趣意廚 (順景華庭)

营业中

休息中

平野邊有好嫁，平時日日都聽到呢句嘢。如果你咁諗，咁你就大錯特錯啦！唔小心經過呢間餐廳望到裡面幾多人，又平平地就膽粗粗試下！戴定頭盔先，唔好咁可要求～Pizza同飯餐大碟抵食雖然個雞皇飯無咩味，咁咪當清清地清下腸胃囉.至於個Pizza有6或9寸揀港式千島醬都唔差！仲想點呀有飯有pizza唔洗二百蚊兩條友食到咁飽仲想點！#好愛港餐廳 #支持黃店📍 趣意廚 (長沙灣)長沙灣順寧道483號順景華庭地下4號舖

今日決定試下屋企附近既西餐食pizza🙈一入去店員會幫每位顧客探熱 門口仲有一部3m消毒搓手液比客人用所有店員都有戴口罩 疫情又爆發第三波呢啲功夫真係要做足先得👍🏻今次4個人去食叫左一個pizza一個飯 兩個小食同4杯飲品上菜速度都幾快 唔會差唔多食完第一樣先上第二樣而且店員都幾細心 留意到客人既需要落單既時候仲會推介一啲比較平既選擇比我地今次小食係炸洋蔥圈同小食拼盤洋蔥圈既炸粉唔會好厚 但個人覺得如果可以咬落去有洋蔥既汁出黎個種新鮮感覺就非常好😂🙈小食拼盤有炸雞翼 春卷 咖哩角 同洋蔥圈啲野食都中規中矩唯一希望隔油個陣可以隔耐少少因為到我地食到尾既時候最後個一兩舊食物係有好多油然後就係焗海鮮飯 個飯都幾岩我地既口味 最快比我地清晒🙈不過我自己就中意個飯底乾身啲 可以試下用炒飯底👀 上面滿滿既一層汁再配下面乾身既飯💭諗下都覺得好食😋另外如果成個飯可以再熱啲就好喇🙆🏻‍♀️之後就係啖啖肉pizzaPizza正正常常 我自己就中意食普通批 芝心批既話就冇得頂🙈朋友就中意食薄批不過呢到冇得揀得普通批🙈飲品分別係凍薄荷朱古力 凍mocha 凍檸茶同熱檸檬柚子蜜薄荷朱古力上面有一層cream賣相幾

呢間西餐廳有好多選擇！Pizza啦、意粉啦、焗飯啦、炸雞啦、薯角啦... 價錢又親民抵食！🍕Pepperoni Lover Pizza係厚餅底，都幾鬆脆😋唔洗等好耐，都食到新鮮出爐熱辣辣嘅Pizza, 仲做到拉絲效果！打卡、味道兩者兼備Very good!!!🍕另外個細pizza 非常適合小朋友share, 細細個都可以食得哂～上面左下角係🍚海鮮焗飯因為有小朋友好肚餓，所以等唔切影相就開餐了😅 好味呀！醬汁夠creamy夠濃郁～ 下次再嚟可以試埋啲炸雞

長沙灣嘅趣意廚絕對係窮人恩物😂！呢度嘅一人餐全日供應，主菜連湯及小食最平四十零蚊有交易，性價比甚高。我揀咗成個 menu 最貴嘅拿破崙海鮮大蝦闊條麵，配忌廉湯同炸雞，加埋都只不過係五十零蚊，抵到冇朋友。忌廉湯雖然質感有啲似漿糊，但係㗳落有奶味，湯入面有粟米，面頭仲有脆麵包粒，而且好大碗，呢度加返少少分數。闊條麵用嘅係雜錦急凍海鮮，質素四平八穩，較為特別嘅係另外再落咗大隻啲嘅急凍蝦仁，於是成個麵入面有兩種蝦，誠意十足；醬汁方面，雖然呢度嘅拿破崙汁較類近普通蕃茄汁，但係味道正常，我絕對收貨。最後就係件炸雞，炸得香脆可口，啖啖肉，唔錯。值得一讚嘅係餐廳入面嘅餐具全部用膠袋獨立包裝，雖然唔太環保，但係感覺較為衛生，喺疫情仲未完全消退嘅當下，尤為重要。

呢度有pizza，炸雞，意粉，焗飯，湯，甜品⋯樣樣齊😍味道好價錢又親民！！仲有好多款小食！次次黎都好滿足！！今次四個人黎食，我哋散叫 (因為只有3人和5人餐~冇4人餐lol){Pizza}試過佢既pizza幾次，餅皮脆！味道好！仲要夠曬熱👍🏻😋😋{炸雞｝大大份，好脆有肉汁，但味道唔濃🍗{黑松露香蒜雞柳意粉}唔錯，意粉煮得岩岩好但黑松露味唔算好濃🆗{芝士肉醬焗薯條}好味😋夠脆同濃味溫馨提示：建議打電話留位哦～～因為都約多棒場客！

在疫情期間，門口依然不少人等位/等外賣/外賣速遞，受歡迎程度遠遠超越旁邊的Pizza Hut。因應現時外賣需求上升，餐廳亦特別推出外賣大胃YUKI推介優惠，價錢相當親民，難怪深受街坊歡迎。由於食物即點即製，等候時間需要15-20分鐘，但職員都不時主動跟進出菜進度，態度非常友善。基於政府規定，座位之間都擺放了易拉架隔開，另外所有人進入餐廳之前都需要探熱和清潔雙手，保證大家食得安心。堂食雖然沒有大胃YUKI推介優惠，但又全日超值一人套餐，價錢同樣優惠。套餐包括餐湯、主食和餐飲/蒜蓉包，價錢都是$50-$60左右，全日更免收加一。【招牌肉醬意粉】醬汁製作非常有誠意，新鮮番茄醬味道濃郁，略帶微酸，味道開胃不膩，還特意配上羅勒葉，惹味之餘層次更豐富。【歡笑樂園】歡笑樂園屬於傳統口味的薄餅，餡料包括青椒、洋蔥、蘑菇、辣肉腸和豬肉，非常豐富。薄餅即點即焗，雖然厚批但依然非常鬆軟，外皮保留香脆。【炸洋蔥圈配千島醬】洋蔥圈皮薄酥脆，加上洋蔥香甜，最適合配搭啤酒汽水！

//#黃店地圖系列間野叫：DK Pizza Cafe 趣意廚邊度黎：長沙灣順寧道483號順景華庭地下4號舖環境點：佈置帶有工業感 環境偏寧靜 店內仲有得夾糖 🌝：《終極整合》黃藍商戶地圖食店之一 85罷市▪All Day Set $447分一間西餐廳如果連醬意都整得唔好食 真心好打極有限 呢一兜味道都平衡得好好 甜中帶微酸 肉醬份量唔會多到食完成攤係底 意粉軟硬適中 檯面有tabasco任你落 個set仲可以配pizza/炸雞/烤雞/薯角 烤雞味道近似狂惹香燒雞 表層仲有pat雞醬 可惜有些少雪味.另一個set配左pizza 茄底足料 餅底有咬口 款式係店家每日隨心配搭的 跟餐咖啡香濃順口 以呢個價錢黎講 早午晚無時段限制 仲要係黃店 狠狠地懲罰乃例行公事

這間意式小店近街市盡頭，毗鄰是連鎖薄餅外賣店，本來不甚起眼，但午市都幾full，我們發現性價比高，環境ok，已連續兩天lunch在這裡解決。這裡的all day set有頗多選擇，意粉、螺絲粉、薄餅、沙律都有，跟set上的炸雞/薄餅也不錯。拿破崙茄汁豬柳焗飯 + 烤雞 $54焗飯很開胃，豐富多汁，烤雞好味唔乾唔嚡白汁呑拿魚蘑菇燴螺絲粉 + pizza $52一上枱我們以為這個size有點小，但原來剛剛好，白汁很香濃，雖然只有蘑菇和呑拿魚，但感覺豐富不停口食。環境ok，水自由斟有興趣來一試晚餐呢！

在平日下午時段, 長沙灣附近的餐廳都不少人, 因為附近有不少工商業大廈.這間西式餐廳門前放了午餐/下午茶餐精選, 很多選擇, 於是便入去試試, 店內有不少上班族.套餐可選紅/白湯, 再加熱飲, 吃完非常之飽有趣的是這家羅宋湯是甜的, 並不是一般罐頭那種, 很特別 Pizza和焗飯份量多, 而且味道不錯另外, Pizza是薄餅底, 新鮮熱辣辣出爐, 香脆可口, 平時不喜歡吃Pizza餅的朋友大可放心.

近排download咗個 ”和你Eat” app四圍揾野食，今日lunch就試吓依間趣意廚，原本都揾唔到，因原來個招牌係寫英文叫DK Pizza Cafe😂lunch set都有7、8款選擇，揀完主菜要揀炸雞/ pizza/ 烤雞/ 薯角做小食，再揀餐湯/餐飲，見隔離枱炸雞幾靚仔，就叫嚟試下🤓羅宋湯 (跟餐)> 熱辣辣，香噴噴> 味道幾濃蕃茄味，惹味得嚟又不會太酸==================推介指數 🌕🌕🌕🌘🌑炸雞 (跟餐)> 個樣幾靚仔，有啲似KFC> 新鮮熱辣，皮脆而不油不乾> 肉質鮮嫩多汁> 雞味較淡，鹹味亦略嫌不足==================推介指數 🌕🌕🌕🌗🌑肉醬意粉 $44> 肉醬份量慷慨，味道不俗，如加少少tabasco就一流> 意粉質感爽口，唔會好梅亦不會太硬，唔錯==================推介指數 🌕🌕🌕🌗🌑埋單時侍應話因未到12:30，所以有8折優惠，最後折咗先$36，嘩😱，原本$44都覺得幾抵食，依傢仲要$36蚊，係$36呀🤩，個lunch set係有餐湯小食主菜，仲要質素不

今日星期六難得媽咪沒有牌局，便帶她和2個姪女一行4人去屋企附近這間店食lunch。我地叫左一份All day set - 招牌肉醬意粉跟薯角，餐飲轉了鮮榨青檸汁梳打；香草烤雞焗飯；千島熱情pizza (6 吋) ; 炸洋蔥圈配千島醬。蘑菇忌廉湯 - 美味濃郁，加上2粒香脆麵包糠，味道不錯，只是比較杰招牌肉醬意粉 - 意粉夠煙韌，肉醬汁略酸，份量比較少香草烤雞焗飯 - 表面很多芝士和忌廉汁，雞肉肉質不過不失，不會焗到好乾身千島熱情pizza (6吋) - 配料有菠蘿，火腿，粟米，洋蔥；餅底不太厚，外脆內軟，十分鬆脆，芝士仲可以拉絲tim炸洋蔥圈(配千島醬) - 炸粉適中不太厚，配千島醬簡直一流，非常惹味鮮榨青檸汁梳打 - 味道偏酸 整體食物味道ok, 環境都舒適，價錢適中，週末食lunch或下午茶是一個不錯既選擇。

在附近工作一段日子，周邊許多餐廳都食過，偶然聽朋友介紹有pizza食。初到門口，人流唔多都怕中伏，不過到一點就突然間坐滿8-9成。Lunch menu 有好多配搭，意粉、通粉配小食（pizza, 雞翼等）我要雜菌長通粉加pizza加熱飲，都是48。雜菌長通粉用料十足，唔會得幾塊菇，係食極都仲有，芝士仲有拉絲，味道唔錯。pizza放了一陣先食都好脆，溫度仲好暖，唔似連鎖店一凍左變面包咁。餐廳是有質素，不過位置較遠，對食客黎講食飽可以坐一陣，唔怕急住走。

💛良心黃店💛係附近返學一直都有食開，原來係良心黃店，即刻用銀紙去懲罰佢午餐：一份主食、一份配菜、紅白湯或者飲品價錢～$45-55（1230前埋單/IVE學生都有優惠，唔記得85定9折）個人推介要試下佢地嘅炸雞同烤雞又嫩又多汁朋友推介佢地嘅凍Mocha，次次加錢都要飲佢

食過三次 貪佢靜靜地 同朋友傾計食飯就最岩食物都算唔錯 有1人 有2人 3人套餐散叫亦都可以 佢pizza有幾隻大細可以揀 小人食就可以叫細個d 可以叫多幾款野食ma唔洗好似d大集團咁叫一大個又食唔食又食唔到其他野咁同埋地方都闊落 bb車唔洗收都放到

環境係唔錯，設計得有啲似樓上酒吧咁，冷氣超級凍，可能當晚我地去時候人太少（全場加埋我地都係得2檯客，時間8點左右）有少少覺得唔滿意，係檯面餐兜入面冇刀，要去隔離檯拎，明明好多員工係度，都唔侵下啲餐具。仲有，檯面支辣椒醬已經用曬，但都照擺係度，唔知想話俾客人知員工太忙還是想俾客人知呢支辣椒醬只不過係擺設唔係拎黎用的。點左個pizza，超級厚，好似食緊麵包咁，裡面嘅菠蘿係罐頭菠蘿。吞拿魚螺絲粉，真係無敵鹹，齋食醬入面嘅粟米，都只係食到鹹味，連粟米本身嘅甜味都冇左⋯⋯白湯，似粉狀開出黎嘅湯，完全冇料得水，非常稀。唔知點解要入去食，最後買單325，一個9寸pizza，一個白湯，一份芝士炸雞（超級大件3件，係點嘅嘢食中唯一可以食到冇得剩嘅食物），一份小食（2條腸2粒丸，25蚊），一罐可樂，一杯芒果森林（即係沙冰，份量超級少，杯身苗條到唔知可以點形容），一份吞拿魚螺絲粉（最唔好食就係呢個，鹹到條li脷堅痛，感覺好似裂開左咁，而且只係食左一啖就有呢個效果了）300幾蚊食到咁多嘢，係抵嘅，不過唔好食幾平都唔會再去的，不可一不可再啊各位巴打絲打！！！