影片
岩岩经过附近做野，见到呢间又几新，环境又唔错，装饰又几靓，所以就吸引左我入去我地2人叫左每日餐牌上既食物，食物质素几好又够热。份量够。留意每日餐牌上既餐点晚上会每款加5蚊，奉送例汤和热饮。期间限定可免费升级白桃乌龙茶。唔洗加一。唔贵。可能会再帮衬既冰室。CheeseRose
继续阅读
本身由入座到通知我通心粉卖晒要转另一样都已经等咗好耐，叫点餐都问咗成三四次先有回应，仲要谂耐少少个侍应已经掷张落单版系我枱面；侍应态度真系好无礼貌（听到另一枱客仲畀同一个侍应用粗口问候）。搭枱另一个客迟嚟迟点餐，但同我叫埋一样嘅多士肠仔，竟然可以食先，侍应解释原因系我未转个粉面所以唔可以畀我食住啲出到嘅先。我谂呢个出餐安排要反思一下有冇问题同改善空间。而且煎肠仔个心竟然系冰冻嘅，唔讲以为叫咗冷盘食。无预计过食物最基本温热都做唔到，真系觉得完全不能接受。唔系要求五星级服务，只系希望最基本礼貌同基本食物温度要求都应该要做到。
继续阅读
今日真系一肚火，唔系一次咁。今日叫作个餐叫完之后佢哋系张单上面打「补单唔晒做」头5min，见冇餐送到。问有冇落到单，2个服务员都话有，过左20min。我又问整左未，结果未整。。。。。一睇唔够钟食饭。就俾20蚊个冻柠茶走人。。。。。真系冇话讲
继续阅读
今次去咗‘贝拉冰室’食午餐，叫咗个‘常餐：沙嗲牛肉公仔面+火腿奄列+菠萝包黎试吓’我用咗唔同嘅角度去分析一下今次嘅餐饮体验。份量：十足，饱到上心口味道：偏浓味新鲜度：菠萝包，新鲜出炉咸度：沙嗲牛肉偏咸带辣油度：正常油餐饮：加3蚊叫咗个冻柠茶少甜，味道正常发挥上餐速度：茶餐厅速度店员态度：相当良好，有位姐姐喺我后边整嘢都会同我讲声店内环境：新潮有壁画交通地理：近元朗千色店交通尚算方便付款方法：可以八达通人均消费：$44+$3=$50Wifi：没有改善方案：淡味更佳
继续阅读
好多食开嘅餐厅都结咗业，上youtube揾下附近有咩好食，就揾到呢间冰室了。位置喺千色汇旁边，好少行去𠮶边街，如果唔系youtuber介绍，都唔知原来有间咁抵食嘅！下午茶最平28蚊有交易，今次试咗蕃茄肉酱饭同沙嗲牛肉公仔面。呢个价钱，当然唔会期望好味到晓飞，正正常常就可以了，结果竟然有惊喜㖞！😋虽然望落其貌不扬，但沙嗲牛肉入味，唔会太咸或太韧。最满意系跟餐杯奶茶，茶底好浓，可以话系encore呢间冰室嘅理由👍🏻除咗两个抵食下午茶餐，再单点咗咖央西多士（虽然加埋就变咗唔平😆），不过都好彩有叫到，一切开已经闻到咖央味，食落都唔会太油腻，边边位少少脆口，算系值回票价见到现场其他食客点咗小菜，卖相唔错，下次有机会再去试。多谢介绍呢间冰室𠮶位youtuber 😆
继续阅读
您可能会有兴趣的...