走杯 (富時中心) (已搬遷) 新店位置

睇見個門面幾靚，於是走入去試下喇，點知中晒伏。叫咗杯東方美人紅烏龍，明明叫咗正常但俾左走甜，店員唔小心都算喇，唔緊要喇，當走甜飲下啲茶味！一飲，個人覺得啲茶同7仔買嗰啲道x烏龍茶完全冇咩分別。都唔緊要喇，唯有試下個奶蓋，個奶蓋嗰啲柚子皮少到呢，唔知想點，唔緊要嘅，反正啲柚子皮同成杯嘢陣味格格不入。個奶蓋啲奶，似奶粉開出嚟一啲都唔好味。錢唔係俾唔起，但37 蚊呢個價錢我唔expect 店員落錯單，啲茶似道x, 個奶蓋咁嘅質素….最後飲到一半掉左，因為實在太難飲，可一不可再，唔會再幫襯。難飲到我專登開OpenRice ac 寫返個食評…

旺角茶飲店 提倡走紙杯概念﹣﹣﹣﹣﹣﹣﹣﹣﹣﹣﹣﹣﹣﹣﹣﹣● 鐵觀音紅豆蕙仁奶茶 $33鐵觀音奶茶幾好飲！配蕙仁唔會好heavy，加埋紅豆又有兩種口感，飲落係清清地但又重料嘅奶茶～○ 金鑽蜜芋純鮮乳 $36芋奶都唔錯，味道好濃郁，少甜都飲到原本嘅芋味，而且芋泥本身甜度已經夠。雖然個concept係sell走杯但見大部份人都照用紙杯飲😆 加上價錢係走杯價，紙杯要加返$2，見到張單先恍然大悟🥸﹣﹣﹣﹣﹣﹣﹣﹣﹣﹣﹣﹣﹣﹣﹣﹣走杯旺角彌敦道585號富時中心地下3號舖銅鑼灣軒尼詩道500號希慎廣場9樓L903A號舖

這家店之前在銅鑼灣誠品看到，感覺裝修很簡單，而且每個口味都好想試試，於是發現旺角都有店，因為最近只能喝熱的。就選擇了一個金鑽芋圓奶茶，茶味兒重，很棒，而且芋圓也都很好吃，下次打算再試試果茶系列，價格小貴

柚香金萱晨光·黃金烏龍+金鑽芋圓 $35 + $5今次叫咗少甜 如果大家星期五買叫少甜有得減一蚊架🤣 首先個奶蓋好厚好滑 帶少少甜味 烏龍茶味都好香濃 每啖都有淡淡既柚子香 好fresh🥰 另外再加咗芋圓真係食極都食唔哂😹 飲到最後打開個杯蓋見到仲有勁多芋圓 真係超足料 芋圓每粒細細粒又煙韌 唔會好粉 超推介😋評分: 9.5/10🌟———————————————————————走杯 (旺角)旺角彌敦道585號富時中心地下3號舖

《點解！點解紙杯要加兩蚊🤢😣》天氣熱，又係飲野嘅時候啦～🥝金鑽奇異之夜歌 $36係咪好疑惑究竟係咩嚟嘅呢？奇異果？金鑽菠蘿？岩一半啦～其實係椰汁配菠蘿嘅飲品。雖然味道唔錯但主要味道都係椰汁味，而且有小芋圓咬，所以就算食到菠蘿你都感覺唔到，但即使係咁味道都唔錯。🧡🧡 餐廳為響應環保，外賣紙杯係需要收$2，所以大家去買嘅時候不妨自備飲品杯，環保得來又慳返兩蚊。

🚩香草籽與咸奶油奶蓋紅烏龍奶茶💰價錢：$37(+$2紙杯)最近飯後經常口淡淡想嚟返杯飲品解渴😙。今次揀呢間主推健康、環保，店主會將+$2既紙杯錢捐慈善機構，所以飲野同時做埋善事😂。由於見menu每款奶蓋都勁吸引🤤，真係心大心細，唔知揀邊款，所以唔想再諗最後就揀招牌推薦，降低中伏機會😂。本身我揀呢款奶蓋係冇得走冰，但我唔想飲咁凍，所以職員推薦我轉奶茶底就可以做到走冰👍🏻服務態度勁好💯而味道上完全冇得輸！因為奶蓋本身帶有少許甜味，而且鹹奶油可以令甜味更突出👍🏻，所以就算揀無糖都會有淡淡既甜味☺️。奶蓋面層焦糖，奶味勁濃，焦糖配搭埋奶油味似係拖肥😍。建議一開始真係要大啖飲奶蓋，感覺真係勁正👍🏻。奶蓋好味之餘，茶底亦唔差，做得十分出色，茶味非常香醇。呢款奶蓋配紅烏龍真心好夾，唔怪得係店家招牌推薦，值得一試👍🏻P.S. 成杯野其實好多香草籽，但飲唔出雲呢拿味😂😂難道俾奶茶味蓋過？同埋睇到menu有寫，原來可以將糖換成麥芽糖醇，適合糖尿病人士👍🏻

係油麻地彌敦道行緊去旺角途經呢間茶飲，聞到好香茶味令我停低入去睇下咩名堂，呢到有好多少見茶飲，又有近排好hit嘅燕麥奶。我就叫左杯萊姆冬瓜露加愛玉，萊姆即係Lime青檸🤣估唔到幾好飲，冬瓜茶好清香，飲落有時仲會飲到青檸果肉粒，再加上愛玉，飲落酸酸甜甜之餘，又有嘢咬下有口感👍🏻尤其是依家做優惠，只係$30咋🤫呢到茶飲用紙杯同紙飲管，走塑👍🏻滿足鐘意飲台式飲品嘅願望，同時又為環保出一份力♻️

<走杯>呢間茶飲店一聽個名就知道係支持環保♻️既舖頭，希望大家可以自備杯，減少用外賣杯，實行源頭減廢~不過如果大家好似我咁無帶到杯黎，就要畀多$2啦，不過呢$2都會捐畀環保團體~今次就揀左<啖啖奧利奧 • 奶茶>上面除左有奧利奧脆脆，連奶蓋都係奧利奧味~ 不過驚太飽就將原本既奶茶底改左做黃金烏龍茶底~估唔到奧利奧奶蓋同黃金烏龍都幾夾~ 一啖可以同時飲到Oreo同烏龍茶味，唔會話Oreo既味太搶就無左茶味~🤩 重要飲落都幾清新，又唔會有罪惡感~😍

今日喺旺角又經過『走杯』。平時嘅我，喺附近做GYM，所以經過都無乜意欲行入去買野飲。今日同老公經過，被「黑芝麻特濃奶蓋」吸引左，就行入去，叫左杯野飲。👆🏻黑芝麻特濃奶蓋配紅烏龍 (黑白之戀歌)一杯$38 另收$2 紙杯錢捐返俾環保機構，合共$40 ，一d都唔平。入口第一啖係濃厚嘅黑芝麻奶蓋，勁香勁香，上面有些少焦糖，有畫龍點睛嘅效果，好味。再飲埋去，配上紅烏龍茶平衡返個甜，感覺上啱啱好😋 Staff 溫柔有禮，加上好好味，令我下次會再想試下店入面嘅其他飲品。味道⭐️⭐️⭐️⭐️⭐️價錢⭐️⭐️⭐️服務⭐️⭐️⭐️⭐️

旺角呢間飲品店好有環保嘅概念，若果冇自備外賣杯就要加兩蚊用佢哋嘅紙杯。佢地製作飲品嘅廚房係半開放式，見到職員都有戴口罩，感覺衛生。 🍴 黑白之戀歌-紅烏龍燕麥奶 (Boxing Day價$26) (原價$38+$2紙杯) ⭐️⭐️⭐️⭐️💫 頂層嘅黑芝麻奶蓋，黑芝麻味好香好濃郁，有燒一燒過嘅味道，奶蓋要先飲，口感好厚！下面係烏龍茶同埋燕麥奶，加埋一齊好夾，茶味幾突出，必試！ 🍴 走杯仙草奶茶 (Boxing Day價$26) (原價$32 +$2紙杯) ⭐️⭐️⭐️💫 茶味唔係太突出，奶味較重，仙草比較大條，就算用大飲管都唔係好飲到，整體正正常常。 .............................. 走杯 地址📍: 旺角彌敦道585號富時中心地下3號舖 總評分: 8/10 .............................. 味道😋: ⭐️⭐️⭐️⭐️ 環境👀: N/A 服務👨🏻‍🍳: N/A 衛生🧹: ⭐️⭐️⭐️⭐️ 抵食💰: ⭐️⭐️⭐️⭐️

係旺角行街🛍shopping, 慣常地會係附近買個甜品返屋企, 旺角有好多選擇, 會揀走杯係因為比佢既食評吸引, 話佢地因為支持環保, 所以無帶自家杯既客人要比紙杯錢$2。雖然我都係一個唔會帶自家杯出街既人, 但我覺得有餐廳帶頭推動呢個理念好好, 所以就去支持下。佢地飲品D名改得好特別, 齋睇個名好難估到飲品入面有D咩, 經店員細心的介紹後點左金鑽奇異の夜歌同黑白の戀歌.紅烏龍。店員仲話逢星期五叫少糖可以減$2。金鑽奇異の夜歌 - 我聽得唔清楚店員既介紹, 以為係鳳梨加鮮奶, 原來係鳳梨加🥥椰奶, 然後再加入奇亞籽同芋圓。我本身唔太鍾意椰奶, 都覺得唔錯, 味道夾, 不過建議店家將甜度再降低少少會更好。黑白の戀歌.紅烏龍 - 黑芝麻奶蓋加奶茶。感覺清新又養生。推介。走杯既飲品令人感覺係用食物天然既味道制作而成, 無添加任何人工化學成份。

鐵觀音楓葉純豆乳奶茶🍁($39) 其實要做出茶味突出既飲品真係唔容易, 呢間除左用植物奶之外, 仲可以揀麥芽糖添🍯 飲品本身跟左紅豆薏米, 我另外加左芋圓🤩 成杯野口感超豐富, 芋圓細細粒好似珍珠咁, 我揀左少甜, 所以茶味都幾濃, 完全係有心之作, 飲完唔會覺得有負擔黑白之戀歌紅烏龍🥤($50)黑白既意思係黑芝麻奶蓋, 奶蓋都可以揀用植物奶嫁, 今次揀左豆乳, 兩個味道溝埋一齊係超夾, 芝麻味啱啱好😍 茶味都好出, 一啖茶一啖奶蓋好好味😋 另外加埋紅豆薏米, 口感一流呢間飲品店俾到好大驚喜我, 完全顛覆左我對飲品店既想法, 對於奶類過敏同埋注重健康既人都係一個好好既選擇, 最欣賞佢既地方係可以揀麥芽糖, 相比起普通既糖, 麥芽糖係健康好多🤩

店方為推廣環保，沒有自備容器需加2蚊購買紙杯，本來用心良苦。但一般香港人消費台式飲品的習慣是即興。店方無大大隻字將信息寫在當眼處宣傳，直到付錢多出2蚊時店員才解釋，給人不坦白和閃縮的感覺。現場所見也沒有自備容器的顧客。加上飲品味道沒出眾之處，加2蚊後價錢偏貴，我不會再幫襯。

因為疫情之下，都唔敢出街拎住杯野周圍走，所以飲少咗好多珍珠奶茶。今次嚟到呢間舖頭，佢哋就主打用健康天然嘅材料去炮製一杯與別不同嘅飲品。我就揀咗芝麻奶蓋紅烏龍，有冇落芝麻味好濃郁， 配搭埋健康嘅燕麥奶，飲落都好match，第一次喺香港影到呢種咁特別嘅味道，仲要係低糖嘅飲品，喺香港都比較少見。10分推薦呢間有咁多種選擇，有健康嘅外賣飲品店，希望佢哋喺疫情之下可以撐住啦！

I have always wanted to try out Cupfy as I really appreciate their effort in promoting environmental friendly dining habits of using reusable cups and B.Y.O. They also work hard in advocating healthy eating through promoting having less sugar in your drink by giving you HKD$2 back on specific drinks on “Less Sugar Friday”.I had a very difficult time deciding what to order! As every thing on the menu looked so delicious and attractive!After some time, I finally decided to get Cupfy Golden Taro Ba