趣意廚 (順景華庭)

营业中

休息中

一向都喜歡光顧一些街坊小店，就由友人報料，在其附近有一家薄餅小店，名為「趣意廚」，主打是薄餅，更建議我不妨嚐嚐她的甜批，用料足，偶有驚喜。雖稱其為小店，其實環境不俗，地方十分寬敞，感覺輕鬆。點任何薄餅，也可以加$5配送餐湯，雖然只是普普通通的「羅宋湯」，但真材實料沒有欺場，酸辣細緻，別忘記只是加五塊錢而已。主角點了「水牛芝士甜批」（$42），薄餅口感極之鬆軟，而薄餅面加了超多的水牛芝士，一點沒有手軟，焗得又香又軟綿，入口陣陣芝士香氣在散發，很一流的口感。別看它個子不大，吃罷也非常飽肚呢！此外，餐廳有不少套餐供選擇，亦不收加一服務費，定價十分親民，相信很受附近街坊歡迎！

之前聽屋企人話附近開左間新PIZZA店，當然要去試一試新野～前排見得閒就黎左呢到食餐晚飯。簡單CAFE既佈置，因為新開關係唔算話太多人，所以今次大家都食得好舒服。餐牌設計簡約，食物款式上都幾多，除左PIZZA以外，仲有唔少選擇，我地每樣都想試啲，就嗌左幾樣唔同野～PIZZA款式超多！有得簡唔同SIZE，少人或多人黎食都嗌得！另外，佢呢到唔收服務費，所以茶水、餐具等等都係自助形式。千島海鮮pizza，係眾多食物之中，pizza可謂最抵食既一款！細細個6吋有一隻碟左右咁大，而且有豐富芝士，以千島醬打底，味道酸酸甜甜幾開胃，而且食完pizza都飽左一半~ 呢個價黎講都算抵食～柚子蜜豬肋骨(大)，嗌左大份一試，一份有6支骨，2-3人絕對夠食。外層燒至微焦，肉質鬆化唔鞋口，肉汁唔算太多但都唔會太乾，帶有甜甜柚子香。另外，配菜係最中意既薯角，唔錯！烤雞可以自選味道，有原味、辣味等等，烤雞香滑厚肉，豐厚肉質令人滿足，但反而層皮比較咸，所以扣左少少分。桂圓紅棗茶，茶包沖製既紅棗茶，味道唔錯岩岩好。

早排先去完"Bistro" Pizza Hut食薄餅，估唔到隔無耐又嚟食薄餅，事緣早前同食友傾開依間「特別」嘅必勝客，佢話試過有間薄餅小店晌長沙灣，二人餐非常抵，再問詳細啲位置，正正順寧道尾，啱啱就喺上次一齊晌Choo Choo食飯嘅表姨甥女樓下，所以，索性搵佢聚一聚。對順寧道幾熟，因為有幾個親戚住呢區，佢話間鋪喺Pizza Hut隔離，就大概知邊度。而且，夠瞻正正開晌Pizza Hut隔離，估計有一定嘅自信。餐廳冠以Cafe為名，內裡裝修都睇得出花過啲心思，仿水泥地磚，水泥牆身，藍黑鋼椅，水喉通壁燈，帶點粗獷嘅工業風。加上樓底夠高，空間感足。兩組餐牌，一個喺主餐牌，主要羅列晒所有散點菜式，設計精簡，類別分為小食、雞類、燒烤、沙律、薄餅、意粉、焗飯、甜品、多人套餐及飲品。另一組喺啲套餐超值餐牌，主要都喺一個人份嘅，定價都算親民，而且，全日更免收加一。就喺因為聽食友推介咗佢個「豪華二人套餐 」（$178）超抵食先會嚟，所以，未坐落已篤定叫呢個餐。雖則話二人餐，但份量足3個人食，包餐湯兩客、任何款式嘅6吋薄餅、細凱撒沙律、飯、粉、小食類任擇1款，雞類 2 件或細醬燒豬肋骨、咖茶2杯。順便講

長沙灣本來就係平民化既一個地區係呢度搵食最正既就係永遠都可以搵到d平價食店但係好唔好食真係見人見智今次食呢間又真係比到驚喜我我點左既有菠菜龍脷魚柳焗飯餐62我覺得係呢度食一定要叫餐因為一定係抵食過你散叫!!野飲又半價, 加小食又有優惠價!!一個套餐除左本身個主食之外,仲會有湯tim個湯濃郁得黎又幾香口菠菜龍脷魚柳焗飯一上桌就已經聞到好香口既白汁味道而龍脷柳係超級軟滑, 質素超掂!! 我地仲有左個香辣雞翼做小吃第一啖食落係冇乜味, 原來佢有附上酸辣汁點完之後先至係真正既好味!!!食得出佢呢即叫即整既因為都等左有15分鐘而且上到黎係熱到放唔到入口食完都飽住咁走真係性價比超高!!!

今晚專登揸車去左一間長沙灣隱世炸雞店點解要專登揸車去食？睇埋相你就知！兩丁友叫左個9吋厚批-千島熱情，食落芝味十足，一拎起直頭拉晒絲😋批脆䐄靚配料十足一咬落口！芝士溶化晒！一個字「正」另外叫左個海鮮闊條面，海鮮配料十足，有蝦，有魷魚仔！蝦同魷魚仔都無雪味！醫汁調味一流！闊條面比醬汁包圍住！份量十足！一個大男人食都覺得飽！兩個人叫左兩個套餐！套餐配白湯/紅湯！白湯配料十足！有磨菇洋蔥！另外每人加配左一隻炸雞！樣脆肉嫩！好味過KXC推介各位叫套餐，因爲係最抵！👍🏻可以半價加特飲！仲可以加10蚊配炸雞食！食物一流！服務都一流！店內更設有洗手間！極為方便！環境寬敞！無限時！食完慢慢傾下計都唔會比人趕走！揸車既你唔洗驚無位！因為果頭又有停車場，泊街又唔會比人趕！

今日去開長沙灣附近做義工，完左之後同朋友0係附近搵食～見到 DK Pizza Cafe 好似唔錯，於是就去試下啦！見到個二人餐，咩都有d，幾好唔錯，就叫左佢！ 每人一碗羅宋湯，少少辣，入面好多料！ 有個凱撒沙律，味道唔錯，食完感到好開胃，正 =] 飯類揀左個蒜香牛肉長通粉～材料豐富，入面有牛肉、火腿、青椒、芝士等～白汁焗製而成，又唔算好 CREAMY / HEAVY，同朋友SHARE 份量剛剛好！ 另外，仲有個醬燒豬肋骨～薯角好脆口，醬燒豬肋骨出奇地多肉，有咬口感！仲有個６寸PIZZA，要左個星級夏威夷~菠蘿火腿好多，而且仲有我最中意既芝士，會拉絲咖，好正！ 個餐仲包２杯野飲～熱飲唔洗加錢，凍飲加$ 3 ~ 最後朋友仲加多個甜品～呢個真係好推介，Chorolate Pizza！有士多啤梨、香蕉、菠蘿、朱古力醬，食完真係好滿足！ OVERALL 小評：味道：★★★★☆環境：★★★★☆服務：★★★★☆衛生：★★★★☆抵食：★★★★★

黎開長沙灣呢頭又想食pizza, 本身諗住食pizza hut,但來到發現隔離呢間都係食pizza,咁梗係試下啦。 呢度環境走較型格年青既路線, 都算特別。 我哋叫咗個豪華二人餐,包一份沙律, 一份小食,一個6吋pizza,一個飯,有餐湯同飲品,都非常豐富。 個海鮮飯好足料, d材料舖滿成個面,啖啖都食到餸。 凱撒沙律d菜都ok,味道唔錯, 🐔方面要咗炸雞同烤雞,2款都唔會過油,炸粉唔算厚,食落味道都算幾好。 到主菜pizza, 6吋pizza 大概係1人份量,個批底都鬆脆, 芝士好多,加埋吞拿魚波蘿等食落好滋味。 其實佢d份量幾好, 2人餐樣樣都唔會太多但又夠食,等你唔駛食到滯! 餐湯方面不過不失啦。

今日去左長沙灣順寧道探個朋友！聽佢講附近開左一間炸雞比薩小店-趣意廚！點解隔離有間pizza hut都幫襯？因為小弟都幾鐘意撐小店同埋聽街坊講炸雞皮脆肉嫩！比薩用料十足！仲要拉絲！對我們一班芝士控來講，簡直係一流我地2個男人，每人叫左一個套餐一齊開心share!我就叫左個菠菜龍脷魚柳焗飯!龍脷柳無雪味！仲要配料十足！白汁包住每一粒飯！焗飯係我至愛！好惹味！另外，朋友叫左個9吋千島熱情pizza！PIZZA係必叫，因為配料十足！皮脆配料多！重點係芝士拉絲呀每人配左個磨菇忌廉湯磨菇十足，碗湯都好creamy! 仲配埋蒜蓉包粒！正👍🏻另外仲加左酸辣脆雞翼香辣及脆嫩既雞翼配上酸味味既醬汁！簡直係惹味開胃！

今日又係同同事去試新野，OpenRice 好多都話好食就去試下喇我地一行四個人，個個都冇食早餐好餓，我地就散叫叫左個豪華三人set,有湯，pizza，salad，ribs，飯意粉我飲白湯，有d整碎左西蘭花碎，同幾粒麵包糠，好夠味，結結地都okaySalad 就正常Cesar salad 都幾好食，夠汁，清新開下胃我都叫左千島熱情嘅pizza,都幾足料，熱辣辣焗出黎好正，多芝士同菠蘿，最正係佢嘅pizza底，勁脆勁鬆化，未食過一間pizza係脆底，真係正煙三文魚焗飯，佢個飯都多煙三文魚，焗得又幾香，幾creamy黑松露蒜香雞柳意粉，佢係乾身嘅意粉，黑松露味好重，雞柳還可以叫左份柚子雞翼，佢柚子汁好多啊，仲要係原條柚子絲，好好食雞翼都好夠味我同同事下次一定會叫呢間pizza

招牌原味烤雞1件18蚊，烤雞都算大隻，肉厚多汁 ，抵食既小吃之選薯仔蘋果蜜桃沙律，超多新鮮蘋果粒加上水蜜桃，夠fresh又有益香蒜肉絲意粉夠乾身, 這樣意粉充分吸收味道, 也夠爽口彈牙與某連鎖大牌子相比之下都有優勝之處，它的火腿絲鋪面，份量多也夠厚身夏威夷豬柳焗飯，焗飯表面芝士烤至金黃，香噴噴又夠乾身，主角豬扒夠鬆且肉厚美味配上鮮味蕃茄可解除豬扒heavy感，比起連鎖快餐店的焗豬扒飯有誠意得多，下次要番Check呢款甜品時間～^_^「焗水牛芝士甜批」其批底主要是平日食開的pizza餅底，餡料主要是芝士、砂糖，如果你問我這是否最好食的批，我個人認為normal pizza批個人較愛，但這個是一個截然不同的風味甜點，不妨一試。值得一讚係杯熱薄荷朱古力，層次感十分豐富，令整餐飯有畫龍點睛效果

真係超級有意外驚喜既一間Pizza小店!!呢個真係可以拍晒心口講 「好味過任何一間連鎖式既PIZZA快餐店」!前幾日同同事放左工之後 係荔枝角office行去長沙灣 大約10分鐘左右去到有7成人坐滿，伴隨著既係超香既pizza烤焗味，我地四個女仔 叫左一個「豪華三人套餐」 HKD268 裡面其實都包左幾多野 好抵食大概係包左3個湯、9吋pizza、salad、兩個飯/意粉、豬肋骨、3杯野飲因為佢寫住3人份量，所以仲另外叫左個意粉 驚3人餐唔夠食先來的當然係餐湯，兩紅一白，紅湯意外地幾正，唔知係咪肚餓 所以紅湯都覺得特別出色呢?!紅湯裡面都幾多材，入到去喉嚨個位仲要少少辣辣地既感覺。第2樣黎既係salad，我地簡左個caesar salad，份量都幾多。同埋個餐有埋SALAD都幾多，食D油膩野之前打個靚底!PIZZA來了!我地叫既係「千島熱情」裡面包含左 我最愛最愛既千島醬、洋蔥、火腿、波蘿、粟米、芝士有千島醬既pizza真係無得輸!上到枱，見到真係好足料，滿滿既材料佈左係PIZZA上面，食落去係最驚喜!! PIZZA既底非常鬆化，就連PIZZA既邊都好香脆，令人想一試再試，一拎開一件P

其實呢間食店之前已經去過幾次,我地2大1細1BB,去親去係叫同樣嘅野食,佢本menu個套餐可以加$10多件pizza,本身非常岩我地一家人,因為小朋友得5歲,自己食唔到一份餐,2個大人叫2個餐加多件pizza,就唔會食唔晒,不過今日去食午餐果陣,佢就突然話唔可以咁叫,要按人頭叫餐,先有得加,但係佢本menu都無提過,因為一家大細都係度,所以唔同佢講咁多,結果就都係叫2個餐,另外加$18要多件pizza,其實相差$8唔係好多錢,不過你menu又無提,突然之間要收多錢果下就令人唔忿氣,希望大家注意

深水埗和長沙灣一帶食肆，大部分都是做普通平民的生意，所以價錢不會好貴，我和老公今天特別前往長沙灣探朋友，順道去找尋一下低食的食店試下質素。行到順寧道，見到一間名叫DK Pizza Cafe（趣意廚），門口貼左餐單，有西餐也有pizza 食，價錢吾貴，於是我們就入去試試！套餐多款又超值套餐包餐湯和餐飲主菜來了千島熱情：厚批底，材料有千島汁、洋蔥、火腿、菠蘿、粟米、加倍芝士，味道酸酸甜甜，由於加倍芝士，所以非常惹味！呑拿魚蘑菇螺絲粉：焗得好香，又多呑拿魚，蘑菇好爽，十分美味！另外我們還多叫2樣。夏威夷豬柳焗飯：豬柳林滑入味，配濃濃的蕃茄醬十分美味！脆薯皇：即是炸薯角，金黃色的薯角，外脆內軟，已灑上椒鹽，再點些茄汁，非常惹味，令人食不停口！

抵食二人豪華套餐($178)+超好味柚子醬雞翼😋 好豐富既套餐，內有餐湯、沙律、6寸pizza、飯/意粉/小食、雞件/豬肋骨、飲品！男朋友食過幾次話雞翼唔錯，所以我地仲叫多左個柚子蜜雞翼(6件)($48) 柚子醬淋到雞翼上，很清新，酸酸甜甜，幾開胃架！前菜有餐湯同沙律： Pizza款式任選，尺寸為6吋，一客有4件，已經好夠食≧◇≦千島海鮮Pizza餅底鬆脆，輕易做到拉絲效果！ 原本淨係叫男朋友輕輕舉起影相，點知佢舉得勁高(下圖)，個芝士拉絲又唔斷Σ( ° △ °|||)︴ 海鮮餡料款式中規中矩，勝在芝味重，十分惹味！豬肋骨外表微焦，雖未做到骨肉分離，但肉質算腍，醃得好夠香草味～ 套餐入面可選飯/意粉/小食入面其中一客，我地揀左海鮮闊條麵。 海鮮闊條麵份量多，麵條比較重麵粉味同厚身有口感，同平時pizza hut食到既闊條麵有分別，食到一半已經覺得好飽><比利時朱古力($26)套餐轉餐飲半價$13 朱古力味幾濃架!夠晒凍，好飲呀！海洋世界($24)套餐轉餐飲半價$12 見到有藍色到黃色漸變顏色，微甜，不錯呢間pizza人均消費$100左右，但就食到飽飽好抵食呀～ 餐具

到了朋友推介的pizza小店試試，哈哈，原來在pizza hut隔離，在門口看看餐牌，外賣有好多優惠餐，pizza亦做緊特價，看來比隔壁連鎖店更抵喎。店內不大，但坐位還算濶落好坐，水、調味品等可在自助bar自取，自己坐的枱早已放上黑胡椒，芝士粉，辣椒仔同茄汁，一眾食pizza的好物已齊全。點了三人餐，跟餐的餐湯可選忌廉湯或羅宋湯，茶記味道，不過不失。沙律可選凱撒沙律或田園沙律，選了後者配上麻醬，蔬菜新鮮爽脆，配上無敵麻醬那會不好吃。主食方面選了雜菌露筍長通粉，濃厚的白汁加上芝士蓋著彈牙的長通粉，味道調得很好，加上多汁的磨菇，還有翠嫩的露筍，整體感覺很好另一個要了海鮮焗飯，選完才發現呢款亦是白汁芝士，哈哈，果然係喜歡同一口味。飯預先炒底很香口，撈汁食很正，海鮮已切丁，很方便食。原味烤雞同辣味烤雞，焗得香噴噴呢，用的是雞脾仔，啖啖肉之餘肉又嫩滑，店家是用焗而不是炸，感覺健康了點。最後上枱是主角pizza了，加錢要了Fifty Fifty pizza，口味選了啖啖肉同泰式辣烤雞，啖啖肉係茄汁醬配上辣肉腸等，傳統口味，少少酸加上勁厚芝士，好味又不膩。泰口味則用了泰式甜酸的雞醬，味道比較特別，但