趣意廚 (順景華庭)

营业中

休息中

有次係長沙灣做完野同同事行行下就見到呢間餐廳,咁岩好耐冇食過PIZZA又想食,於是就入左去試下。海鮮闊條麵:個海鮮海鮮闊條麵芝士味好濃郁,而且個白汁好重忌廉。個麵好足料而且份量好夠,有好多八爪魚用同蟹柳。香草烤雞(9吋)啲芝士鋪滿哂成個PIZZA,好滿足同好重芝士味。個包好鬆軟,口感一流。而且個PIZZA都幾足料下,我鍾意佢有雞蛋鋪左係面,仲有有好多雞肉同蘑菇。羅宋湯羅宋湯都幾足料有好多番茄同洋蔥,同埋我鐘意佢夠多辣椒油。酸酸地同辣辣地,食飯之前飲一碗好開胃。妙趣曲奇朱古力奶(Grande)(右)杯妙趣曲奇朱古力有好多cream同朱古力曲碎,味道唔會太甜岩岩好。凍比利時朱古力奶(regular)(左)杯凍比利時朱古力味好夠濃, 甜度岩岩好。總括而然DK Pizza Cafe嘅野食質素唔錯,抵食又好味,有機會會帶屋企人黎試下。

之前聽朋友講長沙灣有間食Pizza嘅地方好好食 今日工作順路 終於有幸嚟食 同同事每人點左個Lunch Set 情迷辣肉腸pizza餐 & 凱撒沙律餐 跟羅宋湯同飲品都係$50 pizza 即叫即做 唔駛等好耐就有得食 厚薄適中 而且好鬆脆 羅宋湯口味十分特別 會吃到一片片的檸檬 同事都覺得好好飲我地都係第一次飲有檸檬嘅羅宋湯另外單點左個柚子蜜雞翼 係呢度嘅招牌 嘩～勁勁勁好味 非常香脆 啖啖柚子味 每人3隻 食到舐䑛舌 好想再食多份 可惜已經好飽 Chorolate Pizza 係甜品 好似班戟咁 但係個底比較厚。 為咗柚子蜜雞翼我一定會再嚟。

小時候婆婆住在長沙灣一帶，三十年後再來此地，面目全非。偶有些舊式樓宇，矮矮的，一街之隔就是新式住宅，抬頭看看，覺得時光過得太快了，當年的我無憂無慮的穿梭屋邨商場，現在我已為人母，不知道又有沒有能力讓我的孩子也無憂無慮的過日子呢？舊街之中有一家叫DK Pizza Cafe的小店，正正在pizza hut旁邊，有得選擇下當然是幫襯小區小店，不論價錢和質量均有驚喜，值得推介！ 我們一家三口來到，竟然見餐牌有一個三人套餐！大部分套餐都是雙數嘛，所以一見到就想一不想點了三人餐，價錢二百多，每人不用$90，pizza hut一定做不到。食物有餐湯3客，可選紅／白，味道一般茶記風味，不能要求更多了～ 田園沙律一盤三人份，配以胡麻醬，錯不了的配搭！大量車厘茄，沙律菜新鮮，誠意之作！ 九寸厚批一個，選擇甚多！要了50／50，即兩款口味混合，分別點了蕃茄醬底的啖啖肉（不用我多介紹吧，哈哈，總之就是甚麼肉類也有一點～）和泰式雞肉。批底厚款，和pizza hut相約（連味道也超像的）用料不吝嗇，芝士大量，肉大量（笑）我覺得兩款也不錯，約要選一款就泰式雞肉吧，不辣的，本來以為是冬陰公味之類。雞肉用了串燒

這天去了長沙灣，想在回office之前吃午餐。沿途都是餐廳，心血來潮想吃Pizza，便找到這裡來。小店並不是想像中的Pizza Express，而是Pizza Hut類。除了散叫餐牌，有各類套餐，價錢親民，難怪午市幾乎全場滿座。有個食肉獸「吃伴」，套餐的飯和意粉不及散叫的多款小食、燒烤吸引。不過套餐薄餅有6/9吋選擇，散叫只有9/12吋。為了吃多幾款，點個小的，套餐配紅／白湯和餐飲。洛神甜莓茶友人點了套餐包的凍檸茶，我則要了洛神甜莓茶。酸酸甜甜的，幾開胃。一般cafe的果茶都不帶甜，這個已加了甜調味。新鮮齋6吋果然小，似小時候媽給我們一人一個做早餐的雪藏薄餅，連餅底都似。吃起來卻比想像中佳，不是雪藏貨色，餅邊幾脆，餅底不厚，餡料夠多，菠蘿、青椒、蘑菇、粟米、蕃茄和芝士都齊，而且配搭好吃。蕃茄醬底不多，但夠味又不乾。不要追求正宗意大利薄餅的質素，這個展現不錯的港式風味。魔鬼芝士炸雞套餐抵吃，但散叫的＄78炸雞只有三件就偏貴。大大隻雞槌兩件和一件雞胸，肉很嫩滑，不要期望有新鮮雞味，起碼沒有雪藏味。雞肉沒有調味，單靠表面的炸粉。除了雞槌的兩端較厚和脆，炸粉薄薄的和偏濕，跟KFC出品相似。鋪了

平民價錢高級享受🍕🍕🍕這間位於長沙灣的pizza店舖✨，他剛剛好在Pizza Hut的分店旁邊 老實說當初見到價錢便宜 認為味道可能也一般，我們一共叫了三個菜 大蝦薄餅 蘋果薯仔沙律 和一個水牛芝士甜品！首先講講大蝦薄餅 黃桃配合千島醬酸酸甜甜 兩個人食晒一個都唔會覺得肥膩 而且大蝦很有鮮味 一點也不像冰鮮蝦 這個是很值得讚賞的🦐 吃的時候濃郁的芝士拉出來 新鮮熱辣的感覺 就像電視廣告的效果一樣 10分滋味薯仔蘋果沙律 蔬果尚算新鮮 也清甜 不錯水牛芝士甜品 原本以為將芝士蛋糕一樣的甜品 誰知道原來是薄餅上加芝士 但是他的薄餅是帶有甜味的 想不到味道還挺好吃 就像吃有芝士的 莎翁🍩 清脆的砂糖配合芝士 這種配搭 也挺有趣 不過因為份量比較大份 建議三四個朋友一起吃比較好 因為始終是甜品 吃得多會膩的👻

今日揾食揾到嚟長沙灣，行過見到喱間裝修modem同乾淨企理，所以就入左去。 坐低後，同朋友每人叫咗杯飲品，焦糖咖啡沙冰同日出時份(紅石榴，冰草莓，熱情果梳打)。焦糖咖啡沙冰正常日出時份味道比較淡。食物方面叫咗個凱撒沙律，海鮮闊條麵，特式醬燒豬排骨及特式燒烤BBQ Pizza。食物不過不失，唯一pizza有驚喜，佢有個六吋size嘅pizza啱晒我哋少人，而且雖然係厚批，但焗得非常鬆脆，唔會好似食梗pizza包咁。

有個朋友仔將要離港去台灣定居 所以約埋三五知己同佢見過面傾下計 朋友話有間係佢家附近(長沙灣)既餐廳 d食物唔錯又經濟 去到發現原來係食炸雞pizza同意粉 我地各自到達 當然最近就最早到達啦 入內lunch 時間都坐得滿滿 但竟然唔覺太吵鬧 還可以靜靜傾下計添 講翻d食物先 Overall可以再encore的 凱撒沙律 + 煙三文魚or雞肉 另加$12咁都有兩片多 味道同凱撒沙律好夾 夠清新原味烤雞 味道腌得剛剛好 烤得皮脆肉香 竟然最普通係我最like囉海鮮闊條麵 夠份量 面頭滿滿蟹柳鮮尤蜆肉白汁掛每條麵 但麵條質感同pizza hut唔太同 也是另一種風味 魔鬼芝士炸雞 芝士勁多 不過無拉絲應該用左車打單一芝士整 口感唔夠層次 但味道都夠惹味嘅賣相感覺較乾身 估佢唔到食落又不是太乾喎 配埋個BBQ醬最好味 Pizza朋友揀左BBQ醬 餡料係雞肉主力 夠熱辣辣 pizza底焗得脆仆仆 重係拉絲芝士黎 飲品選擇左特飲雜梅沙冰 不會太甜好fresh

自從來過長沙灣幾次和老公四處閒逛，到處覓食後，就漸漸愛上了這個小區。其實以前有段時期，經常會踏足長沙灣，不過可能因工作關係，每次都總是匆匆忙忙，從沒嘗試過放慢腳步，細心留意一吓街頭巷尾的特色餐廳。上次到訪時，發掘了一間超抵食嘅放題店，這晚就決定換換口味，試試這家門面企理、新開張的薄餅店，希望會帶來驚喜。餐廳位於順寧道順景華庭地下，踏進店，地方雖然不大，最多只可容納 30 人，但看得出在包裝上下過功夫，裝潢骨子企理，加上通道夠闊落，空間感十足，讓人坐得舒服。環顧四周，水泥牆身，暗色階磚地板，藍黑座椅，沒過多花巧設計，原始又粗獷，感覺 Relax。翻開餐牌，非常新淨，設計得很精美，而且有部份食物還附有相片，賣相吸引。逐項研究，有小食、雞類、燒烤、沙律、薄餅、意式粉、焗飯、甜品、精選套餐及飲品等。為人懶惰，向來最怕用腦，「豪華二人套餐」自然是最佳選擇，而且同店員打探過，原來餐廳全日免收加一。豪華二人套餐 ($178)，項目豐富，包餐湯兩客、一個 6 吋薄餅、細沙律一份、飯，粉，小食任擇其一、雞類 2 件或細醬燒豬肋骨、咖啡或茶 2 杯。餐湯可以揀羅宋湯或忌廉湯，選了後者，舀起湯身，稀稠度適中

平時好少踏足長沙灣,今次因工作關係去左，順道去覓食下先,就近近地喺做嘢附近呢間DK Cafe.點解揀呢度，原因係價錢非常合理,哈!海鮮意粉料多味濃，意粉好香好彈牙.忌廉味重而不油膩,非常可囗!千島海鮮6吋plzza簿餅底非常香脆，食材豐富非常有口感，食材豐富！好有水準！總結:簡簡單單嘅一餐,味道不俗，價錢又合理,服務態度又好！唔錯!

今日HAPPY FRIDAY,仲要連放3日,當然約埋朋友食下飯,係我地煩惱緊食咩好既時候,朋友突然話想食PIZZA,我就即上OP搵下附近邊度有得食,搵搵下發現呢間有得食PIZZA之外仲有烤雞食,當然要去試下.初戀烤雞$68:原本諗住叫炸雞,但朋友話太熱氣,所以最後叫左呢個柚子蜜烤雞,雖然係烤雞,但呢度都做得唔錯,烤到皮脆肉嫩,配上香甜既柚子和檸檬汁,酸酸甜甜,味道更加豐富五十五十PIZZA(9"厚批)$115:貪心既我地,揀左呢個可以自選2隻口味既PIZZA,我地揀左大蝦沙律同泰式辣香雞...一上枱熱辣辣,有好多芝士,一拎起PIZZA仲有拉絲效果,而且PIZZA邊有D脆,批底就好鬆軟,做得唔錯...大蝦沙律有意式香草醬,菠蘿,蜜桃,大蝦,蟹柳,栗米,材料相當豐富,味道香甜,食落一D都唔覺膩,大蝦配蜜桃,感覺好清新.而泰式辣香雞有泰式辣醬,洋蔥,青椒,蘑菇,菠蘿,雞肉,黑胡椒,加倍芝士.材料同樣咁豐富,而味道辣中帶甜,黑胡椒配雞肉,非常惹味.2款口味都吸引,9"厚批份量十足,我同朋友都食到好滿足日出時分(Grande)$28:日出時分有iced stawberry,pink guava,

今日去完朋友屋企聚會, 本身想外賣Pizza , 但朋友提議直接落樓下食呢間DK Pizza落到去, 位置幾易搵, 鋪頭唔係好大, 好似啱啱裝修好, 座位都坐得幾舒服大約夜晚7點幾8點, 已經差唔多坐滿, 好彩我地啱啱有位睇睇兩份餐牌, 選擇好多, 令我有選擇困難, 亦需要D 時間消化下左邊餐牌既好清楚d, 選擇多, 有散叫同埋二/三/五人套餐右邊餐牌係全日超值套餐, 最平個餐只係$38最後決定食個豪華二人套餐share 食二人套餐好豐富, 其中包括任選6寸Pizza 開頭以為加$9 可以轉9寸就落order,  但原來係解有9寸Pizza o既set 加$9 就可以選擇特別款不過老細解釋番補番差價都可以轉9寸批因為我地係大胃王又想食多D pizza, 其實都幾公平, 我地就決定補差價好快就黎左一紅一白餐湯羅宋湯帶少少酸同辣, 睇落比較油, 不過都幾濃味而忌廉湯,  加上香口既麵包糠, 味道正常凱撒沙律, 雖然似一人份量, 不過蔬菜都好新鮮脆口我地揀左小食係柚子雞翼, 有6隻, 將柚子汁淋係雞翼上面, 雞翼仲保持到香脆, 唔會淋哂 柚子雞翼既配搭都幾新鮮, 幾有創意皇牌醬燒豬肋骨係老闆

到左同事家樓下食個便飯，食左pizza店，呢間小店開正喺pizza hut隔離，想爭生意定對自己好有信心？不過佢確係平，外賣大pizza88蚊，買兩個160蚊，唔想住飯嘅日子買個返屋企嘆都好。叫左個二人套餐，都好豐富㗎，有pizza，小食，驚唔夠飽仲可以揀飯或意粉，我地怕飽得濟就要左小食，套餐有餐飲，加特飲就半價計。跟餐的沙律細兜左啲，但好味，好鐘意個白汁沙律醬，有芝士粉有煙肉有麵包糠，凱撒沙律有嘅野佢都有，合格有餘啦。餐湯就有紅湯同白湯揀，每樣要一個，一般茶記餐湯口味。小食就要有肉丸加香草腸，全部都係肉，哈哈哈，仲有蕃茄仔同菠蘿粒嘅，啖啖肉幾正，真係有香草味喎。雞同豬肋骨就揀有要豬，二人份都有八條骨，雖然瘦無乜肉，但調味幾好，仲有啲薯角伴下碟咁。pizza要了燒烤味，唔係茄醬而用左燒烤醬，好香口，但係好似茄醬好味啲，燒烤醬唔酸有啲膩，好多芝士同其他配料，都好好味。飲品轉特飲，一杯芒果沙冰，一杯海洋世界，果汁味甜甜地，顏色好靚。

今日和朋友於長沙灣DK pizza cafe食魔鬼芝士炸雞, 素菜pizza, 海鮮焗飯和迷你朱古力pizza食宵夜。魔鬼芝士炸雞, 炸雞與芝士和零碎香草配搭不錯,芝士味道香濃,加上香草帶出雞的惹味,炸雞不太油膩,味道剛剛好, 雞肉咬起來好嫩滑,炸得十分香脆。另外, 炸雞配上的薯角熱辣辣好香脆爽口, 好惹味的小食；素菜pizza, 芝士味和餅底質感不俗,味道不會太油膩；材料方面，蕃茄甜度適中, 而青椒、菠蘿、蘑菇和粟米味道適中, 十分爽口, 整個pizza材料豐富, 份量十足、賣相不俗, 味道美味；海鮮焗飯材料豐富,有石班, 蟹柳和蝦等海鮮, 白汁味道香濃, 炒飯炒得甘香, 炒飯內炒蛋炒得好香, 而石班食落嫩滑, 蟹柳爽口和蝦好彈牙, 很有水準的海鮮焗飯；最後我們點了迷你朱古力pizza, 朱古力pizza的焦糖令pizza食落十分爽脆；餅底十分鬆脆,焦糖的甜度剛剛好,奶油食落好香滑軟綿,水果有士多啤梨, 香蕉和芒果, 水果新鮮, 甜度不足, 十分豐富的甜品。餐廳食物賣相一流, 份量十足, 美味宵夜。

附近的店很多都食過，見有街牌說有這新店開張，就來和另一半一齊試下MENU看來各種組合都幾吸引，都想了一會兒我們叫了SET A鹹豬手意粉加PIZZA($48)，以及SET D凱撒沙律加雞翼($42)，再SHARE食鹹豬手意粉加PIZZA鹹豬手夠入味，肉質嫩滑，PIZZA都幾鬆脆，意粉爽滑凱撒沙律加雞翼凱撒沙律夠清甜，雞翼夠入味，嫩滑此新店支持得不錯，只要保持這價錢和水準，性格比是幾高以後又多間好食店選擇了

下午茶時候,同朋友途經此區,見倒間鋪頭裝修好特別,原來係咖啡室。人流唔算多,都驚中伏,就膽粗粗衝入去試下佢口莊啦［利申］👅。入到去坐低見倒是日午餐,價錢又唔貴,試下佢地既招牌肉醬繪意粉+餐飲熱咖啡($38)同埋日式咖哩雞焗飯配烤雞+餐飲熱咖啡($48)。落單等候8-10分鐘左右就已經有得食。最欣賞A餐有滿滿既肉醬最容易滿足我喱啲鐘意多醬既人。薄餅大細適中,原來今日佢地既是日薄餅係菠蘿火腿,本人覺得佢地既薄餅比起某大連鎖集團公司更好食,值得一讚👍🏼C餐日式咖哩雞焗飯甜甜地,又有紅蘿蔔薯仔,又唔會太濟。烤雞都係甜甜地,估唔到可以鎖住啲肉汁,［不過略嫌鹹左少少］都可以接受既。餐廳播放住英文歌同少量韓文歌,有懷舊又有新潮既音樂夾集,品嘗杯咖啡更寫意。略嫌人流少既時候音樂太大聲,變得好嘈吵,破壞氣氛,美中不足。整體表現都令人滿意。