越風味地道越南料理

营业中

休息中

今晚突然好想食越南嘢喺旺角揀咗間越南小店餐廳食飯！裝修比較平民，起初都冇咩期望😂點知原來係臥虎藏龍（少少誇張）😂我哋叫咗*珍寶火車頭湯河*送菜嘅速度好快，落單冇2分鐘就到左！好大碗啊，有生牛肉有牛丸有扎肉有牛腱，超級滿足！我哋仲叫咗幾款小食！去親越南餐廳我都會食酸辣鳳爪！呢度個份量超多，都只係$68！勁抵食！同埋我哋叫咗個*蒜蓉牛油雞翼*雞翼勁大隻！同埋蒜蓉牛油味都好足！鍾意食香口嘢嘅人一定好鍾意我哋再叫咗個墨魚餅！超彈牙好好味！唔係一般餐廳食到嗰種質感！呢間餐廳最推介就係呢個墨魚餅！我哋叫咗潘菠蘿沙冰！佢打得好綿，同好滑！真係用新鮮菠蘿打成既！呢度雖然係小店，但侍應嘅服務都好好，同埋送菜嘅速度非常快！唔會俾連鎖店輸蝕，所以都值得推介俾大家！

越風味地道越南料理位於旺角砵蘭街108號地舖，這間餐廳的位置很近地鐵站，係油麻地地鐵站行幾分鐘就到。****************食物🥗****************咖喱豬扒飯 $62🩷這個咖喱豬扒飯的豬扒質感好煙韌，也不會很硬，另外，這個飯的咖喱汁好好味，用嚟撈飯一流。推介指數：9/10雙色扎肉撈檬 $58🩷這個雙色扎肉撈檬好大碗，裏面有好多檬粉、扎肉同埋蔬菜，加埋香香的甜酸汁，令到這個撈檬的味道很滋味。推介指數：9/10越式串燒豬肉(3串) $58🩷這個越式串燒豬肉也很大份，每一寸豬肉都啖啖肉，肉質很肥美，加埋越式咖喱汁，味道好惹味。推介指數：9/10越式青木瓜沙律 $52🩷這個越式青木瓜沙律做前菜一流，因為這個菜式的味道酸酸辣辣，很適合做開胃菜。推介指數：8/10越式蒜蓉包(4件) $32🩷這個越式蒜蓉包整到出嚟熱辣辣的，蒜蓉包面頭充滿蒜蓉，而且，麵包的質感是脆脆的。推介指數：8/10****************飲品🧊🍹****************自家煲椰汁綠豆冰 (凍）$22🩷這個椰汁綠豆冰的味道整得不錯，很有綠豆味，亦不會太甜，食到底下有好多粒綠豆，綠豆的質感剛

路過餐廳聽到老闆話晚市唔洗加一，仲要係越南人主理而吸引咗入來試下，試咗兩款主食同小食都覺得味道唔錯，應該都會encore嘅！但最令人印象深刻的是佢嘅飲品，超好飲wor主食叫咗火車頭湯河同埋比較特別嘅蟹湯番茄banh da粉。火車頭平時就經常食，依間嘅火車頭表現都ok的，湯底幾鮮甜，各種配料份量唔吝嗇，算係正宗嘅。Banh Da粉我係第一次食，口感有啲似香港嘅粗麵，幾特別嘅，會吸收咗湯底既味道。小食叫咗鳳爪和米紙卷，份量都唔少。鳳爪我很喜歡，口感爽脆之餘調味辣辣地很開胃。米紙卷感覺上就好健康，除咗蝦之外仲有好多唔同嘅蔬菜喺入面，口感清新解膩，只係我唔鍾意食香料味，因此略嫌佢香草氣味有啲重。飲品真係出乎預料嘅好，芒果沙冰非常幼滑，奶香同芒果味平衡得非常好！而且飲得出係新鮮芒果製作，冇落香精。椰青都好新鮮，足夠甜度！

今天我和老公都不想煮飯，晚上到了旺角搵食！之前行過這間越南的餐廳（越風味地道越南料理）一直很想試，今天終於有機會試了。我們點了以下的食物。珍寶火車頭湯河：這個珍寶火車頭湯河，先談湯底，味道很清甜，每一啖都是越南風味！配料也多元化，有牛丸、牛展、生熟牛肉，果然是名副其實的珍寶！我特別欣賞生牛肉，用熱呼呼的湯底浸至半生熟，一放進口就吃到鮮嫩且有牛味的鮮牛！老公讚不絕口！咖喱軟殼蟹煲：咖喱很Creamy，不會水汪汪，味道很濃郁，送飯一流！軟殼蟹很厚很大隻，新鮮炸起十分酥脆，沾上濃郁的咖喱汁，很惹味呢！越風味小食拼盤：拼盤當中，我最欣賞蝦餅！蝦餅的肉質很彈牙，吃得出是用新鮮的蝦製成，啖啖蝦肉，無得頂！越式春卷很足料，炸得很香脆，甘筍絲、木耳絲、粉絲等，都是我最愛的材料。滿足的一頓晚餐😍

平日晚上食左間性價比高嘅越南菜餐廳。餐喺砵蘭街，非常就腳- 香茅豬扒湯河 大大碗，賣相唔錯。香茅豬扒分開上，豬扒新鮮煎起，金黃香脆，淡淡香茅味，豬扒肉質都唔錯，唔會太乾。湯河湯底清，食落好舒服，河粉爽口。越風味豪華大拼盤，一次過可以試唔同嘅小食，份量都好大份，啱哂幾個人分享。軟殼蟹米紙卷，米紙煙韌有咬口，包住香脆嘅軟殼蟹，青瓜，生菜同粉絲。食落清新又有層次感。墨魚餅 望得出 食得到嘅足料，咬落彈牙，食到粒粒墨魚粒，非常爽脆，仲有d鮮味。蝦餅 香煎至金黃色，外皮超脆。同樣好彈牙，配埋泰式辣醬，香口惹味。魚餅 配上蔥花，魚肉味更出，面且食落有骨，值得一讚。越式春卷 肉碎，雲耳絲，蘿蔔絲，煎至外皮香脆。咬落有各種香氣，而且肉碎份量剛好，整體唔會覺得油膩，恰到好處。香葉肉卷，香葉有種獨特嘅香味，包住豬肉餡料，雖然未必個個人會鐘意，但都不仿一試。飲品叫左一杯 凍越風味滴漏咖啡，咖啡味香濃，加上煉奶嘅甜滑，飲落啱啱好，唔會過甜。椰汁芒果西米露，朋友鐘意食甜野，佢就話好似飲緊杯甜品一樣，味道唔錯。店員態度親切，坐得又舒服，午餐，晚餐都係食飯好去處。

今天很想食越南河，以前幫襯那間已關門，唯有找另一間代替，在OpenRice 找到這間，讚賞人很多，中午時份到，座位多寬敞，侍應態度好，叫了一碗生牛肉河，本人不吃芫荽及生洋蔥，整體份量足夠，牛肉嫩，湯底也不錯，另包一杯熱飲，非常滿意。

餐廳嘅食物選擇好多，主打越式風味嘅菜式，同埋少量東南亞菜式，另外餐廳嘅員工老細對客人好友善，感覺好有人情味🥹但可能位於內街，人流唔算超級多，個人覺得呢個質素同價錢喺旺角都幾難搵🥲✨生牛肉湯檬粉 $58個人覺得性價比最高會係呢樣👀湯底味道適中，生牛肉片厚度啱啱好，唔會太薄冇口感，唔會太厚或者好鞋口😬而且大大件份量好良心🫶🏻✨芒果軟殼蟹米紙卷 $68米紙卷算係我喺越南嘢食入邊最鍾意嘅其中一樣🫶🏻採用咗較硬身嘅芒果，炸脆咗嘅軟殼蟹同埋一般米紙卷嘅配料，口感好有層次😋唯一係比較大嚿，所以食起上嚟會唔方便😹食下跌下，建議大家都係慢慢食✨馬拉盞炒通菜 $68通菜份量都幾大，揀咗少辣🉑炒得好惹味，但個人覺得如果大家平時有食開辣嘅話唔需要揀少辣👀✨蒜蓉牛油軟殼蟹 $78溫馨提示💡一定要趁熱食，凍咗得返六成好食🤧🥲蒜蓉牛油炸軟殼蟹，蟹肉算多！另外蒜蓉味唔算好重，反而牛油香比較出👍🏻新鮮炸起脆卜卜，連平時唔鍾意食海鮮嘅人都話好食✨🥹✨凍越式滴漏咖啡 $28未飲已經聞到咖啡味好香濃，杯嘅底部有煉奶，好有東南亞式地道風味✨芒果沙冰 $38芒果沙冰個人覺得好有驚喜！✨打得好幼細，完全唔會有冰粒🧊，質感非常細滑😋

今日喺旺角行完街經過見到呢間嘢做緊堂食免加一同外賣8折 睇餐牌見到本身都唔貴，所以就決定試吓！ 芒果軟殼蟹米紙卷$68呢個十分推薦❤️❤️❤️芒果🥭好好好甜！ 軟殼蟹真係有蟹 唔會得炸粉 👍🏻呢個價錢性價比高越式生菜包$88睇相片就知道大大碟 生菜都多，肉碎有得揀辣同唔辣 亦都有得揀辣度。可能係因為越式 所以同平時泰式嗰種味道有啲唔同 ，味道調得冇咁酸，肉味比較重。特級手切牛肉湯檬$86本身諗住揀普通生牛肉湯河 ，個姨姨介紹我哋手切牛肉！ 雖然價錢貴啲 ，但係真係冇介紹錯！ 牛肉超級林同軟， 亦都有牛味！ 上碟個刻真係生牛肉食前浸一浸就變咗熟啦！ 所以好嫩，冇渣 💯 同埋佢主打係牛骨湯底 個湯係清清地有牛骨味 唔太油膩❤️酸辣鳳爪$68鳳爪份量好多， 亦都係冇骨嘅！ 可以再辣d 🌶️ 椰青$38好甜好新鮮！ 椰肉仲好軟身！ 🥥 呢間餐廳好有人情味， 老闆走來問吓我哋好冇食，傾傾吓先知道原來佢嘅廚師全部都係越南人🇻🇳！ 所以嘢食好傳統！同埋呢間餐廳原來都好多越南人過嚟食 ，咁啱我哋隔籬枱就係一對越南夫婦！

我哋係旺角行行下街肚餓，見到呢間越南餐廳環境舒服同乾淨，餐牌又多選擇，決定食呢間。一入去，餐廳口員工好友善帶我哋坐低。我哋叫左餐牌推介之選:越南味豪華大拼盤，一上碟，見到個擺盤已經好吸引，超多款小食:軟殼蟹米卷、墨魚餅、蝦餅、魚餅、春卷、香葉肉卷，可以一次過試曬咁多款小食，每款都好足料、食材好新鮮，食到好滿足。珍寶火車頭湯河（1人用）可以一次過食到好多料，入面有牛肉、牛丸、牛腩、扎肉、蘿蔔等，湯底好清甜。豬頸肉撈檬嘅豬頸肉外脆內嫩，加埋撈檬一齊食，好夾。牛油果沙冰好好飲，每啖都飲到清香牛油果味，沙冰整得好綿滑，好解渴同清新，非常推介。總括而言，呢間餐廳性價比高，員工態度好，下次會再黎食。

呢間餐廳真係超正！價錢好親民，份量超多，食物真係好好味。而且佢哋嘅服務態度超好嘅，好友善又樂於助人。叔叔仲成日走嚟問我哋好唔好食😂係旺角嚟講價錢算平，叫咗個2人餐都食唔哂，埋單二百蚊左右，每人都係百幾蚊。同埋估唔到杯紅豆冰幾好飲，佢好重椰汁味，飲落都唔算好甜。個雞肉沙律配咗個芝麻蝦片幾好食，仲要入面可以話啲雞肉仲多過啲沙律，係香港嚟講真係幾難得，平時出去食通常都係成碟菜仲比幾舊雞肉就算。下次會再嚟食

系油麻地 行過朋友話想食越南菜。入去前擔心，呢個價錢，呢個地段，味道會唔會好一般。 心情有點忐忑入到去，員工好熱情而招呼親切，環境整潔，都加左分見到佢價錢幾平，叫左一個撈檬粉 一個牛肉湯檬粉 米紙卷 同埋 菜，本身唔諗住叫野飲。但係聽到佢地沙冰好好飲，又試下熱辣辣嘅牛肉湯檬粉是一個真正的味道和質感的放縱。牛肉湯底濃厚，咬上一片勁大嘅牛肉片，讓你在口中充滿了味道。檬粉系精細柔滑，增加了湯的質感，同時讓人感到充實和舒適。這些味道的組合，讓這個湯非常的舒適和滿足。呢個湯還可能包括一些新鮮材料，讓人更加喜歡這個湯底撈檬呢的，味道系好有保證。呢間餐廳，用料新鮮，檬粉在口中似綿綿的細繩，感覺非常輕盈，在嘴里還有一丝米粉的香。粉上用有新鲜嘅薄荷葉，百里香、迷迭香，令我的口腔充滿香氣和味道層次豐富，酸味同其他味道平衡，令口味更加濃郁，而烤豬頸肉的香味，令整个菜式更加好食。軟殼蟹米纸卷非常轻盈, 煙韌的, 味道好好! 那碗酸甜醬汁，加分！鮮豔綠色，加上黃色的青嫩芒果，翠綠青瓜绝对令人难以置信! 幾種材料糅合一齊，大咬一口發覺，味道和质感的爆炸! 每次咬過一口，都是驚喜。 軟殼蟹份量都好充足。馬拉盞通菜，

同朋友搵食，見到呢間越南菜好多好評，就一於過嚟試下嗌咗一個豬頸肉撈檬，一個香葉豬肉卷撈檬，一個雞絲湯檬，份量好大碗，之後再叫碟馬拉盞炒通菜+越式春卷，都好食😋👍🏻牛油果沙冰都好滑好綿，姐姐冇介紹錯👍🏻

眾所周知旺角多野食，有時想食清少少搵下啲粉面食，所以越南粉就係唔錯嘅選擇。咁岩比我發現係旺角砵蘭街個頭有間食越南野嘅餐廳，選擇多又唔貴。最抵食係下午茶添呀，不過今次我係lunch去食嘅😂同朋友一共叫左2個餐，一份係珍寶火車頭湯檬配鮮榨牛油果沙冰，另一份係生熟牛肉湯粉配滴漏咖啡。湯底係好濃嘅牛骨湯味，要一讚佢嘅牛油果沙冰，食得出係新鮮牛油果，又健康又好飲。另外好少餐廳會有滴漏咖啡，所以都好surprise到我哋，品質真係唔錯👍🏻另外，懶係健康嘅我哋仲叫左一份越式素沙律，又大份又開胃。今餐食得十分滿足

今早剛好經過依間越式小店，諗起好耐都未食過越南野，所以下就便訂枱食個下午茶。我哋二人點了兩個下午茶餐，一個雞絲撈檬$42，番茄蟹扎肉湯檬$52，另加小食一個炸軟殼蟹和墨魚餅。番茄蟹扎肉湯檬岀色👍🏻湯底鮮甜有蟹味下龍灣墨魚餅🦑爽口彈牙軟殼蟹唔知用乜煮，好有牛油香味👍🏻另外，職員有主動有禮，下單時亦會主動推介食物。總括依然：食物質素不錯，款式多，價錢實惠。職員親切，是一間會再來食嘅越南餐廳。

近排經常食日餐西餐，今次打算改試亞洲菜，係旺角路經見到老闆係門口介紹，就一於試試越南菜😍🥑牛油果軟殼蟹米紙卷 $68🙋🏻‍♂️好鐘意食米紙卷，呢個米紙卷大大舊，好足料，可惜個軟殼蟹食得出係預先炸定，食落去軟殼蟹硬谷谷，有啲失望🫠🦀鮮茄蟹肉湯"Banh Da" 粉 $82我哋見到呢個" Banh Da"粉第一次見就試一試，但係感覺上似河粉，湯底食得出係鮮茄湯蟹肉湯，不錯。有食客見到我哋嗌呢個粉，仲大聲同店員落order :「 我只係食依個餸！」🐄牛肉丸湯河 $58牛肉肉丸湯河就冇特別，湯底較鹹。🎋馬拉炒通菜 $68明火炒通菜，果然有鑊氣。🥥自家煲椰汁三色冰 $26椰汁香味十分平衡，十分開胃🥥自家煲椰汁珍多冰 $22後記：最後老細請我哋食咗一份豬頸肉，多汁嫩滑，有啲後悔冇叫，不過下次可以再去食，值得回頭。