越風味地道越南料理

营业中

休息中

油麻地的食店一直也很多選擇，今天工作需要剛剛好在附近有午膳機會，便找到這間越南餐廳，在這裡進食了一頓不錯的午餐。店內的環境座位也很闊落且空間感大，整體坐得舒適。店員亦有禮相待，盡量滿足需要。蝦餅撈檬這道蝦餅以新鮮肥美的蝦肉製成,標明為手打蝦餅，口感紮實，蝦肉味突出。配上酸酸甜甜的醬汁很開胃且不會過分油膩，讓味蕾盡興嚐遍。撈檬加上酸甜汁和各種蔬菜配菜，爽口和清新，檬粉更是煙韌有咬口，一點也不過淋。整體份量亦很充足，食完會很飽足。凍越式咖啡這款凍越式咖啡清爽怡人,香氣濃郁迷人。咖啡的醇厚滑潤與冰鎮的清涼相輔相成,咖啡味道濃郁，亦很有越式的甜味。令人難忘的是其滑順口感,以及那股韻味十足的咖啡香氣。為午餐畫上很舒適的句號。

晚餐諗唔到食乜，所以上OpenRice睇吓附近有乜食，見到呢間越式菜評價好高，所以入咗去。所揀嘅嘢都係大家熱門推介嘅。鮮茄蟹肉湯"Banh Da"粉, 真係第一次食，之前從來聽都未聽過。有蟹肉嘅鮮味同非常香濃嘅茄味，所有配料都非常之精緻，仲有軟殼蟹腳一件。未食過嘅，點都要試吓。不過今日好熱，未感受到佢嘅精髓。豬頸肉撈檬嘅炸豬頸肉都算冇得輸，粉紅色嘅豬頸肉非常嫩滑，外面炸得香脆可口。因為天氣熱，所以想食撈檬。但係呢碗撈檬加埋個汁，都係有暖暖哋嘅感覺，做唔到解暑嘅效果。檬粉嘅質地有啲似米粉。如果花生同乾蒜片多啲就好啦。牛油果沙冰係大家推薦嘅，而我又好鍾意牛油果，所以一定要試。牛油果味都算唔錯，最好嘅地方係非常之滑。不過可能因為平日飲開更多更好嘅牛油果飲品，呢杯嘢唔算突出。同埋天氣好熱，作為一杯沙冰佢唔夠凍。可能落去嘅時間比較多人（晚上7:30）、坐得唔算好舒服。張枱好細，好迫。

係旺角做完yoga朋友話想食Pho 落勁大雨我地又唔想周圍行之際見到呢間餐廳唔洗加一就決定試下啦!鋪頭裝潢以綠色為主 牆上面仲掛咗d斗笠作裝飾 好有越南風味 老闆好熱情咁介紹我地食d咩 枱面仲有3款醬料可以自行添加手打墨魚餅撈檬手打嘅墨魚餅炸過肉質好彈牙 而且食得出一粒粒嘅墨魚 店員仲上咗一細碟泰式辣醬比我地點 檬粉上面鋪滿咗生菜 青瓜絲同蘿蔔絲 再撈埋酸甜汁食酸酸甜甜咁好開胃香茅豬頸肉湯河湯底好香好濃牛肉味 有少少胡椒粉作調味 河粉軟身得嚟唔會一夾就爛 豬頸肉煎過油脂味好香仲帶點香茅味蒜蓉牛油雞翼 (4隻)炸到金黃色嘅雞翼外皮好脆口 大大隻雞肉又唔會柴 牛油味好香 加埋蒜蓉仲惹味落雨天涼涼地廢事飲凍野我地就嗌咗熱阿華田同熱檸檬茶

今日去朗豪坊買d野 走嘅時候諗住搵間嘢食，行行吓就見到呢間🇻🇳越風味！店舖裝修為綠色主調，乾淨企理！同埋好耐好食過越南嘢啦🤭所以就入咗去試吓～一坐低店員超細心推介店舖美食😍服務非常好🥰.香茅豬扒湯河 $58大大碗，個湯非常濃郁惹味！豬扒份量好多，而且入口軟嫩，另外配上青檸及辣椒可自行添加.芒果軟殼蟹米紙卷 $68配料非常豐富 相當足料！薄薄一層米紙包住芒果及軟殼蟹，利用芒果嘅酸甜中和軟殼蟹嘅油膩感，內裏再配搭上蘿蔔絲、爽脆青瓜及新鮮生菜，味道非常fresh ！一口咬下去超滿足～.香茅雞中翼 $52雞翼非常香脆，大大隻，而且好香香茅味！雞肉又嫩又滑！真係食唔停口～.自家煲椰汁珍多冰 $22好香好濃郁嘅椰子味！而且椰汁唔會太甜，啱晒唔鍾意咁甜嘅我🤭

全日堂食免加一 外賣自取八折而家真係買少見少 超級抵食✔️·咖喱軟殼蟹飯🦀改 蒜蓉包三件 $100咸香酥脆既軟殼蟹 外殼炸到金黃香脆成隻手掌咁大隻 夠晒足料蒜蓉包金黃酥脆 香氣四溢咖喱辣度啱啱好 唔會太辣又好惹味仲有啲薯仔喺入邊 令口感更豐富三樣加埋一齊食 簡直就係食唔停口🔥·芒果沙冰🥭 $38夏日消暑良物！新鮮即打而成 真材實料 芒果味超級香濃好似食緊成個芒果咁沙冰亦都打得好細滑 透心涼👅·📍越風味地道越南料理 (旺角)旺角砵蘭街108號地舖

5/6/2024📍越風味地道越南料理呢間越南餐廳係OpenRice 好多好評 價錢又幾平 又近地鐵站 收工嚟食都幾方便⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨芒果軟殼蟹米紙卷（$68）一條米紙卷切開咗4嚿 入面塞滿咗米粉、芒果、軟殼蟹、生菜 🥬一啖咬落去啲饀多到跌晒出嚟 外皮好煙韌 要比啲力先咬得開但整體嘅味道太淡 芒果唔夠多唔夠甜 要點埋另外嘅汁先夠味 個汁其實就係撈檬嘅汁😂而且入面嘅米粉都佔咗一半 所以食撈檬仲好軟殼蟹都無咩蟹味 無咩特別✨鮮茄蟹肉湯Banh Da粉（$82）Banh Da粉有啲似薄身嘅河粉 都幾掛湯嘅湯底雖然蟹味唔係好出 但番茄味好濃 鍾意番茄湯嘅朋友都應該收貨嘅配料有豆卜、扎肉、軟殼蟹、蝦、豬肉卷 好足料👍🏻麵底都幾多 食晒真係好飽✨手打墨魚餅撈檬（$68）墨魚餅得兩塊（定係一開二叫4塊🥹？）分量真心太少 但係真材實料 食得出粒粒墨魚肉🦑檬粉就正正常常啦 都幾大份 有成jar 汁係隔離任撈唔嬲😂✨鮮榨牛油果沙冰（$38）牛油果打成沙冰之後好fresh 口感好creamy 甜度啱啱好 啱晒食完啲濃味野之後飲🤤⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋兩個人食咗$2

估唔到正宗地道越南菜，平平哋$300都唔洗就食到啦😆1️⃣F02 越式牛肉法包🥖（💰62)法包外脆內軟，啲餡非常之多，有牛肉、青瓜、蘿蔔絲同芫茜。味道juicy得濟又好fresh😍P.S. 雖然我係反茜人士🤥，但好彩芫茜冇乜存在感😂如果有同我一樣嘅反茜人士，相信唔小心唔記得叫走茜嘅都可以接受😂2️⃣B10手打墨魚餅撈檬(💰68)廚師好細心幫我哋將墨魚餅切成一條條，墨魚餅嘅口感好彈牙，另外上菜個陣都額外另上咗泰式辣醬比我哋點。檬粉份量十足。整體嚟講呢項主食，酸酸甜甜夠哂開胃👍3️⃣鮮榨牛油果沙冰🍧（💰38）好誇張但真心，真係我飲過最好飲嘅牛油果沙冰😍飲落完全冇冰粒又好夠凍，既有椰奶嘅香又有牛油果嘅香濃，同行唔食牛油果嘅朋友都表示好好飲🫣4️⃣珍寶火車頭湯河（💰88）個湯好清，白蘿蔔清甜多汁、牛𦟌片肥瘦適中、Q彈爽口、牛丸彈牙，都唔錯👍老闆會虛心逐枱逐枱問下客人覺得味道點，好有誠意👍佢走嚟同我哋講：唔好意思，我見到杯牛油果沙冰應該打得勁得濟，口感可能冇咁好…第一下我哋真係嚇親😹，不過之後反應到我哋都異口同聲表示覺得杯沙冰好好飲🫶🏻咁多樣入面個法包同沙冰真係令我哋最念念不忘😻下次經過應該會快快手外賣呢兩樣嘢

首訪位於旺角的「越風味地道越南料理 」菜式選擇豐富，價錢合理，下午茶更低至 $36 有交易；老闆會主動詢問客人意見，希望可以做得更好，最近餐廳聘請新一班正宗越南師傅坐陣，於是相約朋友再訪----------🔹香茅豬頸肉 $68豬頸肉切得大片，燒至金黃；口感爽脆肉嫩有彈性，有入口即化之感，肉味濃郁，相比平日吃到的油份偏低，吃到醇香的香茅味道，蘸上酸辣醬更能解微膩，出色！美味指數：9/10----------🔹越式生菜包 $88豬肉份量充足，加入香茅、紫洋蔥、芫荽、紅椒、蔥花及魚露等配料及調味鹹辣平衡而調味適中，豬肉肥瘦各半充滿豬肉油香，配搭生菜同吃非常滿足！美味指數：9.5/10----------🔹咖喱虎頭蝦煲 (4隻) $138擺盤用心，加入紫洋蔥、三色椒、馬鈴薯及蔥花等先將大蝦沾上粉漿再輕炸，做法獨特；蝦肉肥大肉厚，緊緻輕彈帶有蝦鮮；咖喱汁偏濃稠，香辣濃郁不過鹹，配以白飯、薄餅或蒜蓉包皆一流美味指數：8/10----------🔹鮮茄蟹肉扎肉湯檬 $78以特大碗呈上，份量足夠二人享用材料有番茄、香葉豬肉卷、蝦丸、大蝦、扎肉、肉碎及芽菜等，更以小碟附上軟殼蟹番茄湯酸甜有致，茄香豐富；

👧🏻😋👅🍽✨為牛油果沙冰再訪 食物依然出色🙌🏻-🇻🇳 天氣熱最想飲大大杯凍飲, 之前飲過呢度鮮榨牛油果沙冰真係念念不忘🇻🇳 親力親為既老闆係門口招呼: 「堂食免加一, 外賣八折, 平靚正」係真事! 仲同各枱客人攀談, 好有人情味小店既感覺😆-🍤越風味小食拼盤 $118💯春卷, 蒸粉包, 蝦餅, 墨魚餅, 扎肉全部都好好食, 春卷太出色, 肉同菜比例岩岩好, 肉香唔太油, 春卷皮脆卜卜! 💯蝦餅墨魚餅都係金黃酥脆, 足料彈牙; 蒸粉包好少見, 餡同春卷類似但用粉皮包冇咁熱氣, 仲更juicy-🦐 芝士蝦多士 $45✨鋪滿芝麻炸得透, 脆脆多士中間夾住厚厚蝦膠同軟心芝士, 邪惡又愛不釋口-🍅 鮮茄蟹肉扎肉湯檬 $78💯個湯比較稀但都掛到汁, 勝在足料, 有炸蟹肉, 蝦仁, 春卷, 扎肉等等, 仲有肉碎, 個湯幾鮮甜-🍳 豬頸肉太陽蛋飯 $68✨豬頸肉夠油香肉爽唔柴, 配蔥油惹味, 再撈埋太陽蛋汁一流; 稍嫌白飯太乾仲可以撈番茄湯做湯飯, 兩餸三食😎-🥑 鮮榨牛油果沙冰 $38💯香滑飲落完全冇冰粒冰碎但又好夠凍, 濃到好似打左十個牛油果落去咁, 唔可以唔叫‼️-🥭 椰汁芒果西米露 $28 ✨飲

［📍旺角｜越風味地道越南料理］呢排天氣濕漉漉 放工就想揾啲清新啲既野黎食下係旺角見到呢間越南餐廳 感覺好受街坊歡迎加上老闆亦都好熱情係門口介紹食物款式於是就決定入去試試佢～雖然係平日 但餐廳依然非常熱鬧 好受街坊歡迎餐廳環境好光猛 枱面餐具乾淨企理 坐落都好舒服今次黎到 分別叫左三款主食同一款小食 🍅 鮮茄蟹肉湯"Banh Da”粉見到餐牌有個手指公表示招牌菜同時 又好好奇咩係"Banh Da”粉 就嗌左碗黎試下"Banh Da”粉外型有啲似我地食魚蛋粉既粗麵但質地偏向滑身啲 加上佢用糙米製成 所以顏色偏向淡黃淡黃色鮮茄蟹肉湯底非常濃郁 眼見好多蕃茄肉 而且飲得出好明顯既蟹肉味 喜歡蕃茄湯既你 一定要試下呢碗粉非常足料 有蟹腳 大蝦 香葉燒肉 扎肉 蝦滑 豆卜 非常足料 而且麵底本身都唔少 食完非常夠飽啊🐷 香茅豬扒湯河食PHO最重要當然係個湯底呢到既湯底清甜清徹 有淡淡既牛骨香味一啖接一啖都唔會覺得有味精而口乾香茅豬扒煎得好香脆 除左有淡淡既香茅味醃味亦都唔會太鹹 啖啖肉 無野挑剔🐮 咖喱牛腩飯 （轉配蒜茸包）聽老闆介紹 咖喱係佢地既招牌菜 咁當然要試試佢 咖喱質地濃厚 配飯/包岩岩

餐廳環境裝修幾有越南特色，牆上掛了一啲越南畫作，燈光鮮明，座位闊落，亦有梳化位，坐得幾舒服👍🏻每張枱設有唔同醬料及醬油碟，可以自由添加餐牌選擇唔少，有越南河粉、越式法包、米紙卷等等，大家可以揀套餐或者單點都得~鮮茄蟹肉扎肉湯檬 $78好大碗好足料🥰🥰未食已經聞到好香蕃茄味，湯底濃得黎又唔會太咸，扎肉同蟹肉都好好食~牛油果軟殼蟹米紙卷 $68推薦😍😍😍！一共有4件，軟殼蟹好大隻，又香又脆，牛油果好新鮮，米紙厚薄適中，點配醬料一齊食，酸酸甜甜，正！芝士蝦多士 $45一共有4塊，多士烤得好香脆，上面仲有粒粒芝麻，入面嘅蝦仁好甜，芝士好多，意外地幾好食，又唔會太膩，唔錯~凍檸檬茶 $9好大杯，茶同檸檬比例啱啱好~

風味地道越南料理旺角砵蘭街108號地舖油麻地站A1出口 旺角朗豪坊行幾分鐘就到午餐供應時間到下午5點半仲有熱飲送凍飲加$3小食拼盤$118春卷炸到脆卜卜餡料係蔬菜點魚露非常美味越式粉包白雪雪脹卜卜咬開滿滿蔬菜餡墨魚餅有啖啖墨魚粒好有質感蝦餅蝦味濃點泰式辣醬非常惹味越式蕃茄蟹肉粉$68蕃茄湯加左茄膏非常香濃蟹棒炸完再放湯保持形狀得黎又索滿湯汁扎肉 調味夠濃，肉質好滑粉好有咬口重頭戲越式火車頭湯河$78湯河滑嘟嘟湯底係看似清湯，實則濃味的牛骨湯飲落好舒喉生牛肉肉質靚牛𦟌片都軟身唔會過火牛丸夠彈牙，好似乒乓波職員服務好，老闆又親和

A heart-warming and rare authentic Vietnamese high-quality restaurant with free 10% off all-day takeout and 20% off😳 🍅 Fresh eggplant and crab meat bank noodle 82 Highly recommended! So good, so good, so good. The tomato soup is so thick. The tomato soup is so thick. The tomato soup is so thick! In addition to the real crab, there is also my favorite crab paste. Other toppings include pork rolls and shrimp balls. It’s so chewy 🍛 Curry pork chop with rice and garlic buns 62+18 The curry is delici

越風味地道越南料理旺角砵蘭街108號地舖坐港鐵油麻地A1出口， 約行三分鐘環境不錯，店員態度友善，帶笑容與交人溝通😊河來生牛肉湯河 湯底清甜美味生牛肉放在上面再加上配料😋 咬入口的生牛肉厚度剛剛好煙煙靭靭，感受到河粉滑漏，放入口好滿足! 軟殼蟹撈檬軟殼蟹切開一半，柔軟的蟹肉和蟹膏😋檬粉非常清爽加上調味配料放入酸汁很合客人口味，一口氣食完檬粉，好舒服😄 自家煲椰汁紅豆冰煙煙韌韌紅豆沙再加入椰汁，飲落喉嚨好舒服!越風味咖啡沙冰好濃越風咖啡味，吸入沙冰甜味剛剛好，飲入口好清涼舒服!

記得好耐之前Duck哥🦆同阿仔嚟食過一次，記得當時餐廳老闆👨會主動同客人傾偈，問佢地意見，睇得出佢地係有心去做好間餐廳💯。今日咁啱又同阿仔經過，又見到餐廳老闆👨，佢同Duck哥🦆講，啱啱換哂啲廚師👨‍🍳，叫我入去食下，咁我就同阿仔再食多次🥰。珍寶火車頭湯河 $88非常足料，除咗有生牛肉、牛丸之外，仲有牛，札肉和蘿蔔，不得不提個湯底😍，有夠香又夠濃，但又唔會蓋過材料嘅味道🤤。越風味小食拼盤 $118墨魚餅🦑，蝦餅🦐，春卷表面炸得非常香脆，墨魚餅同蝦餅有食材本身嘅香濃味道，肉質彈牙😍。春卷同蒸粉包同樣餡料豐富飽滿。扎肉帶有淡淡嘅猪肉🐖香味，樣樣都好食😋！咖哩軟殼蟹飯 $82 (飯 轉 3件蒜蓉包 +$18)軟殼蟹🦀炸得香脆乾身🥰，裏面保持鮮味濕潤😋。最正係個咖哩，味道又香又濃🥰，蘸埋蒜蓉包一齊食，好味道到不得之了😋。芒果軟殼蟹米紙卷 $68一共有4️⃣件，用薄薄嘅米紙包住新鮮香甜嘅芒果🥭，正好中和了軟殼蟹🦀嘅油膩。鮮榨牛油果沙冰 $38由於係即榨，所以牛油果🥑味特別重，重點係唔太甜，沙冰夠綿滑，好飲🥰。新鮮椰青 $38阿仔就叫咗個椰青🥥，味道清甜，解渴一流😋。都話老闆用心經營，係餐