈,我們還是頭一趟給人誤會,我當然連忙否認啦!!這令我們和店員也有點尷尬,店員解釋,他們其實只營業了一個半月,而過往,很少有客人會影過不停,所以才會有此想法~~我們點了兩份套餐,分別是芝士餅和潛水艇餐.先說潛艇($38/set).我們要了煙三文魚, 外層是烘過的脆口法包,而內餡,生菜和青瓜很爽脆,番茄就遜色一點,煙三文魚不錯,另外有沙律醬