賞島咖啡屋

营业中

休息中

賞島咖啡屋 The Pal Isle📍太子花園街233-235號偉雄大廈地下A號舖朋友同佢工作上嘅前輩有日約咗喺太子食晚餐，一行人預先約好去頗受歡迎嘅賞島咖啡屋，坐低傾吓食吓。雖然地方唔大，但勝在店員有禮，食物好睇又好食，所以我哋都搵咗一晚去撐檯腳。呢晚我哋唔算十分肚餓，望住選擇繁多嘅menu，花多眼亂，都唔知揀咩好。店員見我哋毫無頭緒，於是向我哋介紹各款具人氣嘅餐點，幫我哋省去點餐嘅煩惱，全部揀晒佢推介嘅嘢飲嘢食。 💰$178海膽味噌蟹肉意大利麵 🍝第一道上嘅係勁多人叫嘅海膽味噌蟹肉意大利麵，顏色鮮豔奪目，擺盤精緻用心，醬汁香濃幼滑，加上菇菌、海膽、蟹籽同蟹肉，整道意粉鮮味非常，充滿奶香。意粉粗幼度同軟硬度都恰到好處，掛汁之餘唔會過軟，配搭各種食材能夠增添口感，混入少少紫菜更有和洋風味，絕對係必食嘅招牌菜之一！ 💰$128咖啡燒汁烤豬仔脾 🐖第二款係新品咖啡燒汁烤豬仔脾，如其名係用咖啡調配特製燒汁烤焗豬仔脾，煮法相當新穎！用心擺盤有如藝術品一樣，店員推介用手拎住豬仔脾食，更添風味。豬仔脾肉嫩多汁，塗過咖啡燒汁嘅位置味道濃鬱，入口先有少許苦味，後勁有丁點甘甜，同豬肉嘅味道出奇哋夾！伴碟

今日去咗太子花墟睇年花，冇收穫就去食晚飯。餐廳的門面用了柔和的綠色，感覺寧靜舒適。餐牌可以散叫或食套餐。我哋叫咗二人晚餐。🔸是日精選餐湯蕃茄湯夠熱，蕃茄味濃郁，雖然味道偏酸，但卻令人開胃。🔸慢煮雞胸柚子汁沙律雞肉嫩滑，唔會乾身，沙律菜新鮮，醬汁有柚子汁和鹹脆的煙肉。🔸慢煮西班牙豬鞍呢個要加$68，慢煮豬鞍口感唔乾，亦保留咗肉汁，肉質頗嫩。大啡菇軟滑腍身又多汁，而芥末醬都做得唔錯，質地濃稀適中，味道甜中又少少辣，薯蓉整到成個薯餅，有質感。🔸蒜油花椒蜆肉意大利麵👍🏻呢個要推介呀！意大利麵的質地軟硬適中，口感煙韌，花椒味香帶麻辣，蜆肉飽滿冇沙。🔸Carrot Cake甘筍蛋糕冇令人討厭的草青味，蛋糕口感柔軟濕潤，仲食到核桃碎和提子乾。忌廉芝士厚實仲有少少酸味。🔸Cappuccino咖啡有天鵝拉花😍，咖啡質地很順滑，除咗有堅果味，亦有回甘的味道。🔸Honey Yuzu with Lemon柚子蜜糖的甜味温和，配合檸檬的酸味。

今天同朋友到太子花園街買花，嚟到【賞島咖啡屋】原本諗住坐低飲杯咖啡，見$488.00 二人套餐幾吸引，加上環境舒適伴隨暗黃燈光，讓人不其然放鬆下來。即席系度食埋晚餐先走。🌟龍蝦湯X2 +$28.00落足材料煲到變蓉，口感濃郁，蜆肉鮮美，creamy忌廉，粒粒龍蝦肉使整道菜充滿層次感🤤🌟雞胸沙律慢煮雞胸非常嫩滑，香濃柚子味，份量勁滿足。🌟西京燒比目魚擺盤精緻，比目魚柳燒得岩岩好，肉質雪白，口感嫩滑，入口即化。西京燒醬汁鹹甜有致，令人回味。配菜有咖啡茹，薯蓉等。🌟蒜油花椒蜆肉意大利麵擺盤好有心思，蜆肉份量比想像中多，入口鮮甜冇沙。加上碎粒蒜頭和花椒調味，意粉幼身幾creamy又有蒜香，味道惹味帶點辣!🌟Apple crumble作為咖啡屋，甜品果然高質，蘋果餡溶入其中，食落香甜 ，香酥味十足!🌟Yuzu soda&🌟Passion fruit soda呢度出餐速度唔錯，45分鐘內所有菜式到齊，枱與枱之間距離足夠私隱度。午市都幾抵食!!

就嚟新年喇，出去太子花墟買年花佈置屋企。然後喺附近搵朋友食飯。嚟到呢間喺太子花園街嘅《賞島咖啡屋》食晚飯，位置就喺太子差館警署後邊，非常方便。晚餐有2人餐$488前菜：🦞海鮮龍蝦湯 非常濃郁 入邊仲有蜆🥗慢煮雞胸柚子汁沙律 慢煮雞胸好滑好軟、沙律新鮮主菜：🐖咖啡燒汁烤豬仔髀豬仔髀燒到啱啱好，新穎嘅咖啡燒汁味道唔會甜，配自家製薯蓉、咖啡菇、沙律菜非常出色🍝海膽味噌蟹肉意大利麵好足料嘅海膽同蟹肉，仲有滿滿嘅蟹籽配上白汁，令人好滿足飲品：🍵柚子茶、柚子梳打，都係恰如其份，濃淡適宜。餐廳是日甜品：🍰開心果麻糬Tiramisu用Tiramisu嘅做法，換上開心果慕絲，淡淡嘅甜味做得好出色

太子嘅花園街、通菜街、西洋菜南街都有好多性價比嘅餐廳‼️揀左一陣，就決定嚟呢間cafe，見到都好多人，應該quality唔錯果然，個海膽味噌蟹肉意粉好出色❤️怪不得見到差唔多每一檯都叫～～🍅蕃茄濃湯呢個湯完全啱我口味，一般嘅西湯都會加忌廉，但呢個湯無加忌廉，食到原個蕃茄嘅清新味，basil味好香，同蕃茄super match❤️🍝「海膽味噌蟹肉意粉」開頭見到味噌兩個字都擔心味道會較濃，我嘅擔心係多餘！個醬汁反而有鮮味海膽好甘甜，蟹肉都幾多喎，所有嘢配合埋一齊，真係perfect match🥩「美國安格斯牛板腱」牛板腱就普普通通，牛味唔夠濃，雖然叫咗medium，但肉質有啲鞋！下次都係叫返餐廳推介，要叫「慢煮西班牙豬鞍」🐷🍰Tiramisu咖啡酒濃郁，蛋糕質感好creamy

海膽味噌蟹肉意大利麵呢個招牌菜吸引眼球，色彩鮮豔，擺盤精緻又用心。醬汁香濃滑順，融合了海膽的鮮味與味噌的獨特風味，奶香四溢。搭配的蟹肉和蟹籽增添了豐富的海鮮風味，菇菌的口感更是提升了整體的層次感。意大利麵的粗幼和軟硬度恰到好處，既能很好地掛住醬汁，又不會過於軟爛。而少許紫菜的點綴，則讓這道菜多了一份和洋結合的驚喜。整體而言，這道海膽味噌蟹肉意大利麵不僅美味，還充滿創意！明太子櫻花蝦意大利麵這道菜的醬汁香濃，帶有明太子的鮮味，微微的鹹香令人食欲大開。櫻花蝦的香脆口感為整道意粉增添了獨特的風味, 這道菜的醬汁香濃，帶有明太子的鮮味，微微的鹹香令人食欲大開。櫻花蝦的香脆口感為整道意粉增添了獨特的風味,絕對是意粉愛好者的必試之選！

慢煮雞胸柚子汁沙律🥗慢煮方式令到雞胸肉肉質細嫩，完全冇乾柴既感覺，配搭柚子汁沙律菜車厘茄等食材，清新又低脂健康香煎鵝肝多士🪿鵝肝大大件厚實，多士烘得脆卜卜，配搭埋士多啤梨醬，甜中帶酸的果醬平衡左鵝肝濃郁既油膩感美國安格斯牛板鍵🥩肉質鮮嫩多汁，有豐富嘅肉香味加上外層燒到微微焦脆，旁邊有一款泰式酸辣醬，點汁食又係另一種風味蒜蓉花椒蜆肉意大利麵🍝蜆肉鮮甜，麵條彈牙，雖然加左花椒，但係唔會蓋過咗蜆肉嘅味道但本人認為味道較辣，如果本身唔食得辣可能未必食到，但如果食得辣黎講係非常滿足開心果蛋糕🎂一上碟見到蛋糕整成聖誕樹造型十分可愛🎄味道上cream入面加咗開心果碎，茶味濃郁蛋糕鬆軟環境舒適溫馨，侍應會好快收走枱上已食完嘅碗碟，老闆親切會不時前來詢問食物質素👍🏻睇得出餐牌上對每一款食物配搭嘅用心，擺盤都好靚，會再嚟幫襯😋

朋友慶生，搵間舒服的餐廳，咁岩大家都打算去花墟，就揀咗附近的餐廳門口唔太睇到入面，但其實餐廳內部環境都幾靚，坐得舒服，同朋友飲嘢傾偈氣氛唔錯，又有打卡位，呢區入邊一個幾好嘅選擇叫咗兩份午餐，分別係西京燒比目魚同埋咖啡燒汁烤豬仔髀，跟餐有湯或者沙律，同埋都有嘢飲西京燒比目魚講得上可以係必食，我同朋友都好滿意，魚皮輕輕燒過，肉仲係非常嫩滑，加埋甜甜地燒汁，非常出色因為有咖啡，燒汁冇平時咁甜，又有淡淡嘅咖啡香，平時好少食到，我都幾鍾意呢個配搭跟餐飲品揀咗焙茶拿鐵同long black，我鍾意佢係唔太甜嘅焙茶，朋友嘅long black都滿意最後忍唔到手叫埋個甜品，本身想要Tiramisu，不過今日冇晒，店員推薦我哋要香蕉芝士蛋糕，非常有驚喜，濃郁芝士味加埋甜甜地嘅香蕉，又估唔到咁夾👍

早排朋友生日，想同佢有啲儀式感，因為平時食得最多都係打邊爐。所以就不停上網搵Cafe，然後見到呢間餐廳啲套餐唔錯幾吸引，同埋問咗佢哋甜品可以畫碟，所以就book咗呢間。嗰晚叫咗個488嘅二人套餐，加錢升級要咗海膽味噌蟹肉意大利麵，海鮮龍蝦湯美國安格斯牛版健，每樣都好好食。最欣賞個意粉，有大量嘅蟹肉味噌汁包住每一條麵，仲有海膽紫菜撈埋一齊食。最欣賞嘅係竟然有carrot cake同朋友一至認同會再有下次嘅餐廳。好開心今次嘅安排令佢都好滿意。開心嘅一晚，一餐好滿意嘅生日飯。

一人三百靚蚊有湯有沙律有兩個主菜有甜品同飲品，幾抵食! 服務都幾好 ，侍應親切友善 ！係張枱有少少細，但都可以接受。同埋冇用餐時間限制，好難得 ！岩朋友gathering吹水的文青cafe !

位於太子既呢間cafe環境真係清幽，四周都係綠意盎然。好多情侶都鍾意黎呢度食飯，無論係普通約會定係慶祝特別日子，都係一個好選擇。講到食物，我食左佢地既咖啡燒汁烤豬仔髀。呢道菜真係外脆內嫩，燒汁既香氣混合住咖啡既微苦，帶出豬仔髀既鮮味。呢個配搭真係出乎意料地夾，食完之後會令你仲想再黎多一件。至於海瞻味嚐蟹肉意大利麵，啲蟹肉鮮甜多汁，意大利麵煮得啱啱好，唔會過熟。醬汁係用海膽調製，滑溜溜地包裹住每一條麵，海味濃郁。呢道菜既賣相都好靚，睇見都忍唔住想影相。最後就係海鮮龍蝦湯，呢個湯底係用龍蝦同其他海鮮慢煲出黎，味道鮮甜而且唔會太膩。每一啖都感覺到大海既氣息，入口後仲有種溫暖既感覺。呢個湯真係一個完美既開場，為你打開味蕾。呢間cafe唔單止環境優美，食物亦都好有水準。係一個值得推薦既地方，無論你係想過一個浪漫既夜晚，定係想同朋友聚舊，都係一個唔錯既選擇。

今日星期一，我同媽咪去咗太子一間café chill下，環境真係優雅又寧靜，適合放鬆心情！而且今日有平日set lunch，仲免加一，正🤩！呢個set lunch包咗沙律或餐湯、一個主食同一杯飲品，我哋一開始就選咗沙律，湯各一，然後主食方面，我哋叫咗一份咖啡岩鹽豬仔髀，搭配薯蓉、炒大啡菇同沙律，另一份就係花椒蒜油蜆肉意粉，聽起來就已經好吸引！首先上嚟嘅係沙律，沙律新鮮又脆口，搭配嘅醬汁清爽，真係好開胃。然後就係我哋期待已久嘅主菜。咖啡岩鹽豬仔髀上嚟時，色澤金黃，香氣撲鼻，咬落去肉質非常嫩滑，咖啡粉嘅香味加上岩鹽嘅鹹香，味道非常出色。薯蓉滑腻，而炒大啡菇就更加增添咗菜式嘅層次，菇香味濃郁！另一份花椒蒜油蜆肉意粉就更加驚喜！意粉煮得剛好，口感彈牙，花椒嘅香味同蒜油嘅味道配合得非常好，蜆肉新鮮，味道鮮美，整體嚟講，這道菜真係一絕，食完之後令人回味無窮。我哋仲加咗$38要咗一份炸洋蔥圈，炸得金黃香脆，洋蔥圈裡面嘅洋蔥甜甜地，外面嘅脆皮咬落去真係唔會油膩，配上BB沙律醬，食到停唔落手！甜品方面，我哋加咗$38要咗一款好罕有嘅甘筍蛋糕🍰，蛋糕外表金黃，切開後內部鬆軟，帶有淡淡嘅甘筍香味，味道清新又

今日喺旺角行花園街行街,行到太子呢面發現呢度原來有間Cafe,裝修仲幾唔錯添☺️lunch 仲有Set 餐，都幾實惠🤩🌮芝士烤牛墨西哥餅 $108墨西哥餅有3塊咁多，隔離仲有D沙律，夠晒飽！跟餐仲可以配餐湯或者沙律，仲加埋一杯熱飲添🥰墨西哥餅入面有芝士滿滿，餡料仲夠惹味😳 🐷咖啡燒汁烤豬仔髀 $138同樣跟餐有餐湯或沙律再加飲品，加$12仲飲到特飲添☺️豬仔比外表睇落黑黑地，但其實呢啲係咖啡粉，唔係燒燶咗！食落仲好有內涵😳估唔到入面都幾Juicy，幾驚喜！加$38仲可以食埋蜜糖芥茉炸雞粒🍗或是日蛋糕，雞粒即叫即炸，唔使醮汁都已經好好食🤩 蛋糕就甜度啱啱好，唔會好漏！

有朋友介紹話太子有間西餐不錯，在花園街，但行得都幾入下，夜晚在門牌的燈光反照在地下，所以都唔會行過龍！睇餐牌叫個二人餐唔使唸😂揀左是日精選餐湯：蕃茄湯，用新鮮蕃茄打蓉，好幼滑，好香蕃茄味，酸酸甜甜，作為開胃菜唔錯前菜：慢煮雞胸柚子沙律，雞胸經過慢煮，食落去幾滑又不會鞋，仲有生菜，車厘茄，煙肉碎，再加埋黑醋汁，都係開胃前菜西京燒比目魚：外形有少少似銀雪魚，肉質比較滑，同蛋黃醬又係好夾，而且無骨啱晒我！仲有大啡菇和埋薯蓉！海膽味噌蟹肉意大利麵：意粉軟硬適中，面頭仲灑上大量蟹籽嚟增加口感，再加埋海膽！蟹肉和忌廉汁同意粉係分隔開👍🏻可自行調配意粉稀杰度口味，咁就食落去不會太溜甜品：蘿蔔蛋糕，有粒粒紅蘿蔔，一層蛋糕一層cream,食落去幾鬆軟，上面仲有埋合桃熱情果梳打：酸酸地，好醒胃柚子梳打：清甜柚子蜜，唔太甜，好解渴。            環境不錯，雖然地方不算大，但同隔離枱相隔一段距離，有獨立空間感！店員服務有禮

約左朋友dinner, 搵到呢間都幾多好評嘅靚靚cafe, 就嚟試吓先！裝修雅致，坐得舒服個日唔係特別想食甜品，所以就散嗌海膽味噌蟹肉意大利麵意粉al dente🤌🏻味噌醬好creamy, 加埋蟹肉增強口感嘅層次，仲有脆脆嘅蟹籽點綴👍🏻蒜油花椒蜆肉意大利麵花椒嘅麻辣味唔會太重，唔食得辣嘅人都可以試🙂‍↕️蜆肉都多，入味又新鮮，不錯不錯莎莎粟米片有入焗爐烤一陣，所以粟米片十分香脆，配上拉絲芝士、綿密嘅牛油果、清爽嘅蕃茄，係十分正嘅下酒菜（可惜個日冇飲酒）香脆雞翼雞翼好大隻，新鮮炸起脆卜卜，咬開有好Juicy嘅肉汁，加上淡淡嘅牛油香，味道適中，唔會太油膩-總結：食物唔錯，好啱同朋友聚會嘅地方，下次再嚟會試埋啲甜品同咖啡👍🏻