貴川風味館

营业中

休息中

每次落雨都好想食酸辣既米線🥹但咁岩食開個間今日休息冇開 就去試下呢間～叫左酸辣小窩米線加豬大腸$38米線偏淋 入邊嘅配菜都算係幾足料豬大腸亦都幾多👍🏻湯底吾算太酸嘢飲就叫咗凍檸茶（+$7），茶底都幾濃😋不過如果服務好少少就好🫣

我本身有米線癮既，一個禮拜點都會有一至兩次食米線，今次我就食咗元朗呢間貴川風味館。店內環境比較迫，不過嘢食好味，所以間中都會去呢間食。每次嗌米線我都會嗌麻酸辣湯底，而我老公就試過金湯同埋沙嗲湯底，而餸嘅肉類選擇不多，我通常會嗌雞絲、雲耳、紫菜。而竹笙我原本好鍾意食，但上次試過嗌竹笙，湯底變杰，唔太建議嗌。雞絲非常爽滑一啲都唔鞋，紫菜給晒湯汁非常入味，而米線係煙韌同滑，超鍾意食呢個口感，我會走埋韭菜同芽菜，更加食到米線嘅質感。而我最推介嘅就係佢個麻辣皮蛋，黃色嘅皮蛋食落去非常特別，有時我仲會打包一份返屋企食。

元朗真的有很多米線店，這間也是剛巧經過～那就去食碗米線啦！今次比較特別我選擇了涼拌米線～主要是炸醬做餸～味道並沒有太大驚喜！另外朋友叫了招牌酸麻辣米線⋯加了豬大腸和腩肉⋯但忘記拍照片了～反而湯底挺不錯的！店員姐姐服務都好親切！

見開返晚市堂食.. 我就入去食啦.. ...叫左個豬頸肉菜飯....等左30分鐘....耐唔緊要....出到黎同我講....唔好意思整左外賣....叫我拎住外賣盒堂食....我個下都幾尷尬😩.....叫個姐姐俾隻碟我🍚...佢話攞隻碟俾你都係咁多🥲...跟住是但啦.....一食個飯係凍....我豬頸肉勁咸...唯一個凍檸茶幾好飲....見到幾多人望住我....我就係咁食食食....跟住埋單.....

個湯底好香，麻香味好夠YY本身有啲怕麻辣太勁會食食下有苦味但呢個無苦味，仲好惹味😆😆豬大豬好入味，仲一啲都唔肥🐷豬膶正常，好食，唔會鞋最驚喜係豬頸肉，煎得好香，但唔會乾🤤🤤YY下次想叫兩份🤣🤣回頭指數： 😋😋😋😋

這間餐廳除了米線還有菜飯類、同客飯類, 多款小食, 米線還分了多種款式, 招牌酸麻辣米線、金湯麻辣小鍋米線、經典雲南酸辣米線、惹味熱伴米線、沙嗲及清湯小鍋米線我點了招牌酸麻辣米線🍜, 米線轉做了紅薯粉, 追加自選配料都有很多選擇, 材料點了蟹棒及豬大腸, 辣度我選了大辣🌶🌶🌶本身湯底已有香肉碎、韮菜、芽菜、蔥花、酸菜及芫茜, 所以湯底味道比較濃郁, 非常惹味, 紅薯粉軟硬適中, 夠煙韌, 薯粉充分索了湯汁, 每一口味道都很入味還點了麻辣豬耳及水蜜桃雪泡, 豬耳夠爽口, 略嫌不夠辣, 如果再辣會更加正水蜜桃雪泡很清爽很解渴, 入面還有很多椰果姐姐服務不錯, 坐位不多, 但坐得尚算舒適

lunch time 厚切豬頸肉菜飯黎到豬頸肉碎濕濕 又炸過火。硬過條命😵‍💫菜飯唔熱😮‍💨同事order 金菇肥牛菜飯肥牛口感像筋咁/又無味(咬到牙較軟）服務：問侍應姐姐（帶頭箍女士）拎多份餐牌睇下，侍應姐姐：份份餐牌都一樣嫁啦睇一份就夠啦(鬼唔知餐牌一樣咩）衛生：口罩又唔帶好（口鼻外露）餐具油淋淋唔想浪費食物，食多兩啖都辛苦無下次

新舖開左之後第一次食，原來佢七月尾就係新地址開返，上次想食跟左Openrice個地圖行，原來係錯既，地址係寫啱的，但個地圖pin錯位置，正確新舖係正公園對面架！我send左回報比Openrice希望佢地快啲出返啱啦！新店同舊店既菜式不變，水準都一樣，炸豬扒切好另上夠惹味，凍奶茶一樣夠味好飲，酸辣米線係小鍋風格，有肉碎、蔥、芫茜等等，我叫走芽多酸菜，好味😋下午茶配凍奶茶係加$4唔係$7

酸辣小窩米線好多人都鍾意食但唔係間間味道都OK 呢間就係難得唔係連鎖但味道很好炸豬扒10分香酥可口 男朋友唔太鍾意食米線 仲可以叫口水雞菜飯食呢樣野又係好值得欣賞 不過紅油抄手就麻麻哋

香港食米線嘅地方非常之多，元朗就有一間非常之好食嘅米線舖頭。必定要食麻酸辣米線湯底，麻辣再加酸辣非常之夾，不會過度麻辣亦都會過度酸，兩者恰到好處。亦要加炸豬扒，炸豬扒另上， 即叫即炸。黃金炸墨魚丸即係必要嘅小食，配合泰式辣醬非常可口。