影片
以上资料只供参考，请与餐厅确认详情
系门口已经有一阵阵既越南汤香，吸引咗好多人系门口排队。睇一睇佢餐牌，见到好多唔同既款式，即管去试一试啦。入面坐既位置唔多，不过好整洁！见到好多人都拣汤粉，所以都拣佢一定无错。猪扒鸡翼汤粉一黎到见到份量好多，真系好抵食，咁大份都只系$60左右。讲返啲食物，猪扒同鸡翼都好新鲜，同埋都好有味道，唔会得出面个皮有味。仲要一咬落去好脆好香，我觉得值得一试！至于佢个汤粉，都做得好好，好有越南风味，香浓同都带有少少甜香。
继续阅读
食完条气唔x顺，特登开番千年旧acc 出post！！坐低左叫餐，明明门口写送热饮，叫餐时又话热奶茶要加钱10几蚊，又话送餐饮只送到六点。当时以为自己睇错睇漏，咁算数啦。离开餐厅出到黎睇番门口个牌，根本冇写咩到六点！叫左猪颈肉饭，明明餐牌写55蚊，打单张单黎到但写58蚊。再问先话㩒错左先改番。真唔小心呀？！（此帖特意表扬此餐厅为推动市民离港消费之努力）
继续阅读
今日去开附近，完成晒手头上嘅嘢，已经差唔多到晚饭时间，见到附近有呢一间嘢，就入去试吓~法式鲜茄牛坑腩饭👍🏻👍🏻牛坑腩好淋好好食份量亦都好足如果可以多啲蕃茄味就好啲～鸡中翼河粉汤河粉👍🏻鸡翼炸得好香好好食河粉都好大碗，不过鞋身不过有个小插曲就系本身我想要汤檬粉，佢话冇晒，我话要金边粉，佢竟然话要加$5 ，但系餐牌上冇写到，呢度有啲唔老实
继续阅读
～烤猪扒捞檬 烤猪扒做得唔错，入口有淡淡嘅香茅同调味好平衡，猪扒应该系用新鲜货，捞檬伴菜有生菜丝、青瓜丝、红萝卜丝、炸葱蒜同葱油，入口清爽好舒服。～鸡丝扎肉汤河粉先呷一口汤头，牛骨清汤够清爽同滋润，配合生洋葱同金不换香草滋味更上一层楼。要挑剔的话缺小了”鹅蒂”。。。～越式炸春卷合格～马拉盏炒通菜油份同镬气都够，问题系马拉盏未够惹味，有点点失望。～冻青柠冰合格～越南得小梅第一次饮，有青柠同咸金桔加Soda 水，味道ok综合系一家用心做的小店，用料足，味道虽然未必可以做到百份百越南真味，不过个人觉得已经有90 分以上，支持！
继续阅读
要快食，喺佐敦揾间小店，越南真味真系不二之选上次试过捞檬今日天气冻，再嚟encore鸡扒汤檬（本身餐牌系鸡扒汤河，如果钻檬粉唔使加钱。如果转其他粉面呢，可能要问清楚需唔需要加钱）我问店主个汤底点解咁香，又唔觉得好油佢话佢真系用咗好多材料仲有新鲜嘅金不换再加芫茜香葱所以功夫真系唔少得鸡扒煎得非常香口再加送片柠檬及辣椒可以畀你任配店主仲劲好人，有老人家需要帮忙佢仲即刻帮手
继续阅读