車仔麵之家 (已結業)

往往最平凡既材料可以睇到出餐廳功力及諴意同事話我肯定鐘意食D間係灣仔D間車仔麵之家, 佢盛意拳拳我又真係想試所以今日LUNCH就去食下間車仔麵之家離地鐵站約7分鐘, LUNCH要去食可以既話早少少, 因為越遲越多人排隊入到去爆晒場, 雖然店鋪係採取自助式, 但店面職員都好主動咁協助你揾位, 提你扲野食, 值得加分樣樣餸都係十蚊左右, 價格相宜, 夠貼地今日好肚餓, 我叫左魚旦, 豬大腸, 牛肚, 魷魚, 豆卜, 腎+米粉我叫左少辣, 真係少少辣ONLY, 岩晒我呢D想吊起個味又唔想太辣既人, 個湯底岩岩好, 夠味得黎又唔會太咸；而配料之中我最鐘意係魷魚, 唔係用滾水整熟加汁了事, 係用個汁煮熟晒D魷魚, 所以魷魚入面係好入味；而牛肚,腎, 豬大腸都有唔少份量, 食落幾好味；魚旦都算幾彈牙, 豆卜索晒D味係正既而同事個碗比較特別既地方係有甜酸齋, 我平時好少食, 今次試左我同事一舊, 酸酸甜甜咁, 幾開胃! 另外仲有食左佢一舊牛腩, 入味得黎唔會話好靭好鞋, 處理得唔錯總結黎講, 我真係好鐘意食呢度既魷魚!真係好好味! 其他食物都唔錯, 環境雖然逼D, 但食車仔麵就係咁架啦! 一定會再來

「車仔麵之家」係灣仔區出名嘅車仔麵店，區內有兩間分店，另一間分店只會做到六點，夜晚想食就只可以去呢間。呢間麵店嘅環境好舒適，唔係一般車仔麵店嘅圓枱，而係有幾張長枱，仲有高枱可以揀，想一個人靜靜哋食碗麵都無問題。下午茶時段係星期一至五3點至6點，兩餸$25，三餸$30，連飲品。我喺接近6點到都買到下午茶。三餸車仔麵 ($30 連飲品)魷魚：係呢度好受歡迎嘅餸，唔韌，夠爽夠入味蘿蔔：好鮮甜，喺其他車仔麵未食過咁好味嘅蘿蔔，有意外驚喜！牛腩：較細粒，不過不失，建議揀其他餸。麵底：揀咗幼麵，軟硬度適中。下午茶嘅份量唔知係咪細咗，lunch食就未必夠了。飲品：當時只有紙包飲品同汽水揀。車仔麵之家自家製嘅辣醬做得幾出色，記得加辣呀呢間車仔麵真係唔錯，色香味俱存，仲幾抵

本人從未寫過食評，但因為呢間野的差服務及難食而特登開戶口，為免其他食客中招!首先，門口收銀個阿嬸，聲大夾惡無禮貌! 我們叫左2碗車仔麵，是要魚旦的，她大聲無禮貌:「乜魚旦呀?」，（阿嬸，你地餐牌淨係寫魚旦，乜有好多種魚旦?!)，我地問佢：「即係點?」，阿嬸說:「辣定唔辣呀！」，我們说:「唔辣」，阿嬸好唔耐煩说:「我唔知你邊碗辣，邊碗唔辣喎!」跟住，我們話要一罐汽水，阿嬸粗聲粗氣:「乜汽水呀?」，我地話比左錢先再去雪櫃自取，阿嬸話「唔得喎!你揀左先!」，我們說「忌廉」，阿嬸無禮貌地說:「你自己去拿!」。我唔知個收銀阿嬸是否老闆娘，不過就算佢係，今時今日仲擺出一副唔憂做的姿態，粗聲粗氣，聲大夾惡無禮貌，真係倒米!再評論呢間店的車仔麵，以往都有食過都0K，但現在的水準只能用「不知所謂」來形容! 一之記之曰: 「咸」! 仲要咸到近乎苦的味道，超恐怖! 一句講曬: 「永無下次」!

一直都聽聞這兒的車仔麵很好吃，今天終於一試！果然名不虛傳！早餐時間有28元的兩餸麵套餐；點了 蘿蔔 甜酸齊 米粉 小辣+咖啡蘿蔔有4件甘甜入味！；甜酸齋 外脆內軟 甜酸度配搭非常好（推介！）；米粉 彈牙 掛湯力一流；湯底 極濃 呈深啡色，估計是用牛骨制成？！；小辣汁 為舌頭帶來點點刺激😝整碗麵其實都很好吃，但對於我比較愛清淡的來說，就有點點過份了....另外的敗筆是那杯即沖的即溶咖啡...在沒有水吧的餐廳，還是乖乖地要紙包飲品就好吧...😅又或是一試豆漿吧....？！

本人都係經朋友和同事介紹有一間叫“車仔麵之家”，所以放假就去了灣仔店試一試。但試過之後覺得只屬一般水準，食物質素和一般街邊車仔麵檔冇乜大分别，只是有舖位噤解。環境尚算整潔，價錢都算合理。

第一次食佢嘅外賣覺得麻麻，今日堂食完全唔同小辣湯底，會越食越興，個咖哩醬？混入湯底非常香濃有性格，帶點甜味，醬香。河粉係窄身少少嗰款，爽口滑身，煮得啱啱好，不過有啲未散開。酸齋係炸嘅未試過呢！多數都係醃得紅紅黃黃的，這個脆脆的配佢個酸汁醬食，好味。豬紅豬腸都好夠味，口感都很好，豬腸偏肥。鳳爪係炸過的，不是我杯茶。魚蛋彈牙少少粉，咖哩入味。魷魚真係好正，一啲都唔難咬仲超夠入味！係啲餸貴小小，可能真係舖租都誇張

閒來無事就會想吃車仔麵, 愛其選擇多, 尤以車仔麵之家的味道最合我意.------------------------------很久之前就知道車仔麵之家開了分店, 正好在合和中心辦完事, 就過去看看.分店與本店最大的分別, 就是有座位和供應早餐, 至於餸菜選擇與本店好像沒有分別.點了至愛甜酸齋, 蘿白和魚蛋, 還有一杯凍檸茶.甜酸齋的味道剛好, 吸了湯底, 軟軟的, 很好吃.魚蛋還是有種淡淡的陳皮香, 與小時候的味道很相似.這兒有座位, 比本店要立食舒服多了.如果下雨, 還是跑這比較方便了.

有時真係會好掛住呢到既車仔麵，無論係佢好正既餸定湯底，雖然地理位置唔就腳，但長途跋涉都一定要食！友人極愛食呢到既甜酸齋，而我至愛的是它的魷魚。今次嗌左三餸，分別係魷魚丶甜酸齋同釀豆卜。我對麵就冇咩要求，揀左個平時食開既油麵！強烈推介大家要嗌埋辣，因為真係 好～惹～味～架～呢到係自助形式，係門口嗌餸比錢，然後再聽嗌number 攞麵。如果嗌左野飲，就係隔離個飲品櫃到自己拎！魷魚真係好脆好入味，每次都係我必嗌。另外都推薦大家試試佢既釀豆卜，入面包住蝦肉漿，豆卜就大大粒，但肉漿就得好少，但真係好味。仲可以用個豆卜索湯，正！甜酸齋都係每次必食。友人試過講笑話，冇晒甜酸齋做咩仲開舖！🤣酸酸甜甜真係好好食，我都會將佢擺落啲湯到索下先再食！一碟甜酸齋既份量都不少，有成七舊架！一定要嗌！唔洗驚食完會口渴，因為個湯底唔似有落味精。但三餸都包野飲，除左港式飲品，仲有汽水同菊花茶。呢個價黎講真係抵到爛！🤣

這間車仔麵有蘭杜街的總店，現在開分店，之前總店鋪頭只是企位沒有得坐，現在新店很大很闊，食客當然食得開心啲👍🏻👍🏻👍🏻👍🏻👍🏻👍🏻今日食了雞翼尖、豬大腸、蘿蔔、油麵，再加大辣沙嗲汁，好味推介可惜最好味嘅魷魚🦑同東菇賣晒，下次一定要再去試😩😩😩

講起香港特色野食：車仔面三個字可以代表香港人既特色之一我好佩服香港人既智慧，將一啲唔起眼既食材繞身一變變成香港特色美食之一而係灣仔食車仔面一定要揀呢間，由立食開始到上鋪分店有得坐而呢間車仔面有幾樣我覺得係必食蘿蔔：超超超甜爽口…仲要無咋甜酸齋：有咬口…浸一陣湯別有一番風味豆卜：浸一浸辣湯索一索辣味辣醬：成碗車仔面既精粹，一碗車仔面既成敗就係睇個辣醬調教得好唔好，佢個辣醬好好味辣中帶少少甜又唔會太辣佢價錢公道，四樣料加個河粉都只係四十幾蚊稱得上你平靚正

Found out about this secret joint after a friend’s recommendation. Heard about their delicious soup and noodles so gotta give it a try.Very local looking, and the breakfast is quite recently priced, only 28 and comes with a drink, comparable to other cha chan teng around us.I picked squid balls and tofu with rice noodles. The tofu is delicious and soaked in all the soup goodness! Recommended!

突然好掛住車仔面的味道，lunch time到左，去到公司樓下附近之車仔面之家第一間分店，去到已經人山人海排晒隊啦。我排咗大約十分鐘，行到去櫃檯同阿姐講要食嘅嘢，店員服務態度好好，溫馨提示你，小心樓梯級，收台嘅阿姐都手腳快，再推介食甜酸齋、咖哩魷魚、雞翼、蘿白，好清甜而且沒有'查'。我最欣賞佢個湯底夠好清甜，好正囉，加辣仲好味添。如果有時無胃口，試下食呢間車仔面，正呀.P.S. 車仔面之家，總店喺晏頓街，不設坐位，只有立食，每到lunch time,永遠排長龍，叫外賣。但是食客愈來愈多。系灣仔食飯，大概40幾蚊就有一碗好美味嘅車仔麵啊，都算抵嘅。45元

好食，山長水遠專登去灣仔食。叫咗油麵，豬紅，豬大腸，豬皮，牛腩，魷魚（其實係咖喱魷魚）！ 湯好好味，餸都好足料，差d食唔哂。不過落order嗰阿姐態度唔太好，所以下次都唔想再去，費事食嘢好似受氣咁，特別係大熱天時。$52加$8可樂。好迫人，帶著大袋就唔好去喇。

灣仔呢間車仔麵勁出名 以前成日經無但唔想企係到食所以無得試 襯宜家有得買番公司食 當然要試下佢 叫咗蘿蔔 豬腸 酸齋 魷魚 加加埋埋都唔過40蚊 已經好耐無係hk 食過低於40蚊既lunch 非常抵食 湯底60分 但d 餸全部都好入味 個魷魚就差dd 放咗入湯 咩味都無哂 食唔到佢d 咖哩好唔好味 食完係好飽既 呢個價錢呢個質素 我覺得可以比75分 但唔係話世界級咁好味 仍然有好多其他車仔麵可以同佢一戰 如果大熱天企係到食就不了 冬天可以一試，同埋佢宜家好似開咗分店 有位坐

灣仔午餐之選,平日如果一班同事食都比較多係一啲中上價位既選項，有時自己一個食就唔介意搵啲地道啲既野食下。今日誤打誤撞黎左呢間出名車仔麵既新店。呢間舖頭行快餐車仔麵形式, 即係先落單俾錢再搵位坐低等叫號碼拎野食。因為本身唔知呢間係人氣野, 就隨意係餐牌到揀左魷魚,蘿蔔同埋甜酸齋跟左個河粉。點知坐低先見到呢一個餐牌寫住咖哩魷魚, 我都有一刻諗兩樣野會唔會有分別，最終上菜就証實左無喇,魷魚即係咖哩魷魚。因為本身唔食得辣既關係, 我覺得個魷魚好辣但又相當惹味，所以都忍住辣食哂佢，加上佢明顯口感上都唔係平時車麵食到既水魷,比較爽口而且易咬開,我覺得更好食。蘿蔔有少許渣但都係甜既, 甜酸齋就甜為主,而且分上,唔會浸到淋哂,抵讚!不過擺多兩陣都係會淋左有啲啲韌左。整體黎講食物唔錯, 餐廳亦都幾乾淨,再有機會一個人食飯又車麵癮起既時候我會再黎架。