越南屋

营业中

休息中

工作中午餐，去到大埔搵食，見呢間越南菜餐廳門面幾好，入內桌椅簡潔光猛乾淨，當時已過午市，店內不爆場，餐牌選擇多，每款主食都可加錢配飲品，好彈性！落單後好快到晒！生牛肉河粉（$48）賣相靚，湯好香，湯飲落濃香牛肉湯味，唔味精，紅色牛肉薄片無肥，一浸熟即食，淋身牛肉味濃，配菜有九層塔、洋蔥、芽菜、青蔥，幾種都增加碗湯嘅味道層次，豐富香口，河粉幾滑又唔易斷，好好味越式咖啡☕️（跟粉麵$22）叫了少奶，，滴完只有半杯唔夠，視覺上好似好少，撈勻有拖肥味，咖啡味濃，好味同事食：越式特別牛河（$60）鹹檸七（跟粉麵$12）店員有禮斯文，上菜爽手，走時有笑笑口講再見！為啖湯值得再來

星期六午餐時間，一入去就有位。樓面由3-4個年輕男女做。戴眼鏡的女孩替我們下單，說不上無禮，但毫不友善，好像很不想下單似的。可能「天口熱」，算了，我們也沒什麼。食物送上了，原來我們要求的「走洋蔥」，就是連九層塔，和蔥都全部走了。成碗粉一點「越南味」也沒有了，心想以後不敢走洋蔥了（如果有以後的話）。食到尾聲，終於等到飲品。原來我們點的「凍咖啡」不是「凍咖啡」，而是「凍越南咖啡」，查看餐牌，加5元的港式飲品是沒有凍咖啡的，只有加22元的「越南滴漏咖啡」。噢，是我們不對，我們錯了，人家根本沒有「凍咖啡」；幹嘛點「凍咖啡」呢。只好好好享受這由「凍咖啡」進化而成的「越南滴漏咖啡」。心想，如果下單後有印一張單清楚列明食品，就可以避免這驚喜吧！吃完之後，口渴，可能又是「天口熱」的關係，要勁飲水。Ps: 星期六日及公眾假期加一服務費

有日星期日，訓到下午出去找食見到呢間店都蠻多人就入去試試叫左個特式牛河，有生牛肉，牛丸，牛筋，牛𦟌牛丸得一粒麻麻，牛筋兩件無味，牛𦟌得兩片幾冧但係係鹵水牛𦟌黎，生牛肉正常試完碗野只覺得湯底叫比較好整體黎講未必會再食，一碗差不多$60如果食都係叫生牛河已經夠哂

天氣涼咗，多咗動力行去大埔墟搵嘢食，原本想去街市熟食中心食台灣嘢，但餐廳疑似結咗業嘅情況下，唯有行遠少少去食越南湯河啦。越南屋位於南盛街，之前食上海嘢時已經望到，由於已經兩點幾，所以人流唔多。餐牌有越南特式湯河，亦可以自選一餸湯河/濛或撈河/濛，都算多選擇，加12蚊可配特飲，可惜唔可以配滴漏咖啡。今日叫咗香茅豬扒湯河，湯底顏色較深，飲落味道都幾濃，有輕微芫茜味，河粉輕微煮得過耐，一夾起已經有少少碎，豬扒煎得夠香口，食落依然鮮嫩有肉汁，算係唔錯。

本身對越南茶沒有太大興趣，難得來到大埔探親，下班一於和家人到這裡食晚飯，有驚喜!上菜很快，我地叫左柚子沙律/拼盤/韭菜連偶苗，味道好好，比同類型餐廳好味，食材新鮮，一定會再來。

第一次來這餐廳試食,感覺不錯. 因為是新開張不久,餐廳內清潔整齊,環境清靜,合適三,五知已聚餐.今次點了份二人套餐. 包括二大碗湯粉,一份春卷,一份炒菜和二杯咸檸七.足足夠二個人份量.  食物整体來說,味道清淡,用料新鮮.適合我這些不喜歡味濃,帶味精的胃口.据老板介紹,廚司是越南人,烹煮方式偏向北越那邊.跟我在越南胡志明市食過的味道,有點不一樣.可能越北靠近中國,味道更合適中國人.有机會,還會再來用餐.

一條友食咗呢間大埔越南屋光猛乾淨坐得舒服侍應都幾有禮貌一條友叫咗碟豬頸肉飯一碟菜同埋牛油炸雞翼豬頸肉飯OK冇特別通菜炒得好香個汁好好味最正係個牛油雞翼，炸到好香好趣好好味👍🏼唔使兩舊水👍🏼

係openrice發現大埔有越南野就即刻出發試試事關大埔比較少有越南餐廳其實個位應該唔係特登搵都好少會經過入到去，餐廳都幾企理衛生由於唔係好肚餓，所以就求其叫左幾樣菜有牛油雞翼，蒜蓉炒通菜同埋蜜汁豬頸肉飯🐖🍚個牛油雞翼好出色，同埋價錢唔貴👍🏻👍🏻👍🏻好脆身好香牛油味道👍🏻個面仲有d炸蒜而蒜蓉炒通菜就不過不失啦，無咩特別不過個蜜汁豬頸肉飯就好一般d飯無乜汁咁，個豬頸肉都係無特別如果有燒下佢會更好

大埔唯一食越南菜地方，之前見食評有一個話差，於是膽粗粗試一試，試過又並非如此，唯一係越南雞好油膩，但夠滑有雞味，扎肉都唔差，特別牛肉粉都好好味，相比之前試過西貢市及九展果間，呢間d味道好食d。

其實呢間越南粉麵我已經食過好幾次，因為喜歡佢選擇多而且價格親民，除了河粉湯檬外，亦有香茅牛肉/豬扒飯等其他選擇。選擇多，價格街坊，加$5有飲料，加$12亦有青檸梳打/三色冰/龍眼冰等特飲。套餐加$5就有 不得不讚好大杯啊！今次就叫左香茅牛肉湯檬，湯底鮮甜，有芽菜同唔少的香草增加越式風味。個人認為檬粉份量很足夠，基本上我每次都總有少少食剩。香茅牛肉的味道亦不錯，不會太硬。個人更喜歡它的炭燒豬頸肉，比較香口。

今日落大雨同朋友入左呢間餐廳，一入去就已經覺得環境好好，清靜又乾爽，溫度適中舒服。香茅雞翼炸得夠香脆，外脆內嫩。炭燒豬頸肉亦都燒得好香。蕃茄牛腩酸酸地好開胃，啲牛腩又lum又入味。另外叫左杯熱情果特飲好清爽夠果味，啱曬夏天飲。

香茅豬扒撈檬好好食，豬扒香口，撈檬有好多配料，很有口感。番茄牛腩味道好好，令人開胃。椰青好fresh 好好飲，夏天的消暑良物環境清靜，和朋友gathering 好去處地方清潔

呀媽之前去買野經過呢間越南野話想試，今日終於同佢去試一下，睇下好唔好食。。7點鬆d去到，，已經見都有成7，8人係門口等緊。。我見附近d餐廳都冇人等緊位，心諗覺得呢間一定唔差。。都等左成半個中有多終於到我地。。。得我同媽咪2個人其實食唔到多野。。我就叫左個炭燒牛肉湯河，媽咪就叫左個雞飯，我地再叫左個拼盤!!!!!um...個河粉就好一般，d牛肉偏鞋，都有dd炭燒味既。河粉勁多，最後我食唔曬雞飯就冇驚喜，雞都ok既。最後拼盤，其實我覺得真係唔係太抵，95蚊。。。。個粉皮果個唔好食既，春卷果個個皮好韌，最好食只係炸雞翼。。。。。整體一般，重有加一，咁樣埋單就210。。應該唔會再戰!

平時聽朋友講呢一間越南屋味道唔錯，夜晚諗唔到食咩，就過咗嚟試一試，我哋叫咗兩個晚飯套餐，好經濟又實惠，一個套餐有小食可以選擇，我哋就揀咗一碗馳名嘅生牛肉湯河粉，小食就係炸雞翼，同埋豬扒飯。生牛肉湯河好好味，果然係馳名菜，佢嘅湯底全部都係牛肉濃湯味，非常惹味，加埋少少辣椒，真係想叫多一碗嚟食。雞翼炸到好香脆金黃，不過真係比較熱氣，而且味道啱啱好，肉質滑嫩，非常滋味。豬扒飯我哋考慮咗好耐終於叫，係因為平時出面啲越南豬扒飯，啲豬扒肉質好乾身，而且咬唔到，但係呢一間嘅豬扒飯非常軟身，而且好香口，好入味，我哋真係冇叫錯。下次我哋會再嚟光臨幫襯，因為呢一間越南屋真係全大埔來講最好食嘅越南菜。

踩單車踩到大埔就食埋野先走叫個軟殻蟹米紙卷食下先！軟殻蟹炸到超脆！一咬落去就感覺到好脆既外層同軟殻蟹既味道！米紙好有彈性！口感好好啊！卷入面仲有好多蔬菜同粉絲！好正啊！踩完單車咁口乾！就叫杯熱情果特飲補充下水份同糖份先！好足料啊！入到每一啖都有熱情果！而且酸酸甜甜好好味！牛油雞翼一碟有五隻！隻隻雞翼都好大隻！雞翼炸到好香！雖然冇咩牛油味！不過都好香好好食！炭燒豬頸肉飯好正啊！豬頸肉燒得勁香！外層個燒又香又脆！豬頸肉仲好多汁好好食！