贊和豆品

营业中

休息中

黎到荃灣要食$5 豆腐花已經係例行職務, 荃興徑呢到有2間豆腐花打對台已經唔係第一日既事, 不過今次見贊和豆品連加料既豆腐花都係$5, 真係唔試都對唔住自己!!因為前面既人一買都買10幾碗, 所以都等左成10分鐘, 不過平野係要等架啦芝麻糊豆腐花($5):好大碗, 好夠熱, 豆花好滑, 但豆味唔重, 不過芝麻糊真係好高質, 好稠好濃好香!白果意米豆腐花($5):面頭白果意米就係腐竹雞蛋糖水既味, 好夾好好味!!!

It is amazing to see so many people standing on the street to eat the soyabean dessert. I took sesame soyabean dessert while my friend took jobs tear soyabean dessert. It was $5 each ! So cheap and it was silky too. We did not add any sugar but the taste is good already. Overall, we are satisfied!

一場嚟到荃灣又咁岩經過款款豆腐花都係$5唔食對唔住自己啦！熱芝麻糊豆腐花都幾大碗架！芝麻糊果然香滑。但得好少！好想食一碗！（都係$7碗咋）不過豆腐花就普普通通喇！有鮮薑汁。桂花冰糖水。冰糖水同黃糖比大家自己加。想少甜又得。想勁甜都得！試左鮮薑汁。正啊！夠薑！桂花糖都好味！

食放題前太餓，所以叫左碗熱既芝麻糊食下。同埋好多人排隊，因為優惠價7蚊大大碗，不過我朋友話成日都呢個價哈哈。但平時糖水店食平極都18蚊啦，超抵！食個陣睇熱，食完放番個碗落個桶到就得。呢碗係我食過最杰既芝麻糊，點解咁講係因為佢比起平時處於半稀半杰狀態既芝麻糊，佢真係好杰，但我鐘意！因為佢唔會好甜而陣黑芝麻好濃郁～～～

今日行經荃灣工作，在左穿右插下意外地發現有間專門食豆腐花跟豆漿的店舖，行近啲望原來仲有腐乳比大家買，而豆腐花仲要$5碗咋而豆腐花可選擇冰糖，薑汁，花奶，紅豆，綠豆等等作配搭，最特別就係有黑芝麻添，見門面寫住每日即場新鮮製作，有別於工場製作，講到咁勁當然要馬上試番碗我選擇最原始的冰糖豆花試試真功夫，入口都算幾嫩滑，唔會太稀太水狀，會有少少實在感而甜度適中，5蚊碗收貨啦，今時今日咩都貴，地舖嚟講算幾抵食㗎喇

上次試完隔離嗰間，今次就試下贊和，論價錢，5蚊碗，大大碗，極之抵食，論味道，豆味唔重，但都好滑。這間店長期都排長龍，非常多人，仲有其他甜品都好正，下次經過荃灣，一定要再試。

朋友講開荃灣有間好抵食既豆腐花，只係5元，難得經過，當然要試一試原來都幾多人排隊，不過都好快就到我，唔洗等好耐睇到話可以加其他糖水落去，例如芝麻糊，不過當時想先試試花奶豆腐花，所以加芝麻糊就留返下次啦講返今次呢個，當日天氣有d熱，食左呢個豆腐花，真係透心涼，而且食落好滑，味道剛好，仍然有豆味，花奶落得剛好，甜甜地好好味。記得之前試過食其他鋪頭，價錢唔算平不特止，味道又太淡。下次再經開荃灣，真係要再試試其他口味

進入荃灣小食區，怎能不食豆腐花。遠處已經看見一大堆人企在街上食一碗碗的豆腐花。平排有二間價錢相若的豆品店。經朋友推介下試贊和！嘩 好抵 所有味道也只是$5!!!!叫左一碗熱的桂花冰糖豆腐花，其實d糖水都係放哂出黎，自己加😂豆腐花好滑，亦好大碗，$5絕對物有所值。

食咗個輕份量嘅lunch之後有小小意猶未盡，見到有豆腐花食咁就行埋去睇下。嘩！ 今時今日一大碗豆腐花先至買五蚊去邊度搵，咁梗係要試下啦 。呢個價錢當然個個都覺得抵啦，所以條隊長到暈咗喺度。一邊排隊一邊有下佢哋間嘢有啲咩好食啦。 見到佢哋原來全部都係用非基因改造嘅黃豆咁就要更加加分。佢地兩位阿姐嘅速度驚人，等咗六七分鐘就排到我哋。我哋叫咗一碗紅豆沙豆腐花同一碗黑芝麻豆腐花。豆腐花非常之滑，黑芝麻磨得非常之幼同滑，紅豆沙亦都煲得非常之濃落足料。冇因為買5蚊一碗而偷工減料！！另外佢哋有唔同味道嘅糖漿，歡迎你哋加落碗豆腐花度。同其他食肆一樣，有堂食同外賣。但係我建議你哋堂食會另有一番風味。註：堂食係攞住碗豆腐花企係條街度食

真係好多人排隊，仲要只售$5一碗，有冇搞錯呀，咁平，唔食對唔住自己。雖然大排長龍，但係好快排到。有好多口味，全部都係5蚊雞，但係想食原味，就揀左熱薑汁豆腐花，自己加薑汁。識食一定食熱嘅，店員即刻整俾你食，超級美味，用人間極品也不過。簡單的豆腐花可以咁滑溜嘅，薑汁也十分濃郁，100分。友人食凍桂花豆腐花就點錯了，凍豆花有D硬，無熱的咁好味，一定要點熱的。另加了少糖豆漿($8)一支，好濃豆味，都幾大支，不錯。

今晚同男朋友行街返屋企既時候，經過荃灣路德圍有好多人排隊，原來係買緊5蚊豆腐花！你無睇錯，的確係5蚊😆😆😆原本以為咁便味道麻麻，點知食落真係意想不到好味喔！😋😋😋我order咗薏米白果豆腐花，白果好香，薏米好煙銀，唔會太甜！正呀！👍🏻👍🏻👍🏻男朋友order咗黑芝麻豆腐花，佢都話幾好食，一下子就食哂啦！😃😃😃呢間鋪頭仲有好多種口味，下次可以試下食其他，相信都唔會差得去邊！😌😌😌

行行下街見到間豆腐花出面好多人，望真d，原來做緊優惠，全部豆腐花都系五蚊！渣渣臨買返碗凍既薏米白果豆腐花。原本以為五蚊可能質素一般，點知又幾好味。食落有好香煉奶味，d薏米同白果好有咬口。豆腐花唔算太甜膩，一個人好快食曬一碗，都唔覺濟。如果覺得唔夠甜，仲可以自己落黃糖同各種糖漿。我試左落少少桂花糖漿，其實就冇乜桂花味，好淡好淡，我會建議落返黃糖算。個度仲有好多其他味，見到有好多人食芝麻糊豆腐花，下次去試下。

在荃灣晚飯後, 挺著full loaded的肚子, 總要在登上巴士回家前特地走到路德圍吃碗美味荳花才覺完滿, 看看電話已是晚上9點半, 怎麼還keep著長長人龍? 最初知道這店是朋友介紹的$5豆花, 偶爾一試, 滑得不行! 今天吃了, 就是那滑滑的感覺又回來了, 像是吃過後皮膚也跟著滑起來, 雖然$5超抵, 但是份量不比正常的小, 阿姨很有心機片出一碗又一碗, 而且想加甚麼味道適隨尊便, 每次我都加薑糖, 不是說笑的, 薑味可真重呢.另外我都買了一大樽豆漿回家, 有"有糖"和"無糖"AND "黑", "白"豆漿選擇, 超級天然!!!!勁好飲豆味好濃....每次到荃灣必到這裡來碗豆花+豆漿

有日無野食去左荃灣行街街經過荃興徑！真係好多野食！又比我發現到一條美食街！haha有一間特別熱鬧！走過去睇下原來是一間豆花店嘩！見佢賣$5蚊一碗仲有唔同口味我當時更係要買返碗試下啦排隊都要排一陣先到我架😋😋我最後就買左熱的黑芝麻豆腐花雖然佢好平！但一樣咁好味！D 豆腐花真係好滑唔知佢d 凍豆花係咪一樣咁滑呢！呢個就要等我下次經過再試下了😆😆

食完飯，同Mr C行返佢搭車，經過見到好多人，咁我哋都去湊熱鬧！見到兩間豆腐花糖水舖好多人排晒長龍！我哋就梗係有去排隊試吓啦！好味！好滑！完全物超所值！叫既時候同啊姐講要豆花，佢就俾碗你，你自己響隔離加糖漿等等。我自己就加咗個桂花糖漿。好味！真係好抵啊！* 我同Mr C一人一碗，我買呢間，而佢就買隔離嗰間嘅豆腐花。我自己個人覺得呢間嘅豆腐花滑啲。但係Mr C就話隔離嗰間都好味。大家都可以試晒兩間去比較下