越北牛肉粉

营业中

休息中

❤️ 難以忘懷的味道 🧡喺香港要食越南菜不難，但要揾到一間肯用心制作，永遠可以保持水準的卻不容易，越北牛肉粉我又嚟探你喇 !未知是否有段時間無嚟，今次竟然比我喺餐牌發現新大陸，一個對酸辣全無反抗能力的我，簡直雙眼發光。好 ! 今晚就試吓你 🔽峴港蝦頭膏酸辣海鮮湯檬呢個套餐名叫清新配搭 A+B+C，顧名思義你可以叫 3 樣野。A 類 我就選擇佐上述嘅湯檬B 類 我就揀佐 越北炸春卷C 類 我要薄荷青檸梳打等候了大約五分鐘，食物就源源奉上。海鮮湯檬 湯頭好鮮甜，可能加入佐蝦頭膏嘅原因，令到整個湯底昇華不少，碗內的海鮮亦不少，包括有 小墨魚仔，蜆肉，青口，海鮮丸，以上海鮮不過不失啦，不過個湯就係好正，辣得有後勁，正 ! 👍越北炸春卷 肯定係即叫即炸，我冷不提防一上枱就馬上放入口，即時燙到，好彩我功力深厚頂得住。可能春卷餡切得很碎，所以層次感頗為名顯，好味。🤤薄荷青檸梳打 我真係無揀錯，又係我嘅至愛味道，甜甜酸酸。🤣全單只係 $92，我就覺得非常抵食，咁你覺得呢？😉

咁啱今日係柴灣工作 收工好肚餓就即刻穩下附近有咩食興華廣場有越南菜食😎 即刻走左入去食餐廳好光線充足 而且坐得好舒服😌清新配搭 A+B+C可選一個主食 小食 同 甜品/甜品成個套餐好抵食😎 呢度嘅主食好大碗路邊烤雞肉串撈檬 $88 小妹最鐘意嘅越南菜之一 點少得撈檬 🤓由其是 而家咁熱嘅天氣 食返碗撈檬 就係爽!有三串雞肉串 都幾大串下🥰雞肉串醃得好入味 烤完更入味🥰檬粉好爽口☺️峴港蝦頭膏酸辣海鮮湯檬 $92喜歡酸酸辣辣嘅朋友就唔好錯過 可以過下呢個辣癮🥰入面啲配料好豐富😍 有青口 蝦丸 墨魚仔等等墨魚仔食落爽口彈牙☺️酸辣無骨鳳爪 無骨鳳爪作為小食 酸酸甜甜好開胃小妹覺得唔算好辣😎越北炸春卷好足料嘅炸春卷炸到好金黃😋仲好脆口😍三色鹹檸七青檸 鹹檸 檸檬三隻唔同嘅適量檸檬🍋加埋七喜汽水🥤飲落更過癮 更爽😋仲好醒神添😎.薄荷青檸梳打夏天必飲✨✨ 薄荷加青檸 好清新飲完透心涼❤️ 啱哂炎炎嘅夏日🌞🌞

香港有好多越南餐廳，但唔係間間都係好食為食貓前幾日就試左越北牛肉粉，覺得佢既質素唔錯之餘，價錢都幾抵食為食貓叫左2個晚市套餐峴港蝦頭膏酸辣海鮮湯河+酸辣無骨鳳爪+凍椰青糕($92)個湯河好濃味，好大陣蕃茄味(都幾辣下，唔食得辣既要注意)而且d峴同河粉好多，為食貓一個人都食唔哂而d鳳爪都好多，又酸又辣，好惹味街頭香茅豬扒湯河+越北炸春卷+薄荷青檸梳打($86)個豬扒好大份，而且炸得好夠味，又唔會太乾身。個湯河又夠哂入味至於個春卷都超大舊，好足料總括黎講，係屋企附近都可以食到d咁抵食同高質既越南河真係幾好

越北牛肉粉，餐廳位於柴灣興華商場，鄰近地鐵站，交通非常方便。餐廳以越南菜式為主，座位寬敞舒適，間隔分明，疫情漸退，食得安心又放心。餐廳推出晚市多款自選套餐，配搭彈性而且亦有一人套餐/二人套餐，豐儉由人，值得一讚。一人之選，街頭香茅豬扒可選配米飯或粉，酸辣無骨鳳爪，三色鹹檸七。香茅豬扒味道出色，肉汁非常豐富，肥瘦適中，而且配有蘿蔔醃菜，蝦片，重點是餐廳自制的醬油，咸甜合適配白飯一流。三色鹹檸七，原罐汽水+檸檬，青檸，鹹檸，一杯飲品有三種不同檸檬，確實用心制作。

柴灣地鐵站 ...興華 廣場...越北牛肉粉, 綠悠悠充滿田園風味裝修， 座位寬敞舒適， 下午茶套餐 份量足夠，送飲品一杯， 每一份下午茶套餐 ，可以以半價優惠點 一份 小吃。生牛肉湯河粉 .....HK$50生牛肉 軟滑可口 , 河粉份量足夠飽肚, 香料撲鼻 ,令人食慾大增 ,回味無窮, 贈送奶茶一杯,份量 大大的 ,茶味濃郁, 香滑可口.扎肉雞絲湯河......HK$50非一般的紮肉， 肉質 香濃 超級 彈牙，配以幼滑雞絲， 洋蔥，加上各種香料， 令味道特別清香， 份量足夠飽肚， 加8蚊可叫一杯特飲， 我叫了一杯椰汁三色冰的非常好味。炸春捲四件 ....HK$48春捲配生菜 ，包裹著吃香口脆卜卜， 越南風味， 濃郁而不油膩。😄😄蒸粉包..HK$23（ 半價優惠）粉包脹卜卜， 皮薄用料豐富， 配以魚露， 酸酸甜甜 ， 美味又開胃。💓💓豬頸肉......HK$28 （ 半價優惠)炭燒豬頸肉, 肥瘦均勻, 肉質爽口嫩滑, 這是必選的 小食之一👍👍

📍#越北牛肉粉專門店 #MFJ柴灣 #MFJ越南菜人均消費: HKD130本來想試 @northvietpho.ig 堂食，但食外賣食到好悶，結果就先試外賣啦！⭐️北越生牛肉湯粉🍜$70食河粉梗係試淡湯頭先啦！味道唔錯，真係有啲越南風味！牛肉都幾多片下，不過送到嚟都變左熟牛肉，好彩唔會韌！不過份量就少咗啲🆗順化湯檬🍜$85賣相幾靚而且都幾足料，有牛腩片，扎蹄，扎肉，牛肉丸！其他唔算越出色，不過牛肉丸就真係幾好食！順化湯底一向都出名濃，不過佢就濃得濟，加上湯檬比較硬，$85碗份量都幾少下，性價比較低🆗軟殼蟹米紙卷🌯$75幾驚訝米紙卷咁粗咁大條！其實裡面只係好多好多配料，軟殻蟹當然唔大件，所以變相口感差咗！其實有少少美中不足，因為味道其實幾好食🆗蜆港炸蝦餅🍤$70炸蝦餅同平時好似有啲唔同，好似本身有調過味！蝦餅都爽口，味道不俗外賣質素算係中等柴灣區算不錯，不過價錢加成20-30%一碗，仲要細碗咗就有小小肉痛😂#mfoodjournal #instagfood #foodstagram #hkfoodstagram #foodie #hkfoodie #foodblogger #hk

講起越南菜生牛河一定少不了已經第2次去呢間餐廳啦絕對值得大家回訪！餐牌設計幾有心思唔會嚟嚟去去啲舊派菜式好似呢個番茄蟹紮肉粉真係高度評價個湯頭已經有濃濃海鮮味有啲近似龍蝦湯咁而啲丸都好彈牙又好似呢個豬頸肉湯河好多蔥同配料，勁香呀豬頸肉先係重點比坊間食嘅嫩滑得多而且底味夠外皮亦好脆所以我一叫再叫小食種類都唔弱蝦餅口感紮實出面果層炸得酥酥好開胃嘢飲我就推薦呢個越式咖啡加椰奶第一次飲到加椰奶嘅咖啡咖啡有濃郁炭燒味飲完一啖椰子味會慢慢慘返出嚟實在好夾

在柴灣吃一餐豐富的越南下午茶餐越北三寶飯(雞翼,扎肉,豬扒) 配豬頸肉小食&越南熱咖啡1. 越南最愛的三寶配料 - 雞翼,扎肉,豬扒,都煎得剛剛好,加入蔥油飯簡直是是日最佳下午茶餐!!2. 燒豬頸肉配上甜酸醬好正,帶有少量脂肪的豬頸肉更加好味~3. 名不虛傳的越南咖啡當然要飲,加了牛奶會更加香滑,非常易入口的飲料!越北牛肉粉 North Viet Pho柴灣環翠道11號興華廣場1樓114B號舖#Viet #柴灣 #越南 #牛肉粉 #越南菜 #Vietnam #Vietnamesefood #順化湯檬 #蝦餅 #咸檸七 #青檸梳打 #炸春卷 #豬頸肉 #springroll #馬拉盞炸通菜 #越南越愛 #香港 #hongkong #happy #bestrong

2022年1月18日 星期二最近聽我媽講柴灣好似新開左一間越南餐廳，難得有越南菜食當然要去試下啦，於是呢日晏晝就同我媽一齊去食lunch去到門口見到招牌都幾光猛，目測客人都有唔少，好彩唔需要等太耐就可以入座餐牌都有好多選擇，圖文並茂，方便知道食物既模樣，而且價錢唔算太貴，套餐轉特飲都只係加$10，加多個小食或者菜都係廿幾蚊左右，所以我哋每人要左一個套餐，再各加一個小食分享首先嚟到嘅係小食炸蝦餅，上菜嘅時候仲係熱辣辣，食落去外皮好香脆，而且蝦味好濃郁，點埋泰式酸辣醬一齊食更加惹味之後我叫嘅綜合牛肉湯河粉就嚟到，分別有牛丸、生牛肉同牛腩，每一啖都食到牛肉嘅味道，牛丸好彈牙而牛腩有咬口，唔算太多筋，湯底幾清甜至於我媽就叫左三寶檬粉，有扎肉、香茅雞翼同香茅豬扒，配料好豐富，雞肉同豬扒食落去充滿香茅嘅味道，煎得又夠香，檬粉既份量都唔少，一個人爭啲食唔晒，性價比都幾高另外仲有馬拉盞通菜，足夠兩個人食，每一條通菜都食到馬拉盞，所以好夠味，又唔會太過鹹最後飲品每人叫咗一杯黑糖薑棗茶，真係落足料之餘好夠薑，可以驅寒又可以暖胃每人埋單岩岩好$100，已經食到勁飽，睇嚟下次可以再黎食！！

柴灣終於有多d選擇越北新開張時人龍好誇張難得一晚人少少終於可以試下餐廳環境都幾闊落好多都係卡位 坐得幾舒服食物選擇都好多排隊o既時候可以慢慢睇花多眼亂最後揀左 海防蕃茄蟹檬 份量好大d粉索完湯再大碗d真係有半邊蟹比你湯底蟹味都算濃 滿意越式烤豬頸肉飯燒烤味濃 份量正常 唔錯春卷 正正常常 普普通通芝士蝦多士即叫即製 熱辣辣口感唔錯 蝦可以多d略嫌芝士味蓋過左蝦味如果唔想排隊可以用gulu app排隊啊

柴灣處理完客戶事件之後要食早餐，剛剛過完11點，不想食飯，選擇河粉。環境尚早，見到餐廳整齊。餐具都整齊擺放。叫的是生牛河牛丸，好可惜餐廳無平時一般河粉店有的海鮮醬或者蠔油。湯水還是濃烈。牛肉丸好細細粒。牛肉方面幾塊，味道尚可。而因為無海鮮醬，我改為試一試桌面上提供的辣椒醬。沾點在肉上面，入口微辣，肉感依舊，可以同河粉共存。服務方面，因為想要多啲綠色。有嘗試問服務員可否摞多些少蔥花，服務員阿姐姐好樂意去廚房幫我問。

同朋友過咗嚟柴灣買嘢，餓餓地見到呢間都有啲人排隊就試吓😛佢環境幾舒服闊落又光猛，座位唔逼～我地叫左佢既下午茶🫖-生牛肉湯檬粉 $48佢個賣相都唔錯！生牛肉放面上到枱唔會熟哂，所以有牛肉味又唔鞋，湯底唔錯👍🏻-綜合牛肉湯檬粉 $58呢碗有生牛肉、牛肉丸同埋牛腩片，牛腩好林好嫩，肥瘦適中👍🏻好食☺️-海蜇沙律🥗 $22真係小食，份量唔多，但都幾開胃😉-椰青 $22最鍾意飲椰青😆個個都好清甜椰香味重！正❤️

平時都好少過嚟柴灣，經過呢間朋友想試就陪佢試吓😆我哋下午茶時間去仲加咗小食，佢哋啲份量都幾多好抵食！生牛肉湯河粉 $48牛肉質素都唔錯，檬粉都好食唔會好似碎濕濕咁👍🏻湯底食完唔會口渴我仲飲咗好多☺️夠濃郁鮮甜😋生牛肉牛丸湯檬粉 $52入面有生牛肉、牛肉丸，牛肉丸比較實淨有口感，咬落去牛肉香味湧上黎，都好Juicy!-蓮藕蝦餅 $22蓮藕加埋啲蝦餅炸好，香脆爽口彈牙！加埋啲甜酸醬好夾中和解膩，甜酸醬果然係不可缺少👍🏻👍🏻最後跟餐加$22椰青，椰青好新鮮鮮甜🤩解渴一流🥰

好掛住越南生牛肉河粉🤤依間越南餐廳有好多分店，真係隨時食都得😆前排見到佢嘅套餐咁抵食，當然要去食啦！套餐除咗主食，仲有小食連凍飲/甜點😋價錢由$82-$88💕❤️越北綜合牛肉湯粉套餐❤️ $88可以選擇河粉或檬粉，配料有生牛肉、牛腩片、牛肉丸，牛肉嘅份量比想像中多🐮河粉嘅份量都多，一個人食絕對足夠😙湯底清甜，加埋辣椒粒青檸味道更加清新😛🧡越南海蜇沙律🧡 跟餐小食方面就揀咗依個沙律，海蜇大大條更加有口感！底部仲有洋蔥🧅白蘿蔔絲、紅蘿蔔絲、生菜🥬，色彩繽紛咁😍💚薄荷青檸梳打💚 跟餐既然成個套餐都咁清新，飲品都要揀一杯清新嘅！😆飲埋呢杯就透心涼啦😚🤍軟殼蟹米紙卷🤍 $58食越南嘢又點可以錯過米紙卷呢😏米紙卷煙煙韌韌，包住酥脆嘅軟殼蟹🦀層次豐富，食到停唔到口🤣💛芝心蝦多士💛 $52好少見到有芝士嘅蝦多士😆估唔到依個芝士係流心！蝦多士嘅部份彈牙，配埋芝士嘅軟滑🧀食多幾個都得呀！整體嘅價錢都唔貴，餐牌嘅選擇都好多😋而且依度嘅服務態度都好好，下次經過一定會再去食🥰特別係芝心蝦多士呀😙📍越北牛肉粉📍柴灣環翠道11號興華廣場1樓114B號舖-

越北牛肉粉，位於柴灣興華商場，鄰近地鐵站，連鎖式越南菜餐廳，新開張不久，為區內極少數正宗越南菜餐廳，座位寬敞舒適，餐廳全日不收加一服務費，值得一讚。小食鮮蝦米紙卷，傳統越南菜食品，材料豐富，米紙卷有紅蘿蔔生菜檬粉大蝦，米紙卷札實，正宗食法配甜酸汁，入口清爽好食，配菜醃蘿蔔出色。晚餐主食越北三寶，有豬扒雞翼札肉，餐廳餐牌可配選白飯，湯粉或撈檬，彈性度一流，豬扒雞翼以傳統越式制法，以蔥油炸蒜配合，入口香脆好食。