越蘆越南牛肉粉 (已結業)

最近好忙，冇乜時間四圍出去搵食🥲。星期六下晝諗唔到食咩好，於是近近地揀咗呢間越南菜食🙆🏻‍♀️，地方坐得都幾舒服，嘢食都OK，不過價錢呢就唔算好平，嚟開呢頭附近可以試吓🙆🏻‍♂️。🍛 越南蛋餅香茅豬扒配米飯 $78香茅豬扒🥩係半煎炸嘅，所以豬扒表面都有一層薄薄嘅脆漿😝，而且有幾香嘅香茅味🌿。蛋餅都唔錯😋，有少少胡椒香，但如果份量再多啲就好😂。整體而言都算好食，而且飯嘅份量好多，不過如果可以多個汁無咁dry就好啦😅！🍜會安蕃茄蝦檬 $82哩碗粉都有幾多配料，有賴尿蝦🦐、扎肉、蝦丸、碎豬肉。賴尿蝦就唔好期望係好新鮮爽口彈牙🙈，不過其他配料都幾好食，扎肉中間有啲爽爽地似軟骨嘅口感，蝦丸食落都幾彈牙😋。湯底係蕃茄湯🥫，蕃茄味唔算好濃，不過清清地咁味道都唔錯😌。份量亦都好大，食唔哂。🍹話梅柑桔水 (跟餐)柑桔味都幾出，味道不錯。

呢排好忙日日都喺公司嗌外賣，終於有時間可以出去食返個午飯，梗係要食好啲，所以去咗公司附近間越南餐廳。整個套餐分量十足，有香脆蝦餅，蛋餅口感豐富，牛肉肉質鮮嫩，非常惹味。

餐廳環境幾好，有點失望。碗有污跡。服務都一般，叫侍應將法包一開二，佢話會有刀叉要自己切。好彩有另一位資深侍應同廚房講幫我哋切。順化牛肉湯河粉，湯冇味，只有辣味，河粉一夾即溶。蕃茄賴尿蝦湯檬粉，變咗幼米線，湯冇味，裏面粒丸似粉多過肉，最後不停落是拉差。越南咖啡無論凍定熱都好淡。唯一得法包比較正常。有啲似茶餐廳食到嘅質素，或再麻麻地，未至於唔入得口，但唔好當越南嘢咁食，應該會好啲。6人去6人都覺得（不好吃）😖。

經過幾次，人氣麻麻，終於入去叫佐碗湯河。86蚊再加一，算係招牌，有個thumbs up, 仲有幾種肉。不過不失，除佐塊薄牛腩咬極都唔斷，入口嚼極亦唔爛，夾硬吞落肚，希望個胃酸夠勁。唔會再去囉。人氣麻麻，必有原因。坐得舒服，冷氣夠勁。不過，求其食碗麵，再去 Starbucks仲好！價錢一樣。

閒逛完東岸公園，就去炮台山兜下，餐廳種類都多，今次黎食下越式野。生牛肉湯金邊粉，金邊粉幼身，生牛肉每片大大塊，牛肉食起來嫩滑無渣，亦有肉甜，湯亦係濃郁香甜。順化香茅豬扒河粉，豬扒都算幾大塊，煎得好香，建議湯粉叫返河粉，因為真係好滑好順口，好味。越南蟹肉春卷，餐廳menu 有個good既手勢所以試下，果然有驚喜! 春卷餡肉結實有蟹肉鮮味，春卷炸得超脆。配有數塊新鮮生菜同蘿蔔絲可包住進食，平衝油膩感。點撈檬既醬汁酸酸甜甜更惹味提鮮。凍青檸紅茶，青檸有香氣但味道擠完D汁又冇好濃味。香茅鮮橙茶，好大支香茅，香茅鮮橙味道平均。餐廳都坐得舒服，燈飾係越南帽仔，燈火通明，可能呢邊多商廈，晚餐堂食就少D人，但反而環境更寧靜，之後食到7點左加就開始多人黎買外賣了!

前幾日同朋友去咗呢間喺炮台山嘅越南餐廳食飯。入到去都坐得幾舒服，座位之間都唔會太迫，嗰晚雖然係平日晚上，但餐廳都一定嘅人流，但又唔會好嘈。咁餐廳食物嘅選擇都唔算好笑嘅，咁我哋就選擇咗咖喱軟殼蟹同埋最經典嘅烤豬頸肉，之後仲叫咗杯椰青飲。咁啲食物味道其實偏鹹，特別係軟殼蟹嘅咖喱，所以真係要叫碗白飯嚟食，咖哩汁配飯就啱啱好啦。軟殼蟹嘅份量咖喱偏少，但蟹就好足料，個人都覺得幾抵食。至於豬頸肉都烤得唔錯，配埋個汁酸酸甜甜咁幾開胃。

去開炮台山附近間越南菜餐廳🍴辛苦咗成日決定要返個豪華餐🤣🤣🤣我同屋企人叫咗生牛肉牛丸河粉、豬腩肉丸伴檬粉～加多一個炸春卷～叫咗一杯梳打😙😙😙😙••🌻牛肉河粉湯底好入味，除咗有牛肉仲有牛丸，兩個餸豐富滿足😁••🌻豬腩肉丸伴檬粉呢個真係豪華大餐😝一次過又係有兩個肉，豬腩肉好香口，啲肉丸同平時出面食嘅有少少唔同～而且有好多生菜，一般出面嘅生菜我都好少食，因為成日覺得唔夠新鮮。但係呢個餐我真係好滿意，佢嘅生菜係好新鮮，吸引到我食😆同埋自家肉丸幾特別！

今晚想簡簡單單食碗粉，揀咗間越南野。餐廳環境闊落，幾好坐呀。原本諗住食碗粉，睇完餐牌後太多選擇後，最終叫咗碗「生牛肉牛肉丸湯河 」、「傳統越南法包」、「芒果軟殼蟹米紙卷 」同「順寧胡椒豬肉串」。牛肉河湯底好濃郁，配埋牛肉牛丸好入味，加上不可缺少嘅芽菜同九層塔，唔錯唔錯。難得見到有越南法包，叫咗個傳統味道試吓。首先個法包好脆，配料有肝醬，扎肉，扎蹄，胡椒豬肉，酸菜，青瓜，味道好豐富好多層次。另外兩個小吃-「芒果軟殼蟹米紙卷」味道好清新，軟殼蟹亦都香脆。「順寧胡椒豬肉串」惹味，有淡淡胡椒味。無論食物、環境質素都幾好，價錢算係抵食，唔怪之得見餐廳都有唔少外賣單。

趁假期，到附近酒店放假，夜晚就落街覓食。男朋友話試越南野。餐牌價格偏貴，但都知道港島食嘢價錢遍貴。餐廳環境好大。餐牌選擇都多。叫了牛肉湯河同雞絲湯檬粉，但兩個粉湯底都偏咸，食完都覺得好口渴。份量都十分足夠，一碗粉已經好飽。飲品方面，叫了青檸紅茶，味道不錯，與其他食越南野食餐廳都一樣味道。小食方面，男朋友叫了春卷。他話春卷好好食，唔油膩。最後$341埋單。價錢小貴，未必會再去食。北角有太多嘢食，係附近行既朋友，可以試吓其他野食。

間唔中都會食下越南菜，鍾意佢口味清新🍀今日同囡囡參觀完砲台山油街實現，見到附近有間越南餐廳叫，❤️越蘆，下午茶幾抵食，份量同午餐晚餐一樣多，食得超飽。🦀會安蕃茄蟹檬 $68湯底番茄味超濃郁，好開胃。材料豐富，有蟹肉，豬肉，扎肉及蝦丸。🐷 越南蛋餅香茅豬扒配米飯 $ 62囡囡邊食邊讚，香茅豬扒又香又霖😋😋我哋仲追加咗小食，有會安烤豬頸肉同河內傳統蝦卷。💗豬頸肉配辣辣地嘅醬汁，好惹味。蝦卷配清新醬汁，唔同食物配唔同醬汁，好有心思👍🥤跟餐飲品叫咗薄荷青檸梳打同牛油果沙冰。🥑牛油果沙冰超出色，牛油果味好濃郁，唔會食到冰碎，非常幼滑。💯

平時行完街多數喺銅鑼灣開餐，今次行遠少少，去到炮台山附近一帶探索下有咩餐廳岩食。🔍💬疫情期間我地都好耐無食過越南菜，難得見到有得食就去試試！我地兩人共點了兩款湯粉和一款小食。🌟順化香茅豬扒湯粉豬扒醃到好入味，而且肉質軟腍易咬開，外煎到金黃香口，會令人想一舊接一舊咁食。🐷湯底方面，喺味道較清的雞湯底。跟湯有青檸同辣椒粒比你隨心添加調味，落左會令湯底多左份酸酸辣辣的味道，令味道層次更豐富。🌟會安蕃茄蟹檬蕃茄湯底顏色鮮豔，但茄味卻無想像中的惹味濃郁，不免有點令人失望。🍅🍅另外，湯檬入面有半隻蟹但無咩肉食，而且都唔太鮮味。所以呢款比較起其他湯粉來講，佢既性價比真喺比較低，連埋加一要90多元一碗，這價錢可以有更好的選擇。跟餐的香茅鮮橙茶反而有驚喜，橙和茶味比例剛好，香茅味唔算出，飲落感覺好fresh。🌟蜆港手打蝦餅蝦餅彈牙有咬口但蝦味唔算好重，味道普普通通，加上價錢偏貴，可以不點！🦐🦐📍小記：餐廳周末有提供下午茶優惠時段，價錢較午市相對化算抵食。

今日下午在附近辦完事, 正找地方歇息時見到這越式餐廳, 正好一試🤔點了保寧雞絲扎肉湯河, 再以升级優惠價追加了會安燒豬頸肉, 下午茶餐亦附送茶飲, 相當豐富👍👍湯河份量好足, 湯底亦及格, 足味鮮甜😋燒豬頸肉爽口味道適中, 燒得火候準, 值得一試👏最後來個熱青檸紅茶去完結這頓下午茶👏👏

因為某些原因耽誤了午飯時間，就來一個豐富下午茶。這間越蘆在電氣道油站附近，看似正宗， 門口大大個下午茶餐牌介紹，都頗為吸引，而且環境清净 裝修簡潔舒適 於是進去一試。 點了順化香茅豬扒湯河 跟凍香茅鮮橙茶 連加一$57 大件厚切豬扒 外層酥脆，肉質軟滑入味 略爲偏鹹，河粉配料有九層塔 蔥油酥 芽菜 紫洋蔥 青檸，認真足料大份。跟餐凍香茅鮮橙茶 清新又不太甜 還內附一支香茅做攪棍，一點都不欺場。以$57 這價錢 有這麽優質的下午茶餐 實在超值。

行過依間越南餐廳見到佢嘅下午茶餐幾抵食，環境又唔錯，就決定入去試吓。蕃茄蟹檬 ($68)有好多料同好大碗，料有蟹肉，豬肉，丸仔同扎肉，仲有原個蕃茄，湯底幾有茄味，再唧啲青檸落去，酸酸甜甜，檬粉份量真係好多，我諗佢下午茶份量應該同午餐晚餐係一樣，所以真係好抵食，雖然蟹肉冇乜蟹味，但係依個價錢絕對收貨。咖喱牛腩配法包 ($65)超級推介！咖喱汁充滿椰香，法包用牛油焗到香脆，麵包入面唔乾好軟熟，點咖喱汁嚟食超級好食，牛腩有好多舊，又蚊到好林。另外加小食叫咗烤豬頸肉 (+$38)同蟹肉春卷 (+$28)。豬頸肉充滿油脂香味，又唔韌，厚薄適中大大塊，烤得好香，仲有甜酸醬點嚟食。蟹肉春卷新鮮炸起熱辣辣，脆卜卜，雖然餡料入面蟹肉唔多，都不失為一條好好食嘅越南春卷。最近天氣熱咗好多，所以叫咗椰青 (+$28)同牛油果沙冰 (+$22)。椰青大大個清甜多汁，唔使自己係屋企開夠晒方便。牛油果沙冰飲落好清新，唔會好甜，好有牛油果味。

平時經過這裡，感覺不錯，但價錢稍貴，原來晚市外賣有8折，便宜多了。今晚買了蛋卷香茅豬扒飯，8折後只需＄62，很大一盒，炸香的豬扒，加上兩大塊蛋餅，還有些酸菜，味道也不錯，晚上可以多些來買。👍