越圓越式小店

营业中

休息中

呢間越南小店隱藏喺窄巷中，主打外賣，但價錢親民，味道又唔錯，吸引唔少打工仔捧場！😋🥢 香茅豬扒飯 + 香茅檸檬茶（$47）🐷 豬扒 煎得香口鬆軟，醃料入味，唔會過鹹，仲要係好多塊，食落夠滿足！加埋 蔥油撈飯，更加惹味 🍚🔥🍋 香茅檸檬茶 味道清新，茶香夠，但香茅味就唔算太突出 🌿🫖✅ CP值高，$50樓下有飯有茶，飽足又滿意 🍽️💰✅ 專做外賣，適合返工族速食 🚀💼✅ 質素唔輸比其他越南餐廳，絕對值得一試！🇻🇳✨如果你鍾意越南菜，又想搵平靚正嘅外賣，呢間真係推介！💯🔥

😋好熱無乜胃口既日子就好想食翻碗清清涼涼既嘢。每次食都會叫雞翼撈檬，又大份又多雞翼又好食！加埋啲醬汁酸酸地勁開胃✌🏻雞翼有醃過，食落都唔係皮有味肉無味嗰啲🤣有時仲會叫埋網皮春卷，即炸好好食嫁！仲會配埋雞醬🥰

是日突然心血來潮，想食越南菜，想起有間隱世小店，越圓越式小店，於是便打去叫外賣。午餐～香茅豬扒飯配玫瑰花茶 $40超多豬扒，大大塊，肉嫩有肉汁，飯盒份量多小食～香茅雞翼(5隻) $35煎得剛剛好，皮脆肉嫩

荔枝角工廠區出名多野食，不過好多都唔平！但荔枝角地鐵站B出口附近呢間越南食品外賣店就大件夾抵食！ 原本想試佢個越南豬排包，不過叫果陣已經賣哂，最尾叫左香茅豬扒撈檬。拎到返office一打開成個碗滿晒都只係$40蚊。豬扒嘅份量至少有兩塊，女仔一個係食唔哂，男人食應該都夠飽！酸汁比平時餐廳嘅再酸多啲。另外佢配送一杯暖嘅玫瑰花茶，甜甜地有淡淡嘅玫瑰花香。唔中意花茶都可以加4蚊有汽水果啲揀！係荔枝角返工嘅想慳錢又唔想食雙餸飯不妨試試呢間

喺荔枝角做開嘢嘅朋友都知道好多人隱世小店，真係要好好地尋寶🤤。呢間外賣小店位置偏僻，系一幢大廈門口有廣告牌，再行入去先見到呢間鋪。按我觀察，應該系兩夫妻打理，家庭式味道，但十分出色！🥰🥰你唔好以為位置偏僻就人氣低，要食到呢間野都需要事先準備！如果唔系，都係食白果🤪！如果當日一早已經想食佢，要10點前要用電話落單，講好幾時去拎同食咩種類，如果唔係試過現場買，老闆叫我等兩個鐘 🙈 等到中午放飯時間，你會發覺呢間小小店會好多人排隊拎飯！🫣🫣🫥推薦：🌟香茅豬扒飯（$38）：性價比之王，至少有4塊大豬扒鋪面，邊邊仲會有酸蘿蔔解流，再加上蔥油，一絕！如果嘅女仔，其實真係可以share，同樣好飽！另外買飯會再送多杯花茶☺️🌟炸網皮春卷（$30/6）：香脆可口，絕上辣雞醬，好好味！必試！🌟香茅雞翼（$30/4）：正常發揮，可試 ☺️味道：🌼🌼🌼🌼🌼服務：🌼🌼🌼環境：🌼🌼🌼抵食：🌼🌼🌼🌼🌼🌼🌼🌼🌼🌼🌼

趁lunch去銀行整野，整到一頭煙。加上又熱🥵心情極差。買左個香茅豬扒撈檬，諗住降下火🔥美食真係會令人個心情豁然開朗😽一打開個外賣。🐷全部都係🐷，啲香茅豬扒鋪滿晒整個碗面！炸得來又唔會太硬同乾！有香料味，好好食😋檬粉都好食，唔會太淋。但個汁應該要分開倒，沾黎食。我一次過落晒，最後食嗰啲會比較酸。再配埋支龍眼菊花茶。清甜，但冇乜龍眼味，實體樽入邊有幾粒龍眼。支持自家製👍去圖，會再去幫襯！

Up duck 小店🐤但好好食👍👍👍係依頭返工早前周圍亂去揾食見到佢個易拉架就衝入去買外賣試下見佢價錢又抵🤑🤑$38 超多料仲送埋野飲但係要等勁耐耐到癲所以成日再想食都難食得到11點幾whatsapp落單叫1點9拎 邊有可能🤣🤣所以今日試下朝早10點打去結果可以12點幾拎豬扒撈檬大大塊好食 仲要超級飽細食既人應該要3個人叫2碗haha老細應該加返啲自取app 唔洗咁麻煩🍜🍜🍜🍜🍜🍜🍜🍜🍜

呢間小店隱藏係工廈小巷，舖位細細但驚喜十足🥳雖然只做外賣，但lunch timem電話一個接一個，老闆娘做到無停手，所以電話打唔通都好正常🤓豬扒煎到外焦內軟，香氣撲鼻😍經過必定會被佢吸引😎♡ 香茅豬扒飯 $38豬扒份量勁多，外層煎至微焦，勁香口😋肉質亦好鬆軟，口感軟綿🥰香茅醃得入味，配埋另上嘅蔥油，簡直係白飯小偷🍚😎當中仲有少量醃蘿蔔、青瓜，酸酸甜甜，既開胃又解膩🤤

呢間位於青山道588-592號永盛工業大廈地下15號舖，店名越圓，是一間食越南飯或撈檬嘅餐廳，一天經過比這間餐廳嘅香茅吸引到走入去睇下，發現店舖細細，只做外賣的小店，於是即刻諗住買外賣返公司食，點知店員話現在叫要等半小時，甘就算啦，店員叫我下次早d叫，9點已經可以打電話來叫定架，見甘巴閉，於是第二天上午11點打電話去叫定，我地叫左秘製雞扒撈檬、香茅豬扒撈檬及香茅豬扒飯，1點去取，打開見到好大盒，滿滿的，撈檬嘅汁亦是足夠的，豬扒好開香茅味，亦好入味，雞扒都好好味，價錢唔貴，36蚊包一杯飲品（花茶），加4蚊可以揀特飲，特飲我揀左香茅檸檬茶，呢個特飲都無得彈，自家制，好好飲。👍🏻呢間店雖然只做外賣，但真覺得師傅好用心做好每一個餐。加油💪🏻，其待一天有堂食。香茅豬扒飯秘製雞扒撈檬香茅豬扒撈檬及香茅檸檬茶

荔枝角返工真係好幸福！工廈好多寶藏✨ #越圓越式小店 係其中之一，要地膽先知呢間嘢，事關佢收埋自己喺工廈最入嘅位置(shy  呢個飯只係30幾蚊，大碟到可以兩個人食，雞肉多到唔洗本！雞扒香茅味好重，試過豬扒好食啲！酸蘿蔔好清爽✨✨PS: 佢哋仲有撈檬、法包，全部都係真。平民價，大家一定要去試下PPS: 無堂食得外賣，仲一定要事先whatsapp 落單，唔係就要等到2點先有得拎

荃灣舖時因為lunch time 勁多人同埋收勁早，所以其實都唔易食到，但都會揀星期六放工專登去食豬扒同雞扒飯或檬，都算係小小粉絲。但公司搬左後就少左去食，前排突然想食就驚覺結左業，今日無聊openrice 下終於比我見返佢個名，梗係特登放工飛車過去買。由以前堂食變外賣，豬扒依然好好味，好juicy, 份量依然好大份，不過今日冇雞扒，所以要下次再食，網春卷好細心，錫紙分隔開啲酸蘿蔔絲生菜絲。以前堂食都覺得平靚正，而家專做外賣比以前更平更超值，不過如果有埋堂食熱辣辣就perfect了，唔緊要啦，會繼續星期六放工去幫襯的！

超抵外賣-越南菜🇻🇳今日係荔枝角搵到一間好正宗既越南菜外賣 原來佢係上班族既超人氣之選 要一個半鐘前落單！我12點打電話去1:30先有得拎😂好彩我吾趕時間 又住附近先試到！ 🐷香茅豬扒撈㩚 $36一打開好香🤩佢個汁好正宗 用個膠袋裝住一袋 而家已經好少見咁樣既包裝😂 味道酸甜好開胃 加上配菜有蘿蔔絲炸蒜椰菜絲好豐富！成個餐份量好多 豬扒有兩三塊咁既份量 加埋盒蘋果綠茶🍵 食剩半個 晚餐再食😆CP:🍜🍜🍜🍜🍜😋: 🍜🍜🍜🍜回購: 🍜🍜🍜🍜如果你有時間，哩間外賣咁抵，我會推薦🤓！

😱🤔究竟有邊間舖頭需要草根妹妹去咗3次先成功食到？！ 👧🏻第一次去要等20分鐘⏰，我唔信下次食唔到😤，第二去要等30分鐘⏳，🤭唯有屈服攞張外賣紙📄。終於第三次學精咗啦，☎️早45分鐘喺公司叫外賣😎，終於都食到好感動！.之前草根介紹過喺一條平平無奇嘅小巷入邊有2間小店，一間食泰國菜🇹🇭，一間食越南菜🇻🇳， 次次經過都飄出陣陣香味👃，上次食咗泰國野不過就麻麻地，今次試越南野。.📍香茅豬扒飯（$36包飲品）打開熱辣辣嘅飯盒，嗰陣香茅豬扒味即刻湧出嚟，🐷豬扒份量非常慷慨，🤗有2大件。豬扒肉質鬆軟而不油膩🤤，食得出香茅味🧄🧅，調味唔錯👍🏻！飯量都唔少🍚，淋上豉油，不過豉油夠色唔夠味，味道過淡👉🏻👈🏻。旁邊嘅蔥油都喺偏淡味。配菜仲有醃酸白蘿蔔、紅蘿蔔🥕同青瓜🥒，解膩之餘仲好有越式風味🇻🇳。.⭐️有興趣去嘅大家唔好話草根妹妹唔提醒你哋🔔，真喺要早大約30-45分鐘前打電話落Order📲！🚫仲有啊小店喺不設堂食㗎。

呢間小店可謂是荔枝角番工人士的福音👼🏻 它屈膝係一間工業大廈的通道 唔識的人真係會唔知個度有餐廳 小店係只提供外賣🥡 午飯時間要提前起碼一個鐘前預定 基本11:30am後已經截單🙈 可見它的受歡迎程度有幾誇張 😯因為價錢超抵加份量多 所以性價比係極之高💯💯💯💯💯1. 香茅豬扒飯🐽🍚 ($36包紙包飲品🧃) 呢個係會香到所有同事走過黎試食 同埋見圖片已經知道豬扒的份量係勁勁勁勁勁多😍 食極都未食完 口感好鬆軟而且好入味 配上自家制的醃蘿蔔同青瓜 酸酸甜甜🧡 好開胃 不過份量太多 一個女仔無可能會食得晒 🤷🏻‍♀️2. 越式牛肉撈檬🐮 ($36包紙包飲品🧃)牛肉🐮醃得好入味好淋 而且唔鞋 牛肉🐮上面加左炸蒜片增加口感 令成個檬粉🍜提升另一個層次 撈檬當然唔少得個醬汁精髓 酸辣酸辣🧡啱哂夏天食 佢有野特別的係通常出面個d檬粉係凍的 不過呢個係暖ge 幾特別💛 而且好受歡迎 好快賣哂🚫🤦🏻‍♀️3. 香茅雞翼撈檬🍜($36包紙包飲品🧃)香茅雞翼整得好香口 而且都好大隻 唔係小兒麻痺雞翼 一咬入口都仲保留到好多肉汁 4. 越式炸春卷($30)新鮮熱辣辣炸起 春卷炸得啱啱好 餡料有豬肉碎🐽木耳絲 蘿

係荔枝角返左幾年工附近好多野都已經食到唔知食咩好最近開左一間小店係簡單越南野小小嘅店係條小巷入面行到巷嘅門口已經堆左滿滿嘅人係度等外賣餐牌只有簡單幾個款式 價錢亦相當吸引香茅豬扒飯估唔到呢個價錢有一座豬扒山個人認為食豬扒都飽豬扒充滿香茅味 一d都唔鞋口 份量超多豬扒下面有d酸蘿蔔酸青瓜 當食豬扒食到膩膩地嘅時候 食下呢d酸味味嘅野即刻可以扒晒個飯整體黎講小店性價比高小店只做外賣不設堂食面且人手有限 建議提前落單