趣意廚 (順景華庭)

营业中

休息中

今日屋企有冇煮飯了，所以又出街食飯😂🙈🙈晚市來說，$47一個招牌肉醬義大利麵，加一份pizza，有杯凍飲，價錢合理！🙈不過留意反，肉醬意粉不是焗的，是薈意粉，味道偏向酸，不過都可以接受，份糧5算多，食埋個pizza岩岩好！😂今次個pizza真係幾好食，夠熱又夠脆，真係5錯😂😎至於環境裝修都算幾靚，晚市去食又5算太多人，5洗等位！餐廳仲有得用八達通付款，仲有得借尿袋，方便又貼心！😂😎🤘🏿

Lunch想食個快嘅Carbonara，就諗起呢間！佢係出名又快又平嘅餐廳，有個全日通行嘅All Day Set，有主食、小食同餐飲！去到先知卡邦尼係配焗飯，但又無得轉意粉，係我心入面，卡邦尼係同意粉先係perfect match，飯係唔可以代替！只怪我記錯！咁就叫個蘋果薯仔蜜桃沙律，蘋果係新鮮，但份量都比較少，佢片桃係一舊罐頭蜜桃開三片，有啲孤寒喔！呢個餐係比較貴，唔值呢個價位，其他意粉餐抵食啲！今次配粟米火腿pizza，味道唔錯，又夠熱同香口！正喔呢個價錢係好平，如果晚餐就仲抵，只不過沙律相對遜色！

今次朋友仔帶我去試新嘢，話平靚正喎！去到要等一陣位，望住餐牌企企先！呢個餐牌有主菜+小食(Pizza、雞脾或薯角)同餐湯或餐飲！叫左個肉醬意粉+ 菠蘿火腿Pizza(朋友嘅善意提醒係薯角好細份，無咁抵食) + 餐飲，只係$44！肉醬意粉到，份量唔算十分多，醬多味道都唔錯，撈均每條意粉都有肉醬！Pizza就得一款味道，食完意粉食仲feel到暖暖，入面有類似千島醬，配菠蘿火腿，感覺清新嘅！不過略嫌佢唔夠脆口，同店家將二人Pizza份量放係同一個碟，如果想用刀叉食就無咁方便！再配咖啡，唔係粉沖嘅！整體ok嘅，重點係只係$44唔收加一！

由於附近返工 所以好中意周圍搵野食😍 行行下見到呢間個餐牌幾抵食😋又多選擇所以入去 十二點午餐時間好多人 幾乎全場滿座 好彩我地早左入去😎 我地3個人叫左3個都係🍝意粉 長通粉 每個餐可以跟炸雞烤雞🐔 薯角🥔或者pizza🍕 非常抵呀 由於怕食唔哂所以冇叫pizza🍕 三個都叫左雞🐔🍗呢個好似叫做蒜香意粉 烤雞d雞比較咸 肉醬意粉好好味呀😭真心要叫呢個😍件件🍗雞都好大件 而且肉質好滑 好食過家鄉🐔呢個長通粉係芝士汁 食落酸酸地有d食唔慣😅店員聽到就同我地反映下 廚房試過味確定品質係冇問題 店員仲話如果我地真係食唔慣就幫我地換 唔想我地食得唔開心 好熱心好好service❤️ 不過我地最後都冇換呢間小店真心好高質 服務又好好 3個埋單$13x😍😍😍

店舖位置比較入, 但係都算易搵鋪頭唔大, 三五成群咁, 或者一家大細都適合望下餐牌, 選擇都算多當你心大心細時, 可以問職員有咩推介, 好細心店員推介飲品: 無酒精apple cider味道尚可然後上枱嘅係和風拼盤/小食拼盤因為人多, 我就只分到芝士年糕同洋蔥圈不過野食都係即炸, 好新鮮再嚟凱撒沙律, 酸酸甜甜, 醒胃重點: 乳酪芝士炸雞 (一心就係嚟試呢樣), 無諗過醬係自己落嘅, 因為多數都係撈好晒, 本身d雞已經有好多芝士粉, 但係得兩碟醬, 要慳住食pizza就叫左特色燒烤BBQ薄批好香好脆甜品推介焗綿花糖朱古力初頭望張相, 以為係一整個上嘅點知原來係自己用餅"畢"d綿花糖食食完超飽超滿足又唔算太貴

收工去搵飯堂，見到呢間個門口同裡面都乾淨整齊就入左去坐。餐牌有唔同套餐，價錢係平，成個餐牌都係4/5/6十蚊有找，宜家係香港好難搵到咁⋯⋯叫左個set C 焗飯+Pizza+湯或飲品 都係48蚊咋 我叫左羅宋湯+日式咖哩雞肉焗飯+菠蘿火腿pizza羅宋湯唔稱得上好飲，係正常既羅宋湯味，有d餐廳會係好咸或者好辣Pizza焗得好靚，食落好脆，不過面頭得好少料咋焗飯係我食緊pizza已經黎左，到我食飯既時候凍晒，底部既飯仲有少少熱⋯⋯其實第一啖時就想問佢可唔可以返熱咖哩唔辣，夠汁撈飯，面有加芝士焗，餸唔多，但雞肉係切左既雞粒，同磨菇多過雞囉我明白一分錢一分貨，所以夠飽已經滿足！

第二次到這餐廳，深刻的食物質素，高性價比，一樣的舒適，友善的態度，所以我寫這則食評。我習慣用食物，環境，服務態度去選擇餐廳今次在星期日下午2時左右到餐廳長話短說．＂上菜＂．＂小食拼盤＂我給５星，即叫即炸的感覺，整體每樣小食都很香口而不咸，雖然洋蔥圈裡的是炸蝦餅的料，味道也不錯，裡面加一圈洋蔥會更好＂招牌肉醬意粉＂我給４星，我不是肉醬意粉迷但嘗了一下第一感覺是焗得剛好，味道配合不錯，以前吃過偏咸或偏稀的但這個不會＂千島海鮮薄餅＂我給５星，這是６吋的薄餅，餅底是５星的原因，底帶一點點脆，鬆化那種的脆，包面是軟身的，這口感很深刻，材料份量適當，這個價錢我可以芝士絕對不會少，不夠還可以加芝士粉添些味道．＂環境＂荔枝角地段的店舖，我給５星用一個字來形容，＂舒適＂我形容為舒適是由座位，燈光，室溫，空間來衡量座位高度剛好，不會坐下來有種比桌子沉了點的感覺，燈光柔和，並沒有用上射燈室溫剛好主要原因應該是因為樓底高，令冷氣不會吹正頭或身，空間絕不會感到迫我去兩次都坐了快兩小時才走，也都坐到剩下我跟女友鐵座椅但絕不會＂頂手頂腳＂簡單的燈飾令整個牆變得不單調這個燈罩應該就是柔和燈光的主因水和基本用具是自助式

平日多數係星期六日來食午餐或下午茶。今日中秋假期嚟食晚餐。平日食開既全日餐牌唔見咗，問佢係咪冇左，佢又拎出嚟俾我喎，點解淨係放主餐牌出嚟呢？唔鐘意人叫餐咪唔好出囉。不過食開既一人餐牌都係冇俾。我地兩個人其中一個唔肚餓想單叫個細pizza, 另一個又想加烤雞，但侍應話唔得！佢話要跟餐小食一定要全部人都跟餐，唔係掛！幅牆明明寫叫正價食物就可以加跟餐小食，我唔明。肚餓，冇計較，照轉餐，但真係唔開心。送餐時又送錯，送咗兩次。我地個沙律就送咗去隔離枱，人地個薯角就送左俾我地。幫襯左咁多次，今次最唔開心！佢啲烤雞同薄餅係好食既，否則都唔會幫襯咁多次。 不過服務就真係要改善。 以前有個黑面職員，而家又有古怪規則，而且次次幫襯都送錯餐。

某日在長沙灣買過了家居用品後在橫街小巷找餐廳吃晚餐，被此店的芝士炸雞吸引了目光，便進內一試。先點了個豬肉腸拼肉丸小食，個人覺得作為伴梳打類飲品(啤酒/汽水)是不錯的選擇，如果醬汁可改作mayo代替茄汁會更佳。餐廳以pizza為名便一試他們的辣肉腸pizza, 如果以芝士份量而言的確有點誇張。Pizza比預期中迷你，而且賣相有點遜色，以茄汁做批底醬汁，還有不少可改善的空間。最後終於到主角魔鬼芝士炸雞，雞件跟連鎖快餐店無異，最大特色是以大量芝士作招來。如果是流心芝士的粉絲的確會為此菜式而心動，可是當回想到脂肪和熱量值時，就令我卻步了。總括而言此餐廳的價錢相對廉宜，但大部份菜式從賣相至食材配搭仍需再下心機，希望將來可有更好的菜式。

開學日剛過的一個星期六， 睇下付近有咩啱一家四口食先， 行過見有位， 就入了去，兩大一4歲一兩歲， 點了一個焗飯餐$45+一個意粉餐 +$55 一個雞翼$42，雞翼非常入味唔硬， 意粉連一個雞比，雞比很大肉厚， 肉質很軟滑，都很啱小朋友食， 餐廳內有免費自助飲水吧， 而且很乾淨， 地方大又唔迫，又不趕人很悠閒， 值得推介比一家大細，服務員姐姐也送了氣球小朋友， 很開心！

試過呢間野兩次 環境還可以 食具都乾淨食物真心超勁食 紅湯甜得濟 叫左碟黑松露雞柳意粉配烤雞 係酸既 ！！！！！ 唔會再試呢間野！ ！！！！！超級劣評唔好再賣廣告喇唔該！！！！！

香港食pizza價錢一向都唔平，一個套餐起碼都四五百蚊。而這間小店就推出嘅套餐和散叫都親民價就可食到味道不錯的pizza。新鮮焗好的pizza底非常鬆化，皮邊都好香脆，仲有拉絲效果。套餐仲有餐湯小食飲品，大食嘅朋友都一定可以食到飽又唔傷荷包！招牌原味烤雞($70/4件)+辣味烤雞($18/件)：雞件入味，而且做到外脆內嫩黑松露蒜香雞柳意粉($62)：意粉炒得乾身，而且帶有黑松露香味，推！海鮮焗飯($55)：海鮮配料十足，有蝦和魷魚9”特色燒烤BBQ厚批($105)：芝士份量多，可以做到拉絲效果，而餅底亦鬆脆海洋世界($24)、凍比利時朱古力($26)：如果叫套餐轉餐飲，所有飲品半價

薄餅炸物是我的最愛食物之一。此店有不同的西式食品，與朋友想吃得豐富點，要了意式薄餅、白汁雞皇焗飯和一客下午茶套餐(有一件薄餅、雞槌和薯角)。薄餅的餸料豐富，吃下質感鬆厚，味道香口，有另一番的滿足感受。白汁雞皇焗飯的白汁和雞肉份量豐富，還有一些粟米粒，汁飯味道濃郁好吃。炸品炸得乾爽脆口，醃茄汁很美味。是一頓豐富好吃的西式膳食，有機會希望可再嚐。

今個星期四起，我連續六個星期要到長沙灣上電腦課。上課前，當然要食少少野，食飽飽先有心機學習。餐廳食物嘅價錢唔貴，最平的一個套餐，有一片Pizza及意粉，只需要＄40左右，抵食呀！不過，我咁為食，當然要食小食啦！我揀了炸魚薯條，薯條是粗身的直薯條。炸得不夠脆，味道適中，建基於本人對薯仔類產品的熱愛，我對薯條是滿意的。而炸魚，我認為相當出色。一般用來製作炸魚薯條的魚，都是淡而無味，這份炸魚選用較肥美的魚，因此魚的味道比較濃郁。炸魚外皮脆卜卜，而且多汁，我十分喜歡。飲品方面，我點了比利時朱古力，是我喜歡的朱古力味道，朱古力味道亦香濃。似我這樣點菜，價格相對高一點，但我還是覺得是抵食的，不過為了滿足自己為食的慾望，讓錢包捱餓很合理吧！

見今日放假冇咩野做又拎埋仔過來呢頭搵個好朋友食下野路經呢一間霸氣地開在Pizza Hut隔離的DK pizza，咁有自信同pizzahut 一較高下，應該唔簡單喎，就一於一試！天時暑熱，飲番杯凍冰冰嘅沙冰最正不過，我當然係揀咗Mixed Berry fever，個味調得幾好，唔太甜但好夠莓味。雖然係沙冰但都好奶滑。又涼透心。嘢食都上得算幾快，首先上菜係柚子蜜糖雞翼，雞翼皮炸得幾香脆，其上有酸酸甜甜的一層柚子蜜，香口得來又好開胃！接着就來了，呢個忌廉螺絲粉，好多忌廉汁，幾rich，螺絲粉煮得夠軟身，入口有咁rich的cream sauce加埋，口感都幾正，而且仲有粟米同磨菇伴着，食食下食到少少吞拿魚多個味道。我哋最期待的BBQ PIZZA出現了，首先佢係熱辣辣的上菜，咬落個包位係焗到勁鬆軟，係我最喜歡的PIZZA 質感！而且上面都幾多芝士，ＢＢＱ醬又好惹味。最後醬燒豬肋骨都冇令我哋失望，啲肉幾FIRM，個汁都算燒得入味。少少甜，好啱我口味，我一個人食咗三件。