影片
港铁太子站 A 出口, 步行约3分钟
继续阅读
电话号码
66607480
营业时间
今日营业
11:00 - 21:30
星期一至日
11:00 - 21:30
公众假期
11:00 - 21:30
公众假期前夕
11:00 - 21:30
以上资料只供参考，请与餐厅确认详情
有关奖赏计划
优惠
88折
【Cafe】$100 通用现金劵**无限兑换**
$88
$100
相关文章
賞島咖啡屋 The Pal Isle📍太子花園街233-235號偉雄大廈地下A號舖朋友同佢工作上嘅前輩有日約咗喺太子食晚餐，一行人預先約好去頗受歡迎嘅賞島咖啡屋，坐低傾吓食吓。雖然地方唔大，但勝在店員有禮，食物好睇又好食，所以我哋都搵咗一晚去撐檯腳。呢晚我哋唔算十分肚餓，望住選擇繁多嘅menu，花多眼亂，都唔知揀咩好。店員見我哋毫無頭緒，於是向我哋介紹各款具人氣嘅餐點，幫我哋省去點餐嘅煩惱，全部揀晒佢推介嘅嘢飲嘢食。 💰$178海膽味噌蟹肉意大利麵 🍝第一道上嘅係勁多人叫嘅海膽味噌蟹肉意大利麵，顏色鮮豔奪目，擺盤精緻用心，醬汁香濃幼滑，加上菇菌、海膽、蟹籽同蟹肉，整道意粉鮮味非常，充滿奶香。意粉粗幼度同軟硬度都恰到好處，掛汁之餘唔會過軟，配搭各種食材能夠增添口感，混入少少紫菜更有和洋風味，絕對係必食嘅招牌菜之一！ 💰$128咖啡燒汁烤豬仔脾 🐖第二款係新品咖啡燒汁烤豬仔脾，如其名係用咖啡調配特製燒汁烤焗豬仔脾，煮法相當新穎！用心擺盤有如藝術品一樣，店員推介用手拎住豬仔脾食，更添風味。豬仔脾肉嫩多汁，塗過咖啡燒汁嘅位置味道濃鬱，入口先有少許苦味，後勁有丁點甘甜，同豬肉嘅味道出奇哋夾！伴碟有烤大啡菇、新鮮沙律菜、薯蓉、少量咖啡粉同粗鹽，食材豐富不單調。我哋特別欣賞大啡菇，除咗好香菇味，亦醬汁水鎖好鎖滿，一咬，立即喺口內散發菇香，正！ 💰$52提拉米蘇 🍰甜品揀選Tiramisu，佢嘅蛋糕比例較少，感覺比較輕盈。蛋糕底浸過咖啡後比較濕潤，同mousse嘅口感相輔相成。整體充滿咖啡味嘅香醇，有份量但不甜膩，令人想一食再食。 💰$45芝麻拿鐵 ☕️嚟到cafe當然要叫返杯latte，黑芝麻latte最近我都幾喜歡，飯後飲返兩啖，似足食芝麻糊嘅感覺。佢哋芝麻同奶嘅比例大概4:6，兩者味道都好突出，好味道！
继续阅读
眼見好評甚多, 跟同事一直bookmark很久, 終於找到機會來試試 😊 以太子區來說, 這間cafe位置有點偏僻, 所以人流不多, 環境並不豪華特別, 但勝在能靜靜地用饍 😁咖啡燒汁烤豬仔脾 $138咖啡燒汁看似很特別, 所以點來試試看, 原來單純碟邊灑上咖啡粉, 名字有取巧之嫌, 本身以為咖啡混在燒汁裡 😅 燒汁並非很甜的那款, 所以直接加咖啡粉略為苦了一點 😗 豬仔脾並不乾身, 肉質軟腍, 一咬便能將肉與骨分開, 雖然名字取巧但味道不錯。鮮茄芝士肉醬螺絲粉 $118螺絲粉剛剛煮好, 相當熱騰騰, 我跟同事都最怕食物不夠熱 😆 茄汁濃而多, 微微酸微微甜, 加了少許芝士, 還有蛋和草菇, 肉醬其實沒有很多, 這點稍有不足, 但螺絲粉份量不少, 口感有韌度, 沒有煮到太淋。本身想試它的甜品, 可惜午饍時間只有一小時, 時間不充足, 只好等下一次。另外當我發現豬仔脾肉心帶紅, 廚師立刻出來了解, 從他的態度看得出他重視客人意見, 這個絕對是餐廳其中一個重要態度! 👍🏻
继续阅读
約左朋友dinner, 搵到呢間都幾多好評嘅靚靚cafe, 就嚟試吓先！裝修雅致，坐得舒服個日唔係特別想食甜品，所以就散嗌海膽味噌蟹肉意大利麵意粉al dente🤌🏻味噌醬好creamy, 加埋蟹肉增強口感嘅層次，仲有脆脆嘅蟹籽點綴👍🏻蒜油花椒蜆肉意大利麵花椒嘅麻辣味唔會太重，唔食得辣嘅人都可以試🙂↕️蜆肉都多，入味又新鮮，不錯不錯莎莎粟米片有入焗爐烤一陣，所以粟米片十分香脆，配上拉絲芝士、綿密嘅牛油果、清爽嘅蕃茄，係十分正嘅下酒菜（可惜個日冇飲酒）香脆雞翼雞翼好大隻，新鮮炸起脆卜卜，咬開有好Juicy嘅肉汁，加上淡淡嘅牛油香，味道適中，唔會太油膩-總結：食物唔錯，好啱同朋友聚會嘅地方，下次再嚟會試埋啲甜品同咖啡👍🏻
继续阅读
今日放假就諗住搵間cafe chill 下☕️成日見人介紹呢間位於太子既「賞島咖啡屋」 係花墟附近🌸細細嘅門口裝修好別緻 好似去左外國cafe一樣 入到去環境氣氛都好舒服🔹芝士牛肉墨西哥餅有驚喜 薄餅香脆入邊餡料豐富 芝士同牛肉配搭好惹味 熱辣辣 三大塊好夠飽 食完一塊就想食埋落去🙈 午市套餐會跟埋餐湯同飲品 🥘🔸海瞻味噌蟹肉意大利麵不愧為人氣之選 淨係個賣相已經💯分 海膽味好濃郁 意粉彈牙 除左有蟹肉🦀仲有好多蟹籽同紫菜增加意粉嘅層次感 食落冇咁膩👍🏻🔹香脆雞翼 仲有其他小食 我地就試左雞翼 炸得好酥脆 味道岩岩好 有五隻 份量都多 🍹Passion fruit soda 清新百香果梳打 有新鮮果籽🍵strawberry matcha latte 好特別 士多啤梨嘅甜中和抹茶既苦澀值得一試📍賞島咖啡屋 (太子)太子花園街233-235號偉雄大廈地下A號舖
继续阅读
當日所有嘢食都係超水準，Feel 到老細對嘢食嘅熱誠尤其是龍蝦湯超好味海膽意粉亦係我嘅至愛慢煮雞肉同魚，超級嫩滑下一次一定會再過嚟🥳喺第二度真係食唔返I love 賞島😘
继续阅读