影片
港铁油塘站 A1 出口
继续阅读
营业时间
星期一至四
11:00 - 23:00
星期五至日
11:00 - 23:30
公众假期
11:00 - 23:30
以上资料只供参考，请与餐厅确认详情
記得第一次食赤丸，就係同初戀男友吃。每人嗌一個冷烏冬加兩份小食，份量啱啱好，價錢又平，係學生時期拍拖經常去既地方。而家同另一半去食，已經無左剔紙仔，而係直接叫侍應落單，同埋價錢貴左好多，今次照樣嗌兩個冷烏冬，兩份小食，每人已經要差不多成舊水落樓（以前平一半），其實都幾唔抵食。不過真心講，啲野食幾好味既，起碼唔會好似其他餐廳，價錢貴左勁多，但質素又下降。起碼我而家都食得番以前既味道啦。我就推介雞翼，炸到勁香脆，又唔油，但入面既雞肉都仲好juicy! 炸魚餅都好味！不會乾爭爭！所以貴一貴我都會繼續食啦！
继续阅读
見好耐無食拉麵，見到ｅ間唔洗排隊，於是就試下啦！坐低左之後，睇完個menu點左個吉列魚拉麵，等左一陣之後個店員話無晒，我心唸又話新品，但係又無貨，好無奈，咁就轉左食吉列豬扒拉麵啦！拉麵到左啦，賣相就無啦，因為佢好多配料例如係蛋、筍同粟米等都要加錢呀！如果加晒我覺得都會貴左ｄ啦！之後就試下個麵先，麵質唔係好彈牙，個湯都算可以，而塊豬扒ｄ粉就上得得左，面果陣有ｄ硬，食完都算係可以呀！咁既價錢都算合理！
继续阅读
今日食左一個幾多野食既下午茶。首先有一個炸雞翼配炸薯角，佢既雞翼係由中間切開邊先再拎去炸，咁樣做好處係可以令佢地都均勻受熱，每件都炸得脆卜卜，而且食起上黎既時候方便好多，但唔好既地方係肉汁會流失左，令雞肉唔夠嫩滑。薯角都炸得好脆，每塊里面都好似有D薯蓉咁，外脆內軟，口感非常好。來到烏冬，配合湯汁吃起來爽滑彈牙，仲有小小煙韌口感，份量o岩o岩好，再多D就食曬啦。飲品我揀左巨峰特飲，提子味好濃，飲到最後仍好有甜味。
继续阅读
今天放工之後，友人說不如去油塘吧！大本型開了很多店，餐廳選擇都比以前多了！二話不說，出發了！上了兩層電梯，看見赤丸製麵所，感覺佈置很像味千拉麵，上前看一下Menu...食物完全不同，主要是吃拉麵烏冬，大約四十多元至六十多元一碗。朋友看到那個豐瀛御膳的餐牌，主食+小食+飲品=$56，比單點多數元便可有小食及飲品，十分划算，於是我們都叫了叫了套餐。7點來到，客人不算多，大概有4-5桌客人，因此坐得十分舒服!我點的是：滑蛋野菌帶子湯烏冬 + 章魚燒(3粒) + 汽水。食物上菜速度很快，點了5分鐘便到了。朋友說與其說是滑蛋，不如說是蛋花? 雖然如此，味道出奇地合我口味! 我不沉醉於香港人大愛的極濃厚極咸的拉麵湯底，反而喜歡清清淡淡的。野菌是水煮的，入口爽身，帶子不腥，一粒大於$5硬幣。烏冬不是超市中的便宜即食烏冬，有誠意，令我十分高興!吃出來應該是乾烏冬的味道!如果討論烏冬的口感， 乾烏冬> 雪藏烏冬 > 即食烏冬!烏冬入口彈牙，但又唔會太韌。有烏冬的香味，沒有奇怪的酸味!因此很可口!友人點的是：滑蛋魚柳湯烏冬 + 章魚燒(3粒) + 汽水。魚柳是鮮炸的，熱騰騰的，香口但魚肉不稱得上幼滑。湯底及烏冬和我點的是一樣，因此不作重覆介紹了!章魚燒(3粒)味道不錯，有足夠的沙拉醬、燒汁，小小顆，但是即製的，加分!服務方面，店員認真，會主動介紹好吃的食物。只是有時沒有記性，點了的飲品，剛說完，便忘記了!值得一提是店員對於清潔十分在意，客人離開了，便很有系統地清理桌面。而且一聞到有油脂味道，馬上重新清潔一次，因此認真程度，令人欣賞!
继续阅读
赤丸一直都是其中一間我喜歡幫襯既一間餐廳不過呢排成日都唔得閒所以都冇食好耐呢一日我終於有時間和朋友泥食可能因為我地九點先去食所以基本上都唔洗等位呢到既環境冇咩特別 但幾舒服就算坐滿人都應該唔會好逼既個人好中意呢到既燈光到嗌野食既時間個服務員都幾好佢向我地介紹左個套餐烏冬／拉麵／飯＋一款小食＋飲品都系$56真系好幾抵野食都幾快泥嗌完之後等左一陣就有得食等我介紹下D野食先首先泥既系雞軟骨串賣相幾吸引 味道都好好 D汁令人想一食再食 D軟骨又唔會太難咬如果唔系我地已經嗌左唔少野食 我地實會再叫之後泥既系章魚燒賣相都唔錯 不過味道就一般幾好既系食落去唔似街邊賣果D咁多粉都冇咁濟軟殼蟹沙律因為我喜歡食菜所以特登叫左呢個泥食一泥到有D失望 因為勁少菜 似伴碟多D黑色既汁應該系撈沙律既醋 幾開胃D軟殼蟹味道不過不失 但感覺上唔系即炸主菜啦！朋友果碗櫻花蝦天海老掛烏冬佢既味道冇佢既賣相咁好D滑蛋好咸 D櫻花蝦都不太特別我同朋友都覺得我果碗既吉列蝦好食D不過蝦系幾爽口既我果碗海鮮蕃茄湯烏冬我每次食呢間野都會嗌既就系呢個佢既湯好重蕃茄味 仲有D海鮮既鮮味我每次食都會飲左佢大半碗湯D海鮮都冇乜腥味蝦都好爽口吉列蝦本身系會擺埋系湯入面但我嫌佢會LUM左唔好食 所以我會另上我幾中意呢間餐廳既烏冬因為都幾彈牙 幾UN雖然呢到D野食整體泥講唔錯但感覺上都幾重口味食完好想飲水唔怪得佢每枱都擺咁大壺水總結呢間餐廳間唔中食都幾好既
继续阅读