貢茶 (港鐵東涌站)

营业中

休息中

忍唔住要比負評！態度惡劣都已經衰，仲要杯手工咖啡勁難飲！👎🏻除左係因為位於地鐵站方便買，否則完全冇可取之處。.入到去見阿姐講緊電話語音訊息，咁我就等左幾秒，諗住等佢講埋先，大家有眼神接觸佢知我企喺度等緊佢，點知佢仲繼續傾落去，我就問「唔該係咪可以落單呀？」佢話係.落完order我問阿姐，手工咖啡係咪可以走冰架？我諗住下次試下走冰，點知佢突然好惡、好激動咁話「得！點解唔得呀？ 哩啲就得個啲就冇得走冰！」完全唔知佢發惡點在哪？.杯咖啡（點左小甜小冰），質地好稀好薄，帶酸，睇住阿姐係個樽度倒出嚟，懷疑擺左好耐。我喺沙田中心飲過👍🏻👍🏻，但沙田好飲勁多，質地厚滑，完全係2回事。

叫左一杯珍珠奶茶加咖啡凍，少冰少甜，同其他店的味道不一樣，.....……..就是怪怪地，而且叫左小甜一樣甜得嚇死人。連我朋友一直飲開全糖的都覺得甜。同埋服務不行。

我以為珍珠奶茶 = 手搖飲品完全冇手搖過極速“畢”哂d 材料入杯半糖變 極微糖已加錢叫鮮奶 但係成杯都好難飲。。。35元你對唔住個價錢已經唔求服務態度。。 得1個姐姐做， 知你辛苦

前兩日幫襯完想比8達通店員話只收現金8達通機開唔到，我話咁唔洗啦，因為我用港鐵app需要電子付費儲分，店員就即刻開返部機，兩分鐘都唔港已經用到。到到岩岩買左杯熱珍珠奶茶，唔夠熱員係微暖同埋珍珠係酸的。呢間鋪頭日頭有個姐姐態度非常差，態度同質素真係唔會再幫襯。

呢一間香港人一定識嘅貢茶可以話係台灣珍珠奶茶嘅始祖，全盛時期梗有一間係你左近，依家雖然規模縮細左但係價錢仍然係好大眾化今日咁岩經過嗌一杯清清地嘅凍頂烏龍茶加珍珠飲吓，雖然嗌咗少冰同埋微糖，但係一啲都唔甜，好似太過少糖，另外冰嘅份量都好似太少，隔咗1分鐘啲ice已經用晒，有少少貨不對辦最後，個staff 係來自內地嘅阿姐，廣東話都唔算好正，服務態度麻麻地，仲有啲串，對比其他台灣珍珠奶茶舖頭，呢間嘅質素真係完全下降，我諗唔係我要求太高掛，下次經過都係食其他了🥲

本身諗住放lunch口喝買嗰到嘅蜂蜜綠茶，話說當時我無cash起身，就話俾八達通，嗰短頭髮嘅姐姐就話無得用八達通，話壞咗，咁我就諗住唔買啦 之後嗰姐姐起我未講嘢之前就衝咗過去緊嘢飲，落咗蜂蜜落去，之後叫我去拎錢，起到迫我買，雖然我最後無返到去，但係俾我感覺唔太好，後尾聽返啲同事講呢間嘢以經唔係第一次係咁，個姐姐又唔戴口罩，沖嘢飲落嗰啲份量又亂嚟咁，成日個八達通機一係就話壞咗，一係就唔識用，都唔知係咪個姐姐自己袋錢落袋！！！真係大家買之前考慮吓，同埋希望貴公司真係考慮下會唔會就呢啲事發生改善吓，培訓下啲員工唔係咁落去只係影響到你間公司嘅聲譽！

去朋友屋企玩，就叫朋友幫手買下嘢飲啦因為見到佢嘅位置喺地鐵站都幾方便，一出閘就見到，所以就選擇左呢間啦～～平時見到都幾多人排隊等嘅，但甘啱冇咩人所以好快即叫就即整👍見佢價錢都好抵，20幾蚊就有一杯，所以對佢嘅要求都唔高😆朋友叫咗布丁奶茶，話佢整整畢左兩大間布丁俾佢，所以真係超級抵！！冇特別叫減糖，就咁望都唔似加咗好多糖漿，飲落唔算太死甜😆另一杯嗌咗熱奶蓋綠茶，但返到去杯飲品都變咗上面啲奶蓋都係凍嘅，變咗固體少少，所以就冇即場飲咁飲到奶蓋加茶，會分開咗兩樣野咁😂

付款時候問金額 本身拿緊cash 發現唔夠 已經開聲講八達通唔該 之後店員就話已經按左現金啦 話見到我拿cash 我就話 下我比八達通wo 我現金都唔夠 跟住店員又話比現金 然後走左去沖野飲 講d野9唔搭8😑 態度好鬼差 完全無講唔好意思 淨係識叫人比現金.... 投訴熱線又係虧嘅😑😑😑

前天 我到店買兩杯珍珠奶茶等緊野飲時，有兩個女仔去買6杯飲品，聽到客人講錯其中一杯飲品名稱，店員好惡，話落左單唔比改，店員落漏單就可以那個女孩未拎到飲品，飲品都未沖，那店員已經惡言相向，我忍唔住出聲幫手，那女仔才比更改飲品 太差

今日打完波諗住買杯野飲嘆下，係其他分店都有order過鳳梨蒟蒻綠茶，咁就買杯飲下 $21大杯～職員態度正常我上左車先飲，發覺唔對路🌚似落漏鳳梨味既汁合理懷疑：個疑似店長定經理同個女職員講「鳳梨蒟蒻綠茶你識沖啦」然後個女仔沖，點解真係出左事⋯🙈🙈

今日eatmug9 #9雖則師傅食嘢唔算嘴刁但係都唔代表冇要求今日為大家帶嚟依一間舖頭位於蝗蟲災區東涌嘅“貢茶”成間舖得嗰一個staff 同埋唔知店員平時係唔係對得遊客太多個耐性已經同咗臨界點態 ！ 度 ！ 好！ 粗！ 魯唔多想做你生意咁而我就叫咗客芋香珍珠 (圖中右一)諗住穩穩陣陣唔會出事喇點知仆乖中咗伏飲落去有浸酸味飲多啖都係唔對路 嚟手就丟咗佢但係問同行友人佢地個兩杯又冇問題喎依篇食評就係用嚟警惕下世人有興趣挑戰嘅勇者不妨試試

果個成日係度既阿嬸，找錢係dum俾人既，成日帶住對洗野手套收錢找錢，啲水搞到啲銀紙散子濕曬。今日係度同啲Staff傾計，同客講野又九唔搭八，成日無視啲客。服務態度都咁差，何況啲茶？

炎炎夏日飲杯冰冰嘅飲品，一大享受呢！本人呢就最鍾意飲香芋味嘅東西，貢茶嘅香芋奶茶真係好好飲架 加咗珍珠別有一番風味。珍珠有一種黑糖嘅味道，咬落口一都唔會癡粒粒，非常有彈性，飲落去每一啖都有香芋嘅香味，又有奶香味，非常之有驚喜！

葡萄柚蘆薈味道假，係假味劑溝水，仲要個味唔似葡萄柚。服務極差，兩個人看鋪，一個唔應你，另一個行過嚟落單由頭到尾黑面，叫少糖少冰，見佢打到冰去杯頂，提佢少冰，零反應。$18你俾我呀？後悔都嚟唔切！！未飲過咁難飲嘅嘢！！買包檸檬茶好過！！！！！！真心好差！！！！！！！！！！！！！！！！！！！！！！！！！！！！！！！！唔會再幫襯

貢茶喺東涌個位置真係好方便，地鐵站一出就已經到，可以喺東薈城行完後整番杯。今天天氣都幾凍，向來都飲開凍嘢嘅我，今日都係叫杯熱飲比較好。去到貢茶前面有4個人排緊隊，大概等3分鐘就落到Order，職員落單都算快手。今次叫咗杯黑糖薑汁奶茶，杯奶茶反而等得偏耐，大概12分鐘。奶茶到手，隻杯真係熱到辣手，飲時要好小心。杯奶茶薑汁味好濃但黑糖味反而有點兒欠奉。唔知點解雖然杯奶茶冇乜黑糖味，但係甜度真係Over咗，唔知佢哋係咪落錯咗糖呢~