越萊 (廟街)

营业中

休息中

琴晚超凍，嚟左呢間越南菜餐廳試下店面唔算好大，不過琴晚6點幾都唔係好多人，所以都坐得鬆動除左pho, 都有唔同選擇我叫左個自選湯麵，揀左生牛肉、牛筋、蘿蔔三個餸，同埋叫左個檬粉。餸同麵嘅份量都幾多，好足料！跟餐仲會送杯熱菜蜜，性價比不錯呢個豬頸肉煎蛋飯都好足料，超多舊豬頸肉，調味都啱啱好👍🏻鮮蝦米紙卷一定係食越南菜必點item‼️清爽嘅生菜同米粉，配上新鮮彈牙嘅蝦仁，用煙韌嘅米紙包住，好fresh好開胃👍🏻-總結：性價比幾高嘅餐廳！平日一兩個人想食個快靚正嘅lunch/dinner都可以嚟試下～

2個月前喺day time食過lunch，記得佢嘅湯河好食，記得佢個湯底香濃出色，但！呢晚去食dinner 完完全全令我同朋友好失望。應該唔會再嚟。1. 餐廳只掛住接外賣單，我朋友嗌撈檬，佢食晒我碗湯河都未嚟，已經令人好燥。2. 催促下我碗湯河終於嚟，我朋友食完好耐，唯有望住我食。 點知我碗野係常溫， 即係話佢地擺左出嚟好耐只係無拎比我！ 又係因為掛住做外賣單！3. 常溫已經覺得好難食... 個湯底仲要好似加左水咗淡而無味！ 喂，樓酒例湯呀？加水！？唔夠湯底就沖淡？ 4.頂唔順，牛肉嚟到已經比佢擺到變左熟牛肉 連餸（ 豬軟骨） 都係無溫度，明顯好似車仔麵甘最後放上個麵....... 麵又擺到漲晒...我唔想浪費食物盡力食，但到呢到真係頂唔順唔食啦， $70 蚊食碗河買難受。

在佐敦有這一間各方面都唔錯的越南餐廳價錢比較大眾，跟餐飲料價錢都好相宜，最低加$8便可以，性價比高整體味道都唔錯今晚我試咗一個「牛萊了」，牛骨清湯的湯底味道唔錯，清湯之中算係好濃郁的牛味，而且冇味精，肉類方面都幾精彩，有生牛肉（已經浸熟咗）、牛筋、牛腱、牛腩和牛丸，牛丸味道都好好味朋友叫咗個：順化香辣湯粉，有肉碎•扎肉、牛𦟌、牛丸、蘿蔔、芫荽，$88 配送一碟菜心，性價比好高，而且味道都唔錯整體都算幾好

越萊位於上海街的這家越南餐廳，整體來說表現平平，味道亦一般。我點了招牌的安格斯牛肉粉，湯底偏淡，少少清甜，但缺乏深度，牛肉的質感也稍嫌乾柴，懷疑唔係安格斯牛肉。太太點了蝦餅檬粉，蝦餅的質量令人失望，口感過於實，像是超市購買的廉價產品，完全不合格。整體來說，越萊的菜品和服務都屬於一般水平，沒有特別突出的地方。如果只是想簡單吃一頓越南菜，這裡還算可以，但若是尋求更高品質的越南美食，一定需要另尋其他選擇。

我間中都會去光顧呢間食店，可惜今日遇到劣質男食客……我與他同坐單人面壁位，一排枱是由一條鐵貫穿作腳踏的。他一坐下來就開始䟴腳！！！他䟴了兩輪，我便跟他說：你䟴腳的話，會連我都感到震動……可惜他當我透明，刻意䟴大力啲，而且keep住䟴。天呀！我只好快啲食完離開😮‍💨離開之後，我問緊自己應否再去幫襯呢間食店……

今次呢個係講一講我哋食嘅晚餐。咁今次係約咗三個朋友去到佐敦呢個地方食嘢啦佐敦就餐廳林立好多餐廳可以揀嚟食嘅而最後我哋係揀咗呢一間叫做悅來嘅餐廳食我哋嘅dinner。咁我哋個晚餐係叫咗一個超值拼盤啊仲有雞扒肉碎煎蛋飯，仲有叫咗個炒咗個菜心同埋豆苗同埋每人叫咗嘢飲啦。一嚟到個拼盤望落都幾大盤嘅感覺唔錯食落味道正常OK而我哋個飯都係分返俾我哋幾個人返嚟食啦，味道唔錯，我記得當日嘅天氣好熱入邊冷氣好涼所以食落都算幾愉快嘅舒適嘅一邊嘅位唔多但我哋去到都唔使點等位就入到去啦咁個性價比都係中等揀係越南食都係一個唔錯選擇

夜晚嚟咗食晚 想食啲濕濕地嘅嘢手切牛柳河配菜心苗一碟我轉左檬粉 估唔到碗粉咁大碗啲粉好多 湯底都好好多連隻匙羹都好大隻湯底好清甜 好舒服嘅感覺 亦都好順口牛柳嘅份量幾多 食得出係新鮮手打 所以幾嫩滑半生熟嘅感覺幾好呢個餐仲配有菜心 菜嘅份量都幾多 擺埋落啲湯底都幾好好味好健康感覺三岐珍寶蝦仁春卷 春卷好大條出邊嘅炸皮好大碌 入邊木耳絲 蝦仁 🍤配合美味嘅醬汁同埋生菜 包住嚟食幾好味金橘梳打 好大杯 呢個仲有其他飯類同埋唔同組合嘅粉面

今日去咗廟街行街，諗住搵嘢食，點知比我睇中咗一間越南餐廳，食咗一個好豐富好滿足好好食嘅越南菜，入邊個餐牌好多選擇，一入門口都已經覺得餐廳裏面好友越南嘅風味，好有越南風格嘅裝修，於是上網搜尋，都見到好多客人推介呢一間話好好食，於是就入去試吓，點知真係好有驚喜，打開個餐牌，超級多選擇，一個係Samsung牛肉湯河粉，同埋我叫咗一個河內蝦仁米紙卷，我見到附近餐桌嘅人都點了這款食物，所以一時時，點知真係好好食，牛肉好彈牙，仲有個湯底一定要選擇係牛骨湯，味道好濃郁，加埋個河粉浸咗，真係朔晒啲汁，好好食，仲有叫咗個紅豆冰，真係好好飲啊，紅豆都好多，睇得出廚師真係好有心思呀，而且呢度嘅豬軟骨都係柔軟又爽口，真係牛肉湯麵嘅首選啦，真係一路讚一路覺得好好食，超級專業水準

Tea set with banh mi sandwich with Vietnamese pork sausage. Asked for no mayo (English and Cantonese) very clearly. 10 minutes later (only 1 other customer at the time) sandwich arrived dripping with mayo. Sent it back. After another 10 minutes a new sandwich was served minus mayo. Sandwich was prepared on a local sweet roll not traditional baguette. I suppose they really needed that mayonnaise because the rest of the sandwich had almost no taste besides too much salt. Included appetizer was min

今日好開心去咗佐敦站行街，見有啲肚餓，想搵附近餐廳食飯，咁多搵到一間質素較高嘅餐廳，佢哋推介俾朋友呀，一食就愛上了，估唔到佐敦站附近都有一間咁高質素嘅越南菜，而且份量十足，價錢經濟實惠，真係好抵食呀，出面市區都搵唔到一間餐廳可以有咁高質素，我真係好推介佢哋嘅自選撈檬，因為好多餸菜選擇，尤其係豬頸肉真係好推介呀，湯底又有濃郁嘅牛骨湯味，仲有豬頸肉大大件，即叫即整，好新鮮，肉質鮮嫩，真係頂呱呱，而且佢哋嘅自選湯河都好好食，尤其是河粉真係好好食，湯底濃郁，而且有牛腩選擇，揀咗個牛腩份量好多，超級多肉，真係好好食呀，而且服務質素好高，衛生程度都好好，空間好大，坐得好書房，服務侍應都好主動，有笑容有親切感，有賓至如歸的感覺😘😘💗💗

去越南前係香港食返餐港式越南菜先～ 紅酒燴牛尾鍋配飯 78 加蒜蓉包 18去過越南先知原來好多越南菜口味都偏甜 同香港味道都幾相似。牛尾炆得軟腍 非常入味 仲有唔少蔬菜 甜甜酸酸咁 好好味。蒜蓉包本應得兩塊 但店家話整多咗送多兩塊畀我 人真好。麵包軟熟 不會烤得過硬 剛剛好😋 西貢馬拉盞炒通菜 32可能係越南地區 口味不同 同想像中和平時食開嘅馬拉盞有啲唔同。沒有太多辣味 都係淡淡甜甜的。 咸檸可樂 +15咸檸檬芝自家醃製 畀起咸檸7 我更喜歡咸檸樂。餐廳服務週到 態度親切 會再回頭👍💖

本身同媽媽夜晚去廟街夜市行下，點知就咩都冇食到，反而去左廟街嘅依間越南餐廳，食左個好滿足嘅晚餐。順化香辣河粉好豐富嘅湯麵，有肉碎扎肉牛丸牛𦟌蘿蔔。特別鍾意牛丸，牛丸食落彈牙多汁。每樣嘅份量都好多。我選擇咗河粉，河粉屬於比較幼身嘅，索晒啲湯，每啖食落去都食到香辣嘅湯。附上檸檬辣椒同香葉芽菜，我將全部都加晒落湯入邊，鍾意酸酸哋嘅感覺很開胃。辣度嚟講我覺得很可以接受，唔算好辣。另外附送咗菜心苗，啱晒成日外出食飯嘅人，食多啲菜更健康。湯麵仲可免費加熱菜蜜。三式滋味雞肉撈檬撈檬超級豐富大份嘅撈檬，有好多餸，每樣份量都超級多。而且每一樣餸都做得好好，質素好高。雞髀嫩滑帶少甜味，雞翼炸到好香脆，烤豬肉香茅味濃郁。倒埋撈檬汁落去檬粉到，開胃消暑。非常推薦比三心兩意嘅人食，可以一次過試哂多款餸。加15蚊配紅豆冰，紅豆份量多而且香甜，而且飲落椰味香濃。

我一直都好鍾意食越南嘢，今日走到嚟呢間越南舖頭係因為見到間舖頭入面裝修好越南風格然後上網睇間食評都唔錯，所以就入咗嚟一入門口已經覺得自己好似身處咗喺越南入面咁，打開個Menu睇，覺得好多嘢食，唔知點樣揀好之後我就揀咗兩個主食，一個係三餸牛肉湯檬，同埋一個河內蝦仁米紙卷，拼多個雞湯浸蘿蔔想講呢間餐廳入面嘅牛肉湯同雞湯都非常出色，特別係個牛肉湯就一路食一路飲，本身叫咗杯熱菜蜜都飲少咗因為真係好好味牛肉味好濃郁米紙卷亦都非常好食，個蝦仁好爽，入邊啲粉絲都好有味，食到好飽。見到間餐廳去到夜晚九點都仲好多人來食宵夜，就知道間餐廳都好受歡迎非常推薦

今日去到越萊Pho Bo，首選佢哋嘅"越萊精選火車頭"，份量正正，勁滿足！湯底清新得黎帶點甘香，生牛肉滑溜溜，豬軟骨又軟又爽口，簡直係牛肉湯面中嘅勁選！同盤友一齊share，仲一路扒飯一路讚好食，真係滿足！嗌咗個"沙沙汁魚柳包"，香脆得來又唔會太膩，魚柳鮮嫩多汁，包裝嘅沙拉清新，個個咬落去都攞嚟開心🥳。食法簡單直接，但味道絕對唔簡單！而家呢個"照燒雞扒豬頸肉撈檬"都係另一個highlight😲。料足味美，又係份量十足嘅好選擇！撈起嗰刻，鮮艷嘅蔬菜搶眼，但食落最正嘅，係嗰股燒香味同肉嘅嫩滑！嘆埋杯"熱柑桔蜜"🍵，清新滋味中仲帶啲細細嘅甜味，完美滿足番個胃！食嘢experience好正，充滿咗傳統越南色彩，會令你想再番嚟一試！好正！好正！好抵食！

今日同朋友放假，去咗佐敦廟街行街，經過一間越南餐廳，就試吓去聲，因為見到個招牌好靚，入邊裝修企理，衛生程度唔錯，所以就吸引咗，就去試吓，然後發現呢度嘅牛湯河真係好好食，專業水準，一定要推介啲朋友食啊，呢度我每次嚟到都見到有例牌自選兩餸，或三餸湯河飯，佢哋一定要叫招牌牛肉湯，因為個湯底真係有好重嘅牛骨龍汁湯，非常好味，而且佢哋嘅湯底都係清甜不油膩，非常之暖位啊，冬天食左成知人都暖笠笠，飲完都唔會非常口渴啊，而且加埋河粉，真係好好食呀，而且份量十足，真係好抵食呀，而且佢都有唔同嘅配料選擇，有蘿蔔，娃娃菜，手撕雞，牛腩，仲有牛油，仲有佢哋嘅豬頸肉都好好食㗎，加埋蜜糖醬，甜甜地，真係好好食呀，而且入邊嘅服務非常好， 侍應全部都好主動同埋好親切，所以我覺得真係加分啦