賞糖冰室

营业中

休息中

今日同家人購買糖水外賣,下單後等了好久終於收到後 回到家發現訂單有誤。榴槤變雞翼尖，我立即致電您們的同事,希望可以更正錯誤或退還糖水單價，但您們的工作人員卻要求我自行前往店鋪取餐或退回差價,這對我來說並不方便。作為一家食店,我認為您們應該站在客戶的角度解決問題 提供有效的方案，而已經不是第一次發生錯誤訂單這樣的問題,我對您們的服務質量感到非常不滿意。我希望您們能夠重視客戶體驗,培訓一下你們的同事，

之前賞糖主攻西餐，近期佢轉營做冰室，除咗供應冰品之外，仲早午晚市都提供餐點，一於就嚟試下佢先！轉營後第一次幫襯（8月中旬），整體味道唔錯，營運上尚有甩漏，勝在服務態度良好，積極修補小錯漏👍🏻。轉營後第二次幫襯（11月上旬），上次食唔到嘅嘢，今次揀啱時間嚟，午餐同下午茶夾埋一次過食。全日早餐 $48，相當豐富，主菜（雞扒/豬扒二選一）、麵包（鮮油菠蘿包/豬仔包/牛油多士三選一）、配料（煎太陽蛋/煎熟蛋/煎火腿/煎午餐肉/煎腸仔任選兩款）以及辣薯格、茄汁豆、胡麻沙律🥗。味道正正常常，呢個價錢嚟講都真係經濟實惠；賣相亦非常靚仔，一上枱就已經係呢個擺盤，唔洗再自己執樣。唯一一段小插曲，就係我明明叫鮮油菠蘿包，點知佢就咁俾咗個菠蘿包我🤣，好彩提出後店員好快就加返嚿牛油俾我，仲幾厚添～～即製芥末豬扒包 $28，豬扒又厚又大塊，醃製得宜，唔會太鹹或者有鬆肉粉味，配上生菜略顯誠意，加啲番茄🍅令色彩更繽紛會更有食慾。賞糖自選飯餐 $50，主菜除左有一般嘅午餐肉、火腿、腸仔、煎蛋、豬扒、雞扒外，仲有生炸巨脾、瑞士汁雞翼揀；主食除左飯同意粉之外，仲有蕃茄螺絲粉同芫荽皮蛋湯米粉😮。份量同味道都正常，不過腸仔味

薑汁湯圓薑汁的獨特香氣和微辣口感與湯圓的甜度形成了完美的配合。湯圓外皮的柔軟和內餡的香甜，然後搭配著溫熱的薑汁湯汁一起入口，能夠令人舒爽，讓身體感到暖和，尤其在冷天氣時更顯得溫暖和舒適。樹記腐竹白果薏米結合了腐竹的柔軟口感、白果微苦和薏米的嚼勁，再加上濃郁的糖水甜味。無論是在冬天作為暖身的糖水真的很適合。

芒芋緣只有五粒芒果，五粒芋頭，沒有椰汁及芒果汁味道，大量不值的白色綠色清心丸，溫度有20度以上的凍甜品。大量花奶成份，痾足成個下午。要唔要試自己諗啦⋯⋯試過都知係乜嘢，食價比低…….

好日都唔去上水，晚飯後睇下上水有咩甜品鋪選擇，見呢間既評論唔差就决定來試一試。餐廳佈局好唔似甜品店，好似啲舊式餐廳多啲。枱布令人聯想起舊時既西式扒房。好多選擇，有咸有甜，我地嗌左兩碗試試。一上到枱，我瞪大眼睛不敢相信。。。有如湯碗般大的甜品實在太誇張了。市面上的都相較細碗，呢個係兩倍多，而且質素都高，大家一定要試下個牛乳軟雪糕無得頂，鐘意牛奶味既朋友一定會感覺到佢非常濃郁。😋其他配料例如啫喱小丸子等都做得好彈牙。芒果仲要超級甜😍。

喺上水開左好耐嘅老字號，一得閒就會同朋友過去食下野傾下計，環境乾淨衛生👍🏻👍🏻香芒雪香芒果大大粒又夠甜🥭🥭好正一定要加軟雪糕，軟雪糕好重牛奶味🐄🐄撈埋一齊食真系好好食天使冰棉花糖好特別，唔係特別鍾意食棉花糖都覺得好食😋Oreo亦都不錯，味道好夾而且係脆嘅唔係淋嘅，小丸子煙煙韌韌好有咬口，口感值加分👍🏻小食嘅話推薦雞翼尖，可以邊食邊同fd傾好耐計🤣🤣必食鹽穌雞同薯條，好撚好食😋😋

嗌咗一個賞糖同扭扭楊枝甘露，嘢食都算快嚟到坐喺度5分鐘左右就送到，用餐環境同埋服務就中規中矩，水果方面都ok 新鮮，芒果西瓜都好甜，不過賞糖方面，入邊啲珍珠偏硬，寒天唔算太多，涼粉就中規中矩，$54可以有更好嘅選擇，而楊枝甘露係軟雪糕，因為用軟雪糕比較罕見所以好感+1😋，雪糕方面香甜軟滑，芒果都幾多，不過椰奶好似太多，同埋西柚都唔算太多，不過$50嘅楊枝甘露都算係可以接受，overall來講宵夜都算係唔錯

多年資深賞糖食家（未改名未裝修之前已經食）14-18年都算好食，周不時都會去食下芒果冰，之後真係每況越下。19年食佢個芒果千層蛋糕：）啲皮綠色，唔知係發霉定點🤢見佢又裝修又改名，好耐無食諗住比多次機會佢，叫左個楊枝甘露，芒果真的酸，得個樣望落去似楊枝甘露，0椰漿味，西米太淋，我肯定如果我合埋眼食我肯定唔知佢係楊枝甘露⋯⋯無啦啦仲食到舊爽口好似蘋果質感嘅嘢（？）賣41.3真係搞唔掂 以後都真係唔會再黎 希望真係改善下🙏🏻北區真的甜品沙漠 很大個商機 你地做得好食你地實發達🙏🏻😢

上水糖水舖唔算多，但係都有幾間選擇。曾經叫過呢一間嘅外賣覺得幾好於是就試吓堂食啦。平日嘅晚上人客唔算多，叫咗一個芋圓涼粉加雪糕，5分鐘就上菜。個雪糕係軟雪糕嚟嘅，啲芋圓剩係得橙色同埋米色，搵唔到紫色。涼粉個味唔係太啱我口味。另外叫咗個熱嘅湯圓，叫咗流沙奶黃，我以為係奶皇包嗰種甜嘅，點知係鹹鹹地嘅😂但係味道係幾好嘅。不過成間舖頭冇乜客人要等10幾分鐘就耐左少，而且服務唔算好好。如果下次再想食糖水我諗我會食隔離街嗰間

系上水搵宵夜食唔算好多選擇。呢到夜晚通常都要等位嗌咗碗雙色糊，即係芝麻糊溝合桃糊。正正常，唔太甜，濃稠都適中，不過雙色嚟講合桃糊少咗啲🥲另外仲嗌咗兩樣小食！台式鹽酥雞都炸得幾香脆，入面雞肉都好juicy，唔係淨係得舊炸粉深海炸蛋魚蛋係彈牙多魚肉個種，咬落都皮脆內軟，不過$26 六粒一份就覺得有啲貴之前都食過幾次，整體嚟講中規中矩啦食物：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️(五⭐️為最高分數)

事源係心血來潮想食糖水，於是就買左個外賣，一碗雞翼尖同一碗黑糖芋圓涼粉，開開心心打開碗芋圓黎食，食食下咬到雞蛋殼，咁諗住一啖兩啖少少就冇為意，可能係太細塊唔覺意跌咗落去留意唔到啫，就諗住算啦繼續食，食多幾啖唔對路🥴食咗幾啖都有雞蛋殼嘅，仲要唔係好細塊😥好食都唔係話特別出色，但食物質素衛生真係要留意下，不過無知問下，呢碗野入邊有雞蛋嗎🥲其實50蚊買咁嘅質素，真心食鮮X仙好過😮‍💨真心講句希望質素可以好返啲🙏🏻食左咁多年感覺越黎越差😮‍💨btw雞翼尖唔差嘅，呢個價錢份量都抵嘅

食過幾次呢間甜品鋪都試過雪香,一年前甜品店生意唔太好所以裝修過後變冰室都有意粉,見兩點先開,係咪轉返做甜品店?自助落單唔洗叫好方便,叫咗椰皇同香脆燒賣,椰皇睇人相好似好大個原來咁細個,唔係話好差,芋圓同流沙湯圓都好味,香脆燒賣好脆

我看了openrice 的食評，於是特登來光顧。因為我喜愛吃榴槤，所以今天我叫了榴槤甘露，看餐牌的照片相當吸引，這店是手機下單的。食物上枱的時候，外觀都可接受，但我嚐第一啖的時候，因為沒有嚐到榴槤，完全無味。我不喜歡吃太甜的食物，但這個甜品除了榴槤有甜味，椰汁無味，只看到白色，金柚是苦的，不是甘味，西米是大粒的，但完全唔入味，還有一點怪味。這店的榴槤，餐牌上註明是馬來西亞的，可能我不懂分辨，完全不覺得跟普通榴槤有可分別。我會周圍品嚐甜品，但以這個$46價錢一碗，真的不太值得。我亦未品嚐過這樣難吃的甜品。

10點返到上水唔知食咩好 無咩鋪頭仲有開 想食啲咸野又唔想咁飽 見賞糖唔洗等位就入左去出面好多人等緊外賣入到去坐位有啲迫叫左抹茶冰有煉奶係面 所以面個層會甜啲 食到去下面就食到好濃抹茶味 配埋本身甜甜地嘅紅豆同珍珠食岩岩好仲叫左芋圓軟雪糕 呢個係一上枱嘅樣 真係圖片只供參考 賣相唔太靚 但係食落加返啲分 軟雪糕好味不過芋圓真係唔夠軟糯 變左珍珠咁嘅口感 如果軟糯多少少就好食埋個鹽酥雞就岩岩好 炸得好香脆 新鮮炸起熱辣辣 可以揀辣度 我揀左中辣 辣辣地好過癮有咸食嘅甜品店好好 本身想叫蒜蓉雞翼尖 但賣晒下次會為左佢啲炸野同雪花冰再黎過但keep閒日都有好多人等位 食完唔好意思就走了如果想搵個位慢慢食下傾偈可能就爭少少

同個舊同事係上水中心食完晚飯,入秋燥燥哋,想食碗糖水潤一潤,搜尋openrice 揾到附近呢間賞糖冰室有糖水食,行過去都幾近。店舖吾算好大,除咗中西式糖水外,仲有早、午餐🤭我叫咗碗熱嘅樹記腐竹白果薏米加流沙奶黃湯丸(3粒)舊同事就叫咗碗凍嘅樹記腐竹白果薏米加雞蛋凍同熱嘅腐竹白果薏米糖水甜度幾啱我哋,但白果同薏米就比較少,得一兩粒白果,幾粒薏米。流沙奶黃湯丸幾軟糯吾錯。四十蚊左右一碗,多返幾粒白果同薏米,咁就甜入心喇!😂