走青加底

营业中

休息中

收工又去太古搵嘢食，見到呢間新開嘅中式餐廳，裝修好靚，就入咗去開餐😙開胃醬皮蛋 ($58)冇改錯名，真係好開胃🤣 首先個醬甜酸度適中，配上鹹香濃郁既皮蛋，口感層次豐富，食完3嚿都唔膩✨椒鹽脆豆腐 （$58）豆腐外皮酥脆又薄，內裏嫩滑，加上蒜同椒鹽調味，淡淡地椒鹽味，仲食到豆腐既香滑感，我覺得幾好🥰覺得唔夠味可以點佢俾既調味蓮藕墨鬚餅 ($98)如果你鐘意食墨魚餅個質感，我覺得呢個可以話係必食！單睇顏包已經覺得特別，但佢又唔似墨魚汁意粉會整污糟個嘴🙊 無論係厚薄度、調味都適中，蓮藕滑但好爽口又彈牙，有咬口！自己一個食晒6件我都冇問題😎鮮沙薑雞煲 ($128)熱辣辣開蓋，雞既份量足夠，肉質滑嫩，就咁食都好夠味撈飯食，想要多啲沙薑味可以點埋佢個沙薑汁，點埋就會燶味啲😙白飯($18)唔太硬，我鐘意😆原來佢除咗晚市有小炒、午市有套餐之外，佢嘅早市時段9:00-11:30係會有茶樓嘅點心、盅飯、腸粉等食物！😍 如果我住附近，真係朝早嚟飲茶，夜晚再食小炒都冇問題😆👍🏻結論🫰味道出色！🫰地方寬敞🫰店員態度良好⚡️白飯要同店員落單🎡餐廳資料餐廳名稱：走青加底餐廳地址：太古康山道1-2號康怡廣場北座地下G9

同同事係康怡發現走青隔離開咗一間叫走青加底嘅餐廳 本來以為係走青加大鋪面都係食粥麵類 點知見到餐牌係食中式菜 就約埋一齊嚟試吓🙌🏼Lunch set每人揀一個餸 配一碗白飯同埋一碗湯🍚🐥元朗頭抽豉油雞 $108幾樣餸之中我最鍾意食嘅就係豉油雞🫶🏻無論係雞髀定係雞胸都好嫩滑 豉油甜甜地好入味🐮鹹蛋蒸第一刀肉餅 $98鹹蛋蒸肉餅 送飯一流好有住家菜嘅感覺媽媽嘅味道😽好食🐽陳皮手造牛肉餅 $88蒸豬肉餅都食得多 但蒸牛肉餅就第一次試🤣外貌粉紅色咁 肉質比豬肉近滑🫛炸欖菜松子仁乾煸四季豆 $88朋友話要叫個菜平衡返🤡 健康之選四季豆加咗欖菜松子仁等等令口感更加豐富🙆🏻💭如果幾個人想叫餸食飯 想好味得泥CP值又高 係一個好好嘅選擇呀👍🏼 見佢仲有啲點心選擇 下次再encore試試先得👯‍♀️👯👯‍♂️

店舖名字是“走青加底”一個謎，我没有去考究，只知旁邊另一家店名字叫走青，應該是同一集團。以餐牌上的食物來說及價格並不便宜。咕嚕肉醬汁味道適中。炸粉口感酥多於脆。豉油雞也算滑嫰，豉油香不錯，鹹度剛好。金銀蛋菜也適中。星期一的晚上顧客較少，但店舖坐位不少，看上去有點空虛。装修以簡樸設計為主。雞公圖案碗碟夠懷舊。

之前去過走青，覺得服務同食物都好好，今次因為早咗尚未營業，所以試咗呢間走青加底，首先入到店話俾店員聽兩位，指你坐嗰張枱（係咁casual 嘅咩），坐低一陣先問你要咩茶，再遞上一壼茶、一壺水同洗餐具嘅器皿，洗完先唔知喺邊張度攞咗個木嘅架內有點心紙同筆，我哋叫咗4款點心，點心都係即叫即蒸，食飽就攞住張點心紙去俾錢，店員話埋單你坐低得㗎啦！（語氣令人聽起唔舒服囉！好似欠咗佢咁😡）我見一入門都冇招呼，所以咪俾錢都要自己行出去俾囉，就算係態度會唔會好啲呀！我嚟食嘢，唔係嚟受氣囉！介紹返食物方面不過不失，但係服務就真係不敢恭維，本來都諗住唔再去就算，點知啱啱睇返張單，收咗我4個茶介喎！雖然係小數目，但係冇服務嘅情況下已經加一，仲要收多兩位茶介錢就不吐不快囉！唔通一個點心一個茶芥

今朝約咗舊同事敘舊，網上見到呢一間好似幾好，就決定去試吓，去到入面環境唔錯，枱與枱之間唔太迫，感覺幾舒服，點心即蒸11:30前有優惠黑松露野菌餃丶春風得意脆米腸粉丶黑糖合桃包椰糖脆脆卷香煎小米糕丶脆米花枝球青沙豬膶燒賣整體味道都唔會太咸丶太油膩丶太甜，我覺得適中啱我口味👍🏻

⭐️麻辣金錢肚 $46牛肚辣辣地，幾入味，少少煙韌🙂⭐️北菇棉花雞 $55味道比較淡，魚肚吸唔到雞嘅香味。但係雞嘅本身都幾滑，味道OK⭐️鳳爪排骨盅飯 $68味道正常，份量偏少，呢個價錢嚟講有啲貴🥲⭐️明爐叉燒腸粉 $62呢個腸粉都幾貴，不過佢都幾足料，勁多叉燒，而且腸粉皮好薄，值得食👍🏻總括黎講呢間酒樓都偏貴(冇茶錢)，份量偏少。其實我哋兩個人都係當食個下午茶都要$250，如果正餐食應該再貴啲。味道方面就幾啱我口味，偏淡😝

【走青加底】是太古城人氣粥麵點心店【走青】的姊妹店，主打本土情懷的港式美食。餐廳裝潢雅致，木製家具及牆身毛筆掛字，予人舒適休閒之感。餐牌選擇豐富，包括鑊氣小炒、煲仔菜、炒粉麵飯、湯品甜品及前菜小食。店內最近還加設早市時段，早上9:00至11:30提供多款特價即蒸點心選擇。乾果咕嚕肉 午市套餐 ($88)午市小菜套餐由$88起，奉送例湯及白飯。"乾果咕嚕肉"外皮卜卜脆，汁醬酸甜醒胃。配料有三色椒和菠蘿，色彩繽紛，加上乾果口感更佳。蓮藕墨鬚餅 ($98)在傳統菜式中加入創新元素，黑麻麻的墨鬚餅煎得香口，入口彈牙富嚼勁，滿口鮮味，加入蓮藕更添清新爽脆。鳳爪排骨盅飯 ($68)正宗本土味道，米飯軟硬及濕潤度剛好，滲入了排骨和鳳爪的肉汁及油脂，再加上甜甜的鼓油，特別滋味。

人氣粥麵店「走青」喺太古城開咗姊妹店，早市、有即蒸點心、懷舊蒸飯、布拉腸粉等手工菜，午市亦同樣有驚喜😍 包括有鑊氣小菜、地道手工中菜，也有炒粉麵飯、陽春麵、及撈粗麵！ 小菜套餐有12款，包湯及白飯，還會配上豬油豉油，可以撈飯😋 地道菜式尤其吸引，乾果咕嚕肉，色彩鮮艷，除了三色椒🫑，還有乾果，令外觀及口感都得以提升！ 味道酸酸甜甜妹開胃！ 另一招牌菜，元朗頭抽豉油雞，雞皮較一般的豉油雞更深色更有彈性，食落味濃但唔會好鹹，雞肉非常嫩滑！ 最後還有鹹蛋蒸第一刀肉餅🔪，肉餅入口帶有嚼勁，肉味香濃！驚喜的是大部分菜式都可以選少鹹少油，照顧到注重健康的客人😍

太古康怡商場度間中菜真係幾有水準㗎❤️酥炸流浮山珍珠蠔餅絕對要試吓佢哋嘅招牌菜蠔餅，外脆內軟，鮮味十足😍特別啱晒鍾意海鮮嘅胃口～同埋好大塊，一家人嗌幾個餸叫餸食飯就最適合👏🏻川麻蝦仁豆腐佢哋嘅蝦仁豆腐亦都值得一試😍啲豆腐滑口，配埋香辣嘅川式蝦仁，味道超得，送飯真係一流🥰🥰🥰XO醬炒陳村粉道菜亦都好受歡迎👏🏻我自己就未食過，個口感有少少似腸粉😋不過經過炒吸收左XO醬嘅香味，口感Q彈，味道就更加豐富😚亦都好考到廚藝同埋對食材細心嘅菜式～我自己就覺得呢間嘢幾好食😋每到餸都整得好有心思，而且同平時食開嘅中菜廳或者酒樓唔一樣，環境都比較乾淨企理😌

約舊同事食晏試吓呢間喺康怡開咗冇耐嘅粵式小菜點心餐廳「走青加底」. 餐廳裝修時尚摩登，播住經典粵語歌曲好有情懷. 座位寬敞，氣氛愉悅. ⭐️酥炸流浮山珍珠蠔餅色澤金黃，表面酥脆。香氣撲鼻而來，令人食指大動。咬一口，蠔肉鮮美多汁，調味惹味. ⭐️元朗頭抽豉油雞色澤深邃，雞皮油亮光滑，散發著誘人豉油香氣。雞肉鮮嫩多汁，鹹香適中，令人回味無窮。⭐️陳皮手做牛肉餅滿滿牛肉香氣，伴隨著陳皮的清香，口感有層次. 陳皮的微香提升了整體風味. ⭐️鹹蛋一刀切肉餅金黃色鹹蛋黃大大個好吸晴. 肉餅鬆軟又不失嚼勁，肉味濃郁. ⭐️炸欖菜松于仁乾煸四季豆四季豆色澤翠綠表面微微焦黃咬落好清爽. 鹹香欖菜和酥脆松仁加以點綴口感更豐富. 這道菜絕對是下飯首選. 這五道簡單菜色香味俱全，各具特色，展現了廚師的精湛手藝，值得一試。

走青加底（太古)一間中西合璧懷舊餐廳剛剛進駐於港島太古康山道1號康怡廣場北坐地下,餐廳裝修簡約時尚高雅,杯碟設計懷舊大公雞圖案,餐廳時常播放懷舊廣東歌曲,餐廳主打廣東粵菜,點心和特色飲品,餐廳增設午市特價套餐供客人選擇,服務招乎態度有禮。櫻花蝦豉油王炒麵配料有紫洋蔥,芽菜,韭菜,韭黃,芝麻,廚師炒麵炒得夠乾身,不膩,食落好香口。蟹籽燒賣皇燒賣皇size略細,但蟹籽海蝦新鮮,食落爽口超彈牙。蔥花炸兩腸粉油條好脆口,粉腸皮半透明,點埋豉油,花生醬和甜醬,最佳配搭,食落卜卜脆的油條和軟糯的腸粉,口腔內有2種口感亂竄。麻辣金錢肚金錢肚粗身厚肉,微辣,配有腸粉,食落爽口彈牙好惹味。腰果露微甜,好creamy,入口有好濃郁腰果味。

去開康怡個頭 搞搞啲嘢 順便食個lunch , 撞啱公眾假期梗係人山人海. 見到有間新餐廳. 準備入去試一試. 去到大排長龍.醒目嘅我見到bar檯有位.我就 立即同哥仔講吧檯我都唔介意. 咁樣我就有得入去唔使排長龍.吧檯旁邊 已經好大隻毛筆字寫住.呢間餐廳主力都係做啲懷舊菜式, 餐具再用大公雞添. 一行動埋去我就見到有 砵仔焗魚腸 . 砵仔焗鱼腸喺我嘅favorite. 但係好可惜, 我啲屋企人唔like. 而且兩個禮拜後我要 驗身, 因此 忍一忍口 希望報告好啲啲.. 只要報告好之後我就可以食乜都得所以我哋都係叫啲普通 清清地 嘢, 點心 蝦餃燒賣腸粉， 鮮蝦陽春麵， 牛筋陽春麵， 北菇蒸雞飯， 竹笙扒豆腐。食物方面蝦餃燒賣 腸粉 全部 即叫即蒸. 可能因為坐喺bar位見到 師傅換努力工作非常認真所以特別覺得新鮮好味。 竹笙扒豆腐 味道,清淡， 豆腐非常滑。陽春麵方面 就一般般啦！一路食 餐廳一路 播放 壞舊歌曲， 又陳百強又 張德蘭.... N 年代歌曲... 氣氛都ok... 我始終冇食呢啲手本名菜. example 焗魚腸， 豉油雞......所以我一定會返嚟.... I de

Lubuds 旗下嘅人氣粥麵店「走青」再升級為「走青加底」傳承本土情懷，提供多款港式鑊氣小炒、煲仔菜、炒粉麵飯仲有點心添~餐廳使用QR code 落單但個apps 係 load 唔到嘅😂 好彩啲 staff 都好 nice 地幫到手落單。一向幾鍾意呢間啲位唔會太密質質，喺康怡入面相對環境比較幽靜啲。食物質素 okay 喎，午市套餐大概一百一位附送老火例湯，今次係菜乾湯，飲落甘甜無味精幾家常豉油王炒麵乾身唔油膩，加入櫻花蝦更添香氣 （如果可以配粥就更加正）。 肉餅鬆軟多汁，加埋鹹蛋更香口。簡單唔花巧嘅一餐 - 走青。加底。唔該

之前食開間高級日本餐廳 轉型做 大排檔，係小炒+大排檔+茶記mix，有fusion元素，主力吸引年輕客群。menu 就係上菜紙，一版睇晒唔使揭尼揭去，menu 有驚喜，例如脆炸horlic、南丫島孖蝦骨、蓮藕墨鬚餅，一聽就想試下。2人叫左3個小菜，一碟唐生菜啫啫煲，份量適中，人均250至280左右。1. 南丫島孖蝦骨以為會係炸 ribs，但原來係炸半肥瘦排骨，唔係死鹹，師傅用櫻花蝦調味，但唔太適合怕肥嘅朋友。2. 椒鹽九肚魚師傅炸功夫一流，炸粉薄，外脆內軟，入口即溶，好好食，但嫌份量較少3. 唐生菜啫啫煲鑊氣夠，用瓦煲即上，非常惹味4. 鮮沙薑雞煲師傅用台灣三杯雞嘅煮法再改良，加入沙薑元素，豐富鮮味層次，會再encore~最搞笑叫咗支啤酒，餐廳俾咗兩個大碗飲，好有丐幫feel🤣

屋企商場附近最近新開一間專食廣東小菜的中餐館，立刻想試菜，今日專登帶埋家中老人家來試菜。🥢 十吋魚頭湯這湯的口感鮮美，既有魚頭的嫩滑又有豆腐的細膩，不單營養豐富，而且美味可口。🥢 陳皮手造牛肉餅陳皮的味道與牛肉的鮮美互相融合，令到口感層次更豐富。牛肉的嫩滑和陳皮的香氣實在回味無窮。🥢 鮮沙薑雞煲沙姜的辛辣香氣與雞肉的鮮美相互配合，使這道菜能散發出濃郁的香氣，令人垂涎欲滴。🥢 啫啫唐生菜煲蝦醬汁的濃郁與唐生菜的清新口感形成了鮮明的對比，使整道菜更加美味可口。