輕鬆美食

营业中

休息中

呢度 D 咖喱非常香濃, 唔算太辣, 如果怕辣可以叫佢走辣油我怕食辣都食到.各式咖喱加野飲都係 $37 , 以食咖喱來講都算 OK推介咖喱雞排, 如果兩個人食一個乾煎咖喱都夠, 有飯又有多士另外呢度O既雞油飯都非常抵食, 外賣 $8蚊一盒, 平過白飯呢度 D 抄粉都好夠火喉, 可以試炒牛/肉片河, 星洲米, 廈門炒米.平均消費都係 $40 以下

海南雞飯~好好味~~~不過最好味都係佢D咖哩~~差唔多次次都食~BUT今次冇食~~下次一定會補返D咖哩相~佢樣樣都好好味~燴飯都好正~~D湯仲好好味~~第1次食日式炒鳥冬!!我個人唔係咁LIKE~

我個好朋友【肥豪】,雖然話九龍住及工作,但凡我休息,佢都會山長水遠到新界,join我到上水呢間茶餐廳,唔係飲茶就係午飯。上星期唔知點解突然休星期四,但今次打電話去問,竟然又正常營業喎!?約三點左右去到,泊好車後入內,當時堂食人客較少。坐低後【肥豪】叫『咖喱乾煎豬扒飯$35元』,我就叫下午茶餐『西多士+凍奶茶$17元』。『咖喱乾煎豬扒飯』,齋講賣相已經直逼高級西餐廳,加多幾塊炸香多士,同埋有鮮茄及蔬菜伴碟。另一大碗咖喱及一大碟白飯分開上。【肥豪】話咖喱味道香而濃郁,豬扒好薄炸得好香唔硬,飯口感亦好好,伴碟多士好脆口好香但幾油膩。之後現場堂食客越多,差唔多坐滿哂,眼見十個七八個都係食咖喱,證明咖喱係鎮鋪之寶。西多先由廚房炸好,顏色金黃炸得唔焦,太子女Suki手捧西多出水吧,再由佢親自操刀,將一塊正方形西多,切成四塊菱形,再均勻醮上糖漿及些微白沙糖,賣相真係少見兼有心思。我飲果杯凍奶茶,坦白講就真係麻麻,唔夠溶及唔夠奶味濃郁,呢方面就真係要減分啦!現場環境就真係麻麻,(椅)係用金屬面,充滿油膩唔得乾淨,地下濕淋淋好怕跣襯,希望佢地會改善下。但就硬係好多人幫襯,可能真係食物出品掂,呢下就真係靠