影片
港铁旺角站 E2 出口, 步行约6分钟
继续阅读
营业时间
星期一至日
11:30 - 23:00
以上资料只供参考，请与餐厅确认详情
食家推介
行完波鞋街，搵下食乜好，見到有下午茶，一於試下，我們又中意食越南野香煎大蝦伴蝦膏炒金邊粉。$59好正，有3隻蝦，煎得好惹味，蝦肉扎實彈牙，仲有少量蝦膏金邊粉份量唔少，擠少少青檸撈埋d花生碎食，好好食啊！另配少量沙拉，及酸紅白蘿蔔條，可清清口腔！越南火車頭湯粉。$54可選河粉、檬粉、金邊粉我揀左金邊粉，好滑呢！啖湯好香濃！有牛肉、牛𦟌、牛丸、牛柏葉，全部份量都真係好足！牛肉嫩滑，牛𦟌彈牙，唔錯！有大量洋蔥同香蔥，增加口感提升牛的鮮味正當睇緊下次食乜既時候，比我睇到牆身話做到15號就轉型啦
继续阅读
我已經食左呢間餐廳至少三次。雖然餐廳位置吾太易揾，但佢食物既質素同味道係吸引我再去既原因。我食過豬頸肉河粉同炸蝦卷湯河，兩個既味道都好好。而且佢地所有湯河既湯底都係用牛骨熬成，味道好之餘又吾咸，吾似其他越南餐廳既湯底咁咸！另外，我亦推薦佢地既越式春卷，雖然係小條，但好好食。我留意到好多個度既食客都叫生牛肉湯河，應該好食。我就冇食過因為我吾多鍾意食生既野。呢度侍應既服務態度都好好，即使係忙又多野做既時候佢地都有禮貌。依家呢間餐廳只係執到剩番呢間店，如果連呢間都冇埋我覺得好可惜。希望大家有時間去幫襯
继续阅读
真係好難食... 忍唔住要留comment啲咖哩加左好多粉，一pat pat... 冇咖哩味...其他嘢已經一般，真係冇下次。服務係ok嘅... 希望可以改善一下啦。🙏🏼
继续阅读
我地4個人，約佐放工一齊食飯。最就腳都係旺角ga la，揀下揀下都係食越南野。我地食佐幾個小食，一個紅飯，份量岩岩好，味道好港式，岩香港人口味。我地試佐個軟殼蟹米紙卷，一碟4件，大大件好足料。不過個醬就係普通海鮮醬，好鹹。軟殼蟹係凍既，粉絲就痴實晒，麻麻地。仲有牛柳粒炒紅飯，牛肉粒好林，好好食，好有牛肉味，咬落去係一絲絲既肉，好味。不過個紅飲就實在太求其，好似淨係得茄汁味。個汁又係好鹹，洋蔥過多。淨係牛肉粒好食，其他都係一般。我地每人食佐百一蚊，除佐坐得舒服比較靜又唔趕人走，講到食物都係麻麻地，有待改善。
继续阅读
長話短說，午餐大概5x以上,飲品需另加錢，包括熱飲。一向到越南餐廳都吃撈檬的我點了香茅豬扒撈檬，豬扒好食，厚身，但那個魚露不行。同行同事點了湯粉及炒飯，說是不錯，可能本人對越南菜比較有追求，只覺得中規中矩。
继续阅读