貝拉冰室

营业中

休息中

今日真係一肚火，唔係一次咁。今日叫作個餐叫完之後佢哋係張單上面打「補單唔晒做」頭5min，見冇餐送到。問有冇落到單，2個服務員都話有，過左20min。我又問整左未，結果未整。。。。。一睇唔夠鐘食飯。就俾20蚊個凍檸茶走人。。。。。真係冇話講

今次去咗‘貝拉冰室’食午餐，叫咗個‘常餐：沙嗲牛肉公仔麵+火腿奄列+菠蘿包黎試吓’我用咗唔同嘅角度去分析一下今次嘅餐飲體驗。份量：十足，飽到上心口味道：偏濃味新鮮度：菠蘿包，新鮮出爐鹹度：沙嗲牛肉偏鹹帶辣油度：正常油餐飲：加3蚊叫咗個凍檸茶少甜，味道正常發揮上餐速度：茶餐廳速度店員態度：相當良好，有位姐姐喺我後邊整嘢都會同我講聲店內環境：新潮有壁畫交通地理：近元朗千色店交通尚算方便付款方法：可以八達通人均消費：$44+$3=$50Wifi：沒有改善方案：淡味更佳

好多食開嘅餐廳都結咗業，上youtube揾下附近有咩好食，就揾到呢間冰室了。位置喺千色匯旁邊，好少行去嗰邊街，如果唔係youtuber介紹，都唔知原來有間咁抵食嘅！下午茶最平28蚊有交易，今次試咗蕃茄肉醬飯同沙嗲牛肉公仔麵。呢個價錢，當然唔會期望好味到曉飛，正正常常就可以了，結果竟然有驚喜喎！😋雖然望落其貌不揚，但沙嗲牛肉入味，唔會太鹹或太韌。最滿意係跟餐杯奶茶，茶底好濃，可以話係encore呢間冰室嘅理由👍🏻除咗兩個抵食下午茶餐，再單點咗咖央西多士（雖然加埋就變咗唔平😆），不過都好彩有叫到，一切開已經聞到咖央味，食落都唔會太油膩，邊邊位少少脆口，算係值回票價見到現場其他食客點咗小菜，賣相唔錯，下次有機會再去試。多謝介紹呢間冰室嗰位youtuber 😆

星期五放工唔想煮飯🫠 行到嚟元朗市中心附近一間唔係太起眼嘅冰室，見到佢好多類型嘅小菜碟頭飯都有就入嚟幫襯🤔我哋今晚兩個女仔叫咗個二人小菜套餐💫🌟兩碟小菜配兩碗白飯兩碗例湯+2杯嘢飲（凍飲加$3），總共食咗$151🌟👉🏻例湯唔記得咗影相係青紅蘿蔔粟米煲豬骨 飲落唔覺有味精，但當然冇自己煲咁鮮甜啦👉🏻凍檸茶 🍋 凍華田🥤好大杯叫咗少冰少甜真係有少到 正正常常幾好飲由於真係太肚餓食到一半先發現唔記得咗影相👉🏻粟米魚柳🌽🐟我覺得佢同大部份茶餐廳或者大排檔嘅粟米魚柳質素差唔多 個皮唔脆都唔太厚唔鹹唔口渴我已經好滿意啦🤓🤓👉🏻蜜椒薯仔牛肉🥔🥩好夠鑊氣 薯仔炸得好脆😋牛肉唔韌都係唔會太鹹同行友人有試過佢嘅早餐嘅沙嗲牛肉就略嫌今晚嘅牛肉「乸」得比較多我自己就好滿意啦，差唔多食晒成碟❤️🌞總括而言，佢算係一間性價比OK嘅茶餐廳，佢另外亦都有唔少碟頭飯扒餐常餐等嘅選擇下次唔想煮飯嘅話我都會嚟食✨環境衛生: 7/10 唔知係咪我哋坐得較近門口冷氣唔太足夠亦都同隔離座位比較近🥵🥵✨味道: 8/10✨性價比：8.5/10✨服務態度：8.5/10

元朗區呢個舖位轉過N手食店，今次叫”貝拉冰室”😇約朋友嚟食早餐，多士可以免費轉菠蘿包呢吓幾好，菠蘿包好大個，叮得熱，好食👍🏻沙嗲牛肉味道高質，沙嗲湯底香濃，有花生味但唔會太搶，兼好少食到有大量粗蒜頭粒🧄牛肉量多，好滑無根，質地好，好掂👍🏻凍奶茶夠茶香夠茶味，對比同區其他茶餐廳整體算係出品幾出色👏🏻員工有禮，雖然好忙但反應快，一眼關七；缺點係擺枱極密，好逼夾，坐得唔舒服，適合速食速埋單嘅人🤫

今日同家人晚餐想食小菜，我就於網上外賣平台揾到貝拉冰室。記憶中今次係第一次幫襯貝拉，3款小菜套餐包3個白飯及3杯熱飲，做緊推廣， 就決定試下。咸蛋蒸肉餅 - 肉餅整得唔錯，有咬感又唔會太韌，送飯一流。欖菜肉鬆四季豆 - 四季豆唔會太老，肉鬆入味，開胃的菜式。半隻霸王雞 - 呢味菜式反而較差，雞肉太“老”又太“鞋”，雖然份量真係算足半隻，但一啲都唔好食，唔合格。相信貝拉烹調較簡單 / 家常小菜會更加有把握。附送的白飯及飲品大致上都OK。但外賣所需要的時間過長，我平時甚少出聲，不過今次真係等得較耐，大家如果趕時間就要留意一下。

喺元朗千色店後面開咗一間新嘅餐廳….地方細細…勝在餐牌夠吸引因為價錢真係好抵食…今次係我第三次黎…頭兩次都係帶我媽媽一齊來的…今次我有帶我媽媽和工人姐姐一齊嚟慶祝中秋節晚餐不得不提喺呢度嘅服務真係一流因為我媽媽係坐輪椅嘅關係…加上餐廳地方有限…所以會比較麻煩一啲…但係呢度嘅侍應姐姐非常溫柔體貼…唔單止幫我一齊扶我年紀大嘅媽媽…仲會特別搵卡位嘅地方俾我哋👏🏻👏🏻👏🏻頭兩次我食午餐都非常抵食….平均都係$50左右…到夜晚我哋三個人就選擇左叫晚飯小菜….四個餸都係$265真係抵到不得了我最鍾意食呢個京都骨…酸酸甜甜而且啖啖肉呢條䱽魚先不得了…真係超級大條我工人姐姐就最鍾意食呢個粟米斑塊…而且份量十足再叫咗個蝦醬炒通菜四個小菜就會有四個湯同四個飯仲有四杯飲品添不過我哋三個人就食唔晒咁多嘢…最後都係要打包坦白講以呢個市道….呢間餐廳嘅性價比的確唔錯

前幾日見到有間餐廳新開張，裝修都幾有性格，望吓「門口個餐牌」見到有我最愛公司三文治 二話不說即刻同朋友衝左入去，坐低咗之後見到個餐牌裏面冇公司三文治選擇，問吓員工係咪有公司三文治、佢話要問老細😅😅😅問完一大輪 個老細好似唔係好想睬我哋咁最後跟餐牌點左個焗咖喱雞扒飯加凍檸茶 及 肉絲炒麵加凍奶茶……….仲未完，個麵重 (油憶)味 、凍奶茶變咗熱奶茶、凍檸茶有奇怪嘅味 見隔籬左右係有反映凍檸茶味道奇怪，員工「冇」主動了解 ，仲好堅持係冇問題👍🏻👍🏻👍🏻我一般都唔會主動批評及反應，因為每一個努力去煮一個飯或者一個餸我都會尊重，見佢咁堅持自己，咁我唯有破例一次寫comment啦！

服務差一入門口要掃安心，但佢地手機擺放位置完全唔岩， 搞左成分鐘都無人幫手（櫃台有人）到落單既時候 又落差哂飲品叫左兩杯分別係 奶茶同 檸茶兩杯都有怪味聽到第二台客都反映緊問題，但店主就話係新杯問題 無再跟進總括來講，唔會再去，連開業個幾日都做唔好，反映完問題又唔跟進！ 唔會再去唔會再去 唔會再去 唔會再去唔會再去唔會再去 唔會再去 唔會再去唔會再去唔會再去唔會再去唔會再去唔會再去唔會再去唔會再去唔會再去唔會再去唔會