影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
星期日喺荷里活廣場，周圍都好多人，見呢一間唔算多人即刻有位，就入去食下午茶。原本覺得佢個價錢都OK抵食$46 份，但係一嚟到真係有驚嚇到，牛腩飯得四粒牛腩，係四粒。飯就好多，一大碗。以為朋友食生牛肉河粉會好啲，點知都係得兩片牛肉，係兩片，一樣河粉係有一碗的。如果佢覺得啲肉貴，起碼俾多少少配菜，俾人送飯，佢係連配菜都冇嘜㗎。職員態度就正正常常，啲枱枱凳凳都乾淨。如果要調味料就要自己行去拎，職員唔會招呼你。如果真係周圍冇位想入嚟呢度食，唔知會唔會叫豬扒會好啲，估計豬扒應該有一塊…..啩！唔肯定。
继续阅读
老闆既回應絕對deserve一個劣評! lunch 同同伴一人叫左碗牛腹肉河加杯凍/熱咖啡, 熱咖啡係ok 既, 但d 牛腹係"完完全全" 一片都咬唔開既! 我地食完, 只想老闆知道希望佢地將來有改善, 但當話佢知牛肉咬唔開一片都食唔到時, 老闆: 牛腹? 我:係, 只想話聲你知. 老闆:唔好意思....跟住黑面行開. 以為佢會入廚房了解下, 結果只係行左去執枱. 香港餐廳唔好再賴香港經濟差或者個個北上消費(利申我無)令到你地執笠! 係你地d 野好難食啊!
继续阅读
放假到荷李活廣場逛街，順道就同朋友們去「越棧」食個午餐。餐廳內的客人不算多，我們很快就找到座位，我們點了三個套餐。首先是每次必叫的生牛肉河（$50）。這道菜的味道中規中矩，雖然並不驚艷，但牛肉的份量還算充足，讓人感到滿足。河粉的口感滑順，加上清新的青檸味，整體不錯 🍋🟩🍜。接下來是兩份健康紅米飯套餐（$64），包含香茅豬排、香茅雞翼、扎肉和蝦片。份量也頗為可觀，讓人覺得相當抵食 。此外，紅米飯的搭配不僅增加了營養價值 🌟我們還加$4轉特飲，我們點了珍多冰，但這個就有點失望了。雖然喝起來冰冰涼涼，但椰奶的味道不夠明顯，可能是因為冰塊太多，讓飲品變得有點淡 🥹🥹🧊總的來說，「越棧」的午餐體驗都算ok，價格合理，份量又足 👍🏻
继续阅读
當年由沙田店開始食，食到馬鞍山、旺角，好多分店都留低過兩條腳毛(⊃｡•́‿•̀｡)⊃轉眼間得番荷里活店，今日早咗放工，於是就去食𝐭𝐞𝐚。入門口感覺好光鮮，下午茶時間人流唔算多，店員都比較鬆容在閑聊，而我好快就有店員協助落單，出餐迅速。只不過上錯餐，檬粉被換成河粉。幸好店員樂意換返岩既餐。🙈😉生牛肉湯檬+ 特飲青檸梳打$50生牛肉份量唔算多，檬既份量可以接受。雖然價格無變，感覺比以前少咗。湯底一如既往咁鮮濃，加配辣椒仔點綴，整碗檬粉味道昇華了👅。
继续阅读
自己係住依頭嘅，其實都經常會經開呢一間餐廳，佢嘅香味呢係經過都會飄過，所以好多時都俾佢呢一個香味吸引就走咗去食。而今次一月以往呢都係揀咗佢湯檬嘅系列，佢有好多款可以揀譬如係香茅雞翼啦，豬扒啦等等嘅，而我自己因為箍緊牙關係呢都係會揀返雞絲呢一個餸啦，佢呢一款雞絲呢會係一絲絲唔係話非常之滑身嘅質地口感，但係配埋檬粉去食，其實係非常之配合嘅，而我自己呢係會習慣全部都走晒配料嘅，包括洋蔥，同埋芽菜，我自己係鍾意食芽菜嘅，但係呢一間嘅芽菜係比較生我比較係唔鍾意，所以就會全走，下次嚟呢會試吓食香茅雞翼。
继续阅读