貢茶 (安寧大廈)

营业中

休息中

依家周圍都係手搖飲品舖但好多間都要賣成$30 $40一杯貴啲嘅五十幾蚊都有貢茶相對嚟講比較平雖然款式唔算好多所以見到好多時星期六日工人姐姐都會排長龍不過呢度飲品相對較甜7分糖或者5分糖都已經足夠

本身喺隔離舖位，而家新開張轉咗去間隔離。今次我叫咗芋香奶茶、百香果綠茶同檸檬愛玉😗😗。⭐️ 芋香奶茶 ＄24芋香奶茶嘅顏色真係好吸引，好迷人嘅紫色💜💜，而且芋頭嘅香味都好濃郁。飲落去，一陣陣嘅香氣直入鼻腔，加埋綿密嘅芋頭，真係好香、好濃郁🤤🤤。而且，裡面有少少奶香，更加豐富咗口感👀👀。入口之後，感受到芋香嘅同時，亦都係一種香甜同清爽嘅感覺，仲有一啲柔滑嘅質感😄😄。⭐️ 百香果綠茶 ＄22百香果綠茶嘅組合非常不錯🤩🤩，百香果本身有助於紓解胃腸脹氣同埋促進消化。飲落去，酸甜嘅味道好清新，好解渴😆😆。百香果嘅酸味同少少嘅綠茶混合在一起，帶出一種自然嘅甜味😎😎，真係開胃。⭐️ 檸檬愛玉 ＄23至於檸檬愛玉，呢個組合真係好適合夏天消暑👍🏻👍🏻。飲落去，酸甜清新嘅滋味真係令人心曠神怡。愛玉粉條本身就有啲Q彈嘅口感😋😋，加埋檸檬嘅清香，真係一個消暑利器🤪🤪。📍貢茶 (安寧大廈) Gong Cha (On Ning Building)北角英皇道425-431號安寧大廈地下2號舖B部份Portion B of Shop 2, G/F, On Ning Building, 425-431 King's Road

閒日行街經過，有三位女店員。收銀姐姐落錯單。中年女店員同我講已經整好左，我話我唔係落呢個野飲佢先施施然去整。等左十五分鐘，佢同另一位女店員係後面睇張recipe 睇左十分鐘。我已經開始覺得伏。中年女店員整整下去左後面storeroom ，整跌左放角落既清潔用品。佢用準備野食，帶手套既手拎廚房紙抹地下（地下係漏出黎既洗潔精漂白水），之後佢就清潔自己衣服，我杯野飲就放左喺出邊備料區。之後佢仍然冇洗手，用地拖拖完地再打算完成我杯野。我叫停然後叫佢退錢。好難想像呢位中年女店員點樣整飲品比人。