賢友茶餐廳 (已結業)

細細間茶餐廳，都有幾部電視，阿姐非常親切，沒有催我們下單。雖然只是普通一碗米線，墨魚丸薄片，味道比較清淡。反而，米線就可以看得出它的功夫，米線，在外邊茶餐廳吃，大都煮到非常之軟林，甚或糊狀，可能由於當時比較晏，廚房都沒有留下什麼，因此米線是即叫即整，晶瑩通透，不會太林，保留少許彈力，夠煙韌，好吃，有心機。如果要比較的話，這兒的漢堡包，就沒有上次在石硤尾「賓墟餐廳」吃過的那間那麼正斗，雖然，看來這一間賢友茶餐廳的漢堡包，賣相比較好，又厚又大，麵包又大又脆，但是，牛油不算極多，亦都雖然漢堡比較厚身，但是香料不太多，因此味道不算極之出眾。肉比較厚身，但是嚐不到有黑椒，反而旁邊有些肉筋，以及洋蔥，味道同樣香濃，只可惜他用豬扒包那一款麵包去做漢堡包，就不是我杯茶了。反正都未必有機會再來，就不如也試一試薯條，都是那種粗條型的波浪形薯條，但不算非常熱燙。茶走，不知怎的攪到有個波波🎈，真趣緻。晚上時刻，茶餐廳的奶茶味道最濃，加了煉奶就味道更好，滑溜而不太甜。

見到食評有好食的手打牛肉漢堡包，就過去試試小小的茶餐廳不太多人，而且有很多其他食物選擇，下次再試其他的吧! 一進去就有人招呼，服務不錯。漢堡包加$5有薯條一份，凍飲再加$6。等了不久，食物到了，就見到有很多熱辣辣的薯條，薯條是軟身的粗薯條。外脆內軟的包，包是很鬆軟的，中間塗了牛油再烤熱，中間夾蕃茄、青瓜、生菜、沙律醬及熱辣辣的牛肉漢堡扒漢堡扒我覺得太細了，但有肉汁很新鮮，非常好味，比起快餐店好太多了!最後凍檸茶OK!我會再來食~

我地想睇住架車, 負責人話可以開台出面食。我地叫左一個豬柳包餐, 一個豬扒撈麵餐。之前有FOOG BLOGGER介紹過佢D 包, 所以特登叫左包 , 個豬柳包都幾大個, 切面有厚厚一塊豬柳, 有蕃茄生菜, 同少少沙律醬。塊豬柳夠厚, 但又唔會好肥膩, 唔錯, 個包睇落好硬, 估唔到又幾脆, 配菜係薯條, 都OK, 雖然唔係即炸, 但都唔會擺左好耐, 成個餐我覺得唔錯。個撈麵就普通D, 好大碟, 係撈粗麵, 但感覺似係炆伊麵果種, 豬扒炸得太乾,. 呢個普通....

最近去新蒲崗出job 同事見到op介紹泥呢間試下當日Lunch 十二點去食 咁見到個餐牌有個餐幾抵35蚊包薯條沙律雞脾同什果賓治落完order 侍應問要沙律定薯條 ？我話餐牌試寫沙律及薯條 兩份都有喎佢聽完之後行開左雞脾泥完食完什果賓治又飲完但薯條沙律未到問問個侍應 佢話茶餐泥 加薯條沙律要加多5蚊 即係total 40蚊冇同佢理論 因為午飯時間多人係到但明明餐牌試又冇寫咩時段有 落order時又唔講聲唔會再有下次！食物質素可接受 澳牛伙記都好過佢！

賢友的洋蔥牛肉漢堡包，用驚為天人來形容也不為過。藏身於新浦崗茶記小店內，新鮮免治牛肉漢堡，以烤熱半軟塗了牛油的豬仔包夾住，中間夾洋蔥、蕃茄青瓜、芝士、沙律醬⋯真係冇得輸，一面吃，肉汁一面流出來，仲有淡淡牛油香從個包沁出⋯Mr bunny 專程帶smart bunny 來吃這個地道美食果然不同凡響，個人覺得以港式漢堡來說，做得比時新更好呢❤️建議可加錢跟薯條，很抵吃，味道也可以；檸茶也做得不錯，專程去幫襯也值得。

一到星期六日就會經常係呢區揾地方食tea, 老公唔知係邊揾到呢間店有手打漢堡，一知係漢堡佢就一定走去試，起初以為新店，點知去到先知係成日經過既茶餐廳為左漢堡而黎，更係要食手打漢堡包喇，我就無乜胃口，事但要左個春卷薯條。個漢堡一黎到，打開個包睇下舊肉都ok, 但個包真心好硬，片芝士唔係出面用開既漢堡芝士，食落係無乜芝士味，洋葱就係生既，唯一係件漢堡ok ... 整體一般，希望改良下會更吸引呢篇係我最後一篇食評，講事實都唔比出又話負法律責任 ..... 所以唔會再打

日前同事買了傳說中的賢友手打漢堡返公司食，結果第二日我地公司幾個同事又走左去幫襯~~手打牛肉漢堡系列，除左原味，仲可以加其他不同配料或味道的選擇，如蕃茄煎蛋、黑椒洋葱、芝士及芝士洋葱唔食牛的人都可以轉做手打豬柳呢這裏除了手打牛肉漢堡之外，當然都有其他唔同的選擇我見到個魚麵及古法撈麵都心郁郁添同事揀左雞扒魚麵魚麵唔會因為索左湯汁而發漲所以睇落以為好少，但同事話其實都好飽肚魚麵彈牙，叫我下次一定要試添~我揀左手打芝士牛肉漢堡因為是即製，所以要等一等~~個漢堡包漲卜卜，包是豬仔包的質地，所以表面好脆口塊漢堡Size適中，但厚身，漢堡表面雖然偏焦，但內裏依然好juicy，一D都唔乾，而且牛味濃郁，中間應該也混合了洋葱，所以略帶甜味!!芝士稍為未太溶，如果唔係就仲正

在新蒲崗這個物價相對便宜的區域，不時也會找到水準不俗的街坊食堂。好像這天在「賢友茶餐廳」便吃了一個挺不錯的手打漢堡。以茶記來說呢個芝士洋蔥漢堡包賣相算唔錯了。牛肉餅的口感吃得出是手工製作，吃吃吓會Feel到手打肉那種帶肉粒般的感覺，加埋生菜、蕃茄、洋葱及芝士，配上應有自己加工過的沙律醬，再夾上脆脆的豬仔包（儘管我個人較喜歡傳統有芝麻的那種包），整體感覺唔錯。若然洋葱炒吓才用的話，效果應會勝過用生洋葱。總的來說，呢個質素唔錯的港式漢堡加埋薯條同凍飲都係三十幾蚊，算抵食了。

其實新蒲崗好多老茶餐廳，但呢間真心好有水準。佢menu有好多特色食物，睇得出個廚師好有heart。又係試新野時間，鮮茄肉吞拿魚撈出前一丁加奶茶多奶 ，鮮茄味香濃，吞拿魚又夾到個汁，奶茶超水準，又發掘到個超開心早餐！

呢日去開新蒲崗，想食漢堡包，係到搵到一間。去到原來係茶餐廳😱，茶餐廳入面竟然有咁抵嘅漢堡。店有面有好多雜誌嘅推薦，出名手打牛肉漢堡，咁真係要試下。個包係烘過，所以都算幾有心思，但就略厭太硬。手打牛肉餡料都多，下次都加蕃茄冇咁膩😳加埋薯條就真係飽到😂

送貨到新蒲崗，剛好到食飯時間，見這裡門面都幾似樣，就入內一試吧。芙蓉煎蛋飯 ～ 未幫襯過，點廚師推介比較穩陣，外表睇落唔錯，蛋煎得幾金黃香囗；餡料也豐富，有蝦仁、芽菜、火腿和叉燒；飯落得太多水，比較濕潤；豉油調配味道太甜；食了半碟便決定放棄了。凍檸茶 ～ 茶底比較深色，還以為茶味會比較濃，原來茶味偏淡。整體水準，強差人意，是否時間太早大廚未返？

尋日同老公差不多3點先食野，當然食個tea 啦。初頭林住去mikiki ,但搵唔岩野食，所以去左附近的賢友茶餐廳，老公話依間茶餐廳好耐，d野又好食，所以我地入左去試。我地叫左個蝦醬肉鬆炒飯配熱奶茶，手打牛肉漢堡包薯條配紅豆冰 和 炸雞脾配凍奶茶。紅豆冰先黎，但一見到個樣，飲埋, 覺得非常失望。一黎見到紅豆同奶既比例，已經估到味道係點，飲落去，奶水味，一d紅豆味都無，我從未似過咁難飲的紅豆冰可能係我衰，我叫紅豆冰少冰，但我無叫少紅豆！依杯紅豆冰令我對依間茶餐廳的印象超差...之後再黎蝦醬肉鬆炒飯，手打漢堡包和炸雞脾，仲有奶茶，味道不過不失，而且佢應該係以手打漢堡肉做賣點，其實做得唔差，不過杯紅豆冰真係令人對這茶餐廳大打折扣