買得爽 (已結業)

樣樣都好食😋，樣樣都抵食！不得了的一間麪包鋪！款式多，夠得意，夠特別，有新鮮感，又好食！😍😍重點係大件夾抵食，買得唔肉赤，食又食得開心！人生中第一次一個人一口氣食左3個包！好食到暈！聽日要再買再encore!! 😍😍😍😍😍😍😍😍好難唔讚，好難忍到經過唔幫襯，好難再用減肥做原因，好難再話要戒食包！戒左3年麪包之後第一次破戒！不過非常值得，明知會再肥返都唔會介意！因為實在太太太好食了！到底師傅係係邊度學整包架呢？好想知佢會唔會收徒弟？😍😍😍😍😍😍😍😍😍

呢間麵包舖每日逢親五六點就會做優惠，古早蛋糕買一送一或者$20舊。食過幾次朱古力古早味蛋糕，真係好足料，會食到入面有好多朱古力粒粒，朱古力味好濃。唔會話因為價錢平就俾好少材料。同埋佢嘅蛋糕都賣得好平，一個迷你蛋糕只係30幾蚊，但係整得好靚。

呢間麵包店已經開了好幾年，如果話好食就太假了，因為佢經常買一送一優惠又捐包俾老人院，但係佢的確唔夠屹立十年以上的貝嘉餅屋黎，貝嘉做完之後就無再換店了，連旁邊的美心、新加坡包店都要讓路，倒閉了。但買得爽經過幾年努力，古早蛋糕有一款特別貴但特別美味$60爆朱古力漿蛋糕，出面唔多覺會咁整，其他古早蛋糕約$40，一分錢 一分貨，所以得呢款中間爆漿的，其他麵包老實說，不推薦，除非好趕時間好想省錢就可以買來裹腹。

收工一心想去買古早味蛋糕~點知...一覽無遺......蛋糕靚到............咁都放出黎買....水喉水沖茶....最精彩遠望地拖入焗爐.....想嘔....之前頌成日幫襯.....................

買得爽已經開咗好幾年，最初麵包買一送一，中過伏之後無再幫襯，之後佢又學台灣出髒髒包，我無興趣試，而家又嚟古早蛋糕，大大個banner 話$30，我網上睇完食評都算ok，點知伏到一個點！🥢原味古早蛋糕 $30👎🏻👎🏻👎🏻👎🏻👎🏻去到見蛋糕其貌不揚真係唔想買，不過既然特登過到嚟，比$30唔好食都ok嘅，返到屋企再切一件睇睇同試食，果然同眼見嘅一樣，深色蛋糕口感比較硬，淺色係較軟熟，但總括嚟講蛋糕係唔鬆軟，蛋味又唔夠，甜度適中，咁嘅質素同我之前介紹過同區嘅香綿綿完全冇得比，簡直係浪費金錢，一定唔會再有下次！

今天車媽媽想分享一間我很喜歡的麵包店買得爽 Yes Buy看上去是一間門面不起眼的麵包舖，但其實內裏藏著亅很多好東西呢。我最想來買的正是這個港式古早蛋糕，這天趁著到附近換身分證便乘機走來買蛋糕。除了古早蛋糕外店內還有不少特色的麵包、蛋糕和甜品供應，但我第一次來幫襯當然買古早蛋糕品嚐先啦！真的十分幸運剛到埗時芝士味古早蛋糕剛剛出爐，香噴噴熱騰騰的在我們面前招手，那我們又怎能抗拒這誘惑呢！售價要＄60/件看似不便宜但其實蛋糕比坊間的大件很多呢！我倆竟然忍不住誘惑在街邊偷吃這個剛出爐的芝士味古早蛋糕一口，蛋香濃郁非常伴著鹹香的芝士味真的超級誘惑喔！回到外家作下午茶吃的時候看到內裏還有留心的芝士餡，雖然凍了但吃下依然鬆軟又香口真的很讚。隔了多個星期後我倆又忍不住再次走去買蛋糕，這次買了特價＄30件(原價＄58)的原味古早蛋糕，這個價錢能夠吃到那麼高質素鬆軟的古早蛋糕，絕對值得我倆專程再去買來品嚐，如果大家經過的話記得要去買來試試喔！

每次經過{買得爽}，都會被它的蛋糕麵包香吸引，今天終於要來嘗一嘗它最著名的古早味蛋糕。記得小時候很喜歡媽媽買回來的紙包蛋糕，雖然沒有餡料，可是就是喜歡它簡簡單單的味道和軟滑的口感，小時候還會很珍惜地一小口一小口吃呢！古早味，吃的就是那回憶的味道呀！這裡的古早燙麵蛋糕有很多不同的口味，有原味、芝士味、榴槤味、肉鬆味、朱古力味等，價錢由$45-$75不等。考慮了一會，還是先嘗嘗看古早原味的。一份古早燙麵蛋糕一般可分為六件，買的時候也可主動跟店員說希望分切的件數。店員切好後會用盒裝好讓客人帶回家。由於我喜歡吃暖暖的古早味蛋糕，所以回家後按盒上的指示，用微波爐低火加熱約50秒，打開微波爐的時候一陣香氣撲鼻呢！蛋糕的蛋奶香滿滿，甜度油份剛好不過份甜膩，濕度也剛好，蛋糕中間部份口感鬆軟錦密。略嫌不足的地方是蛋糕最低部不夠幼滑，也許是焗得稍為過火了。總括來說，{買得爽}的古早燙麵蛋糕質素尚算不錯，古早味也勾起回憶中的味道。這裡除了有古早燙麵蛋糕外，還有一些價格相宜的西式蛋糕和麵包，有機會還會來嘗嘗別的古早蛋糕口味和其他西式蛋糕。

見到「買得爽」餅店的小型蛋糕都插上「加油」二字，停下腳步看一看，店內還有很多種類的古早蛋糕，便買一款試試。盒子好吸引 紅卜卜又有人個立體的牛頭，好搶眼。原味的古早蛋糕有著蛋香，蓬鬆綿密，質感軟滑，每一份都好有份量也只是45元。原味古早蛋糕的甜味適中，可以熱食或者放入雪櫃凍食，另有一番風味。

#pb食在荃灣 #pb支持黃店💛 $58就有半磅蛋糕⁉️🎂感謝 @aimei.hk 推介 搵到呢間超抵食嘅黃蛋糕店🥰 呢間傳統蛋糕店最出名係古早蛋糕 不過估唔到佢嘅生日蛋糕仲抵🤩 $30就有個細嘅蛋糕 而我今次想要個大d半磅蛋糕 都只係$50‼️仲要味道唔差👍🏻.佢舖頭有幾款味道 唔係淨係得朱古力蛋糕😋 個日見到得$30個款 就問下店員有冇大個d🤪 點知佢話即場整一個俾我 我真係好surprise😨 結果等左15分鐘左右就有 一路睇住佢整呢個蛋糕 一路欣賞佢唧花😍🔹朱古力海綿蛋糕🍫🎂唔好以為佢咁平 就整得好hea🤪 佢唧左3朵玫瑰花 側邊都有少少cream 個賣相好得😋 海綿蛋糕因為當日即埸整冇哂朱古力底 所以用左普通底 不過食落都幾鬆軟🥰 佢係兩塊海綿蛋糕 中層再夾層cream 食落好飽😋 加埋朱古力淋醬舖面 好濃🍫 .真心大推呢間 又抵又好食 💛 見佢普通麵包都係幾蚊就有 好似時光倒流去細細個嘅價錢💕買得爽荃灣荃灣街市街120-140號安裕大廈地下

朱古力流心味🍫🍰🥰呢間蛋糕店主打古早味蛋糕，有多種口味，原味，朱古力，伯爵茶，蜂蜜🤩🤩 最吸引嘅係！！比我發現佢有切件！！仲要大大份都係$10-$13，唔洗買大大舊磚又可以試到唔同口味🥰🍫朱古力流心味 $13上圖嚟自同一舊蛋糕見圖都知朱古力味豐盈，偏牛奶朱古力味唔同面有唔同流心層次，但反而咁樣會出其不意蛋糕濕潤軟熟有回彈力雖糕朱古力冇覆蓋蛋香，但可以再香啲📍買得爽 荃灣街市街120至140號安裕大廈地下

好平實嘅蛋糕店，外貌唔花巧，重手嘅原味古早味蛋糕都只係$45～有蛋香，唔太甜，油份可以接受，上層濕潤口感唔錯。可惜蛋漿打得唔好，下沉，而且焗過火，令下層口感實淨嚡口

面包種類多但一d都唔好食，又乾又硬，留意到店舖衞生情況麻麻，真係一次就夠啦。店員服務又差，睇多兩睇諗下食咩就眼啤啤咁，好阻你咩！唔俾人睇下想食咩架！其間見到有人俾錢，個收銀態度都好有問題，串串共咁，唔休做就唔好做啦！

去悅來酒店買東西，路過一間餅店，嘩！好香的蛋味，蛋糕味，入內看看，色香俱全，買了兩款，有禮的店員替我們將蛋糕各分成二份，我和朋友分享。其實古早湯麵蛋糕 有好多種口味包括原味、芝士味、肉鬆味、伯爵茶味、紫薯味、朱古力味和榴槤味等，當然每款的價錢都不一。今日我選了最基本的原味和肉鬆味兩款，要試下它的蛋味和質感。回家時蛋糕還是暖暖的，好香蛋味，糕身很挺，切開時沒有太多碎碎，很柔軟綿滑，保持一定的濕度，有質感。吃的時候沒有需要飲水的感覺，色香味俱全。肉鬆的那款也不錯，蛋糕加上肉鬆的少少鹹味，好吃😋。

經過買得爽，聞到好香嘅蛋香味，所以就買咗個古早味蛋糕返屋企。 第一次幫襯荃灣嘅古早味蛋糕店，好期待啊！👻買左個肉鬆味既古早味蛋糕🍰，大概40幾蚊，比坊間嘅古早味蛋糕抵食好多，所以決定試一試佢！！！待家人全回家後，我地就用微波爐加熱黎食，因為我地喜歡食微暖既蛋糕😋😋👻 叮完後，好香蛋香味，肉鬆就舖滿蛋糕面頭！可以一啖食到曬蛋糕同肉鬆呢！ 記得買嗰時仲有芝士味啱啱出爐，但怕芝士味太漏，所以就先買肉鬆味！今次試過，覺得呢間蛋糕店唔錯，下次有機會再encore!

早排興起食古早蛋糕，濃濃嘅蛋香配上鬆軟濕潤嘅口感，令人難以抗拒，同事更會專程到一間好出名嘅古早蛋糕店排隊，排完一底又再排下一底，非常瘋狂，令我都開始留意，但一直未有機會品嚐新鮮出爐嘅古早蛋糕，好在今晚經過熊貓酒店附近嘅呢間包餅店，被香噴噴嘅出爐蛋糕吸引到，於是入去一探究竟。舖頭外表簡陋，的確係毫不起眼，如果唔係被香氣吸引，平日都冇留意到原來呢度有間包餅店。一入店內就見到呢件巨型古早蛋糕，成個酒店豪華枕頭咁大，而且真係剛剛焗起，仲冒住煙！原味古早蛋糕$45，芝士味$60，價錢唔算平，但見到巨型嘅尺寸，就知道物有所值。除咗原味同芝士味之外，櫥窗入面仲有肉鬆同綠茶紅豆味，但望落就唔似係剛出爐，要食當然食最新鮮！最後我揀咗原味同芝士味各一件，店員非常好，俾我任揀，我當然揀咗件最肥美飽滿嘅，見佢拎起蛋糕放入盒，蛋糕仲係冒住煙，心情異常興奮！拎到返屋企蛋糕依然非常靚仔，摸落去仲係微暖，我同先生已經急不及待切開試下。原味蛋糕嘅蛋味非常香濃，好有空氣感，口感綿密，有啲似食緊日式蛋糕，入口帶少少濕潤嘅感覺，非常鬆軟美味。至於芝士味同樣鬆軟，面頭灑上大量芝士粉，香得嚟味道唔會掩蓋蛋香，好有水準。蛋糕中間仲