越翠苑

营业中

休息中

這家位於荃灣悅來酒店附近的餐廳，主打多種越南菜色，蟹膏檬粉、越式法包更是餐廳的人氣菜色，得到不少網友的大力推薦！餐廳環境也算寬闊，大約有55個座位，即使我在下午茶時間到餐廳也有不少客人在用餐。這次我選擇了「雞絲湯河」（$60），店員剛送上桌便已經被份量嚇一跳，河粉份量很多，我相信食量比較大的人也能夠吃飽。湯底很鮮甜，有多種香料的味道，而且九層塔的味道濃郁，雞肉味道同樣香濃，而且口感嫩滑，與鮮甜的湯底和河粉一起吃十分美味，難怪能夠得到這麼多網友的喜愛！朋友則點了「蝦肉卷河粉」（$60），味道同樣美味。如果喜歡越南菜的話，這家餐廳我非常推薦！

最近多咗出荃灣做嘢，偶爾經過一間望落幾企理嘅食越南菜嘅餐廳，不禁引起我嘅興趣。其實我對越南菜印象麻麻，記得好幾年前食過連鎖經營的芽Ｘ、越Ｘ等，感覺越南菜來來去去都係嗰幾味。直到我遇上呢間「越翠苑」。。。夜晚8點左右，喺好奇心驅使下，我入到去坐低，見食客唔多，我就慢慢揭吓個餐牌。嘩～原來除咗撈檬和湯河之外，仲有好多其他越式選擇。我第一次膽粗粗就點咗咖喱牛腩飯，外子就點咗個香茅牛肉河。食物好快就送到，熱氣騰騰。我份咖喱牛腩嘅咖喱汁好有椰香味，用筷子夾起舊牛腩，簡直不得了！一夾即溶。我淨係食過乾柴嘅牛腩，從來都未食過咁軟腍嘅牛腩，實在太正了！外子的香茅牛肉河，裡面有九層塔嘅清新香味，鍾意東南亞食品嘅人對九層塔應該非常熟悉。牛肉好有質感，河粉又滑捋捋，一下子就食曬了！隔咗幾日再次回訪，今次試吓佢個春卷撈檬同法包。春卷撈檬的料頭多到滿瀉！裡面嘅香菜喚醒味覺，好醒胃！法包外脆內軟，配埋個咖喱汁簡直一絕。小店只收現金，沒有加一服務費。價格相宜又能提供美味食物，以後亦會經常幫襯的。另外，小店係逢星期一休息，唔好去到摸門釘哦！

椰子沙冰$45細細杯，味道還好，冇驚艷處，但$45叫其他野食仲抵，所以有啲後悔。魚露雞翼幾好味，但同普通出面冰室嘅雞翼冇分別？？無吃過呢款越南野食所以無從評分。蟹肉湯檬$60見枱枱都有見呢個，就跟住叫。有豬血、豆卜、半個蕃茄、扎肉。 啲送都係普通車仔面貨色，唔鐘意食。唯一特別啲就係蟹+蛋。隔離果枱見到以為成塊都是蟹肉 雙眼發光，但其實大份的是蛋！係幾好味嘅。湯就偏向酸，開胃之選。唔錯的叫啲人會叫芒果糕同斑蘭糕 但飽就冇試到

知道荃灣附近有好多嘢食，但我同朋友偏偏都唔想食太大型嘅連鎖店，又想食啲開胃嘅嘢，於是去咗呢間越南小店。蝦肉卷撈：蝦肉卷，啱啱炸好熱辣辣，好彈牙亦都好有蝦味！質感好似泰式蝦餅。配料方面有青瓜絲、生菜絲、蔥花、香葉、蘿蔔絲、花生！ 我特別鐘意羅勒葉！撈埋一齊食口感豐富，味道好有層次！加埋個汁、酸甜開胃！胃口大開！唔怕食濟！牛油果沙冰：雖然牛油果味唔算重，奶香味比較多，但鐘意好似奶昔既好順滑既口感，唔會食到一粒粒既冰塊！整體來講，味道都唔錯，越南小店值得支持！

🐭 米奇老豬Vol. 282 🐷［越翠苑］呢間係位於大窩口同荃灣中間嘅越南餐廳店鋪面積唔大 裝潢類似街坊茶餐廳 可能因為無打卡美食 📷假日夜晚去都係得5臺客人連晚市都係$50超大個法包 係佛心價啊 🥹食完之後覺得呢間絕對係個瑰寶 💎推薦大家去啊❣️🗣題外話話說老豬同男友都好鍾意越南法包試過無數間 最愛依然係大角嘴嘅蔥仔 🤤.🐖🐖《越式法包（大）》🐖🐖 🛑 8/10 🛑 💰$48💰法包烘到熱辣辣 脆得來幾鬆軟 🥖有扎肉、酸蘿蔔、生菜、肉鬆、芫茜芫茜味明顯 越式香料味唔算重同埋唔係好覺有肝醬味（？）如果可以多d酸蘿蔔就好啦🙈.🐖🐖《越式烤牛肉法包（大）》🐖🐖 🛑 8.4/10 🛑 💰$50💰雖然呢個都有齊越法嘅配料但加左好juicy、調味啱啱好嘅牛肉同番茄 大爆汁💞 成個口感好特別 🤩有d似食越南漢堡 🍔.🐖🐖《斑蘭葉綠豆糕》🐖🐖 🛑 8.6/10 🛑 💰$15💰班蘭味都幾明顯 綠豆蓉唔會過甜而且好煙韌！不過都未能打敗深水埗第一郡 🤭🐖🐖《椰子沙冰》🐖🐖 🛑 9/10 🛑 💰$45💰呢個得到老豬男友認證 ‼️原本以為係普通椰奶味點知原來係加左原個椰青嘅新鮮椰青水打出來 🥥食到有椰子粒粒飲落好清

我係一個從來唔鍾意食越南嘢嘅人，通常食嘅嘢都係為主中菜或者台式嘢多，但今日無啦啦心血來潮就想試吓越南嘢，就搵咗呢間嘢試吓。到去就見到燈光好光猛，周圍貼住好多越南嘢嘅貼紙，就俾人哋感覺到呢間嘢就係食越南嘢嘅氣氛。因為好少食越南嘢，所以我都唔知點咩嘢食好，於是求其點左幾個佢推介嘅嘢食，因為好少食越南嘢，所以覺得越南嘢食好一般般，但居然今次食果幾個餸令我喜出望外，原來越南嘢食都可以好好食。食到咁上下，我仲叫咗杯奶昔添，呢間嘢令我對越南嘢食有啲改觀，相信我距離下一次食越南嘢嘅日子又近左一步。

最近在大窩口無意間發現呢間正宗越南餐廳，忍唔住連續食咗兩日，亦忍唔住寫篇食評讚下佢哋。店鋪環境簡單，兩次去都好多人幫襯，證明深受街坊甚至遠道而來嘅食客歡迎，如我😂。*****蟹糕湯濛見到唔少人點呢個湯濛，於是跟住點。湯底酸酸地，濃郁番茄味，好惹味，好開胃。配料有蟹膏、豬紅、扎肉，全肉，但有半個番茄，清淡番。配菜有香草和薄荷，每次食呢啲配菜就勾起以前旅遊越南的美好日子。****甜品甜品有馬豆糕、紫米糕，糕身嫩滑，唔太甜，好好味。 餐廳食物比人感覺好正宗越南菜，仲有越式法國包、滴滴咖啡未試，下次再嚟。

今日收工去左荃灣一帶搵食呢間越南菜其實之前mark左想食都冇機會黎😿今日終於可以過黎試到☺️☺️餐廳環境正常，全店黃色為主💛我地叫左以下既野😗米紙蝦卷/米紙烤肉卷🫔:咁岩蝦得番一卷，好彩地可以一次過試到2個口味，我就鐘意烤肉卷多d越南滴滴咖啡☕️（凍）：個人口味比較唔喜歡，第一次飲越南咖啡，好苦但有回甘，平時飲開啡都走甜走奶但呢個真係要加煉奶先飲到🥺牛油果🥑沙冰：牛油果味重，唔會過甜，好飲蟹膏濛粉：湯底偏油但好香好好味，蕃茄味濃，蟹膏份量多，重有扎肉同豬血豆卜，好豐富。 香茅牛肉米通粉：牛肉湯一樣正，薄片牛肉份量亦多，係比蟹膏個湯fresh d春卷:正正常常，炸得香脆整體食物都係高汁既😝

係荃薈商場換完身分證🪪，準備同友人食午餐，係網上搜尋🔍到呢間位於德士古道的越南菜「越翠苑」，網上好評如潮，決意一戰。蟹膏檬粉：熱辣辣呈上，湯頭有點偏咸，但整體味道飲落舒服，豆卜吸曬湯頭精華，仲有完個鮮蕃茄，越南扎肉口感偏實，仲有豬紅吾會一夾即散，而且重點有蟹膏蛋煎得好香，蛋香濃郁，好味。魚露雞翼撈：天氣咁熱，食撈檬解暑，雞翼好滑，魚露配埋蘿蔔絲一齊食好開胃，仲有大量花生🥜碎，芫茜蔥。牛油果🥑沙冰：牛油果🥑味突出，加入牛奶🥛令整體飲落順滑，沙冰感吾突出，沒有顆粒感，反而似牛油果奶昔。蝦肉卷：姐係蝦餅，蝦膠夠爽彈，外層煎至金黃，配埋泰式辣醬增添風味。總結：荃灣癮世越南菜網沒有精美裝潢 但有精緻美食

Banh mi here is the best of the best! Loved the slightly charred and crispy bun. Loads of vegetables and herbs inside paired with grilled beef. Also tried the crab paste tomato noodle. Broth was very flavourful and the crab paste did not have a weird fermented taste. Water is also self served. This restaurant closes every Monday though so make sure you don't come on a Monday!

試過很多越南菜，都很失望而回，上星期喺YouTube睇到介紹呢間嘢，開頭都以為線稿，講到佢咁好味，咁就即管去試吓。去到夜晚黑其實都差唔多收工，除咗沒有米紙卷外，其他都還有供應，所以就是在越南包、三色燒牛肉飯（本來Menu冇，廚房另外做🙏感謝）、蟹檬湯粉、越南蒸餾滴滴咖啡。扎肉越南包簡直一食就好像搵到真愛一樣😌外脆內軟餡料足太豐富了👍🏻👍🏻👍🏻終於搵到一間好食嘅越南包，三色飯本來係豬扒改了燒牛肉，雖然啲牛肉唔係燒而係炒，但都算係很好👍🏻👍🏻因為佢有越南焗蛋餅及豬皮碎👍🏻👍🏻👍🏻豬皮碎真係好嘥功夫，喺香港都好少見到有呢樣嘢，非常正。蟹檬湯粉呢個YouTuber極力推薦，食完唔使講，大家真係要去試👍🏻👍🏻👍🏻非常好食😋個湯真係好好味，尤其是啲豆卜入味好正。最後呢杯滴滴咖啡又係不能不叫。唔寫了應該夠字數😅最後老闆娘推薦的食甜品，呢個班蘭綠豆糕好好味👍🏻👍🏻👍🏻大家不妨試吓。

—Menu of the day ☁️🥢札肉河粉 越式咖喱腩飯烤肉串—做完gym好想食河粉🥹黎到呢間睇落平平凡凡既越南餐廳❣️🫶🏻點知好驚喜叫左扎肉河粉🥨湯底好清好甜 飲落好舒服🥰咖喱腩飯入邊有筋·有腩·有肉😍烤肉串好香口🫶🏻😍仲配左少少醃酸菜👍🏼酸酸甜甜而且辣椒醬超好食😋❣️❣️點唔停—睇返openrice見啲comment話好食好特別🥹下次再經過要試下推介大家如果行開個頭都黎試下🌈(係荃灣熊貓酒店附近🐼)Ps. 係低調黃店黎架💛🎗—💰hkd $164 no service charge (2ppls🫶🏻)📍 Viet Thuy Uyen Shop A101B, G/F, East Asia Shopping Arcade, 36-60 Texaco Road, Tsuen Wan.

估唔到俾我喺荃灣搵到一間隱世嘅越南餐廳🇻🇳越南菜當然必食蟹膏湯檬！真係勁大碗非常之足料 除咗有主角蟹膏蛋之外 仲有豆卜、扎肉同蕃茄🍅蟹膏蛋好濃郁好鮮甜🦀湯底酸酸甜甜好開胃🤩

.📍越翠苑📍#饅頭去荃灣 #饅頭食越南菜 #饅頭食麵包------------------------------1️⃣ 香茅牛肉撈檬 ($58)呢個幾有驚喜，本以為係啲普通午餐菜式，但首估唔到佢嘅牛肉份量係多到近乎鋪滿成個碗，映相係完全見唔到白雪雪嘅檬粉，而且每一片牛肉都醃得好入味，蒜蓉同香茅味道明顯但不霸道💯，同牛肉鮮味配合得好好，牛肉口感香軟鮮嫩； 檬粉落咗少少香油唔會黐埋一嚿， 食落又香又滑， 同時亦有酸甜蘿蔔絲、香甜洋蔥絲同其他清新香料降低整體嘅油膩感，而花生更令成碗嘢嘅香氣提升一個層次♥️，飽肚又好味。◾評分：8.0/10------------------------------2️⃣ 蟹膏檬粉 ($60)湯底色水看似比較清，其實係用咗蝦米、魷魚同蕃茄煲製而成，飲落會有先鹹後酸甜味嘅層次，味道自然不淡，尤其係酸甜味主要都係來自蕃茄，多咗仲清新嘅感覺😍，配上軟淋細碎嘅越南檬粉，每啖都唔會冇味；不過我就覺得檸檬草等香料嘅香氣唔夠突出。配餸就有一嚿大大嘅鮮蕃茄、雞紅、豆卜、扎肉、生菜同埋主角蟹膏，每一樣餸嘅份量都畀得好多，除咗雞紅調味鹹得濟之外，其他都喺水準之上，蕃茄鮮甜不散🍅，最好飲嘅

🌟荃灣正宗越南小店🌟越翠苑 (荃灣)$60蟹膏檬粉 （5/5⭐️）蟹膏檬粉非常足料，有豆卜番茄豬紅扎肉生菜🌱，扎肉好厚身，豬紅滑溜，🍅蕃茄豆卜索唒湯底好入味，仲有大大舊好有自家特色似加咗蛋既蟹膏，🦀蟹膏味依然好重🥇。湯底非常濃郁，味道好獨特，真係食完要再番兜！$50越式烤肉法包（大）（5/5⭐️）法包外脆內煙韌，入面放咗好多越南香料，加埋惹味烤肉，口感好夾✨另外都食到好多醃蘿蔔，食落清新得黎又有獨特香味。👍🏻$38米紙蝦卷（$38）（4/5⭐️）因為店舖買剩一條蝦卷，所以我叫個碟店鋪mix咗一條係米紙烤肉卷😆，兩隻味道既米紙卷都試唒，好正🤣。米紙卷皮煙韌煙，餡料質感最突出係爽脆嘅酸蘿蔔同紅蘿蔔，蝦同豬肉係配角，以芫荽味為主，偏向清新，想重味d可以點醬，食落似花生醬，醬入面仲有花生粒洋蔥碎，幾特別～另外，值得一提既係，雖然入到去店入面既職員都係講廣東話，但有時無意間會聽到佢地用越南話同廚房溝通😗🇻🇳食物：8.5/10環境：5/10性價比：8/10📍荃灣德士古道36-60號東亞花園地下A101B號舖#ATimFood荃灣#荃灣美食 #越式料理 #香港越南菜 #正宗越南菜 #蟹膏檬粉 #越式法包