輝哥私房菜 (已結業)

我公司團年飯就擺左4圍酒席，真的了不起的私房菜，貨真價實，不能不讚可以在出面吃飯都可以飲到嚮螺紀草葺燉雞湯，飽魚好冧，條石斑魚好滑好鮮甜，還有海参，象拔蚌都是非常新鮮，最好味還可以點配花膠燉奶，吃飯同事們個個讚賞，話叫老闆開年春茗飯都要去輝哥私房菜吃，初四啟市啦！我們都會再過去吃，不過今次要吃和牛及其他菜式

地點位置如果唔係識飲識食朋友介紹嚟,真係搵唔到,門口亦都唔顯眼。 入到去女侍應,殷勤的服務就真係攞曬分,二話不就立刻送上熱"芝麻茶",還細心解說飲完唔眼瞓可以晚上放心入用。果晚又真。係有覺好瞓喎"芝麻茶"入口滑好清香芝麻味。小本經營,手寫餐牌,另一原因係廚師都會因應當日食材新鮮與否,將餐單有所修改。小菜幾十蚊就有交易,合乎經濟原則,係洗係尖沙咀食貴嘢。見隔離枱,叫的小菜,好夠火喉,下次要來試吓。豉油應該係自己調教 , 咸度適中,好好味,如果有芫荽供應就更加好。湯底越煲越野味,食完都唔覺口渴,應該係真材實料,好鮮味!唔係搵味精溝出嚟推介!自製牛丸大大粒,口感有的似山竹牛肉,跟火鍋都幾夾,第二間食唔到。推介2! "自家即製響鈴"上枱仲係熱辣辣, 好鬆好脆! 即製響鈴我都係第一次食。牛肉 脂肪度均勻 唔會太肥亦都唔會太就啱啱好!湯底裏面跟的花甲 ,有我成半隻手咁大 , 份量都唔少有成七八隻,真係新鮮食落口非常甜。

今天約了朋友一起去火鍋, 原來香港尖沙咀金巴利道77號東南大廈1樓的 “輝哥私房菜”都有火鍋食, 鍋底都有十多款可選。 私房菜當然也有很多選擇, 按個人喜好了。 特級安格斯牛頸脊, 肉質鮮紅很新鮮, 脂肪適中, 口感比手切更嫩滑，入口即化。 脆肉鯇魚片, 肉質結實, 入口爽脆彈牙, 非常新鮮。 手打鮮蝦滑和黒松露墨魚滑大大碟非常新鮮, 續少續少加入鍋內, 待慢慢脹大後撈起食, 鮮嫩彈牙。仲有蟹柳、肉丸...就知到這個火鍋配料份量非常豐富, 且吃落口的海鮮都都很彈牙及鮮味, 證明佢地的海鮮用料唔錯。

天氣開始冷了, 是吃火鍋最好的時節, 好自然去左在尖沙咀食的 “輝哥私房菜”。 我們叫了個藥膳花雕醉雞鍋, 半隻斬件花雕醉雞等你慢慢放進鍋裡熟食, 份量都算多。 蒜香炸魚皮, 入口鬆化酥脆, 蒜香濃郁, 非常好食, 值得一試。脆肉鯇片新鮮度高，滾幾滾肉質不散開，有鮮味的質感。還值得一提就是佢地用的茶包, 特別挑選了一種養身茶 “火麻茶包”, 具有潤腸通便, 改善便秘, 改善高血脂, 吃完火鍋飲番幾杯真是絕配。大家食到很飽，原來仲有好多特式小菜，大家齊看照片賣相已很吸引了, 下次一定要叫。

輝哥私房菜 適逢朋友啱啱考完試，唔使再係自修室日日坐監，於是我地幾個約出黎打邊爐。雖然係尖沙咀打邊爐嘅選擇好多，但大多數火鍋店唔係限時兼質素一般，就係太貴，係Openrice見到輝哥私房菜新開，價位又好似ok，就膽粗粗就黎試下。 火麻茶呢款涼茶店員強烈推介我地去飲，因為火麻茶有下火、降脂以及去宿便嘅作用，加上甜甜地又帶少少涼茶味，無論係功效上心理上都對準備大飲大食嘅我地非常適合。 足料豬骨鍋唔係講笑，呢個豬骨鍋足料到我以為叫咗煲湯。除咗豬骨之外，仲加咗好多蔬菜，成個湯底除咗有黑椒以及豬骨味，仲有鮮甜清爽蔬菜味，冇平時黑椒豬骨鍋咁燥熱（好似係）。 新鮮雞件可惜冇問到佢地係用咩雞，雞件嫩滑又唔會太肥，較啱時間滾起就食啱啱好，又唔會搞到成部都係雞油。 特級安格斯牛頸脊雖然佢呢度都有提供本地手切肥牛，但係唔係間間嘅火鍋店提供嘅本地肥牛嘅質素都係咁好，所以我哋都係叫特級安格斯牛頸脊。但就算係安格斯牛，每一塊牛頸脊都切到厚度均勻但又唔會太薄，脂肪嘅比例啱啱好而且又重牛味，比預期好食好多。 手打芝士鮮蝦丸呢個鮮蝦丸真係不得了，蝦滑爽口彈牙，煲極都唔會佬，加埋芝士粒，令到每一啖都激邪惡。又係必點之選。

輝哥除咗私房菜外，仲有火鍋。首先係清清地嘅胡椒豬肚花甲鍋，豬肚同花甲都可以食埋。花甲都有８-10隻。叫咗兩款牛肉，而牛肉偏向深色，花紋都幾均勻。第一款係本地手切肥牛，肉味比較濃。另一款係特級安格斯牛頸脊，肉質比較林。蜂巢豆腐，幾好味。新鮮鯇魚腩，鮮甜。黑柏葉，滾一分鐘左右，剛剛好。火鍋比較喜歡食皇帝菜。紫淮山，第一次見，火鍋食都幾好。花膠筒，又幾大片同有口感，唔錯。矇矓的炸魚皮，自家制，又幾脆喎。叫咗兩個生麵，比較少起火鍋一齊食，又幾好。看似平凡嘅豬肉丸，大大粒。肉丸係流心嘅 ... 咸蛋 ... 幾特別，第一次見。茶味比一般嘅茶有點不同，有點似日本麥茶，問了侍應，原來呢啲茶叫火麻茶。

前排和朋友一起去打邊爐去了這家隱世樓上鋪私房菜位於金巴利道地理位置很方便呢值得一提是侍應服務十分好每碟食物都會跟我們清楚說明我們點了豬骨湯底湯底超好足料有很多粟米和紅蘿蔔打邊爐最喜歡吃炸響鈴在滾湯中輕涮數秒就可食用侍應說響鈴是自家製造新鮮即炸牛頸脊好吃得無話可說肉質嫩滑牛肉味濃郁絕對是今晚的主角墨魚滑份量也很多口感彈牙味道鮮美還有我最喜愛的雲吞體積巨大餡料超級豐富最後還送了一張會員卡給我們下次再來光顧會有折扣呢

係尖沙咀放飯選擇真係多，本來諗住食老麥，跟住突然發現餐廳，見到餐牌啲價錢好似都ok，係openrice睇左一陣，最終決定去呢間餐廳，地方都算幾大，但員工好有熱心招呼我地，都幾貼心湯底店員強烈推薦我地叫個椰子雞煲食下，不過上枱之後我地都發現個椰子雞煲真係好唔錯下，店員話椰子雞煲用嘅雞，係走地雞黎架，入口肉味真係好濃下夠晒雞味，皮入口都真係脆身，湯底仲可以喝埋。西班牙豚肉呢度嘅西班牙豚肉雖然係冷藏貨，不過都真係有啲意思，份量足之餘，師傅係晚市前會預先解凍架,真係都幾貼心,等客人叫嘅時候，入口唔會有雪味貼心嘅服務再加埋唔錯嘅食物,餐廳都值得再食下

今日同同事收咗工過咗嚟呢間打邊爐，平時去開呢條街食開野，但真係冇留意到呢間舖，好似隱細手私房菜甘！我哋有三個人食，叫嘅餸唔算太多啱啱好食晒！三個人埋單1000四百幾！佢仲好好人送咗一張會員卡俾我哋！首先我哋嘅湯底係豬骨湯底，豬骨湯底來講都算足料㗎，未食都已經聞到左好濃郁嘅豬骨湯味！打邊爐梗係唔少得響鈴啦！佢啲響鈴真係冇得頂！十分之香口，侍應話佢哋呢啲響鈴係新鮮炸出嚟㗎！十分之用心！平時食米線都好鍾意食魚腐，今次口痕都叫咗一碟嚟食！佢真係好大舊！平時食開個啲比較薄身啲！但係佢呢個唔單只大件又好食！朋友叫咗一個美國桶蠔，一食就知好新鮮！鍾意食海鮮嘅你一定要嗌！另外仲叫咗白蘿蔔同埋豬腸粉！蘿蔔好鮮甜呀！咁大個女都係第一次食咁大粒嘅雲吞！真係想講好足料！！我哋仲叫完又叫！行開行埋可以過嚟呢間火鍋私房菜幫襯下！朋友見我推介完之後仲借咗我張會員卡去咗食，話我冇介紹錯！

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過打邊爐湯底湯底我地叫左個椰子雞鍋，呢個真係值得食下，雞係用走地雞，雞本身唔會太肥，入口夠肉味，連皮煮完都係脆身，真係一個幾令人驚喜。鵝腸呢度嘅鵝腸都真係幾有心思，夠份量唔再講，重點係鵝腸嘅肥膏師傅都好細心咁幫我地呢啲食客清走，唔會入口好多肥膏餐廳嘅火鍋都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得。

今日幫朋友慶祝生日,因為聽人講尖沙咀有個火鍋一直無咩時間去試，於是就去左試下，之前已經一直想食火鍋，但係一直都就唔到呢個北區fd，今日終於約到去食喇。一入去都令人覺得都幾大，地方俾人感覺都算寬敞。仲要望埋個街景，真係幾舒服架椰子雞呢個絕對值得讚下架，雞都幾肥美，感覺好鮮味，連皮都係脆，感覺都真係唔錯。竹笙你無睇錯呢度嘅竹笙真係新鮮架，夠晒份量，又唔會一夾好散呢度嘅火鍋真係幾豐富下，都算係咩都有啲，食左咁多肉緊係要食番啲菜中和下喇估唔到樓上舖頭都唔錯，真係令人幾意外，下次都要同其他人黎先得。

天氣開始轉涼了，當然要約三五知己去食火鍋啦！今晚約了朋友在尖沙咀金巴利道（三角公廁附近）上樓火鍋館「輝哥私房菜」打邊爐！當然這間餐廳不只食火鍋啦！還有小菜供應的。火鍋必備的醬料我們點了鴛鴦湯底分別是（四川麻辣鍋+胡椒豬肚花甲鍋）湯料好足喔！一點也不馬虎！麻辣鍋內有秀珍菇和豬紅；胡椒鍋內有花甲，豬肚和枝竹。紫淮山$48食藥善鍋既時候「白色淮山」就食得多！紫色嘅淮山都係第一次見。口感和味道和普通淮山差不多，但是比普通淮山大片。（建議紫色淮山越早放入湯底煲會越入味）牛骨髓$48每條都有肥又大嘅牛骨髓！（牛骨髓鈣質很豐富）好少地方可以叫這碟菜式，見到有就梗係要order啦！牛骨髓本身冇咩味，所以還是建議放在湯來滾耐啲，等湯汁滲入骨髓裡面。手打蝦籽滑$78新鮮魚雲$88+手打墨魚丸$68魚頭好新鮮，師傅洗得好乾淨，無咩血水所以魚頭煮起嚟冇咩腥味。手打墨魚丸，每粒都好大粒和彈牙！（推介）自製響鈴$48響鈴是必點的項目，尤其是這家店的響鈴是自家整的。把響鈴浸在湯中兩至三秒取起，入口是鬆脆的，好香腐竹味！（推介！）魚卜$68喜歡食魚的我，當然不會放過任何魚的部位啦！魚卜即是「魚鰾」主要是用來控制浮沉的

美食哥倫布今次去咗尖沙咀搵野食!有乜好野食？一齊睇下啦!話得私房菜就緊係唔會喺大街大巷！今次要上樓！不過只係上一層姐！上咗樓即時覺得私密度高晒！叫咗幾樣中菜試，最特別嘅係芝麻鴨！成件鴨都滿晒芝麻！所以好似炸咗甘好脆！食落去係甜嘅，因為啲芝麻係靠蜜糖痴住，喺其他地方無食過！天氣凍食鍋類就最適合喇！干鍋牛仔骨辣辣地超惹味！而且佢有好多肉，唔會淨係得骨～粉絲蒸象拔蚌仔好好食！象拔蚌好鮮甜！好爽口！上面好多粉絲同蒜！連啲粉絲都好好食！仲有兩樣簡單啲嘅小菜！蝦仁炒蛋啲蝦好大隻！蛋都炒得好嫩，而且好夠蛋味，唔會媾咗好多水咁！食完啲煲仔類食清少少，個菜揀咗上湯粉絲芥蘭！屋企人真係好鐘意食粉絲架姐！不過我一向都食肉獸黎，所以碟菜主要都屋企人食！

今日做完野係尖沙咀周圍行，本來諗搭西鐵走，跟住突然見到呢間餐廳.之前係朋友度都有聽過，今日咁岩見到就走左入去試下。一入去可能我地都比較早，所以唔洗等都已經有位。 健康茶根據餐廳職員講呢個茶係全港獨家的，我地好好彩咁岩有得飲，聽講可以消火消脂架四寶手打丸四寶手打丸粒粒都係真材實料都係師傅親手打，粒粒入口夠晒彈牙，一啲都唔會粉，仲好多肉汁，餐廳果然係手打，一啲都無花假本地手切牛肉牛肉最重要嘅一點係唔好煮太耐入口就會保持嫩滑，餐廳呢碟手切牛肉入口夠晒肉味，而且份量十足，又唔會太肥。自家製雲吞自家製雲吞最緊要皮薄餡靚，廚師包得唔錯，餡嘅份量十足，個人係雲吞嘅粉絲，餐廳絕對值得一讚因為自家製雲吞唔會爛，料又足。二個人食三樣野食到飽晒，真係好滿足，絕對值得再黎

今日黎尖沙咀揾個朋友，跟住為左揾個地方好好坐低傾下偈，就費事走出我mk揾野食，一上openrice就見到呢邊有多間食打邊爐嘅舖頭，於是就去左簡下有邊間好食，行行下見到呢間舖，作為火鍋發燒友嘅我地，就簡左呢度開飯喇。醉雞鍋一開始就緊係要簡個湯底先喇，呢個醉雞鍋個湯底真係好濃，入口有濃濃的花雕味，唔洗加入任何嘅配料，都好好喝，而且雞嘅份量唔小。自家雲吞雲吞好有口感，料夠晒多，加埋配料本身嘅鮮味，唔需要任何嘅調味都已經好正。脆肉鯇片未煮之前嘅非常亮身，煮後脆肉鯇片入口令人感覺脆滑身好夠鮮味，不過入口都唔小骨。黑柏葉煮後入口夠爽口，而且唔會有陣陣腥臭味，餐廳肯定係新鮮貨嘅。手打牛丸，手打蝦丸啲牛丸同蝦太粒粒都真材實料架，煮完粒粒都口感結實又夠彈牙今次嘅體驗都算幾好，比起一般任食嘅舖頭所有野都做得好更到位，食材亦都更加新鮮，有機會都要再黎先得