賞茶 (已結業)

今晚搭高鐵返香港,行去朋友屋企時發現一間幾清新既鋪頭,原來係賣茶既!!店面唔算大,但光線充足,我好喜歡這類小店,有時食好野飲好野未必一定係連鎖店先有保證,其實小店都有佢好味和特別之處,所以我同朋友一於試新野!!拎起Menu睇真d都幾多選擇,我一向都喜歡飲綠茶,所以一定簡茉莉綠茶,朋友就簡左葡萄柚綠,因為好少人,所以都唔洗點等有得飲,拎起個杯發現d圖案真係好得意!!有好多劃上去既公仔,動物,高樓和帆船,色彩繽紛未飲就已經愛上了!!我以前都會選擇微甜,今次想試下少甜,發現茉莉綠茶的茶味好清新,淡淡茉莉加上綠茶係最佳配搭,唔似便利店買的樽裝綠茶咁行,葡萄柚綠係葡萄柚加綠茶混在一起,葡萄柚有佢獨特的酸味,配上微濃的綠茶,有慢慢回甘的味道!真的不錯!!以後我地想飲野又多左一間好選擇!!真係好啊!!

行佐敦，經過賞茶，腳自然的停下來，望一眼好朋友，佢嘆一口氣：不如入去坐低飲杯茶，休息一下。心知其實我兩小時前先食完嘢。我說：好啊！你攰就休息陣啦。竟然有位！竟然有位！賞茶是一間連鎖店台式餐廳，可以外賣台式飲料，還可以堂食台灣小吃。因為只是想飲一杯芝士奶蓋綠茶，所以坐低後，朋友立刻幫我叫芝士奶蓋綠茶走冰少糖。雖然走冰，還是好夠冰凍，同時少糖，因為沒有融化的冰混和，所以味道不會因時間而改變。少糖就剛剛好了。一如廣告牌上的，真的有一粒粒芝士粒，奶味好香濃。超正！

當天仁開到成行成市，仲要上埋市！飲杯野要等成半個鐘！所以在下積極尋找比天仁更好飲的珍珠奶綠經過一段日子尋尋覓覓，終於遇到一家值得在下賞識的茶飲店：賞茶。賞茶賣的不只是一杯茶，或是波霸，而是一種生活態度在內地很流行奈雪之茶，在下很欣賞他的product bundling marketing strategy!一杯好茶，一口軟歐包但比起歐包，我更喜愛一杯好茶，一口厚多士在下最終買了$30 椰絲吐司+波霸珍珠奶綠 店子有種產品叫作小時候奶茶，是指沒有咖啡因的奶茶杯子的設計很文青

完全唔明白點解芋頭飲品唔可以加仙草，你話熱既唔加仙草我都明，但凍都唔可以我真係唔明解！話係公司規定～暈台灣芋圓甜品想點溝都得，應該唔關食物唔夾呢方面問題。而且凍既芋頭奶綠又唔可以減冰，無得常溫，話一早調配好晒。其中一間都係台灣既過江龍茶店，就彈性得多，芋頭係微甜，而且要熱，常溫，或者凍任君選擇。而且落單要走甜會話你知芋頭本身有甜味，人地仲有脫脂奶選擇。而且仲要係價錢一樣。無語我點左熱手工芋頭奶綠，講明走甜，點知出到黎係超甜，奶可能無加糖，但芋頭煮既時候加左好多糖，因為真係好甜，係咪應該講一聲？搞到呢杯飲品飲左一半都無就丟，浪費！

朋友話呢間好飲特登行過來一試，店在九龍公園附近，街道頗為漆黑，走過頭也完全沒留意到。不知是否大風，街上人流不多，店內也無客人，看了看餐牌，點了兩杯熱飲試試。店內幾大，仲有裝修，台茶店鮮見。本來話搬遷，但續到約，都好呀，呢頭無珍珠奶茶舖。店內仲有bar枱可以坐住飲，地方真的幾大。講番兩杯茶，叫了波霸奶綠少糖（$19）同極品波霸賞奶茶無糖（$23）。奶綠好一般，有綠茶味但不强，少糖還是甜了點。賞奶茶茶好濃，奶滑，珍珠彈呀，其實幾好飲，但個茶味實在太似港式奶茶，唔似飲緊台茶，感覺怪怪的。味道中規中矩，店員服務亦一般，沒有客人的晚上難免黑面？要不是順路又想飲珍珠奶茶，應該不會特定過來了。

除左各大街知巷聞嘅台式飲品店外，大家又有無試過依間店呢？賞茶！本來以為係小店，一搵原來屯門、旺角、紅磡同深水埗等地方都有。禁岩係佐敦食完野，行去尖東西鐵站時覺得好凍，賞茶就出現係我面前，見佢9點半就關門，果陣仲有一分鐘到，店員都比我Order，好好人啊！講到明凍禁緊係飲熱飲，飲烏龍茶又驚訓唔著，珍珠奶茶又驚太飽，最後就叫左個熱蜂蜜綠茶（$19），飲落去清清地，又唔會好Artificial，好潤喉，而且個杯好靚。佐敦依間店有2-3個位比你坐係到飲，但佢地要關門，我就唔阻佢地喇。佢有個系列叫波霸奶茶，我估應該係珍珠奶茶啦。而且名好吸引人，有個叫小時候波霸奶茶（不含咖啡因）（$21），價錢都合理。大家可以睇下個Menu，佢地款式都好多。今晚杯飯後茶好有驚喜，開心結束左辛勞嘅一日。

是日在九龍公園練波後從柯士甸道出口見到木招牌寫上「源自台灣」，思念台灣的味道就湧上心頭了。店內正有推廣做芋頭奶綠和芋頭牛奶兩款飲品，主打台中的大甲芋頭，正是我的大愛。雖然天氣悶熱，但仍堅持不喝凍飲，所以點了微溫少糖的芋頭奶綠。芋頭奶綠 $22Taro Milk Green Tea打開杯蓋表面有層純白的奶泡泡，已經傳來陣陣茶香和奶香。粗飲管表示著什麼? 對的，裏面是有一粒粒的芋頭! 暖暖綿密的芋頭只要一咬便溶狂口中，與綠茶牛奶喝下，是一口一口的小確幸啊!等待飲品之際到處細看小店，每個角度也放有一些小擺設和海報，在香港繁市中突顯著台灣小店的特色。

叫了一個荔枝蘆薈$20一個小食盤,有雞粒,薯條,花支丸$30荔枝蘆薈,有點苦,不推介不過蘆薈粒好食,甜的,似提子一個小食盤,有雞粒,唔好食,唔推介薯條,極品,太好食,但好似散買較貴,份量又唔多花支丸,一般般佢d薯條可能上了粉漿,極脆外皮好似食薯片咁脆薯條味唔多,但好食算係我食過其中一種最好食的薯條唔推介佢地的味粉我建議落鹽代替味粉5分滿分薯條味道:5香味:2外觀:3抵食度:2薯條我會比佢滿分,太特別飲品味道:2抵食度:1蘆薈粒味道:4花支丸味道:3雞粒味道:2

今日路過佐敦，見到呢間裝修得好文青嘅鋪頭，望入去原來係賣珍珠奶茶，突然間諗起拾幾年前去台灣飲嘅珍珠奶茶，真係好好飲，跟住返到嚟香港開咗好多五花百門嘅珍珠奶茶，但係無一間可以比得上在台灣的那一杯，於是膽粗粗買一杯試吓啦，如果唔好飲都係廿蚊啫，响排隊買嘅時候，聽到有一對台灣人嘅對話，佢地講呢一間在香港算最好飲嘅珍珠奶茶，哈咁我咪無買錯！好多口味任君選擇，如果唔鍾意甜嘅最好選半糖加塊吐司都係10蚊個紙杯好厚料，熱飲唔會燙手，而且印刷精美

行開見到有間叫「賞茶」的台式飲品店，裝潢以木質素材為主。叫左兩杯分別是：「葡萄柚綠$23」、「極品三寶賞奶茶$23」。🍹「葡萄柚綠(凍)」甜甜酸酸的果茶，開胃的感覺。🍹「極品三寶賞奶茶(凍)」三寶是布丁、珍珠、仙草，口感豐富，飲落不會太甜，奶茶略為茶味不夠。🍹「餐牌」我已經影左上載至openrice既「餐牌」入面啦，方便大家查閱相關菜式。📋

去完九龍公園游水出嚟見到呢間台式飲品店本身想食嗰地瓜條加杯飲品可惜佢話太晏地擺地瓜條賣晒無緣一試咁我就試咗杯百香果蜂蜜飲品本身預計百香果都偏甜所以叫咗少甜但係估唔到飲落都仲係幾甜幻想唔到如果冇叫少甜會係咩味不過飲到尾會食到百香果嘅果子果子咬落酸酸地 可以中和返個甜度既至於蜂蜜味淡淡地散出 幾夾個百香果下次可以試下佢招牌波霸奶茶

行商場見到 幾得意就坐低試下一開始覺得個環境麻麻 開係商場路邊，啲人行黎行去但食物黎到又真係加返分台式肉燥飯一口雞併花枝丸既冬冬都唔差套餐仲有一杯野飲都幾抵食不過個人認為飲品有啲甜大家落單個陣可以叫少甜一點總結！都可以再食多次 幾抵大家都可以試下

店面好像甚麼文青風格，木材顏色，店內有數張高椅可坐在店內。不等了太久，便弄好了珍珠奶茶。珍珠奶茶也只是普通的包裝，也看不到內容。喝下去發現沒有特別，但是太甜，茶味不濃。極品波霸奶茶的珍珠也不覺彈牙，只像普通的珍珠。即使已叫了少甜少冰，但還不覺少冰，喝到後頭還是不少冰，以致底下太淡。以往的飲料都沒如現今那麽昂貴，廿多元足可吃個南記下午茶了。

每當想念台灣的時候特別想飲一杯台式飲品, 呢日都一樣, 經過佐敦個頭去買返杯賞茶黎頂頂癮。之前都係飲佢既珍珠奶茶, 不過今日唔想飲D咁飽既野(呢度既珍珠奶茶比較奶),所以今次叫左最普通不過既蜂蜜綠茶少甜飲落茶既味道清香, 有淡淡既蜜蜂味。呢度既台式飲品同係台灣飲到既都有8成似, 下次想念再找你囉!

A Nice Gift is one of many take away bubble tea establishments. Much like Share Tea and the like. However, they originated from Taiwan. Located throughout Hong Kong (and expanding), we decided to give it a try.Menu is in Chinese and English (no 10% service charge). They have quite a wide selection of drinks and they also serve snacks. Drinks can be adjusted to the amount of sugar added as well. The shop is small but they do have a little corner to sit down if you want a place to rest.Fresh Passi