影片
港铁元朗站 A 出口, 步行约8分钟
继续阅读
电话号码
22199222
营业时间
星期一至日
11:30 - 22:00
以上资料只供参考，请与餐厅确认详情
元朗好似越開越多越式餐廳，越北係食物同服務都高水準，一諗起檬粉就會想去食👅餐廳環境乾淨企理，坐得都幾舒服晚市一人餐有有主食+小食+飲品，套餐包嘅食物唔算多，不過啱食嘅話就真係幾抵叫咗個一人餐，香茅豬扒湯檬+無骨鳳爪+薄荷青檸梳打($86)，豬扒煎到好香口，就咁食或者浸湯都好正，湯底夠濃味唔會過鹹，另外加咗少少辣椒重好味🌶 無骨鳳爪比平時其他餐廳食到嘅辣，唔食得辣嘅話嘅話要注意😛 飲品就不過不失冇乜特別💁🏻♀️另外散叫咗碗順化湯檬粉($70)，好足料，餸下面有紅色嘅醬，初頭以為會好辣，不過食落係少少辣（反而鳳爪辣過碗粉🫢)糾結咗一陣叫唔叫蒜蓉包，每次見到餐牌上面有蒜蓉包都會好想食，唯有冒着食唔晒嘅風險叫咗一份🤣 蒜蓉包超級高質！！！上枱嘅時候熱辣辣，外脆內軟，完全唔會乾，每一啖都食到好濃嘅蒜蓉味🧄（一定要趁熱食！凍咗個味道就爭好遠）兩個人食咗咁多嘢都唔使$200，好抵食😋
继续阅读
呢排食得多煎炸嘢，今日午餐想食越南嘢，喺Openrice揾到越北牛肉粉，記得好耐之前都食過一次，今次再試下先。家人叫咗越北綜合牛肉湯粉，個湯好香，或者有小小過咸，不過可以接受。生牛肉片，牛肉丸及牛腩都好食，金邊粉口感都唔錯。我叫咗蕃茄牛腩湯粉，蕃茄湯都算幾濃，同樣係有啲過咸，如果可以淡番少少會更好，牛腩好香又嫩，唯一係有一舊較肥，要扣分。另外加咗個馬拉通菜，可能2個粉都有小小咸，所以食呢個菜時，反而係好似唔夠味，不過其實係OK的，而且又夠香。會再幫襯試下其他的食品。
继续阅读
是日係元朗食左個下午茶。法式蒜蓉牛油雞翼好香脆呀。雞翼大大隻勁好肉，聞到+食到陣陣蒜蓉牛油香味。雖然有少少偏油，但真係好好食。😛越式燒豬頸肉飯豬頸肉燒到脆脆地，爽口唔肥，份量十足。朋友話食完碟飯好飽。🌚順化湯檬湯底辣辣地十分開胃，唔覺唔覺飲咗大半碗。湯料有齊牛腩片、扎蹄、扎肉同牛肉丸，材料非常豐富。最中諗係牛肉丸，細細個但好香牛味。扎肉有粗粒胡椒，幾有特色。下午茶份量無減，仲可以優惠價加購小食，我哋加咗個蜆港炸蝦餅，嘆嘆蝦肉好鬼正。
继续阅读
💛T04越北綜合牛肉湯粉$60牛肉粉好出色😋😋😋啲牛肉浸入湯度岩岩熟個吓真係好食到不得了好香！湯底好好飲好香😍蔥花又多🤭🤭啱晒我😆越北三寶 米飯或撈檬$65(香茅豬扒，香茅雞翼，扎肉）份量多到!!好抵食😵而且佢啲扎肉好特別完全唔係平時茶餐廳個啲個撈檬有好多肉之外，仲有好多青瓜絲、紅蘿蔔絲、蒜、花生、青檸飲品方面叫咗椰青（+$26）越南椰汁冰咖啡（+$8）好飲👍🏽👍🏽河内炸春卷$18好味😋蒸粉包$23好好食！入面有啲肉碎+雲耳+紅蘿蔔絲+蝦米🦐再加埋伴碟啲酸蘿蔔真係正😆
继续阅读
當日點了一碗海防番茄蟹檬，看見餐牌上照片是濃濃嘅湯底相當吸引，本應滿心期待，到嘅時候真係嚇一跳，明白無可能跟相片完全一樣，但也沒想到差這麼遠，賣相唔吸引都算，最離譜係隻蟹，跟本細到食唔到，仲要甩剩一隻抓，真係睇到都唔開胃，我寧願你比條蟹柳我都起碼食到入口，札肉和丸也是只有幾片，幾乎成碗都係得D粉，問職員，職員目無表情回答話”係咁架啦”然後轉身走，碗湯檬$76，真心一點也不值第一次幫襯亦是最後一次！
继续阅读