賞茶 (已結業)

不止一次路過這家茶店，對台式茶飮不太感興趣，只是在這悶熱的天氣，能喝上一杯冰茶確是件樂事吧! 賞茶走的是小清新風格，台灣果物繪上表情圖案，輕易便能討人歡心。店內雖然位子不多，但總算能讓過路人休息，再上路吧!  比起大熱的奶蓋茶，我更愛純茶，不過在炎炎夏日，鮮果茶會更為合適。選了店方的特別推介的百香翡翠($22)，這系列以鮮百香果汁作基底，分別有混合綠茶和蜜糖兩款選擇，怕甜的我選了百香翡翠，份量足以彌補偏高的價位，高身的杯子怎樣喝也喝不完。  選微糖的關係甜度剛好，百果香混和清新的綠茶，令霸道的果香頓時柔和起來，加上杯底有不少百香果籽，若然你愛它的香但恨它的甜，這杯就是最理想的味道了。

路經被門面裝潢吸引，很純正台灣茶味的樣子，儘管一試。要了黃金蕎麥奶茶HK$17+珍珠HK$3已要求少冰但飲料仍是很冷，心知不妙。整杯飲料呈奶白色，沒有丁點兒茶味珍珠口感尚可，份量也多。蕎麥粒份量也多。

馬鞍山最近開左2間台式奶茶，D人吹到「天x茗茶」好正，一定要飲，但係我就唔係咁識欣賞，茶味異常淡，叫左少甜但係近乎走甜，真心覺得貢茶都好過佢。另一間新進駐馬鞍山既「賞茶」就好好多喇 ! 飲過極品賞紅茶 (少甜)，葡萄柚綠茶(半糖)，仙草奶茶(半糖)，呢幾款都值得試下, 而奶蓋紅茶 (半糖多奶蓋), 岩哂中意奶味濃既朋友, 芋香奶茶(半糖) 就一般般啦, 茶味幾乎冇乜。賞茶馬鞍山店勝在有得坐，不過而家租貴，佢開喺果個位有得坐算係咁啦！唔會要求飲$20蚊野坐得好舒服囉 (笑)。仲有..仲有...3月9號開始馬鞍山店有埋甜品賣，到時會再去試下 (笑)。P.S. 去飲賞茶記得KEEP單, 夠$100可以做會員, 成為會員買飲品第二杯半價架, 都好著數呢 ~~~

話說冬天寒冷天氣似乎快來到尾聲。趁在變暖之前，多喝幾杯薑茶頂頂癮。今次去到柯士甸果頭既台式茶飲及小食店。聽講最近再開左分店，仲有吐司食，不過我主要都係想飲下茶姐。熱薑母茶（無糖）　$15　　熱薑母茶一般預計用到黑糖薑茶粒去沖調，更好入口。因此我不另加糖，點了個無糖，也未會淡而無味。熱飲的話，薑味會更透出更濃郁，加上想暖身，當然要來熱。味道比平日喝到的清，甜得自然潤口，不會尤像糖水。薑味頗香，但不覺辣，也沒有嗆鼻，只是我會喜歡重味的。　　這裏喝茶沒有學生優惠，結果比爺茶還貴了一點。雖則甜很多，但後者薑味比較突出，大概要先跟賞茶道別了。

這個負評是給灣仔的分店， 當天是星期6的晚上，晚上8時40分，我滿心歡喜想進去試他們的波霸奶茶，職員卻跟我說已關門！！我一度以為自己聽錯。。。，怎麼可能這麼早關門？這裡是灣仔耶。。而且即使是關9點，距離還有20分鐘。。應該先做完我這個生意才關。。

其實之前路過依間鋪頭時，已經比佢簡潔、有D走森林風(?)嘅門面吸引左，而最近終於買左黎試下啦。荔枝烏龍(+蒟蒻)($19)(好似係加蒟蒻加三蚊，原價十六。最近有點健忘。)叫左半糖、少冰。本來想叫微糖，但朋友不喜歡淡的，所以最後叫左半糖，然後我覺得甜左D(笑喊)。不過杯野其實幾好飲，茶係清清地嘅，荔枝味好香，蒟蒻有好多。話說，等野飲嘅時候聽到有個小朋友話要食雞，先發現原來依間鋪頭有小食食。下次經過試下先得，hehe。