越北牛肉粉專門店 (已結業)

呢間舖頭仔我已經幫襯過好多次, 環境雖然唔係特別大靚，但係價錢加食物質素，已經算不錯！今日食生牛肉湯河，湯底熱辣辣 不太咸，有牛味，都有幾多塊㗎！下次想叫多啲人黎叫小食食

平時見到佢嘅午餐下午茶都好抵食，琴日晏晝就去食咗好滿足嘅一餐。🍴河內香茅雞扒 配湯河 $60雞扒真係好香香茅味，仲有少少蔥油同埋炸蒜，啖啖肉，仲可以加啲是拉差辣醬食。河粉份量都好多，軟硬程度適中，係好食嘅河粉，湯底好越南，加埋青檸同辣椒好惹味。午餐優惠凍飲只係+3，叫咗凍檸茶。🍴酸辣無骨鳳爪 +$28呢個都係午餐嘅優惠小食。$28來講都份量好多，鳳爪好爽口，酸辣恰到好處，好開胃尤其是而家夏天熱辣辣。

今日放工收早，係將軍澳，就係新都城食個下午茶，想食越南野，就入左呢間餐廳點左蝦餅春卷湯河粉，蝦餅同春卷份量多，兩樣都好脆口，又唔會太油膩，岩哂我呢啲鐘音中食香口食物既人，湯粉份量都好多，可當晚餐加左小食：大頭蝦膏通菜，份量都係好多，通菜炒得惹味，有時蝦膏通菜會好鹹，但呢度不會太鹹👍🏼服務員有禮貌友善，餐廳修裝新穎，而且乾淨衞生，每張枱都有大量餐具同紙巾供應，加分💯💯見到佢有好多區都有分店，下次再去試下其他食物

諗住同媽子喺屋企附近食晏，見好耐冇食過越式嘢就提議食呢間🥢越北生牛肉牛肉丸湯粉 $55牛丸細細粒幾彈牙，生牛肉唔韌仲幾嫩添👍🏻湯粉可揀撈檬/河粉/金邊粉，我就揀咗河粉，唔會碎濕濕，有咬口，而湯底唔會過鹹，味道啱啱好，唔錯！🥢越北三寶 $65米飯/撈檬/湯粉，媽子揀咗金邊粉三寶有香茅豬扒、香茅雞翼同扎肉食越式嘢必叫嘅一定係香茅豬扒同香茅雞翼，真係冇得輸～豬扒肥瘦適中，唔會柴👍🏻雞翼整得香脆得嚟又夠香茅味，仲有肉汁添Tea Set仲可以加錢叫唔同款嘅小食馬拉盞生菜🥬 +$23酸辣無骨鳳爪+$28蜂蜜玫瑰柚子茶 +$8椰汁红豆冰 +$8

我一直都好鍾意食越南菜，今次就去咗呢間越北牛肉粉，價錢都合宜，服務亦都唔錯。叫咗一個越北牛丸湯河粉，價錢$55 ，牛丸嘅大細類似陳皮魚蛋，佢都有八粒，而上面亦都有好多蔥洋蔥同埋一舊好鮮甜嘅蘿蔔，河粉嘅份量亦都算充足，可以加辣椒或者青檸汁提升香味。而佢嘅湯底亦都好唔錯，係有少少清甜嘅牛骨湯。而小食就叫咗炸春卷，佢嘅外貌好特別，係用一個竹籃仔，好有越南風味，春卷入面嘅餡有蘿蔔肉等等春卷炸得香脆之餘，外皮又唔會太過鬆散，咬落去嘅口感的確唔錯喎。

今晚去咗越北食晚餐，唔單止價錢吸引，而且選擇都好多！本來入去嘅時候，一心一意係想食湯麵，但點知最後都係揀咗撈檬🤣！順化香茅牛肉撈檬香茅牛肉真係好香噴噴，牛肉肉質軟，花生碎同生菜都好多，加上凍檬的靈魂就在它的魚露甜酸汁，撈埋一齊食真係越食越惹味！椰青無論散叫定跟餐，呢個椰青單點都要$28，但絕對值得！椰汁非常鮮甜！飲落好清新！而且椰肉好厚，我幾乎全部椰肉都吃光！可見來貨都係高質嘅椰青，老闆對食係有要求！👍🏻

🌬最近天氣涼涼地，想食啲易入口又暖笠笠嘅食物。湯河粉就岩晒啦～（食得太多米線，試下越南河先）🍜越北綜合牛肉湯河粉($58)：招牌生牛肉、牛腩片及牛肉丸⋯ 貪食嘅小編全部都要！綜合牛肉湯河粉簡直係為肉食選擇困難者而設。生牛肉保持到嫰紅，牛腩片出奇嘅軟脆濃味，而牛肉丸彈牙。湯底一如越南特色，入口偏香甜。洋蔥、炸蒜及香草提升湯底層次，豐富口感。🥗無骨辣鳳爪($28)：鳯爪肉量肥厚。入口一開始偏酸甜，辣味後勁較強。份量多。唔食得辣嘅朋友要注意～可能要叫定解辣飲品先挑戰呢～🍹香茅蘆薈蜜(+$8)：小編貪新鮮叫嘅飲品，居然真係有支香茅插咗係杯飲品入邊⋯真材實料。係新奇嘅味道，配上青檸係幾refresh亦解辣，但整體味道好難解釋⋯諗出呢個配搭嘅人好創新。☺️整體而言：1. 性價比高，價錢合宜，湯河足料夠飽。月尾良品。2. 敏感腸胃小編飲埋咗湯都無肚屙，亦無出現口亁情況。大膽估計，應該無落味精，或者味精量好少。越北牛肉粉專門店 地址：將軍澳貿業路8號新都城中心1期地下G13-15號舖電話：26190999營業時間：11:30-22:30#香港食好西 #將軍澳 #越菜 #新都城 #香港 #野生代言人

晚上九點幾先入座，好快咁睇咗啲餐牌， 揀呢個清新配搭a加b加c好似好抵，原本想揀熱奶茶， 可惜可能太夜，話個茶膽已經收咗檔，唯有轉飲呢杯薄荷青檸梳打， ok啦冇乜特別，都係篤下啲青檸，篤下啲薄荷葉咁囉，ok嘅嗌咗個街頭香茅豬扒撈檬賣相一流，聞落啲豬扒似係啱啱煎完或者炸完，都好香，最可惜嘅，原來花生下面，佢落咗好多蔥配料，可惜我唔知原來佢會落咁多蔥， 如果一早知，可以叫佢走咗去，唔使潷番出嚟咁嘥，跟住個撈檬，倒咗啲汁落去撈下之後，食落幾清爽幾好食

依間下午茶3點先開始既，星期六日都有寫住價錢平左但份量不變今次我朋友叫左一碗生牛肉湯河$48我就叫左一碗雞絲扎肉撈檬$482碗味道正常，份量同正價一樣，值得一讚

天氣涼左，喜愛吃湯粉🍜暖暖胃，早前去將軍澳搞啲嘢，咁啱又未食飯，經過呢度就入咗去，原來有下午茶😋，佢哋有個口號「越級挑戰，份量不變」，又的確係喎，下午茶價錢之餘份量都唔少👍嚟到牛肉粉專門店，當然係食牛肉🥩湯粉，所以order咗個越北綜合牛肉湯河粉，生牛肉配上熱湯，半生熟嘅牛肉入口即溶嘅感覺🤤；牛腩片係另一種感覺，多一點牛嘅味道，需要咀嚼多一點，但唔韌；牛肉丸就非常彈口🐂另外我加咗個都係必食嘅炸蝦餅🦐，上枱熱辣辣，唔係整定架（呢個要加分❤️），配上我最愛嘅酸甜辣醬，好好味😋跟餐order咗杯暖笠笠嘅蜂蜜🐝玫瑰🌹柚子茶，好滿足溫暖嘅一餐☺️

平時成日都經過呢間越北牛肉粉，今日先有機會去試，晚市而家有一個套餐選擇，包主食小食同飲品，都唔錯。我就揀咗綜合牛肉湯河粉，作為一個河粉愛好者，呢個河粉唔錯，以綜合牛肉包括生牛肉，牛腩，牛丸，牛肉上菜真係紅色嘅，好有牛味，牛腩一樣，牛丸都好經驗，咬落口有肉汁爆開，下次食有機會淨食牛丸都唔錯。小食我揀咗扎肉米紙卷，扎肉同啲菜一樣切成幼絲，比其他配菜冚過左，比較似沙律米紙卷。飲品叫咗三色鹹檸七，有青檸檸檬同埋咸檸，配7up一流。

早上有野做，忙下忙下就變左食Tea了。餐廳標榜下午茶份量不變，一於就試試佢!蜆港蝦頭膏酸辣海鮮湯河 ($62)湯底酸中帶點微辣，配埋海鮮都幾夾~ 配料有青口、墨魚仔、蜆肉，配埋啲洋蔥、炸蒜，味道豐富。河粉份量十足，食完非常飽肚。越北綜合牛肉湯河 ($58)湯底清甜，生牛肉肉味濃、牛腩片淋身、牛肉丸juicy彈牙，口感味道各有特色，牛魔王一定要試下!清沅蒸粉包(兩件) ($22)無食lunch就加埋小食啦! 蒸粉包係越南既特色餐前小食，材料以豬肉、香料為主，再以粉皮包住。蜆港炸蝦餅 ($28)唔似泰式既咁脆身，外表微微焦黃，蝦肉彈牙。椰汁三色冰 (跟餐+$8)非常足料，椰汁味濃。薄荷青檸梳打 (跟餐+$8)清新之選，解渴解膩。

唔使番工的日子真好🥰可以瞓到自然醒再去行街食野😍😍今日來將軍澳寶琳新都城1 期地下的越北😄叫左2個午市套餐再加輕盈地道小食🥰🥰順化湯檬粉～裡面有非常林身入味的牛腩片，地道味重的扎肉和扎蹄😋還有牛肉丸👍跟餐+$22蒸粉包（2件）～勁滑的粉皮包住滿滿的餡✌️越北三寶湯河粉~三寶係炸到外面脆脆肉裡充滿肉汁又鬆化的香茅豬扒，香口飽滿的香茅雞翼，還有扎肉👍跟餐+$22海蜇沙律～酸酸哋甜甜哋少少辣，海蜇好爽口，好開胃✌️

今日行新都城試吓食依間平時都鍾意食越南菜，特別係去完越南蜆港旅行之後，更加愛上見到依間明顯人手不足🤣無人汁台，店員趕住上菜，客人催菜，出邊好多人排隊等叫籌朋友點左生牛肉湯河:湯頭都幾清甜，河粉好食，牛肉小小鞋食左幾啖，夾起蘿蔔就出事，舊蘿蔔黐住隻 強仔仲甩剩1隻脚，跟住同店員反映，佢即時將碗野拎入廚房講，出返黎叫我哋睇住佢即刻倒左碗野落下欄🤣同我哋講返會重煮跟住好快就上咗碗新嘅生牛河，熱辣辣，今次望得好認真，無加料小食: 煎蓮藕餅夾住粟米粒🌽 幾爽脆，係蓮藕片切得幾厚下烤雞扒河:雞扒炸得有小小乾軟殼蟹米紙:軟殼蟹勁少，蔬菜勁多，入口d菜蓋過軟殼蟹嘅味，似食蔬菜卷咁，唔抵食整體感覺，店員服務好，但出品部既食物衛生方面需要處理得更好

今日收工屋企唔煮飯，可以食自己。平時日日收工都要趕頭趕命去買餸，返屋企食飯。（屋企大爺都仲嫌我晚晚返得晏😒😒😒話攪到成日好夜先食飯🥲🥲🥲🥲)難得今晚可以獨自去偷歡，決定唔外賣，坐低慢慢嘆。行左一圈，見呢間有卡位又唔迫，個晚餐有小食有野飲，有個粉。就呢度喇，橫掂都好耐無食過越南野。呢度地方都算闊落，坐得4，5檯客，所以卡位可以任坐。😍😍😍☺️雖然入座既人唔多，不過都keep住有人黎買外賣既，我估食物質素應該都唔差既。(btw，而家外賣有9折，但注意只限A La Carte)坐低侍應哥哥放低左紙袋同濕紙巾，窩心😍😍😍散叫既野食都多款式。咁岩我想食牛肉河，而晚餐既小食又有我想食既春卷😍😍😍咁我都係叫個餐，食飽啲喇上菜都算快，黎左個綜合牛河先，最想試佢既牛丸。牛丸好細粒，不過都算彈牙有牛肉汁香味。😍不過當然大粒啲就口感豐富啲，好啲喇呢個牛腩片就麻麻地，煮得過左龍，太硬。呢個就好少少，諗身啲啲，加埋辣椒醬點點下，食多個風味。牛肉既份量都算夠食既，湯粉就係不過不失。其實都幾大碗，食完已經好飽下。食埋個春卷飲埋杯野。嘩，超級滿足。😍😍😍😍😍😍😍btw, 個春卷味道一般喇，個皮有d硬身。跟餐送既話就ok