影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
今日收工去咗越北食嘢，見佢好多分店又有一人套餐$7-80包飲品都幾好。6:30入到去冇咩人唔駛等位，我叫咗蕃茄蟹肉湯檬，加多廿蚊有小食，我就叫多咗個通菜。▪️蕃茄蟹肉扎肉蝦丸檬粉碗熱咸吉水$80同平時連鎖店蟹茄湯差唔多，都唔少餸有蟹肉、札肉、蝦丸，作為平日一餐，望落都幾健康。▪️蝦膏灼通菜$22蝦醬味欠奉，蒜味比夠重，通菜份量對得起價錢。最後埋單$102免加一📍越北牛肉粉專門店 (西環)西環西營盤皇后大道西389-391號地舖
继续阅读
每次來到西環的越北，必點越北三寶粉/撈檬 ＄79份量比得相當大方，香茅豬扒、雞翼都非常醃得非常入味，搭配扎肉，雞翼尤其出色，而且有三隻湯粉的話，三寶會用另一隻碟另上，保持香脆口感；湯底是牛骨湯底，配上九層塔、香茅葉、青檸檬等香料，酸辣鮮，好味～撈檬配上特製醬汁，醬汁酸甜香口，味道不錯～加上有大量的配料菜，感覺食得非常健康～另加了蒜蓉包，蒜蓉味重，烘得香脆入味！難怪這家店這麼受歡迎，7點時巳差不多全滿！
继续阅读
今次就帶大家黎到西環大學站，同大家介紹一間連鎖越南菜 一越北牛肉粉專門店越北火車頭：有牛肉丸，生牛肉片和牛腩片，湯底還不錯，生牛肉片好吃，牛肉丸小小個，味道還可，牛腩也還好，金邊粉有點像細細的河粉，不錯～ 招牌手切牛柳湯粉： 手切牛柳非常嫩滑，較生牛肉片的牛味更濃越北炸春卷 炸得金黃酥脆👍👍2個單點的粉面不連餐飲。 店家有不少晚市套餐可包小吃和餐飲的，也可考慮。 快食之選，上菜快、價錢相宜，又坐得舒適～ 人
继续阅读
我今日返半日工，下午約同好友去位於西環西營盤皇后大道西389-391號地舖的越北牛肉粉專門店食下午茶餐，環境舒適，坐得舒服。我點左個 越式沙嗲牛肉牛肉丸湯檬粉 $62，追加 魚露灼通菜 $22，餐飲係 椰汁紅豆冰 $8（跟餐）；好友點左個 越北四寶（香茅雞翼、扎肉、香茅豬扒、蛋餅）配白飯 $72，追加 蜆港炸蝦餅（半份）$28，餐飲係 越式椰汁凍咖啡 $8（跟餐）。整體黎講係高質越式菜餚，越式沙嗲牛肉牛肉丸湯檬粉的湯底濃郁，牛肉味香濃好食；越北四寶的雞翼和豬扒都炸得皮脆肉嫩，十分香口好味。通菜灼得青綠；蝦餅好味；兩款餐飲都好好飲。
继续阅读
這間越南餐廳的下午茶真係抵食又好味！我哋三個人叫咗三個套餐，份量啱啱好，人均消費唔貴，味道令人滿意。.招牌手切牛柳湯檬粉（$68）好有驚喜，用牛柳切絲代替生牛肉，沒有肥膏卻口感嫩滑，完全唔膩，難怪限量供應。招牌傳統法包（$48）外脆內軟，餡料豐富又正宗，有鴨肝醬、扎肉和扎蹄，還有爽脆酸甜的青瓜同紅和白蘿蔔絲，加幾條芫荽，配搭一流。越式沙嗲雞絲扎肉湯河的（$60）又是比較少見，沙嗲湯底香濃。每個套餐仲包一杯熱飲，推介熱鹹桔水，鹹香中帶少少甜，飲完好解膩又暖胃。.另外，我哋加咗一碟馬拉盞炒通菜（+$22），香氣十足，通菜爽口，鹹度啱啱好，絕對值得一試。
继续阅读