輝記小食 (已結業)

呢間串燒我哋成日都會幫襯，原因好簡單，因為好食又抵食🤨🤨，大部份都係$12一串，有得揀泰式酸辣/沙爹/子然粉。推介必試沙爹味，最正😋😋雖然佢嘅種類唔算太多，而且無咩好特別嘅款式，不過有時簡單就是美，所以就算成日食都仲會覺得好味😝😝⋯而且响公司附近，放工經過買嚟做宵夜fit哂🤩🤩仲有佢個袋都好正，上面印住《生活很苦，但我超甜》⋯其實美食同快樂一樣，都可以好簡單⋯開心D啦香港人💪🏻💪🏻

原本等過馬路坐車返屋企，但背後傳來陣陣牛雜香味，擰轉見好多人係度掃街買魚蛋、雞蛋仔...，因為個陣香味，我不禁行咗去排隊買牛雜😋，有兩種價錢$25同$30，分別在於多少，最後我買咗個大size加咗甜醬同芥辣，之後返屋企慢慢食，$30雖然唔係好多，但種類非常豐富的牛肚、牛肺..樣樣有D，最讚嘅係，D汁滲曬入牛什度非常入味。

I had the fake shark fin soup and i found it pretty tasty with lots of ingredients. It was pipping hot which is nice on a cool day. I didn’t get a chance to try their other menu items but the egg waffles smelled pretty good. I’ll probably try it out if I walk by again.

在現今的世代，百物都貴到媽媽聲。街頭小食首當其衝！多得了近年的旅遊業，令到有香港本土特色的小食，變得大受追捧，這樣的條件下，怎能不加價。平時食開得雞蛋仔，HKD7/8 一底，現在一個Doub…特別是旺區，HKD 15.00 一底是常有的事。今天，來到旺區，食個牛雜，已經價值不菲。真係感嘆街邊的小食不再平民。必食之選 牛雜 HKD 30.00我同肥膏兩人一碗。說真的，其實入面有十幾舊牛雜，沒有蘿白，算是不錯的了。牛膀好味，食落口有陣回甘的牛味。牛肚很稔！不過就有點過鹹。其他的都OK，但我們發現有粉腸？為甚麼在牛雜入面有粉腸呢？還是我們食錯？不過都係好好味的街邊小食。只是仍然不習慣，甘貴姐。貴但耐何好味。

The food is average. The spicy fishball's too spicy. The price for a bowl of fishballs and siumai was never stated clearly. Got three bowls of fish balls and siumai. They stated $25-$30 And they had me $90 total. After giving a $500 banknote, i went across the road and discovered that i got $310 changes only, crossing back to the side of the store, I told them they gave me $100 less. That woman argued and insisted that she gav me $410. And trying to pressure me by asking other customer if I have

兩隻大食積食完南記仲未肯收口行過隔籬輝記小食整多底超正雞蛋仔$15~呢間係我食過最正的雞蛋仔好味過媽X雞蛋仔多多聲,外脆內有肉餡蛋味香濃超級好吃大家行過記得買底試試呀^0^一邊寫一邊流口水呢~

經常途經此小食檔, 小人早已躍躍欲試, 這天買了$20大腸魚蛋來一嚐, 好味到爆燈!! 浸著牛雜的涵水汁濃得來不會過咸，而豬大腸腍滑入味、辣魚蛋超級煙靭，微微的辣意大大提升了整體的口感及味道層次!!魚蛋及大腸已經這麼滋味，不久將來一定試其牛雜的~~~ ^o^

細個個陣第一次食呢個格仔餅 已經一食上癮 令我每次去銅鑼灣都會選擇步行 因為咁就可以經過嘅時侯買番個食 但之後因為某啲原因 令我同佢足足闊別左成年期間我好掛念佢嘅味道 但始終無重聚到到今次我把心一橫 決定要重拾兒時嘅味道終於食到個一刻真係異常感動 香滑嘅花生酱同煉奶係口入面打轉 配上牛油令味道昇華不少 加上粒粒砂糖 將口感大大提升  我最欣賞佢係醬汁鋪得非常均勻 每一啖都可以食到幾種嘅味道混合一齊 有別於其他 啲醬唔會中間或最尾先食到 仲會漏落個紙袋到 可以食番個種味道真係好滿足 好有親切感 對我而言 有時 一個格仔餅更勝山珍海味以後一定會多啲食番

看飲食雜誌介紹魚蛋廠·是一間很有heart的製造工場·魚蛋中的魚從北海取的·很新鮮的·店主有提過幾間店向他取貨·大部分可在銅鑼灣及灣仔找到·這間是其中之一·店内有些汚糟·怕污糟的我如果不是雜誌介紹·路過一定不會試·店主態度颇火燥·不過不打緊·買完即吃·交流只是两句·魚蛋辣汁調得美味·辣度適中·魚蛋彈牙有魚味·是靚的魚蛋·怪不得檔主態度這樣囂·因為這個質素不愁沒有生意·($8六粒)·

差唔多每次o係呢頭落巴士 , 都會特意走黎天樂里呢度 ,幫襯輝記小食 , 最愛牛什 , 面筋 ( 齋 ) , 墨魚 , 牛柏葉 ~今日都唔例外 , 牛什要左一串 , 只需 $ 7 , 平過旺角 , 齋反而要 $ 8 , 仲貴過牛什 ?? 我都係比錢時先知 xp牛什一串有六片 , 我叫左走肺 , 膀同肚各得一件 , 其他都係腸 , 有肥有瘦 , 軟腍得黎好彈牙 , 不失嚼口 , 牛膀勁好味 , 無筋 , 粉嫩香甜 , 放第一食佢仲好夠熱牛肚煙韌 , 每樣都有一個共通點 , 就係非常入味 !!佢個牛什汁真係好好味 , 並不是一般o既五香味咁簡單而係特別香甜及濃郁 , 有少少似鹵水 , 有微微辛辣牛什因為呢個汁 , 本身己美味得唔需要加甜醬芥辣喇齋一串都只係得五六件 , 計落真係有 d 貴 , 放落辣魚蛋鍋裏面淥一淥 , 狠不到熱辣辣即刻放入口可惜用紙袋裝起後 , 辣汁都滲返晒出黎喇 , 仲好快唔熱齋本身無味 , 都係全靠辣汁 , 淥得夠透 , 唔好太淋 ,又唔可以隨便浸浸 , 如果唔係食落口中心仲係乾又有油益味就這樣好好掌握淥o既時間 , 就簡單地弄出美食來 , 當然呢一切背後o既大前提

星期五，放工時段，肚子又想食少少野。幫公司落了樓下買少少野之後，見街角魚蛋店炆出來的牛雜正好。在雞蛋仔同牛雜既誘惑之下。似乎牛雜比較靚少少。20元一盒仔，就"fing"一盒回公司，邊吃邊做埋少少手尾。牛雜汁是香濃的，五香粉一定是這汁的主角，濃烈的，像腩汁的味道，只有重手落五香粉才可以有這一種的味道。香，味濃，是好味的源頭，但以牛腩同牛雜來說，更需要的，是腍。炆得腍，易入口，更加是好。然而這個牛雜，無論腸、肺、肚、胰，都完全的入味同夠晒腍，啖啖美味又易咬的牛內臟，點點滴滴的肉汁，有香濃的味道，這感覺也許是美滿的。輕輕的，美滿的吃過一碗牛雜，肚子不再空虛。做做下野，時間又到了，星期五的晚上，還是早一點回家報到...

今日又經過,見佢貼住"慶祝12年人氣高企"..嘩,原來不知不覺就12年,真係好有實力! 今日食雞蛋仔,好脆好香,本人覺得仲好食過好出名果間,我仲買咗一盒魚蛋同燒賣,叫佢比多D汁,D汁返屋企煮野食都好正,如果佢有賣佢D咖哩醬就好喇,聽老闆講係佢自己秘製!!! 哈哈..有次我聽到個男仔話佢女朋友指定叫佢來呢間買,佢仲行咗搵咗好耐..2個字:必食!

幫o親咗好幾年先知open rice都有寫佢! 小食店嚟講,佢都算乾淨!每次經過最少都食幾串..佢D牛什好入味! 咖哩魚蛋夠彈牙,D汁好正! 燒賣加埋咖哩汁仲正!!佢的雞蛋仔好脆,一半係空心,食完唔會好滯,份量剛剛好,味道正,如果有時間可以等佢剛剛整好仲正!!樣樣都咁好味,有時真係好難揀!

在公司食完lunch仍然唔夠飽，走落街買番底雞蛋仔醫肚。雞蛋仔不是即叫即整，溫度已經大打折扣。雖然外層仍算是脆，不過餡料甚小，感覺好似食風咁，好削！也由於餡料太小，沒有什麼雞蛋香味，總之十分難食。好耐無食過咁差的雞蛋仔，但呢度始終不是專做雞蛋仔，只怪自己叫錯食物。下次來都係篤番串魚蛋穩陣D。

這吉魚蛋檔已開了都4 , 5 年.也估不到我自己都會有機會寫它呢~試過幾次, 在對面吧飲野, 飲到有點餓, 或口淡, 過來整返串;也有在側唱 k, 但唱到夜了, k 場冇野食, 走過來食 牛什...總之, 係回憶多籮籮啦.今日去邊買文具, 心血來潮, 整串辣魚蛋先.見到魚蛋未浸到 "泡", 咖哩汁也ok 才叫.6蚊有6粒.都算有咬口, 唔腥, 魚味算係咁, 媽媽腸味o羅.辣係小至中辣啦.過吓口癮, ok la.見牛什滾滾吓, 看也ok, 下次食牛什啦~